പോളിംഗ് ഉദ്യോഗസ്ഥർക്കുളള പരിശീലന കേന്ദ്രങ്ങളിലും വരണാധികാരിയുടെ ആസ്ഥാനത്ത് പോസ്റ്റൽ ബാലറ്റ് മുഖേന വോട്ട് ചെയ്യുന്നതിന് സജ്ജമാക്കിയിരുന്ന വോട്ടർ ഫസിലിറ്റേഷൻ സെന്ററുകൾ ഏപ്രിൽ 8 ന് വിതരണ-സ്വീകരണ-കേന്ദ്രങ്ങളിൽ  പ്രവർത്തിക്കും. നാളിതുവരെ സൗകര്യം ഉപയോഗപ്പെടുത്താത്ത എല്ലാ പോളിംഗ് ഉദ്യോഗസ്ഥരും ഏപ്രിൽ 8 ന് വിതരണ-സ്വീകരണ-കേന്ദ്രങ്ങളിലെ വോട്ടർ ഫസിലിറ്റേഷൻ സെന്ററുകൾ മുഖേനയുളള പോസ്റ്റൽ ബാലറ്റ് മുഖേന വോട്ട് ചെയ്യുന്നതിനുളള സൌകര്യം ഉപയോഗിക്കണമെന്നും ജില്ലാ തിരഞ്ഞെടുപ്പ് ഉദ്യോഗസ്ഥ അറിയിച്ചു.

ഏപ്രില്‍ ഒമ്പതിന് നടക്കുന്ന നിയമസഭ തിരഞ്ഞെടുപ്പുമായി ബന്ധപ്പെട്ട് പത്തനംതിട്ട ജില്ലയിലെ 5 മണ്ഡലങ്ങളില്‍ നിയോഗിക്കപ്പെട്ട പോളിംഗ് ഉദ്യോഗസ്ഥര്‍ക്കുളള പരിശീലനം പൂര്‍ത്തീയായി. പരിശീലനത്തിന് പങ്കെടുക്കാത്ത പോളിംഗ് ഉദ്യോഗസ്ഥര്‍ക്ക് മുന്‍പ് നിശ്ചയിച്ചിരുന്ന പരിശീലന കേന്ദ്രങ്ങളില്‍ ഏപ്രില്‍ ഏഴിന് രാവിലെ 10 മുതല്‍ പരിശീലനം സംഘടിപ്പിച്ചിട്ടുണ്ട്. പങ്കെടുക്കാത്ത ഉദ്യോഗസ്ഥര്‍ക്കെതിരെ കര്‍ശന അച്ചടക്ക നടപടി സ്വീകരിക്കുമെന്ന് ജില്ല തിരഞ്ഞെടുപ്പ് ഓഫീസറും ജില്ല കലക്ടറുമായ എസ് പ്രേംകൃഷ്ണന്‍ അറിയിച്ചു.
 

2026 ലെ കേരള നിയമസഭ തിരഞ്ഞെടുപ്പുമായി ബന്ധപ്പെട്ട ക്രമീകരണങ്ങൾ ജില്ലയിൽ പൂർത്തിയായതായി ജില്ലാ തിരഞ്ഞെടുപ്പ് ഉദ്യോഗസ്ഥയും ജില്ലാ കലക്ടറുമായ ശിഖ സുരേന്ദ്രൻ അറിയിച്ചു.

ഈ വർഷം ജില്ലയിൽ ആകെ 25,32,715 വോട്ടർമാർ വോട്ടവകാശം വിനിയോഗിക്കാൻ അർഹരായിട്ടുണ്ട്. ഇതിൽ 12,28,118 പുരുഷന്മാരും, 13,04,580 സ്ത്രീകളും, 17 ട്രാൻസ്‌ജെൻഡർ വോട്ടർമാരുമാണ് ഉൾപ്പെടുന്നത്. എല്ലാ വോട്ടർമാർക്കും വോട്ട് ചെയ്യാൻ സൗകര്യമൊരുക്കുന്നതിനായി ബൂത്ത് ലെവൽ ഓഫീസർമാർ (ബി.എൽ.ഒ) മുഖേന വോട്ടർ സ്ലിപ്പുകൾ വിതരണം ചെയ്യുന്ന നടപടികൾ പൂർത്തീകരിച്ചു.

നിയമസഭ തിരഞ്ഞെടുപ്പുമായി ബന്ധപ്പെട്ട്  ജില്ലയില്‍ ആന്റി ഡീഫേയ്സ്മെന്റ് സ്‌ക്വാഡിന്റെ നേതൃത്വത്തില്‍ ഏപ്രില്‍ അഞ്ച് വരെ നീക്കം ചെയ്തത് 24,697 പ്രചാരണ സാമഗ്രികള്‍. 18759 പോസ്റ്റര്‍, 1741 ബാനര്‍, 4187 മറ്റ് പ്രചരണ ബോര്‍ഡ് എന്നിവയാണ് നീക്കം ചെയ്തത്. മാതൃക പെരുമാറ്റച്ചട്ടം നോഡല്‍ ഓഫീസര്‍ ഡി എം ഡെപ്യൂട്ടി കലക്ടര്‍ ജി സുരേഷ് ബാബു, അസിസ്റ്റന്റ് നോഡല്‍ ഓഫീസര്‍ കിഫ്ബി സ്പെഷ്യല്‍ തഹസില്‍ദാര്‍ ജി ആനന്ദ് എന്നിവരുടെ മേല്‍നോട്ടത്തിലാണ് സ്‌ക്വാഡിന്റെ പ്രവര്‍ത്തനം.

നിയമസഭാ തിരഞ്ഞെടുപ്പുമായി ബന്ധപ്പെട്ട് സുരക്ഷ ക്രമീകരണം പൂര്‍ത്തിയായതായി ജില്ല പൊലിസ് മേധാവി ആര്‍ ആനന്ദ്. ക്രമസമാധാനത്തിനായി മൂവായിരത്തോളം പൊലിസ് ഉദ്യോഗസ്ഥരെ നിയോഗിച്ചിട്ടുണ്ട്.
ജില്ലയിലെ 25  പ്രശ്ന ബാധിത ബൂത്തുകളില്‍ സുരക്ഷ സംവിധാനം ശക്തിപ്പെടുത്തും. വോട്ടിംഗ് സാമഗ്രികളുടെ വിതരണ സ്വീകരണ കേന്ദ്രങ്ങളിലും വോട്ടെണ്ണല്‍  കേന്ദ്രങ്ങളിലും സുരക്ഷ കര്‍ശനമാക്കും.
പരസ്യപ്രചാരണം അവസാനിക്കുന്ന സമയം തിരഞ്ഞെടുപ്പ് കമ്മീഷന്‍ നിര്‍ദേശിച്ച എല്ലാവിധ നിയമ നടപടിയും സ്വീകരിക്കും. സമാധാനപൂര്‍ണമായ തിരഞ്ഞെടുപ്പിന് രാഷ്ട്രീയ പാര്‍ട്ടികളുടെ പിന്തുണ ജില്ല പൊലിസ് മേധാവി അഭ്യര്‍ഥിച്ചു.

നിയമസഭ തിരഞ്ഞെടുപ്പിന് പത്തനംതിട്ട ജില്ല പൂര്‍ണ്ണ സജ്ജമായെന്ന് ജില്ല തിരഞ്ഞെടുപ്പ് ഓഫീസര്‍ കൂടിയായ ജില്ല കലക്ടര്‍ എസ് പ്രേം കൃഷ്ണന്‍. കലക്ടറേറ്റ് ഗവി കോണ്‍ഫറന്‍സ് ഹാളില്‍ അവസാനഘട്ട

ജില്ലയിലെ വിവിധ ബൂത്തുകളിലേക്കുള്ള പോളിംഗ് സാമഗ്രികളുടെ വിതരണം ഇന്ന് നടക്കും. അതത് മണ്ഡലങ്ങളിൽ സജ്ജീകരിച്ചിട്ടുള്ള വിതരണ കേന്ദ്രങ്ങളിൽ രാവിലെ   എട്ട്മണി മുതലാണ് വിതരണം ആരംഭിക്കുക. ജില്ലയിൽ ആകെ  3173 ബൂത്തുകളാണ് തയ്യാറാക്കിയിട്ടുള്ളത്. മണ്ഡലം  വിതരണ കേന്ദ്രം എന്നിവ ചുവടെ

വർക്കല-എസ് എൻ കോളേജ്, വർക്കല

ആറ്റിങ്ങൽ - ഗവ. മോഡൽ ബോയ്സ് ഹയർസെക്കണ്ടറി സ്‌കൂൾ, ആറ്റിങ്ങൽ

ചിറയിൻകീഴ് - ഗവ. കോളേജ്, ആറ്റിങ്ങൽ

വാമനപുരം -മോഹൻദാസ് എഞ്ചിനിയറിംഗ് കോളേജ്, ആനാട്

നെടുമങ്ങാട് - ഗവ. ഗേൾസ് ഹയർസെക്കണ്ടറി സ്‌കൂൾ, നെടുമങ്ങാട്

കാട്ടാക്കട-ക്രിസ്ത്യൻ കോളേജ്, കാട്ടാക്കട

നിയമസഭാ തിരഞ്ഞെടുപ്പ് ഡ്യൂട്ടിയ്ക്ക് നിയോഗിക്കപ്പെട്ട പ്രിസൈഡിംഗ് ഓഫീസർ, ഫസ്റ്റ് പോളിംഗ് ഓഫീസർ, പോളിംഗ് ഓഫീസർ എന്നിവരുടെയും മൈക്രോ ഒസ്ബർവർമാരുടേയും അവസാനഘട്ട റാൻഡമൈസേഷൻ  പൂർത്തിയായി.

പ്രിസൈഡിംഗ് ഓഫീസർമാർ, പോളിംഗ് ഓഫീസർമാർ എന്നിവർക്ക് തങ്ങൾ ഡ്യൂട്ടി ചെയ്യേണ്ട ബൂത്ത് തരംതിരിച്ച് നൽകുന്ന നടപടിയാണ് പൂർത്തിയായത്.

നിയമസഭ തിരഞ്ഞെടുപ്പിനുള്ള വോട്ടിങ് യന്ത്രങ്ങളുടെയും മറ്റ് പോളിങ് സാമഗ്രികളുടെയും വിതരണം ഇന്ന് (ഏപ്രില്‍ 8) രാവിലെ എട്ട് മുതല്‍ ജില്ലയിലെ വിവിധ വിതരണ-സ്വീകരണ കേന്ദ്രങ്ങളില്‍ നടക്കും. പോളിങ് സാമഗ്രികള്‍ കൈപ്പറ്റിയ ഉദ്യോഗസ്ഥരെ പ്രത്യേക വാഹനങ്ങളില്‍ പോളിങ് ബൂത്തുകളില്‍ എത്തിക്കും. ഇതിനായി 1,217 വാഹനങ്ങള്‍ ജില്ലയില്‍ തയാറാക്കിയിട്ടുണ്ട്. പോളിങ് ഉദ്യോഗസ്ഥരുടെ യാത്രയില്‍ പൊലീസും റൂട്ട് ഓഫീസറും അനുഗമിക്കും. വിതരണ കേന്ദ്രങ്ങളില്‍ വിപുലമായ സുരക്ഷാ സന്നാഹം ഒരുക്കിയിട്ടുണ്ട്. വോട്ടെടുപ്പിന് ശേഷം ഇതേ കേന്ദ്രങ്ങളില്‍ തന്നെയാണ് സാമഗ്രികള്‍ തിരിച്ചേല്‍പ്പിക്കേണ്ടത്. 

നിയമസഭ തിരഞ്ഞെടുപ്പുമായി ബന്ധപ്പെട്ട സുരക്ഷാ മുന്‍കരുതല്‍ നടപടികളുടെ ഭാഗമായി ജില്ലയിലെ പടക്കക്കടകള്‍ ഏപ്രില്‍ 7 മുതല്‍ 10 വരെ അടച്ചിടണമെന്ന് ജില്ലാ തെരഞ്ഞെടുപ്പ് ഓഫീസറായ ജില്ലാ കലക്ടര്‍ സ്നേഹില്‍ കുമാര്‍ സിങ് അറിയിച്ചു.