തീരദേശമേഖലയില്‍  വര്‍ദ്ധിച്ചു വരുന്ന കോവിഡ് വ്യാപനത്തിന്റെ പശ്ചാത്തലത്തില്‍  പ്രതിരോധ പ്രവര്‍ത്തനങ്ങളിലും ആശ്വാസപ്രവര്‍ത്തനങ്ങളിലും ആരോഗ്യവകുപ്പുമായും തദ്ദേശ സ്വയംഭരണ സ്ഥാപനങ്ങളുമായും  സഹകരിക്കാന്‍ ഫിഷറീസ് വകുപ്പും സന്നദ്ധമാകുന്നു.   ജില്ലയില്‍ കടലുണ്ടി ഗ്രാമപഞ്ചായത്തിലെ ചാലിയം മുതല്‍ അഴിയൂര്‍ പഞ്ചായത്തിലുള്ള  അഴിയൂര്‍ മത്സ്യ ഗ്രാമമുള്‍പ്പെടെ 34  തീരദേശ മത്സ്യഗ്രാമങ്ങളെയും പദ്ധതിയില്‍ ഉള്‍പ്പെടുത്തും.  

കോഴിക്കോട് മാനാഞ്ചിറ മൈതാനത്ത് 1991 ഏപ്രില്‍ 18നു നടന്ന സമ്പൂര്‍ണ്ണ സാക്ഷരതാ പ്രഖ്യാപനത്തിന്റെ സ്മരണയ്ക്ക് സാക്ഷരതാ മിഷന്റെ നേതൃത്വത്തില്‍ സ്മാരകം ഒരുങ്ങുന്നു. ജില്ലാ സാക്ഷരതാ മിഷന്‍ കോണ്‍ഫറന്‍സ് ഹാളിന് 'സമ്പൂണ്ണ സാക്ഷരതാ പ്രഖ്യാപന സ്്മാരക ഹാള്‍' എന്ന്  നാമകരണം ചെയ്യാന്‍ ജില്ലാ സാക്ഷരതാ സമിതി  യോഗത്തില്‍ തീരുമാനിച്ചു. 1991 ലെ പ്രഖ്യാപനം സംബന്ധിച്ചും സമ്പൂര്‍ണ്ണ സാക്ഷരതാ പ്രവര്‍ത്തനം സംബന്ധിച്ചുമുള്ള ഫോട്ടോകള്‍, ചരിത്ര രേഖകള്‍, പത്ര കട്ടിങ്ങുകള്‍ എന്നിവ ഉള്‍പ്പെടുത്തി ഫോട്ടോ ഗാലറി ആരംഭിക്കാനും തീരുമാനിച്ചു.

ഫിഷറീസ് വകുപ്പിന്റെ  നേതൃത്വത്തില്‍ ജില്ലയില്‍  സപ്പോര്‍ട്ട് ഫിഷ് കമ്മിറ്റി രൂപീകരിച്ചു.  തീരദേശ മേഖലയില്‍ സംഘടിപ്പിക്കുന്ന സപ്പോര്‍ട്ട് ഫിഷിന്റെ ആദ്യയോഗം വെസ്റ്റ്ഹില്‍ ഫിഷറീസ് കോംപ്ലക്സില്‍ ചേര്‍ന്നു. ഉത്തര മേഖല  ഫിഷറീസ് ജോയിന്റ് ഡയറക്ടര്‍ ബി. കെ. സുധീര്‍കിഷന്‍ , കൗണ്‍സിലര്‍ സൗഫിയ അനീഷ്, ഫിഷറീസ് അസിസ്റ്റന്റ് രജിസ്ട്രാര്‍ ഇ. മനോജ്,  മത്സ്യത്തൊഴിലാളി സഹകരണസംഘം പ്രസിഡന്റുമാര്‍ ,  യൂണിറ്റ് ഇന്‍സ്പെക്ടര്‍മാര്‍, മത്സ്യഫെഡ്, മത്സ്യബോര്‍ഡ് ഉദ്യോഗസ്ഥര്‍, ട്രേഡ് യൂണിയന്‍ പ്രതിനിധികള്‍ തുടങ്ങിയവര്‍ സംബന്ധിച്ചു.  
 

ജില്ലയില്‍ ഇതുവരെ മരണപ്പെട്ടവര്‍ 26 പേര്‍

ചേമഞ്ചേരി ഗ്രാമപഞ്ചായത്തിലെ കാപ്പാട് കടപ്പുറത്ത് 1.10 കോടി രൂപ ചെലവഴിച്ച് നിർമ്മിച്ച ആധുനിക രീതിയിലുള്ള വാതക ശ്മശാനത്തിന്റെ ഉദ്ഘാടനം കെ ദാസൻ എംഎൽഎ യും ജില്ലാ പഞ്ചായത്ത് പ്രസിഡന്റ് ബാബു പറശ്ശേരിയും ചേർന്ന് നിർവ്വഹിച്ചു. ചേമഞ്ചേരി ഗ്രാമപഞ്ചായത്ത് പ്രസിഡണ്ട് അശോകൻ കോട്ട് അധ്യക്ഷത വഹിച്ചു. എംഎൽഎയുടെ ആസ്തി വികസന ഫണ്ട്, ജില്ലാ പഞ്ചായത്ത് ഫണ്ട്, ഗ്രാമപഞ്ചായത്ത് ഫണ്ട് എന്നിവ ഉപയോഗിച്ചാണ് ശ്മശാന നിർമ്മാണം പൂർത്തികരിച്ചത്.

ഉള്ളിയേരി ഗ്രാമപഞ്ചായത്തിന്റെ  ദുരിതാശ്വാസനിധി പ്രവർത്തന പദ്ധതിയായ  സ്നേഹനാണയത്തിന്റെ വിഭവസമാഹരണത്തിനായി  'എന്റെ ഓണക്കൈനീട്ടം സ്നേഹനാണയത്തിന്' കാമ്പയിന് തുടക്കമായി. ഗ്രാമപഞ്ചായത്ത് പ്രസിഡണ്ട് ഷാജു ചെറുക്കാവിൽ കുഞ്ഞായൻ കോയ ഹാജിയിൽ നിന്നും  ആദ്യ കൈനീട്ടം ഏറ്റുവാങ്ങി.

ശുചിത്വ പദവി പ്രഖ്യാപനം  സി.കെ.നാണു എംഎല്‍എ നിര്‍വഹിച്ചു

സംസ്ഥാനത്തെ ആദ്യ ശുചിത്വ ബ്ലോക്ക് അംഗീകാരം വടകര ബ്ലോക്ക് പഞ്ചായത്ത് കരസ്ഥമാക്കി.  സി.കെ.നാണു എംഎല്‍എ ശുചിത്വ പദവി പ്രഖ്യാപനം നടത്തി.  ബ്ലോക്കിലുള്‍പ്പെട്ട എല്ലാ പഞ്ചായത്തുകളും   ശുചിത്വ പദവി കൈവരിച്ചതാണ് നേട്ടത്തിന് കാരണമായത്.  ഏറാമല, അഴിയൂര്‍ ചോറോട്, ഒഞ്ചിയം ഗ്രാമ പഞ്ചായത്തുകളാണ് വടകര ബ്ലോക്കില്‍ ഉള്‍പ്പെടുന്നത്.  

പുതുതായി വന്ന 379 പേര്‍ ഉള്‍പ്പെടെ ജില്ലയില്‍ 15170 പേര്‍ നിരീക്ഷണത്തില്‍. ഇതുവരെ 88477 പേര്‍ നിരീക്ഷണം പൂര്‍ത്തിയാക്കി.