കേരളത്തിന്റെ സാമൂഹിക പുരോഗതിയുടെ ചരിത്രത്തെ അടിസ്ഥാനപ്പെടുത്തിയുള്ള വിജ്ഞാന യാത്ര-ചീഫ് മിനിസ്റ്റേഴ്‌സ് മെഗാ ക്വിസിന് പത്തനംതിട്ട ജില്ലയില്‍  തുടക്കം.

സമഗ്രശിക്ഷാ കേരള പത്തനംതിട്ട ജില്ലയിലെ കോഴഞ്ചേരി ബിആര്‍സി, ഭിന്നശേഷി കുട്ടികള്‍ക്കായി 'സഫലമീയാത്ര' എന്ന പേരില്‍ വിമാനയാത്ര സംഘടിപ്പിച്ചു. കൊച്ചിയില്‍ നിന്ന് തിരുവനന്തപുരത്തേയ്ക്ക് 19 കുട്ടികളാണ് പറന്നെത്തിയത്. വിമാനയാത്രക്ക് ശേഷം കുട്ടികള്‍ ആരോഗ്യ വനിത ശിശുവികസന വകുപ്പ് മന്ത്രി വീണാ ജോര്‍ജിനെ കണ്ട് സന്തോഷം പങ്കുവച്ചു. നിയമസഭയിലെ മന്ത്രിയുടെ ചേംബറിലെത്തിയ കുട്ടികള്‍ക്ക് മന്ത്രി മധുരവും പൂക്കളും സമ്മാനിച്ചു. കുട്ടികള്‍ വിമാന യാത്രാ വിശേഷങ്ങള്‍ പങ്കുവയ്ക്കുകയും പാട്ട് പാടുകയും ചെയ്തു.

സംസ്ഥാന യുവജനക്ഷേമ ബോര്‍ഡ് ജില്ലാ യുവജന കേന്ദ്രം, മൊകേരി ഗവ. കോളേജ് എന്‍.എസ്.എസ് യൂണിറ്റ് എന്നിവയുടെ ആഭിമുഖ്യത്തില്‍ ദേശീയ യുവജന ദിനാചരണം സംഘടിപ്പിച്ചു. മൊകേരി ഗവ. കോളേജില്‍ നടന്ന ചടങ്ങ് സംസ്ഥാന യുവജന കമീഷന്‍ അംഗം പി സി ഷൈജു ഉദ്ഘാടനം ചെയ്തു. അഷ്‌റഫ് കൊയിലാത്തുംകണ്ടി അധ്യക്ഷനായി. 'യുവജനങ്ങളും നവോത്ഥാനവും' വിഷയത്തില്‍ നടന്ന സെമിനാറില്‍ അഡ്വ പി രാഹുല്‍ രാജ് വിഷയം അവതരിപ്പിച്ചു. കെ.ബി ജിഷ, ഷിയോണ പുരുഷോത്തമന്‍, കെ സനല്‍കുമാര്‍ എന്നിവര്‍ സംസാരിച്ചു. ജില്ലാ യൂത്ത് പ്രോഗ്രാം ഓഫിസര്‍ വിനോദന്‍ പൃത്തിയില്‍ സ്വാഗതവും യൂത്ത് കോഓഡിനേറ്റര്‍ നജ്മുസാഖിബ് നന്ദിയും പറഞ്ഞു.

കേരള ആര്‍ട്ടിസാന്‍സ് ഡെവലപ്‌മെന്റ് കോര്‍പറേഷന്‍ (കാഡ്‌കോ) സംസ്ഥാനത്തെ പരമ്പരാഗത സ്വര്‍ണത്തൊഴിലാളികള്‍ക്ക് അഞ്ചു ദിവസത്തെ സൗജന്യ ഗോള്‍ഡ് അപ്രൈസര്‍ പരിശീലനം നല്‍കും. കാഡ്‌കോ ഡാറ്റ ബാങ്കില്‍ രജിസ്റ്റര്‍ ചെയ്തവര്‍ക്കും അല്ലാത്തവര്‍ക്കും പങ്കെടുക്കാം. യോഗ്യത: പത്താം ക്ലാസ് വിജയം. കുറഞ്ഞ പ്രായപരിധി: 18. ജനുവരി 16ന് രാവിലെ 10.30ന് കോഴിക്കോട് മാനാഞ്ചിറ എ.ജി റോഡിലെ നളന്ദ ഓഡിറ്റോറിയത്തില്‍ നടക്കുന്ന അഭിമുഖത്തിന്റെ അടിസ്ഥാനത്തിലാണ് തിരഞ്ഞെടുപ്പ്. താല്‍പര്യമുള്ളവര്‍ വിദ്യാഭ്യാസ യോഗ്യത, പ്രായം, പരമ്പരാഗത സ്വര്‍ണത്തൊഴിലാളി എന്നിവ തെളിയിക്കുന്ന രേഖകളുമായി എത്തണം. ഫോണ്‍: 0495 2365254.

ഗതാഗത നിയന്ത്രണം 
 
രാമനാട്ടുകര-ഫാറൂഖ് കോളേജ് റോഡില്‍ രാമനാട്ടുകര കോളേജ് റോഡ് ജങ്ഷന്‍ മുതല്‍ അടിവാരം ജങ്ഷന്‍ വരെ ടാറിങ് ആരംഭിക്കുന്നതിനാല്‍ ജനുവരി 13 മുതല്‍ പ്രവൃത്തി പൂര്‍ത്തിയാകുന്നത് വരെ ഗതാഗത നിയന്ത്രണം ഏര്‍പ്പെടുത്തിയതായി എക്സിക്യൂട്ടീവ് എഞ്ചിനീയര്‍ അറിയിച്ചു.

ഇ-ലേലം

ജില്ലയിലെ മുഴുവന്‍ പത്താം ക്ലാസ് വിദ്യാര്‍ഥികള്‍ക്കും കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്നോളജി ഫോര്‍ എഡ്യൂക്കേഷന്‍ (കൈറ്റ്) റോബോട്ടിക്സ് പരിശീലനം നല്‍കും. പത്താം ക്ലാസിലെ പുതുക്കിയ ഐ.ടി പാഠപുസ്തകത്തില്‍ ഉള്‍പ്പെടുത്തിയ റോബോട്ടിക്സ് പാഠഭാഗങ്ങള്‍ പ്രായോഗികമായി പഠിക്കാനും എസ്.എസ്.എല്‍.സി പരീക്ഷക്ക് തയാറെടുക്കാനും കുട്ടികള്‍ക്ക് അധികപിന്തുണ എന്ന നിലയിലാണ് ലിറ്റില്‍ കൈറ്റ്സ് ഐ.ടി ക്ലബുകളുടെ നേതൃത്വത്തില്‍ പരിശീലനം നല്‍കുന്നത്. 

കോട്ടയം: ജില്ലാ പഞ്ചായത്ത് സ്ഥിരം സമിതി അധ്യക്ഷന്മാരെ തെരഞ്ഞെടുത്തു. ബിന്ദു സെബാസ്റ്റ്യൻ (ധനകാര്യം), ഗ്രേസി കരിമ്പന്നൂർ (വികസനകാര്യം), അജിത് മുതിരമല (പൊതുമരാമത്ത്),  പി.കെ. വൈശാഖ് (ആരോഗ്യo, വിദ്യാഭ്യാസം), ആശ ജോയ് (ക്ഷേമകാര്യം) എന്നിവരെയാണ് തെരഞ്ഞെടുത്തത്. അഡീഷണൽ ജില്ലാ മജിസ്ട്രേറ്റ് എസ്. ശ്രീജിത്ത് തെരഞ്ഞെടുപ്പ് നടപടികൾ നിയന്ത്രിച്ചു.

വനിതാ ശിശു വികസന വകുപ്പിന് കീഴിലുള്ള എറണാകുളം ജില്ലാതല ഐസിഡിഎസ് സെല്ലിന്റെ പരിധിയിൽ വരുന്ന അങ്കണവാടികളിൽ പുതുതായി ജോലിയിൽ പ്രവേശിക്കുന്ന വർക്കർമാർക്ക് പരിശീലനം നൽകുന്നതിനായി ക്ലാസ് മുറി, താമസം, ഭക്ഷണം, വെള്ളം, ഇലക്ട്രിസിറ്റി, ഇന്റർനെറ്റ് എന്നിവ ലഭ്യമാക്കുന്നതിനായി താല്പര്യമുള്ള സ്ഥാപനങ്ങളിൽ നിന്നും പുനർ ദർഘാസ് ക്ഷണിച്ചു. താല്പര്യമുള്ളവർ പ്രോഗ്രാം ഓഫീസർ, ജില്ലാതല ഐസിഡിസി സെൽ , കാക്കനാട്, പിൻ - 682030 എന്ന വിലാസത്തിൽ ജനുവരി 13 ഉച്ചയ്ക്ക് 1 നുള്ളിൽ പുനർ ദർഘാസ് സമർപ്പിക്കേണ്ടതാണ്. കൂടുതൽ വിവരങ്ങൾക്ക് കാക്കനാട് സിവിൽ സ്റ്റേഷനിലുള്ള ഐസിഡിഎസ് സെൽ ഓഫീസുമായി ബന്ധപ്പെടുക.