നിയമസഭാ തിരഞ്ഞെടുപ്പ് 2026:

ജില്ലയിൽ ഇതുവരെ രേഖപെടുത്തിയത് 76.29% വോട്ടുകൾ

പോളിങ് ശതമാനം നിയോജകമണ്ഡലാടിസ്ഥാനത്തിൽ 

1. ചടയമംഗലം - 74.43%

2. ചാത്തന്നൂർ - 75.89%

3. ചവറ - 77.93%

4. ഇരവിപുരം - 77.33%

5. കരുനാഗപ്പള്ളി - 78.82%

6. കൊല്ലം - 77.43%

7. കൊട്ടാരക്കര- 75.12%

8. കുണ്ടറ - 78.24%

9. കുന്നത്തൂർ - 77.81 %

10. പത്തനാപുരം- 75.17%

11. പുനലൂർ - 70.99 %

പോളിങ് നടപടികള്‍ പൂര്‍ത്തിയാക്കി ഉദ്യോഗസ്ഥര്‍ സ്വീകരണ കേന്ദ്രങ്ങളില്‍ എത്തിക്കുന്ന ബാലറ്റ് യൂണിറ്റുകള്‍ സട്രോങ് റൂമുകളില്‍ കനത്ത സുരക്ഷയില്‍ സൂക്ഷിക്കും. വോട്ടിംഗ് യന്ത്രങ്ങള്‍ സൂക്ഷിക്കുന്ന സ്ട്രോങ്ങ് റൂമുകള്‍ക്ക് കേന്ദ്രസേനയെയും സായുധ സേനയെയും ലോക്കല്‍ പോലീസിനെയും ഉള്‍പ്പെടുത്തി മൂന്ന് തട്ടുകളിലുള്ള സുരക്ഷാ സംവിധാനമാണ് ഏര്‍പ്പെടുത്തിയിട്ടുള്ളത്. ഇന്നര്‍ കോര്‍ഡോണില്‍ കേന്ദ്ര സേനയുടെ 384 സേനാംഗങ്ങളുടെയും പെരിഫറല്‍ പട്രോള്‍ ആയി ലോക്കല്‍ പൊലിസിന്റെ സേനാംഗങ്ങളെയും ഉള്‍പ്പെടുത്തിയ സുരക്ഷാ ക്രമീകരണങ്ങളാണ് ഏര്‍പ്പെടുത്തിയിട്ടുള്ളത്.  മെയ് നാലിനാണ് വോട്ടെണ്ണല്‍.

നിയമസഭാ പൊതു തെരഞ്ഞെടുപ്പിൽ ജില്ലയിലെ 16 നിയമസഭാ മണ്ഡലങ്ങളിലായി 79.68 ശതമാനം പോളിങ്. രാവിലെ വോട്ടെടുപ്പ് ആരംഭിച്ച ഏഴു മുതല്‍ തന്നെ ജില്ലയില്‍ കനത്ത പോളിങ്ങാണ് രേഖപ്പെടുത്തിയത്. ഏറനാട് മണ്ഡലത്തിലാണ് ഏറ്റവും കൂടുതല്‍ പോളിങ് രേഖപ്പെടുത്തിയത്. 83.27 % ആണ് ഇവിടെ പോളിങ്. ഏറ്റവും കുറവ് പോളിംഗ് പൊന്നാനി മണ്ഡത്തിലാണ്. 73.97%. 

വോട്ടെടുപ്പ് സമാധാനപരമായിരുന്നു. വോട്ടെടുപ്പ് അവസാനിക്കുന്ന വൈകീട്ട് ആറിനും ചില മണ്ഡലങ്ങളിലെ ബൂത്തുകളില്‍ വോട്ടര്‍മാരുടെ നിരയുണ്ടായിരുന്നു. വൈകീട്ട് ആറിന് ക്യൂവില്‍ നിന്ന എല്ലാവര്‍ക്കും ടോക്കണ്‍ കൊടുത്ത് വോട്ടെടുപ്പ് പൂര്‍ത്തിയാക്കി. 

ജില്ലയിൽ ഭിന്നശേഷിക്കാര്‍ക്ക് വോട്ട് രേഖപ്പെടുത്തുന്നത് സുഗമമാക്കാന്‍ വിപുലമായ സൗകര്യങ്ങള്‍ ഒരുക്കിയതിനു പുറമെ മുഴുവനായും ഭിന്നശേഷി സൗഹൃദമായ മൂന്നു ബൂത്തുകളും ഒരുക്കി.

വിവിധ തരത്തിലുള്ള ശാരീരിക ബുദ്ധിമുട്ടുകള്‍ അനുഭവിക്കുന്ന എല്ലാവര്‍ക്കും വോട്ട് ചെയ്യുന്നതിനുള്ള സജ്ജീകരണങ്ങളോടെയായിരുന്നു ബൂത്തുകള്‍ ഒരുക്കിയത്. ഇതിന് പുറമെ ജില്ലയിൽ 

മലപ്പുറം ജില്ലയുടെ തെരഞ്ഞെടുപ്പ് ചരിത്രത്തിൽ ആദ്യമായി 2026 നിയമസഭ തെരഞ്ഞെടുപ്പിൽ പുഞ്ചക്കൊല്ലി വനത്തിനകത്തുള്ള പോളിംഗ് ബൂത്തിൽ വെബ്കാസ്റ്റിംഗ് സംവിധാനം ഒരുക്കി ജില്ലാ ഭരണകൂടം.

നിലമ്പൂർ നിയോജക മണ്ഡലത്തിലെ ഷാഡോ പോളിംഗ് സ്റ്റേഷനായ 42 നമ്പർ ബൂത്തായ മോഡൽ പ്രീ സ്കൂൾ പുഞ്ചക്കൊല്ലിയിലാണ് ചരിത്ര തീരുമാനം നടപ്പിലാക്കിയത്.

ജെൻസി ബൂത്തിലെത്തിയവർക്ക് ഹൽവ ബോക്സും താങ്ക്സ് കാർഡും സമ്മാനം

ജില്ലയിൽ പ്രത്യേകമായി സജ്ജീകരിച്ച യൂത്ത് പോളിം​ഗ് ബൂത്തുകളിൽ കന്നി വോട്ടർമാരുടെ സജ്ജീവ പങ്കാളിത്തം. ജില്ലയിൽ 14 യൂത്ത് ബൂത്തുകളാണ് (ജെൻസി ബൂത്ത്) സജ്ജീകരിച്ചത്. വോട്ടെടുപ്പിൽ യുവജനതയുടെ സജ്ജീവ പങ്കാളിത്തം ഉറപ്പാക്കുന്നതിനാണ് ക്രമീകരണങ്ങൾ ഒരുക്കിയത്.

നിയമസഭാ തിരഞ്ഞെടുപ്പ് നിരീക്ഷിക്കുന്നതിനും വിലയിരുത്തുന്നതിനുമായി വിവിധ വിദേശ രാജ്യങ്ങളിൽ നിന്നും എത്തിയ സംഘം ജില്ലാ കളക്ടറേറ്റ് സന്ദർശിച്ചു. കളക്ടറേറ്റ് കോൺഫറൻസ് ഹാളിൽ സജ്ജീകരിച്ച ജില്ലാ വെബ്കാസ്റ്റിംഗ് കൺട്രോൾ റൂമിലെ പ്രവർത്തനങ്ങൾ സംഘം വിലയിരുത്തി.

മലപ്പുറം ജില്ലയിലെ മൂന്ന് പ്രത്യേക ഭിന്നശേഷി സൗഹൃദ ബൂത്തുകളില്‍ വോട്ട് ചെയ്ത് മടങ്ങുന്നവര്‍ക്ക് പ്രത്യേക അഭിനന്ദന കാര്‍ഡും  മിഠായിയും ലഭിക്കും.  ഇത് ആദ്യമായാണ് വോട്ട് ചെയ്ത് മടങ്ങുന്നവര്‍ക്ക് മധുരവിതരണം ജില്ലാ ഭരണകൂടവും സ്വീപ്പും നടപ്പിലാക്കുന്നത്. മലപ്പുറം നിയമസഭാ മണ്ഡലത്തിലെ ബൂത്ത് നമ്പര്‍ 152 ഗവണ്‍മെന്റ് കോളേജ് മലപ്പുറം, മഞ്ചേരി നിയോജക മണ്ഡലത്തിലെ ബൂത്ത് നമ്പര്‍ 138 മഞ്ചേരി ഹയര്‍ സെക്കന്‍ഡറി സ്‌കൂള്‍,  വണ്ടൂര്‍ നിയോജക മണ്ഡലത്തിലെ ബൂത്ത് നമ്പര്‍ 74 ഗവണ്‍മെന്റ് വൊക്കേഷണല്‍ ഗേള്‍സ് ഹയര്‍ സെക്കന്‍ഡറി സ്‌കൂളിലും ആണ് ഭിന്നശേഷി സൗഹൃദ ബൂത്തുകളായി പ്രവര്‍ത്തിക്കുന്നത്.

നിയമസഭാ മണ്ഡലങ്ങള്‍: 16

സ്ഥാനാര്‍ത്ഥികള്‍: 95

വോട്ടര്‍മാര്‍: 3632210 ലക്ഷം

പുരുഷന്‍: 1819198

സ്ത്രീ: 1812974

ട്രാന്‍സ്ജെന്‍ഡര്‍: 38

ഭിന്നശേഷിക്കാര്‍: 29796
 
85 വയസിന് മുകളിലുള്ളവര്‍: 14168
 
പ്രവാസികള്‍: 41962

കന്നി വോട്ടര്‍മാര്‍: 111463

സര്‍വ്വീസ് വോട്ടര്‍മാര്‍: 1831

ആകെ പോളിങ് ബൂത്തുകള്‍: 3689

ഓക്സിലറി ബൂത്തുകള്‍: 7

മാതൃകാ ബൂത്തുകള്‍: 48
 
പിങ്ക് ബൂത്തുകള്‍: 80

ഇന്‍ക്ലൂസീവ് പോളിങ് ബൂത്തുകള്‍: 3

പ്രശ്ന സാധ്യതാ ബൂത്തുകള്‍: 43

ഷാഡോ ബൂത്ത്- 15

നിയമസഭാ തെരഞ്ഞെടുപ്പിനോടനുബന്ധിച്ച് ജില്ലയില്‍ നാളെ (വ്യാഴം) നടക്കുന്ന വോട്ടെടുപ്പും മറ്റു പ്രക്രിയകളും തത്സമയം നിരീക്ഷിക്കുന്നതിനും സുഗമവും സുതാര്യവുമായ വോട്ടെടുപ്പ് ഉറപ്പാക്കുന്നതിനും വിപുലമായ സംവിധാനങ്ങളൊരുക്കി ജില്ലാ തെരഞ്ഞെടുപ്പ് വിഭാഗം. ജില്ലാ ആസൂത്രണ സമിതി ഹാളിലാണ് കണ്‍ട്രോള്‍ റൂം സജ്ജമാക്കിയിരിക്കുന്നത്.