എറണാകുളം : മത്സ്യ ബന്ധനത്തിനിടെ ഉണ്ടാവുന്ന അപകടങ്ങളിൽ അതിവേഗത്തിൽ അടിയന്തര രക്ഷ പ്രവർത്തനം നടത്താൻ സഹായകമാവുന്ന ആദ്യ അത്യാധുനിക മറൈൻ ആംബുലൻസ് 'പ്രതീക്ഷ'യുടെ  പ്രവർത്തന ഉത്‌ഘാടനം മുഖ്യമന്ത്രി പിണറായി വിജയൻ വീഡിയോ കോൺഫെറെൻസിലൂടെ നിർവഹിക്കും. ഫിഷറീസ്, ഹാർബർ എഞ്ചിനീയറിംഗ്, കശുവണ്ടി വ്യവസായ വകുപ്പ് മന്ത്രി ജെ. മേഴ്സിക്കുട്ടിയമ്മ അധ്യക്ഷത വഹിക്കും. രണ്ടാമത്തെ ആംബുലൻസ് ബോട്ടായ 'പ്രത്യാശ'യുടെ നീരണിയിക്കൽ ജെ. മേഴ്സിക്കുട്ടിയമ്മയും മൂന്നാമത്തെ ആംബുലൻസ് ബോട്ടിന്റെ നീരണിയിക്കൽ ഫിഷറീസ് സെക്രട്ടറി ടിങ്കു ബിസ്വാളും നിർവഹിക്കും. കൊച്ചിൻ ഷിപ് യാർഡിൽ രാവിലെ 9.30 ന്  ആയിരിക്കുംചടങ്ങുകൾ നടക്കുന്നത്. 

എറണാകുളം : കോവിഡ് 19 നിയന്ത്രണങ്ങൾ നിലനിൽക്കുന്ന സാഹചര്യത്തിൽ  പ്രവർത്തനങ്ങൾ വിലയിരുത്താൻ കളക്ടർ എസ്. സുഹാസ് ആലുവ  മാർക്കറ്റിൽ സന്ദർശനം നടത്തി. കോവിഡ് നിയന്ത്രണങ്ങൾക്ക് ശേഷം ഈ മാസം പകുതിയോടെയാണ് ആലുവ മാർക്കറ്റ് വീണ്ടും തുറന്നത്.  ഓണക്കാലം ആയതോടെ മാർക്കറ്റിൽ മുമ്പത്തേക്കാൾ തിരക്ക് വർധിക്കുന്ന സാഹചര്യത്തിൽ ആണ് കളക്ടറുടെ സന്ദർശനം.  കോവിഡ് മാനദണ്ഡങ്ങൾ കൃത്യമായി പാലിക്കണമെന്നും സാമൂഹിക അകലം പാലിക്കണമെന്നും മാസ്ക് ഉൾപ്പടെയുള്ളവ ദിനചര്യയുടെ ഭാഗമാക്കണമെന്നും കളക്ടർ വ്യാപാരികളോട് നിർദേശിച്ചു. 

സർക്കാർ മെഡിക്കൽ കോളേജ്, എറണാകുളം പുറപ്പെടുവിക്കുന്ന പത്രക്കുറിപ്പ്.
1)76 വയസുള്ള പാലാരിവട്ടം സ്വദേശി. കോവിഡ് ന്യൂമോണിയ മൂലം ഗുരുതരമായി ഐസിയുവിൽ തുടരുന്നു.ദീർഘനാളായി ശ്വാസകോശ സംബന്ധമായ രോഗത്തിനു ചികിത്സയിൽ ആയിരുന്നു.
2)74 വയസുള്ള ചെല്ലാനം സ്വദേശിനി. കോവിഡ് നുമോണിയ മൂലം ഗുരുതരമായി ഐസിയുവിൽ തുടരുന്നു.
3)53 വയസുള്ള വടുതല സ്വദേശിനി  കോവിഡ് പരിശോധന ഫലം പോസിറ്റീവാണ്. നില ഗുരുതരമായി തുടരുന്നു 
4)55 വയസുള്ള എറണാകുളം വടുതല സ്വദേശിനി.  കോവിഡ് നുമോണിയ മൂലം  ഐസിയുവിൽ തുടരുന്നു.  ദീർഘനാളായി  ശ്വാസകോശ രോഗത്തിന് ചികിത്സ തേടുന്നുണ്ട് 

എറണാകുളം : ജില്ലയിലെ  കോവിഡ് രോഗികളുടെ എണ്ണം വർധിക്കുന്ന സാഹചര്യത്തിൽ ജില്ലയിൽ ആരംഭിച്ച സെക്കന്റ്‌ ലൈൻ ട്രീറ്റ്മെന്റ് സെന്ററിൽ ഒരുക്കിയിരിക്കുന്നത് മികച്ച സൗകര്യങ്ങൾ.  ഗുരുതരമല്ലാത്ത രോഗ ലക്ഷണങ്ങൾ ഉള്ളവർക്കായാണ് എസ്. എൽ. ടി. സി കൾ പ്രവർത്തിക്കുന്നത് എങ്കിലും ആശുപത്രിക്ക് സമാനമായ എല്ലാ സൗകര്യങ്ങളും ഇവിടെ ക്രമീകരിച്ചിട്ടുണ്ട്. 

•    ജില്ലയിൽ   ഇന്ന് 193 പേർക്ക്  രോഗം  സ്ഥിരീകരിച്ചു.

•     വിദേശം / ഇതര സംസ്ഥാനത്ത് നിന്ന് എത്തിയവർ (6) 

1.    ഡൽഹിയിൽ നിന്നെത്തിയ മരട് സ്വദേശി (32)
2.    താനെയിൽ നിന്നെത്തിയ മഹാരാഷ്ട്ര സ്വദേശി( 26)
3.    ഡൽഹിയിൽ നിന്നെത്തിയ ജാർഖണ്ഡ് സ്വദേശിയായ സ്വകാര്യ  ഷിപ്പിംഗ്  കമ്പനി ജീവനക്കാരൻ (27)
4.    മുംബൈയിൽ നിന്നെത്തിയ മഹാരാഷ്ട്രസ്വദേശിയായ സ്വകാര്യ ഷിപ്പിംഗ് കമ്പനി ജീവനക്കാരൻ (36)
5.    മഹാരാഷ്ട്ര സ്വദേശിയായ സ്വകാര്യ ഷിപ്പിംഗ് കമ്പനി ജീവനക്കാരൻ (35)
6.    ദുബായിൽനിന്നെത്തിയ കുന്നത്തുനാട് സ്വദേശി  (31)

ജില്ലയിലെ 47-ാം മത്തെ കലക്ടര്‍ ബി അബ്ദുല്‍ നാസര്‍ ചരിത്രത്തില്‍ ഇടം പിടിച്ചു. കലക്‌ട്രേറ്റിലെ പഴയ ചേംബറിലും പുതിയ ചേംബറിലും ഇരുന്ന കലക്ടറായി. ഇന്നലെ(ആഗസ്റ്റ് 26) റവന്യൂ മന്ത്രി ഇ ചന്ദ്രശേഖരന്‍ വീഡിയോ കോണ്‍ഫറന്‍സിലൂടെയാണ് പുതിയ ചേംബര്‍ ഉദ്ഘാടനം ചെയ്തത്. ജില്ലയിലെ ആദ്യ കലക്ടര്‍ പി ഐ ജേക്കബ് 1954 ഏപ്രില്‍ ഒന്നു മുതല്‍ ഉപയോഗിച്ചതും തുടര്‍ന്ന് മാറി മാറിവന്ന 47 കലക്ടര്‍മാരും  ഉപയോഗിച്ച ചേംബറാണ് 66 വര്‍ഷത്തിന് ശേഷം ഇന്നലെ മുതല്‍ ചരിത്രമായത്.

ജില്ലയില്‍ ഇന്നലെ(ആഗസ്റ്റ് 26) 58 പേര്‍ രോഗമുക്തരായി. വാളകം മേഴ്‌സി ഹോസ്പിറ്റലില്‍ നിന്ന് 11 പേരും ശാസ്താംകോട്ട സെന്റ് മേരീസ്(9), വിളക്കുടി ലിറ്റില്‍ ഫ്‌ളവര്‍(6), ആശ്രാമം ന്യൂ ഹോക്കി സ്റ്റേഡിയം(2), വെളിയം എ കെ എസ് ആഡിറ്റോറിയം(1), ജില്ലാ ആശുപത്രി(29) എന്നിങ്ങനെയാണ് രോഗമുക്തരായത്.
(പി.ആര്‍.കെ നമ്പര്‍ 2325/2020)

ജില്ലയില്‍ ഇന്നലെയും 133 കോവിഡ് രോഗബാധിതര്‍. ഇത് നാലാം തവണയാണ് 133 എന്ന അക്കത്തില്‍ രോഗബാധിതര്‍ എത്തുന്നത്. ജൂലൈ 22 നും 24 നും 133 എത്തിയ ശേഷം ആഗസ്റ്റ് 23 നായിരുന്നു ഇതേ അക്കത്തില്‍ രോഗബാധിതരുടെ എണ്ണമെത്തിയത്. ജില്ലയില്‍ ഇതുവരെ രേഖപ്പെടുത്തിയ ഒരു ദിവസത്തെ ഉയര്‍ന്ന രോഗനിരക്ക് 133 ആണ്. രണ്ട് ആരോഗ്യ പ്രവര്‍ത്തകരും ഇന്നലെ(ആഗസ്റ്റ് 26) രോഗം സ്ഥിരീകരിച്ചവരില്‍ ഉള്‍പ്പെടുന്നു.

സംസ്ഥാന കാര്‍ഷിക വികസന കര്‍ഷകക്ഷേമ വകുപ്പ് ജില്ലയില്‍ 105 പഴം-പച്ചക്കറി ഓണ വിപണികള്‍ സംഘടിപ്പിക്കും. ജില്ലാതല ഓണ സമൃദ്ധിയുടെ ഉദ്ഘാടനം ഇന്ന്(ആഗസ്റ്റ് 27) രാവിലെ 11 ന് കൊല്ലം കന്റോണ്‍മെന്റ് ഇക്കോ ഷോപ്പില്‍ എം നൗഷാദ് എം എല്‍ എ നിര്‍വഹിക്കും.

കല്ലുവാതുക്കല്‍ ഗ്രാമപഞ്ചായത്തില്‍ പ്രവര്‍ത്തിച്ചുവരുന്ന മാവേലി സ്റ്റോര്‍ സൂപ്പര്‍ മാര്‍ക്കറ്റായി ഉയര്‍ത്തി കല്ലുവാതുക്കല്‍ ജംഗ്ഷനിലുള്ള പുതിയ കെട്ടിടത്തിലേക്ക് മാറ്റി പ്രവര്‍ത്തനം ആരംഭിക്കുന്നു. പുതിയ സൂപ്പര്‍ മാര്‍ക്കറ്റിന്റെ ഉദ്ഘാടനം ഭക്ഷ്യ-പൊതുവിതരണ വകുപ്പ് മന്ത്രി പി തിലോത്തമന്‍ ഇന്ന്(ആഗസ്റ്റ് 27) രാവിലെ 10.30 ന് വീഡിയോ കോണ്‍ഫറന്‍സ് മുഖേന നിര്‍വഹിക്കും. ജി എസ് ജയലാല്‍ എം എല്‍ എ ഭദ്രദീപം തെളിയിക്കും. ഗ്രാമപഞ്ചായത്ത് പ്രസിഡന്റ് കെ സിന്ധു ആദ്യ വില്‍പ്പന നടത്തും. കോവിഡ് മാനദണ്ഡങ്ങള്‍ പാലിച്ച് ചടങ്ങുകള്‍ നടത്തും.
(പി.ആര്‍.കെ നമ്പര്‍ 2322/2020)