നിയമസഭാ തിരഞ്ഞെടുപ്പിന് മുന്നോടിയായി പോളിങ് സാമഗ്രികളുടെ വിതരണം ജില്ലയിലെ 14 വിതരണ കേന്ദ്രങ്ങളിൽ ഇന്ന് ( ഏപ്രിൽ 8) രാവിലെ എട്ടിന് ആരംഭിക്കും. 

നിയമസഭാ തിരഞ്ഞെടുപ്പിനുള്ള ഉദ്യോഗസ്ഥരുടെ വിന്യാസവുമായി ബന്ധപ്പെട്ട നിർണ്ണായക മൂന്നാം ഘട്ട റാൻഡമൈസേഷൻ നടപടികൾ പൂർത്തിയായി. ജില്ലയിലെ 3,149 പോളിങ് സ്റ്റേഷനുകളിലേക്കായി ആകെ 15,148 ഉദ്യോഗസ്ഥരെയാണ് വിവിധ പോളിങ് ഡ്യൂട്ടികൾക്കായി അന്തിമമായി നിയോഗിച്ചിരിക്കുന്നത്.

•പ്രിസൈഡിംഗ് ഓഫീസർമാർ: 3,787 പേർ

•ഫസ്റ്റ് പോളിങ് ഓഫീസർമാർ: 3,787 പേർ

•പോളിങ് ഓഫീസർമാർ: 7,574 പേർ

•ആകെ പോളിങ് ഉദ്യോഗസ്ഥർ: 15,148 പേർ

റിസർവ് ഉദ്യോഗസ്ഥർ: അപ്രതീക്ഷിത സാഹചര്യങ്ങൾ നേരിടുന്നതിനായി 20% ഉദ്യോഗസ്ഥരെ റിസർവ് വിഭാഗത്തിൽ നിലനിർത്തിയിട്ടുണ്ട്.

ജില്ലയിലെ തിരഞ്ഞെടുപ്പ് പ്രക്രിയ നേരിട്ട് കണ്ട് മനസ്സിലാക്കാൻ അന്താരാഷ്ട്ര പ്രതിനിധി സംഘം.

ഇന്ന് (ഏപ്രിൽ 8) കൊച്ചിൻ അന്താരാഷ്ട്ര വിമാനത്താവളത്തിൽ  എത്തുന്ന പ്രതിനിധി സംഘം ജില്ലയിലെ വോട്ടെടുപ്പ് സാമഗ്രികളുടെ സ്വീകരണ വിതരണ കേന്ദ്രങ്ങളും, കാക്കനാട് സിവിൽ സ്റ്റേഷനിൽ പ്രവർത്തിക്കുന്ന വെബ് കാസ്റ്റിംഗ് കൺട്രോൾ റൂമും, മീഡിയ സർട്ടിഫിക്കേഷൻ ആൻഡ് മോണിറ്ററിംഗ് സെല്ലും സന്ദർശിക്കും. 

എസ്റ്റോണിയ, ജോർജിയ, ഫിജി, കെനിയ, നമീബിയ എന്നീ രാജ്യങ്ങളിലെ പ്രതിനിധികൾ അടങ്ങുന്ന സംഘം വോട്ടെടുപ്പ് ദിവസം വിവിധ പോളിങ് സ്റ്റേഷനുകൾ സന്ദർശിക്കും.

ഇവിഎം ബാലറ്റ് പേപ്പറുകൾ വായിക്കാൻ സൗകര്യപ്രദമാക്കുന്നതിനായി തിരഞ്ഞെടുപ്പ് കമ്മീഷൻ മാർഗനിർദേശങ്ങളിൽ ഭേദഗതികൾ വരുത്തി സ്ഥാനാർത്ഥികളുടെ കളർ ഫോട്ടോകൾ ആദ്യമായി ഇവിഎമ്മുകളിൽ ഉൾപ്പെടുത്തുന്നു എന്ന പ്രത്യേകതയും ഇത്തവണത്തെ തിരഞ്ഞെടുപ്പിനുണ്ട്.

നിയമസഭാ തിരഞ്ഞെടുപ്പിൽ വോട്ട് രേഖപ്പെടുത്താൻ പോളിങ്ങ് ബൂത്തിലെത്തുമ്പോഴുള്ള സംശയങ്ങൾ സ്വാഭാവികമാണ്. ഇനി സംശയങ്ങൾ ഇല്ലാതെ വോട്ട് രേഖപ്പെടുത്താം.  

വോട്ട് ചെയ്യാൻ തയ്യാറാണ്

വോട്ടിംഗ് കമ്പാർട്ട്മെന്റിന് മുന്നിൽ എത്തുമ്പോൾ മൂന്നാം പോളിംഗ് ഓഫീസർ ബാലറ്റ് യുണിറ്റ് വോട്ടിങ്ങിന് സജ്ജമാക്കും. അപ്പോൾ ബാലറ്റ് യൂണിറ്റിലെ 'റെഡി' ലൈറ്റ് പ്രകാശിക്കും. 

താങ്കളുടെ വോട്ട് രേഖപ്പെടുത്തുക

 ബാലറ്റ് യൂണിറ്റിൽ നിങ്ങൾ തിരഞ്ഞെടുത്ത സ്‌ഥാനാർത്ഥിയുടെ പേരിന്റെയും ചിഹ്നത്തിന്റെയും നേരെയുള്ളതോ നോട്ടക്ക് നേരെയുള്ളതോ ആയ നീല ബട്ടണിൽ അമർത്തി വോട്ട് ചെയ്യാം. 

നിയമസഭാ തിരഞ്ഞെടുപ്പിന്റെ പശ്ചാത്തലത്തിൽ എറണാകുളം ജില്ലയിൽ ഭാരതീയ നാഗരിക് സുരക്ഷാ സംഹിത (BNSS) സെക്ഷൻ 163 പ്രകാരം കർശന നിയന്ത്രണങ്ങൾ ഏർപ്പെടുത്തി.

 പരസ്യപ്രചാരണം അവസാനിച്ചതു മുതൽ വോട്ടെടുപ്പ് അവസാനിക്കുന്ന 9-ാം തീയതി വൈകിട്ട് 6  വരെയാണ് നിയന്ത്രണങ്ങൾ പ്രാബല്യത്തിലുള്ളത്.
  
​സ്വതന്ത്രവും നീതിപൂർവ്വവുമായ തിരഞ്ഞെടുപ്പ് ഉറപ്പാക്കുന്നതിനാണ് ഈ നിയന്ത്രണങ്ങൾ എന്ന് ജില്ലാ തിരഞ്ഞെടുപ്പ് ഓഫീസർ കൂടിയായ  ജില്ലാ കളക്ടർ ജി പ്രിയങ്ക ഉത്തരവിൽ അറിയിച്ചു.

​പ്രധാന നിയന്ത്രണങ്ങൾ:

തിരഞ്ഞെടുപ്പ് പ്രചാരണത്തിന്റെ സമാപനമായ കൊട്ടിക്കലാശത്തിന്റെ സമയപരിധി ഇന്ന് (7) വൈകിട്ട് 6 വരെയായിരിക്കും. അതിനു ശേഷം ഒരു വിധത്തിലുമുള്ള പരസ്യ പ്രചാരണം ജില്ലയിൽ അനുവദിക്കാൻ പാടില്ലെന്ന് ജില്ലാ ഇലക്ഷൻ ഓഫീസർ ആയ ജില്ലാ കളക്ടർ ജി പ്രിയങ്ക ബന്ധപ്പെട്ടവർക്കു നിർദേശം നൽകി.

 ഏപ്രിൽ 9 ന് വോട്ടെടുപ്പ് അവസാനിക്കുന്നതിന് 48 മണിക്കൂർ മുൻപ് പരസ്യപ്രചാരണം അവസാനിപ്പിക്കണം. സാധാരണയായി വോട്ടെടുപ്പ്  വൈകുന്നേരം 6 മണിക്ക് അവസാനിക്കുമെങ്കിൽഅതിന് രണ്ട് ദിവസം മുൻപ് വൈകുന്നേരം 6 മണിക്ക് കൊട്ടിക്കലാശം അവസാനിപ്പിക്കേണ്ടതുണ്ട്.

കേരള ലെജിസ്ലേറ്റീവ് അസംബ്ലി മീഡിയ ആൻഡ് പാർലമെന്ററി സ്റ്റഡി സെന്റർ (പാർലമെന്ററി സ്റ്റഡീസ്) ന്റെ ആഭിമുഖ്യത്തിൽ നടത്തുന്ന സർട്ടിഫിക്കറ്റ് കോഴ്സ് ഇൻ പാർലമെന്ററി സ്റ്റഡീസ് ആദ്യ ബാച്ചിന്റെ എഴുത്തുപരീക്ഷ മെയ് 3-ന് തിരുവനന്തപുരം കേന്ദ്രമായി നടത്തും.

നിയമസഭാ തിരഞ്ഞെടുപ്പ് നടക്കുന്ന ഏപ്രില്‍ ഒന്‍പതിന് പോളിങ് അവസാനിക്കുന്നതിന് 48 മണിക്കൂര്‍ മുന്‍പ് വരെ ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാ കലക്ടര്‍ മദ്യനിരോധനം പ്രഖ്യാപിച്ചു. റിപോളിങ്/വോട്ടെണ്ണല്‍ ദിനമായ മെയ് നാലിനും നിരോധനമുണ്ട്. ഈ കാലയളവില്‍ മദ്യം, മറ്റു ലഹരിവസ്തുക്കള്‍ എന്നിവ പൊതു-സ്വകാര്യഇടങ്ങളില്‍ വില്‍ക്കാനോ, വിളമ്പാനോ പാടില്ല. വ്യക്തികള്‍ മദ്യം സൂക്ഷിക്കുന്നതും നിരോധിച്ചു.  അനധികൃതഇടങ്ങളില്‍ മദ്യം സൂക്ഷിക്കാന്‍ പാടില്ല. ജില്ലാ അതിര്‍ത്തിപ്രദേശങ്ങളില്‍ മദ്യം കടത്തുന്നത് തടയാന്‍ സുശക്തമായ നടപടി സ്വീകരിക്കുമെന്നും ജില്ലാ കലക്ടര്‍ അറിയിച്ചു.

വോട്ടുകള്‍ മുഴുവന്‍ വിനിയോഗിക്കപ്പെട്ടു എന്നുറപ്പാക്കാന്‍ സ്വീപ് നടത്തുന്ന പ്രചാരണപരിപാടികളില്‍ കായികമികവും പരീക്ഷിക്കപ്പെട്ടു. സിവില്‍ സ്റ്റേഷന്‍ വളപ്പിലായിരുന്നു വടത്തിലുള്ള സൗഹൃദബലപരീക്ഷണം. വടംവലിയിലേക്ക് ജില്ലാ ശുചിത്വമിഷനിലേയും തദ്ദേശസ്വയംഭരണ വകുപ്പിലേയും ജീവനക്കാര്‍ ചേരിതിരിഞ്ഞ് പങ്കെടുത്തു. ആവേശത്തിന്റെ കൊടുമുടിയില്‍ വീണവരും വാണവരും സംയുക്തമായി പ്രതിജ്ഞയെടുത്തു- ‘എന്റെ വോട്ട് എന്റെ അഭിമാനം’. വോട്ടുസന്ദേശം പരമാവധിപേരിലേക്ക് എത്തിച്ച് 100 ശതമാനം സമ്മതിദാനഅവകാശവിനിയോഗം ഉറപ്പാക്കാമെന്ന പ്രതീക്ഷയിലാണ് സ്വീപ് പ്രവര്‍ത്തകരും.