സെന്‍സസ് 2027ന്റെ ഭാഗമായി ശേഖരിക്കുന്ന വിവരങ്ങള്‍ സമയബന്ധിതമായി സെന്‍സസ് പോര്‍ട്ടലില്‍ നല്‍കുന്നതില്‍ വീഴ്ചവരുത്തരുതെന്ന് പ്രിന്‍സിപ്പല്‍ സെന്‍സസ് ഓഫീസറും ജില്ലാ കലക്ടറുമായ ആനി  ജൂലാ തോമസ്. ഓണ്‍ലൈന്‍ യോഗംചേര്‍ന്ന് പ്രവര്‍ത്തനപുരോഗതി വിലയിരുത്തകയായിരുന്നു. വിവരശേഖരണത്തിനായി രൂപീകരിച്ച വീടുകളുടെ സമാഹാരമായ എച്ച് എല്‍ ബികളിലെ വിവരശേഖരണം 40 ശതമാനത്തില്‍ താഴെ ചിലഇടങ്ങളില്‍ കണ്ടെത്തിയ സാഹചര്യത്തിലാണ് കര്‍ശന നിര്‍ദേശം.

 
കൊല്ലം ജില്ലയിലെ കരിമണല്‍ഖനനംചെയ്ത് പ്രവര്‍ത്തിക്കുന്ന കേന്ദ്ര-സംസ്ഥാന പൊതുമേഖലാസ്ഥാപനങ്ങളായ ചവറയിലെ ഐ.ആര്‍.ഇ, കെ. എം.എം.എല്‍ എന്നിവയ്ക്ക് പരാതിരഹിതമായി പ്രവര്‍ത്തിക്കുന്നതിനാവശ്യമായ നിര്‍ദേശങ്ങള്‍ നല്‍കി വനം വകുപ്പ് മന്ത്രി ഷിബുബേബി ജോണ്‍. ജില്ലാ കലക്ടറുടെ സാന്നിധ്യത്തില്‍ ചേമ്പറില്‍ വിളിച്ചുചേര്‍ത്ത യോഗത്തിലാണ് നിര്‍ദേശം.

മുങ്ങിമരണമെന്നഅപകടം ഒഴിവാക്കാന്‍ അതീവജാഗ്രതവേണമെന്ന് ജില്ലാ കലക്ടര്‍ ആനി ജൂല തോമസ്. വിനോദയാത്രകളിലും അവധിക്കാല ആഘോഷങ്ങളിലും ഉണ്ടാകുന്ന അപകടങ്ങളില്‍ പ്രധാനപങ്ക് ഇത്തരം മരണങ്ങള്‍ക്കാണെന്ന് കണക്കുകള്‍ സൂചിപ്പിക്കുന്നു.  ജൂലൈ 25 അന്താരാഷ്ട്ര മുങ്ങിമരണ പ്രതിരോധ ദിനാചരണത്തിന്റെ പശ്ചാത്തലം കൂടിയാണിത്.  ‘മാറ്റത്തിനായി ഒന്നിക്കാം' ദിനാചരണ സന്ദേശമുയര്‍ത്തിയാണ് ദുരന്തനിവാരണ വിഭാഗം മുന്‍കരുതലിന് കൈകോര്‍ക്കുന്നത്. സമ്പൂര്‍ണ പ്രതിരോധത്തിനായി പൊതുജനത്തിന്റെ പങ്കാളിത്തം ഒഴിവാക്കാനാകാത്തതുമാണ്.

  ചന്ദനത്തോപ്പ്   സര്‍ക്കാര്‍ ഐ.ടി.ഐ യില്‍   വനിതകള്‍ക്കായി സംവരണം ചെയ്തിരിക്കുന്ന മെട്രിക്, നോണ്‍ മെട്രിക് ട്രേഡുകളില്‍ ഒഴിവുള്ള   സീറ്റുകളിലേക്ക് ജൂലൈ 28 വരെ അപേക്ഷിക്കാം. ഫോണ്‍: 8921146626.
 
 

കുന്നത്തൂര്‍ ഗ്രാമപഞ്ചായത്തിലെ പുത്തനമ്പലം ഐവര്‍ക്കാലയില്‍ സ്ഥിതിചെയ്യുന്ന   ജില്ലാ   പഞ്ചായത്തിന്റെ അധീനതയിലുള്ള വനിത പട്ടികജാതി വ്യവസായ എസ്റ്റേറ്റിലെ 3 ഷെഡുകളില്‍ വ്യവസായ സംരംഭം തുടങ്ങുന്നതിന് പട്ടികജാതി വനിതാവിഭാഗത്തില്‍പ്പെട്ടവര്‍ക്ക് അപേക്ഷിക്കാം. ഫോണ്‍: 8921190730, 9745837773, 9497358923, 9447860083.
 

സംസ്ഥാന സര്‍ക്കാരിന്റെ നൈപുണ്യ വികസന വകുപ്പിന് കീഴില്‍ ചവറയില്‍ പ്രവര്‍ത്തിക്കുന്ന ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫ്രാസ്ട്രക്ചര്‍ ആന്‍ഡ് കണ്‍സ്ട്രക്ഷനില്‍ (ഐ.ഐ.ഐ.സി) വിവിധ തൊഴിലധിഷ്ഠിത പരിശീലന കോഴ്സുകളിലേക്ക് ഓഗസ്റ്റ് 10 വരെ അപേക്ഷിക്കാം. ഒരു വര്‍ഷം ദൈര്‍ഘ്യമുള്ള പോസ്റ്റ് ഗ്രാജുവേറ്റ് പ്രോഗ്രാമുകള്‍, ആറു മാസം ദൈര്‍ഘ്യമുള്ള അഡ്വാന്‍സ് ഡിപ്ലോമ പരിശീലനങ്ങള്‍, മൂന്നു മാസം വരെയുള്ള ടെക്‌നീഷ്യന്‍ കോഴ്സുകള്‍, കേന്ദ്ര-സംസ്ഥാന സര്‍ക്കാരുകള്‍ സ്പോണ്‍സര്‍ ചെയ്യുന്ന പദ്ധതികള്‍ എന്നിവയിലേക്കാണ് പ്രവേശനം.

 ജില്ലാ വികസന സമിതി യോഗം  ജൂലൈ 25ന്   രാവിലെ 11ന്   കലക്ട്രേറ്റ്  കോണ്‍ഫറന്‍സ് ഹാളില്‍ ചേരും.
 

 കുളക്കട അസാപ് കമ്മ്യൂണിറ്റി സ്‌കില്‍ പാര്‍ക്കില്‍   ആരംഭിക്കുന്ന യൂസര്‍ എക്സ്പീരിയന്‍സ് ഡിസൈനര്‍   കോഴ്സിലേക്ക്   ട്രെയിനര്‍മാരെ ആവശ്യമുണ്ട്.  യോഗ്യത:   സയന്‍സ് /കമ്പ്യൂട്ടര്‍ സയന്‍സ് /ഇലക്ട്രോണിക്സ് ആന്‍ഡ് എഞ്ചിനീയറിംഗ്/ഇന്‍ഫര്‍മേഷന്‍ ടെക്നോളജിയില്‍ ബിരുദം. ഫോണ്‍ : 9495999672, 9495999762.
 

എഴുകോണ്‍ സര്‍ക്കാര്‍ പോളിടെക്‌നിക് കോളേജിലെ റഗുലര്‍ ഡിപ്ലോമ കോഴ്‌സില്‍ ഒഴിവുള്ള   സീറ്റുകളിലേക്ക്  ജൂലൈ 29ന്   സ്പോട്ട് അഡ്മിഷന്‍ നടത്തും.   റാങ്ക് ലിസ്റ്റില്‍  ഉള്‍പ്പെട്ടവര്‍ക്കും പുതിയ അപേക്ഷകര്‍ക്കും പങ്കെടുക്കാം. അസല്‍ സര്‍ട്ടിഫിക്കറ്റുകള്‍ സഹിതം ഹാജരാകണം.  രാവിലെ  ഒമ്പത് മുതല്‍ 10 മണി വരെയാണ് രജിസ്ട്രേഷന്‍. ഫോണ്‍:   9447797354, 8547536381, 9745226221.