പാര്‍ലമെന്റ്, നിയമസഭാ തിരഞ്ഞെടുപ്പിനുള്ള വോട്ടര്‍ പട്ടിക പുതുക്കുന്നു. 2021 ജനുവരി ഒന്നിന് 18 വയസ് പൂര്‍ത്തിയാകുന്നവരെ ഉള്‍പ്പെടുത്തിയാണ് വോട്ടര്‍ പട്ടിക പുതുക്കുക. ഇതിനുള്ള സമയക്രമം തിരിഞ്ഞെടുപ്പ് കമ്മീഷന്‍ പ്രഖ്യാപിച്ചു. വോട്ടര്‍മാര്‍ക്ക് വോട്ടര്‍പട്ടികയില്‍ രേഖപ്പെടുത്തിയിട്ടുള്ള പേര്, ഫോട്ടോ, വയസ്/ജനന തീയതി, കുടുംബ വിവരങ്ങള്‍ എന്നിവ പരിശോധിക്കുന്നതിനും ആവശ്യമെങ്കില്‍ തിരുത്തലുകള്‍ വരുത്തുന്നതിനും അവസരം ലഭിക്കും.

കോവിഡ് വ്യാപന സാധ്യത പരിഗണിച്ച് ഓണത്തോടനുബന്ധിച്ച് കടകളില്‍ സമയക്രമവും സാമൂഹിക അകലവും ഉറപ്പുവരുത്തുന്നതടക്കമുള്ള നിരീക്ഷണങ്ങളും നിയന്ത്രണങ്ങളും ശക്തിപ്പെടുത്തുമെന്ന് ജില്ലാ കലക്ടര്‍ ബി അബ്ദുല്‍ നാസര്‍. കോവിഡ് സ്ഥിതിഗതികള്‍ വിലയിരുത്താന്‍ ഓണ്‍ലൈന്‍ വഴി ചേര്‍ന്ന ഉന്നതതല ഉദ്യോഗസ്ഥ യോഗത്തിലാണ് ഇക്കാര്യം പറഞ്ഞത്.

ചിറ്റുമല ബ്ലോക്ക് പഞ്ചായത്തിന്റെയും കൃഷി ഭവന്റെയും സംയുക്താഭിമുഖ്യത്തില്‍ ചിറ്റുമലയില്‍ ആരംഭിച്ച  കാര്‍ഷിക വിപണി ബ്ലോക്ക് പഞ്ചായത്ത് പ്രസിഡന്റ് പി ബാബു ഉദ്ഘാടനം ചെയ്തു. ഓണനാളുകളില്‍ പച്ചക്കറികള്‍ക്ക് അമിതവില ഈടാക്കുന്നത് തടയാന്‍ കാര്‍ഷിക വിപണിക്ക് കഴിയുമെന്ന് അദ്ദേഹം പറഞ്ഞു.
തനതായ കാര്‍ഷിക വിഭവങ്ങള്‍ മിതമായ നിരക്കില്‍ ഉപഭോക്താക്കളിലേക്ക് എത്തിക്കുകയാണ് വിപണിയുടെ ലക്ഷ്യം. കര്‍ഷകന് 30 ശതമാനവും, വാങ്ങുന്നവര്‍ക്ക് 10 ശതമാനവും ലാഭം കിട്ടുന്നു. വിപണി ആഗസ്റ്റ് 30 വരെ പ്രവര്‍ത്തിക്കും.

ജില്ലയിലെ താത്കാലിക കോടതികളില്‍ ഓഫീസ് അറ്റന്‍ഡന്റ് തസ്തികയില്‍ കരാര്‍ നിയമനത്തിന് അപേക്ഷിക്കാം. പ്രതിമാസ സഞ്ചിത ശമ്പളം-18,030 രൂപ. യോഗ്യത - ഏഴാം ക്ലാസ് വിജയവും സര്‍ക്കാര്‍ സര്‍വീസില്‍ അഞ്ചു വര്‍ഷത്തെ പ്രവൃത്തിപരിചയവും. പ്രായപരിധി 60 വയസ്. അപേക്ഷകര്‍ക്ക് തത്തുല്യ തസ്തികയിലോ ഉയര്‍ന്ന തസ്തികകളിലോ കേന്ദ്ര-സംസ്ഥാന സര്‍ക്കാര്‍ സര്‍വീസില്‍ അഞ്ചു വര്‍ഷത്തില്‍ കുറയാത്ത പരിചയം വേണം.

മുഹറം, ഓണം അവധി ആഗസ്റ്റ് 28 മുതല്‍ സെപ്തംബര്‍ രണ്ടുവരെ തുടര്‍ച്ചയായി വരുന്നതിനാല്‍ അനധികൃത വയല്‍ നികത്തല്‍, മണല്‍ ഖനനം, പാറ ഖനനം, കുന്നിടിക്കല്‍, സര്‍ക്കാര്‍ ഭൂമി കൈയ്യേറ്റം, മരം മുറിക്കല്‍, അനധികൃത നിര്‍മാണ പ്രവര്‍ത്തനങ്ങള്‍ എന്നിവ അറിയിക്കുന്നതിന് കലക്‌ട്രേറ്റിലും താലൂക്ക് ഓഫീസുകളിലും രാപകല്‍ പ്രവര്‍ത്തിക്കുന്ന കണ്‍ട്രോള്‍ റൂമുകള്‍ തുറന്നു. ഓഫീസുകളുടെ ഫോണ്‍ നമ്പര്‍ ഇ-മെയില്‍ വിലാസം എന്നിവ ചുവടെ.
കൊല്ലം കലക്‌ട്രേറ്റ് - 0474-2794002 ( deputycollectorkollam@gmail.com),

ജില്ലാ കലക്ടറുടെ നേതൃത്വത്തില്‍ സെപ്തംബര്‍ ഏഴിന് രാവിലെ 11.30 നടത്താന്‍ നിശ്ചയിച്ചിരുന്ന കൊട്ടാരക്കര താലൂക്കിലെ ഓണ്‍ലൈന്‍ പരാതി പരിഹാര അദാലത്ത് അന്നേ ദിവസം ഉച്ച ക ഴിഞ്ഞ് രണ്ടിന് നടക്കും. അപേക്ഷ നല്‍കിയവര്‍ അക്ഷയകേന്ദ്രങ്ങളുമായി ബന്ധപ്പെട്ട് സമയക്രമം ലഭ്യമാക്കി പങ്കെടുക്കണമെന്ന് ജില്ലാ കലക്ടര്‍ അറിയിച്ചു.
(പി.ആര്‍.കെ നമ്പര്‍ 2316/2020)

ജനങ്ങളുടെ ദൈനംദിന ജീവിതവുമായി ബന്ധപ്പെട്ട ആവശ്യങ്ങളും സേവനങ്ങളും നടപ്പിലാക്കുന്ന സ്ഥാപനങ്ങളെന്ന നിലയില്‍ വില്ലേജ് ഓഫീസുകളിലെ പരിമിതികള്‍ പരിഹരിക്കുകയാണ് സര്‍ക്കാരിന്റെ മുഖ്യലക്ഷ്യമെന്ന് റവന്യൂ വകുപ്പ് മന്ത്രി ഇ ചന്ദ്രശേഖരന്‍.

സംസ്ഥാന സർക്കാരിന്റെ സമ്പൂർണ്ണ പാർപ്പിട സുരക്ഷാ  പദ്ധതിയായ ലൈഫ് മിഷനിൽ അർഹരായ കുടുംബങ്ങൾക്ക് വീടിനായി അപേക്ഷിക്കുന്നതിനുള്ള തീയതി സെപ്റ്റംബർ 9 വരെ നീട്ടി. അർഹത ഉണ്ടായിട്ടും  വിവിധ കാരണങ്ങളാൽ ആദ്യം തയാറാക്കിയ ലിസ്റ്റിൽ ഉൾപ്പെടാതെ പോയ കുടുംബങ്ങൾക്കാണ് ഇപ്പോൾ വീടിനായി അപേക്ഷിക്കാൻ അവസരം നൽകിയത്. ആഗസ്റ്റ് 1 മുതൽ 27 വരെയായിരുന്നു അപേക്ഷിക്കുന്നതിനായി നൽകിയിരുന്ന സമയം.