എൽ.ബി.എസ് ഇൻസ്റ്റിറ്റ്യൂട്ട് ഓഫ് ടെക്‌നോളജി ഫോർ വിമൺ, പൂജപ്പുരയിൽ എം.ടെക് കമ്പ്യൂട്ടർ സയൻസ് ആന്റ് എഞ്ചിനിയറിംങ്, സിഗ്നൽ പ്രോസസ്സിംഗ് എന്നീ ബ്രാഞ്ചുകളിലെ സ്‌പോൺസേർഡ് സീറ്റുകളിലേക്ക് അപേക്ഷ ക്ഷണിച്ചു. ഓൺലൈൻ അപേക്ഷകൾ മാത്രമേ സ്വീകരിക്കുകയുളളു. 1000 രൂപ ഫീസടച്ച് www.lbt.ac.in, www.lbscentre.kerala.gov.in എന്നീ വെബ്‌സൈറ്റുകളിൽ നിന്നും അപേക്ഷ ഫോറം ഡൗൺലോഡ് ചെയ്യാം. അപേക്ഷകൾ സ്വീകരിക്കുന്ന അവസാന തിയതി സെപ്റ്റംബർ ഒൻപത്. ഫോൺ: 0471 2349232, 9895983656, 8547458075, 9446136613.
പി.എൻ.എക്‌സ്. 2954/2020

കേരള വന ഗവേഷണ സ്ഥാപനത്തിൽ ആറ് മാസത്തെ കാലാവധിയുളള സമയബന്ധിത ഗവേഷണ പദ്ധതിയിലേക്ക് ഒരു റിസർച്ച് അസോസിയേറ്റിന്റെയും, ഒരു പ്രോജക്ട് ഫെല്ലോയുടേയും താത്ക്കാലിക ഒഴിവിലേക്ക് നിയമനം നടത്തുന്നതിന് ഓൺലൈനായി അപേക്ഷ ക്ഷണിച്ചു. ഫെസിലിറ്റേറ്റിംഗ് ദി എസ്റ്റാബ്ലിഷ്‌മെന്റ് ഓഫ് ബാബൂ ആന്റ് കെയ്ൻ എന്റർപ്രൈസ് ത്രൂ ട്രെയിനിംഗ് ആന്റ് ടെക്‌നോളജി ട്രാൻസ്ഫർ എന്നതാണ് ഗവേഷണ പദ്ധതി. വിശദവിവരങ്ങൾക്ക് www.kfri.res.in  സന്ദർശിക്കുക.
പി.എൻ.എക്‌സ്. 2953/2020

തുടർച്ചയായ അവധി ദിവസങ്ങളുടെ മറവിൽ നടത്തുന്ന അനധികൃത നെൽവയൽ, തണ്ണീർത്തടം നികത്തൽ, മണ്ണെടുപ്പ് തുടങ്ങിയ പ്രവൃത്തികൾ തടയുന്നത് സംബന്ധിച്ച് റവന്യൂ വകുപ്പ് മാർഗ്ഗനിർദ്ദേശം പുറപ്പെടുവിച്ചു.
ജില്ലാ തലത്തിൽ ഡെപ്യൂട്ടി കളക്ടറുടെ മേൽനോട്ടത്തിൽ ജില്ലാതല സ്‌ക്വാഡുകൾ രൂപീകരിക്കണം. ഇത്തരം പ്രവൃത്തികൾ നടക്കാൻ കൂടുതൽ സാധ്യതയുള്ള പ്രദേശങ്ങളിൽ താലൂക്ക്, വില്ലേജ് തലങ്ങളിൽ പ്രത്യേക സ്‌ക്വാഡുകളും രൂപീകരിക്കണം. ഇതുമായി ബന്ധപ്പെട്ട് 24 മണിക്കൂർ പ്രവൃത്തിക്കുന്ന കൺട്രോൾ റൂം തുറന്ന് കൺട്രോൾ റൂം  ഫോൺ നമ്പർ ജനങ്ങളെ അറിയിക്കണം.

കേപ്പിന്റെ കീഴിലുളള പെരുമൺ, കിടങ്ങൂർ, പുന്നപ്ര, തലശ്ശേരി എന്നീ എഞ്ചീനിയറിങ് കോളേജുകളിൽ എം.ടെക് സ്‌പോൺസേഡ്/മെറിറ്റ് സീറ്റിലേക്കുളള അപേക്ഷ ക്ഷണിച്ചു. കൂടുതൽ വിവരങ്ങൾക്ക് www.capekerala.org/ www.dtekerala.gov.in.    
പി.എൻ.എക്‌സ്. 2951/2020

2020-21 അധ്യയന വർഷത്തെ ജനറൽ നഴ്‌സിംഗ് കോഴ്‌സിലേക്ക് അപേക്ഷിക്കുന്നതിനുള്ള അവസാന തീയതി സെപ്റ്റംബർ 17 ലേക്ക് നീട്ടിയതായി ആരോഗ്യ വകുപ്പ് ഡയറക്ടർ അറിയിച്ചു. നേരത്തെയിത് ആഗസ്റ്റ് 27 വരെയായിരുന്നു.
പി.എൻ.എക്‌സ്. 2950/2020

സർക്കാർ മെഡിക്കൽ കോളേജ്, എറണാകുളം പുറപ്പെടുവിക്കുന്ന പത്രക്കുറിപ്പ്.

എറണാകുളം: മറൈന്‍ ആംബുലന്‍സ് എന്ന മത്സ്യത്തൊഴിലാളികളുടെ ദീര്‍ഘകാല സ്വപ്നമാണ് യാഥാര്‍ഥ്യമാകുന്നതെന്ന് മുഖ്യമന്ത്രി പിണറായി വിജയന്‍.  

    എറണാകുളം: മഹാമാരി പ്രതിസന്ധി സൃഷ്ടിച്ച ഓണക്കാലത്ത് മത്സ്യത്തൊഴിലാളികള്‍ക്ക് കരുതലൊരുക്കി പഞ്ചായത്ത് ജീവനക്കാർ.
ജില്ലയിലെ വിവിധ ഗ്രാമപഞ്ചായത്തുകളെ 2018ലെ മഹാപ്രളയം ദുരിതത്തിലാഴ്ത്തിയപ്പോള്‍ ബോട്ടും, വഞ്ചികളുമായി രക്ഷാപ്രവര്‍ത്തനങ്ങളിൽ സജീവമായി പങ്കെടുത്ത ചെല്ലാനം ഗ്രാമപഞ്ചായത്തിലെ മത്സ്യത്തൊഴിലാളികൾക്ക് വറുതിയുടെ നാളുകളിൽ സഹായമൊരുക്കുകയാണ് എറണാകുളം പഞ്ചായത്ത് ഡെപ്യൂട്ടി ഡയറക്ടർ ഓഫീസിലെയും, അസിസ്റ്റന്‍റ് ഡയറക്ടർ ഓഫീസിലെയും ജീവനക്കാർ.

*സംസ്ഥാന സർക്കാരിന്റെ ലൈഫ് ഭവനപദ്ധതിയുടെ ഗുണഭോക്തൃ ലിസ്റ്റിൽ ഉൾപ്പെടാതെ പോയവർക്ക്  വീണ്ടും അപേക്ഷ സമർപ്പിക്കുവാനുള്ള സമയപരിധി 2020 സെപ്തംമ്പർ  9 വരെ ദീർഘിപ്പിച്ചു.

പൂർണ്ണമായും ഓൺലൈൻ മുഖേനയാണ് അപേക്ഷ സമർപ്പിക്കേണ്ടത്. ഒരു റേഷൻ കാർഡിൽ ഉൾപ്പെട്ടവരെ ഒറ്റ കുടുംബമായിട്ടായിരിക്കും പരിഗണിക്കുക. ഇതുപ്രകാരം 2020 ജൂലൈ ഒന്നിനു മുൻപ് റേഷൻ കാർഡ് ഉള്ളതും കാർഡിൽ പേരുള്ള ഒരാൾക്ക് പോലും ഭവനം ഇല്ലാത്തവരുമായ  ഭൂമിയുള്ള ഭവനരഹിതർ, ഭൂരഹിത ഭവനരഹിതർ എന്നിവർക്കാണ് അപേക്ഷിക്കാൻ കഴിയുക. ഇപ്രകാരം അപേക്ഷിക്കുന്നവരുടെ വാർഷിക വരുമാനം മൂന്നു ലക്ഷത്തിൽ താഴെയായിരിക്കണം.