ജില്ലയില്‍ പുതുതായി കൊവിഡ് പോസിറ്റീവ് കേസുകള്‍ റിപ്പോര്‍ട്ട് ചെയ്യപ്പെട്ട 30 തദ്ദേശ സ്ഥാപന വാര്‍ഡുകള്‍ കൂടി കണ്ടെയിന്‍മെന്റ് സോണുകളായി ജില്ലാ കലക്ടര്‍ ടി വി സുഭാഷ് പ്രഖ്യാപിച്ചു. ഇവയില്‍ സമ്പര്‍ക്കം വഴി രോഗബാധയുണ്ടായ ശ്രീകണ്ഠാപുരം 11, കണ്ണൂര്‍ കോര്‍പ്പറേഷന്‍ 2,5,13,40,52, കീഴല്ലൂര്‍ 2, ചെറുപുഴ 2, മയ്യില്‍ 1,14, പട്ടുവം 1, നടുവില്‍ 2, കോളയാട് 5, തലശ്ശേരി 20, കൊളച്ചേരി 11, പരിയാരം 11, മുണ്ടേരി 20, പടിയൂര്‍ കല്ല്യാട് 10, മലപ്പട്ടം 7, കടമ്പൂര്‍ 4,5,11, കുഞ്ഞിമംഗലം 6, പടിയൂര്‍ കല്ല്യാട് 5,6, ന്യൂ മാഹി 5 എന്നീ വാര്‍ഡുകള്‍ പൂര്‍ണമായി അടച്ചിടും.

സമ്പര്‍ക്കത്തിലൂടെ 323 പേര്‍ക്ക് വൈറസ്ബാധ
രോഗബാധിതരായി ചികിത്സയില്‍ 2,670 പേര്‍
ഇതുവരെ രോഗബാധ സ്ഥിരീകരിച്ചത് 6,541 പേര്‍ക്ക്
996 പേര്‍ക്ക് കൂടി പ്രത്യേക നിരീക്ഷണം
ആകെ നിരീക്ഷണത്തിലുള്ളത് 40,582 പേര്‍

                 
       കീഴുപറമ്പ് ഗ്രാമപഞ്ചായത്തില്‍ ഫെബ്രുവരി  മുതല്‍ ജൂലൈ വരെയുള്ള തൊഴില്‍രഹിത വേതനം വിതരണം ചെയ്യുന്നു. വേതനം കൈപ്പറ്റുന്നവര്‍  കാലയളവിലെ പുതുക്കിയ എംപ്ലോയിമെന്റ് രജിസ്‌ട്രേഷന്‍ കാര്‍ഡിന്റെ പകര്‍പ്പ്, വരുമാന സര്‍ട്ടിഫിക്കറ്റ് എന്നിവ ഓഗസ്റ്റ് 25 വൈകീട്ട് അഞ്ചിനകം ഗ്രാമപഞ്ചായത്ത് ഓഫീസില്‍ ഹാജരാക്കണം. ഫോണ്‍: 0483 2858296, ഇ-മെയില്‍ sec...@gmail.com.

ഭിന്നശേഷിക്കാര്‍ക്കുള്ള സംസ്ഥാന കമ്മീഷണര്‍ നിയമനത്തിന് അപേക്ഷ സ്വീകരിക്കുന്ന തീയതി സെപ്തംബര്‍ നാല് വരെ നീട്ടി. അപേക്ഷകള്‍ സാമൂഹ്യനീതി വകുപ്പ് സെക്രട്ടറിയുടെ ഓഫീസില്‍ നല്‍കുകയോ secy...@kerala.gov.in എന്ന ഇ മെയിലില്‍ അയയ്ക്കുകയോ ചെയ്യാം. കൂടുതല്‍ വിവരങ്ങള്‍ www.kerala.gov.in, www.sjd.kerala.gov.in എന്നിവയില്‍ ലഭിക്കും. 2014ലെ ശമ്പള പരിഷ്‌കരണ ഉത്തരവ് പ്രകാരം ഗ്രൂപ്പ് എ വിഭാഗത്തില്‍ സൂചിപ്പിച്ചിട്ടുള്ള ശമ്പള സ്‌കെയിലില്‍ സേവനം അനുഷ്ഠിച്ചവരും ഇതിന് മുമ്പ് സമാന തസ്തികയില്‍ പ്രവര്‍ത്തിച്ചവരും വിജ്ഞാപനത്തിലെ ക്ളാസ് വണ്‍ തസ്തികയില്‍ ഉള്‍പ്പെടും.
 

ഏറനാട് താലൂക്കിലെ ശ്രീ.തൃപുരാന്തക ദേവസ്വത്തിലെ പാരമ്പര്യേതര ട്രസ്റ്റിമാരുടെ ഒഴിവിലേക്ക് ട്രസ്റ്റികളായി നിയമിക്കുന്നതിന് അര്‍ഹരായ തദ്ദേശവാസികളില്‍ നിന്നും അപേക്ഷ ക്ഷണിച്ചു. താത്പര്യമുള്ളവര്‍ അപേക്ഷ സെപ്തംബര്‍ ഏഴിന് വൈകീട്ട് അഞ്ചിനകം കോഴിക്കോട് സിവില്‍ സ്‌റ്റേഷനില്‍ പ്രവര്‍ത്തിക്കുന്ന മലബാര്‍ ദേവസ്വം ബോര്‍ഡ് കോഴിക്കോട് അസിസ്റ്റന്റ് കമ്മീഷണറുടെ ഓഫീസില്‍ നല്‍കണം. അപേക്ഷ ഫോമിനും മറ്റ് വിവരങ്ങള്‍ക്കും മലബാര്‍ ദേവസ്വം ബോര്‍ഡ് കോഴിക്കോട് അസിസ്റ്റന്റ് കമ്മീഷണറുടെ ഓഫീസിലോ വകുപ്പിന്റെ മഞ്ചേരി ഡിവിഷന്‍ ഇന്‍സ്‌പെക്ടറുടെ ഓഫീസിലോ ബന്ധപ്പെടണം.