ജില്ലയില്‍ 52 പേര്‍ക്ക് ഇന്നലെ (ആഗസ്ത് 16) രോഗം സ്ഥിരീകരിച്ചു. 36 പേര്‍ക്ക് സമ്പര്‍ക്കം മൂലമാണ് രോഗബാധ. ഏഴു പേര്‍ ഇതര സംസ്ഥാനങ്ങളില്‍ നിന്നെത്തിയവരാണ്. എട്ട് ആരോഗ്യ പ്രവര്‍ത്തകര്‍ക്കും ഒരു ഡിഎസ് സി ഉദ്യോഗസ്ഥനുമാണ് പുതുതായി രോഗം സ്ഥിരീകരിച്ച മറ്റുള്ളവര്‍.

* കോവിഡിൽ നിന്നും ഓണക്കാല രോഗങ്ങളിൽ നിന്നും മുക്തരാകാം

കോവിഡ് സാഹചര്യങ്ങളുടെ അടിയന്തരാവസ്ഥ കണക്കിലെടുത്ത് നാഷണൽ ഹെൽത്ത് മിഷന്റെ നേതൃത്വത്തിൽ വി.എച്ച്.എസ്.ഇ  എൻ.എസ്.സിന്റെ അദ്ധ്യാപക പ്രോഗ്രാം ഓഫീസർമാർക്കും വിദ്യാർത്ഥി വോളണ്ടിയർ ലീഡർമാർക്കും 'കോവിഡ് പാസ്സ് വേഡ്-വീടുകളിലെ കോവിഡ് പ്രതിരോധ മാനേജ്‌മെന്റ്' എന്ന വിഷയത്തിൽ സർട്ടിഫിക്കറ്റോടെയുളള ഓൺലൈൻ വിദഗ്ദ പരിശീലനം സംഘടിപ്പിച്ചു.

തലസ്ഥാനത്തെ ഗതാഗത സംവിധാനം ആധുനികവത്കരിക്കുന്നതിന്റെ ഭാഗമായി തിരുവനന്തപുരം കോർപ്പറേഷൻ സ്മാർട്ട് സിറ്റി പദ്ധതിയിലുൾപ്പെടുത്തി വാങ്ങിയ ഇലക്ട്രിക് ഓട്ടോകൾ പുറത്തിറക്കി. പൊതുമേഖല സ്ഥാപനമായ കേരള ഓട്ടോമൊബൈൽസ് ലിമിറ്റഡിന്റെ 15 ഇ-ഓട്ടോകളാണ് നിരത്തിലിറക്കിയത്.

ജില്ലയില്‍ 126 പേര്‍ക്ക് ഇന്നലെ  രോഗം സ്ഥിരീകരിച്ചു. 111 പേര്‍ക്ക് സമ്പര്‍ക്കം മൂലമാണ് രോഗബാധ. ഒരാള്‍ വിദേശത്തു നിന്നും ഒന്‍പതു പേര്‍ ഇതര സംസ്ഥാനങ്ങളില്‍ നിന്നും എത്തിയവരാണ്. അഞ്ച് ആരോഗ്യ പ്രവര്‍ത്തകനും പുതുതായി രോഗം സ്ഥിരീകരിച്ചു.
ഇതോടെ ജില്ലയില്‍ ഇതുവരെ റിപ്പോര്‍ട്ട് ചെയ്യപ്പെട്ട കൊവിഡ് പോസിറ്റീവ് കേസുകള്‍ 2357 ആയി. ഇവരില്‍ ഇന്നലെ രോഗമുക്തി നേടിയ 44 പേരടക്കം 1636 പേര്‍ ആശുപത്രി വിട്ടു. കൊവിഡ് സ്ഥിരീകരിച്ച 16 പേര്‍ ഉള്‍പ്പെടെ 23 പേര്‍ മരണപ്പെട്ടു. ബാക്കി 698 പേര്‍ ആശുപത്രികളില്‍ ചികില്‍സയിലാണ്.

  അപേക്ഷ ക്ഷണിച്ചു
അഴീക്കോട് ഗ്രാമപഞ്ചായത്തില്‍ ആട് വളര്‍ത്തല്‍ യൂണിറ്റ് ആരംഭിക്കാന്‍ മൃഗ സംരക്ഷണ വകുപ്പ് സാമ്പത്തിക സഹായം നല്‍കുന്നു. അപേക്ഷാ ഫോറം അഴീക്കോട് വെറ്ററിനറി ആശുപത്രിയില്‍ ലഭിക്കും. അപേക്ഷ സമര്‍പ്പിക്കേണ്ട അവസാന തീയതി ആഗസ്ത് 21. ഫോണ്‍. 9447263687.

ക്വട്ടേഷന്‍: തീയതി നീട്ടി
അപ്പലറ്റ് അതോറിറ്റി കണ്ണൂര്‍ കാര്യാലയവുമായി ബന്ധപ്പെട്ട ഔദ്യോഗിക ആവശ്യങ്ങള്‍ക്കായി മാസവാടക വ്യവസ്ഥയില്‍ ഡ്രൈവര്‍ ഉള്‍പ്പെടെ വാഹനത്തിന്  ക്വട്ടേഷന്‍ സമര്‍പ്പിക്കേണ്ട അവസാന തീയതി ആഗസ്ത് 24ന് 12 മണി വരെ നീട്ടി. വിശദവിവരങ്ങള്‍ക്ക് 8547616036 എന്ന നമ്പറില്‍ ബന്ധപ്പെടാം.  

ഗവ. ബ്രണ്ണന്‍ ഹയര്‍ സെക്കണ്ടറി സ്‌കൂളില്‍ നിര്‍മിച്ച പുതിയ കെട്ടിടത്തിന്റെയും ഹയര്‍ സെക്കണ്ടറി ലാബിന്റെയും ഉദ്ഘാടനം നടന്നു. ഓണ്‍ലൈനായി നടന്ന പരിപാടിയില്‍ ജോണ്‍ ഫര്‍ണാണ്ടസ് എംഎല്‍എ പുതിയ കെട്ടിടത്തിന്റെ ഉദ്ഘാടനം നിര്‍വ്വഹിച്ചു. എം എല്‍ എ ആസ്തി വികസനഫണ്ടില്‍ നിന്നും 9.95 ലക്ഷം ചെലവഴിച്ചാണ് പുതിയ സ്‌കൂള്‍ കെട്ടിടം നിര്‍മ്മിച്ചത്. നവീകരിച്ച കംപ്യൂട്ടര്‍ ലാബിന്റെ ഉദ്ഘാടനം എ എന്‍ ഷംസീര്‍ എം എല്‍ എയും നിര്‍വ്വഹിച്ചു. ബിവറേജസ് കോര്‍പ്പറേഷന്റെ അഞ്ചു ലക്ഷം ധനസഹായം ഉപയോഗിച്ചാണ് ലാബ് നവീകരിച്ചത്.

ജില്ലയിലെ പ്രധാന കേന്ദ്രങ്ങളില്‍ പൊതുജനങ്ങള്‍ക്ക് ഉപകാരപ്പെടുന്ന രീതിയില്‍ പൊതു ശൗചാലയ സമുച്ചയങ്ങള്‍ നിര്‍മ്മിക്കണമെന്ന് ജില്ലാ  ആസൂത്രണ സമിതി നിര്‍ദേശം. പൊതു ശുചിമുറികളുടെ നവീകരണവും നിര്‍മാണവും സംബന്ധിച്ച് തദ്ദേശ സ്വയംഭരണ സ്ഥാപനങ്ങള്‍ക്കുള്ള മാര്‍ഗ നിര്‍ദേശങ്ങളും  ഓണ്‍ലൈനായി സംഘടിപ്പിച്ച യോഗത്തില്‍ ചര്‍ച്ച ചെയ്തു. തദ്ദേശ സ്ഥാപനങ്ങളുടെ 2020-21 വാര്‍ഷിക പദ്ധതിയില്‍ പ്രത്യേക ശ്രദ്ധ നല്‍കേണ്ട പന്ത്രണ്ടിന പരിപാടികളുടെ ഭാഗമായുള്ള 'പൊതു ടോയ്‌ലറ്റുകളും ടേക്ക് എ ബ്രേക്ക് വിശ്രമ കേന്ദ്രങ്ങളും' പദ്ധതി പ്രകാരമാണ്  ഇത് നടപ്പാക്കുന്നത്.

കൊവിഡ് 19 ബാധിച്ച് ആശുപത്രികളിലും ഫസ്റ്റ്‌ലൈന്‍ കൊവിഡ് ട്രീറ്റ്‌മെന്റ് സെന്ററുകളിലും ചികിത്സയിലായിരുന്ന 75 പേര്‍ കൂടി ഇന്നലെ (ആഗസ്ത് 14) രോഗം ഭേദമായി ആശുപത്രി വിട്ടു. ഇതോടെ ജില്ലയിലെ കൊവിഡ് ബാധിതരില്‍ രോഗമുക്തി നേടിയവരുടെ എണ്ണം 1461 ആയി.

ചെറുകുന്ന് ഗവ ഗേള്‍സ് വെക്കേഷണല്‍ ഹയര്‍ സെക്കണ്ടറി സ്‌കൂളിന് പുതിയതായി നിര്‍മ്മിക്കുന്ന അക്കാദമിക് - അഡ്മിനിസ്‌ട്രേറ്റീവ് ബ്ലോക്കിന്റെ ശിലാസ്ഥാപനം ടി വി രാജേഷ് എം എല്‍ എ നിര്‍വഹിച്ചു. പൊതു വിദ്യാഭ്യാസ സംരക്ഷണയജ്ഞത്തിന്റെ ഭാഗമായി സംസ്ഥാന സര്‍ക്കാര്‍ കിഫ്ബി പദ്ധതിയില്‍ ഉള്‍പ്പെടുത്തി മൂന്ന് കോടി രൂപ ചെലവിലാണ് കെട്ടിടം നിര്‍മ്മിക്കുന്നത്.