സ്‌കൂൾ തലം മുതൽ ബിരുദ/ബിരുദാനന്തര/പ്രൊഫഷണൽ തലം വരെയുളള ഒ.ബി.സി/മതന്യൂനപക്ഷ വിഭാഗത്തിൽപ്പെടുന്ന വിദ്യാർത്ഥികൾക്ക് പഠനാവശ്യത്തിന് ലാപ്പ്‌ടോപ്പ് വാങ്ങുന്നതിന് കേരള സംസ്ഥാന പിന്നാക്ക വികസന കോർപ്പറേഷൻ വായ്പ നൽകും. പ്രൊഫഷണൽ കോഴ്‌സുകൾ പഠിക്കുന്ന വിദ്യാർത്ഥികൾക്ക് ഉയർന്ന ശ്രേണിയിലുളള ലാപ്‌ടോപ്പ് വാങ്ങുന്നതിന് പരമാവധി ഒരു ലക്ഷം രൂപ വരെയും മറ്റ് കോഴ്‌സുകൾ പഠിക്കുന്നവർക്ക് പരമാവധി 50,000 രൂപ വരെയും വായ്പ അനുവദിക്കും.
അപേക്ഷകരുടെ കുടുംബ വാർഷിക വരുമാന പരിധി മൂന്ന് ലക്ഷം രൂപയിൽ അധികരിക്കരുത്. പലിശ നിരക്ക് ആറ് ശതമാനമാണ്. വായ്പാ തുക 60 പ്രതിമാസ തവണകളായി തിരിച്ചടയ്ക്കണം.

ഓണക്കാലത്ത് വിറ്റഴിക്കപ്പെടുന്ന പാലിന്റെ ഗുണമേന്മ ഉറപ്പുവരുത്തുന്നതിനായി ആഗസ്റ്റ് 24 മുതൽ 30 വരെ പാൽ പരിശോധന നടത്തുന്നു. തൃശൂർ ജില്ല ക്വാളിറ്റി ഇൻഫർമേഷൻ സെന്ററിൽ പാൽ സാമ്പിളുകൾ ലഭ്യമാകുന്ന മുറയ്ക്ക് ഗുണനിലവാരം പരിശോധിക്കുമെന്ന് ഡയറി ഡവലപ്പ്‌മെന്റ് ക്വാളിറ്റി കൺട്രോൾ ഓഫീസർ അറിയിച്ചു.

സപ്ലൈകോ ഓണം ഫെയർ 2020 ജില്ലയിൽ ആരംഭിച്ചു. തെക്കേഗോപുരനടയിൽ ഗവ. ചീഫ് വിപ്പ് കെ രാജൻ ആദ്യ വിൽപ്പന നടത്തി ജില്ലാതല ഉദ്ഘാടനം നിർവ്വഹിച്ചു. 30 മുതൽ 40 ശതമാനം വരെ വിലക്കുറവിലാണ് ഓണം ഫെയർ സംഘടിപ്പിച്ചിരിക്കുന്നത്. ഇതോടൊപ്പം ഹോർട്ടികോർപ്പിന്റെ പച്ചക്കറികളും വിൽപ്പനയ്ക്കുണ്ട്. ഒരു കിലോ ചെറുപയർ-74, ഉഴുന്ന്-66, കടല-43, വൻപയർ-45, പരിപ്പ്-65, മുളക്-75, മല്ലി-76, പഞ്ചസാര-22, ജയഅരി-25, കുറവ അരി-25, പച്ചരി-23, മട്ടയരി-24, ശബരി വെളിച്ചെണ്ണ (അരകിലോ)-46 എന്ന നിരക്കിൽ ഓണം ഫെയറിൽ ലഭിക്കും.

വികസനപാതയിൽ ബഹുമതികൾ ഏറ്റുവാങ്ങിയ തൃശൂർ ജില്ലാ പഞ്ചായത്തിന്റെ വികസനരേഖ പ്രകാശനം ചെയ്തു. ഭരണസമിതി 2015-20 വർഷം പൂർത്തീകരിച്ച പദ്ധതികളുടെ വിവരങ്ങൾ അടങ്ങിയതാണ് വികസനരേഖ. തദ്ദേശ സ്വയംഭരണ വകുപ്പ് മന്ത്രി എ സി മൊയ്തീൻ ഓൺലൈനായി വികസനരേഖ പ്രകാശനം ചെയ്തു.

തിരുവനന്തപുരം ആർ.ഐ.എൽ.റ്റി, രാമവർമ്മപുരം ഹിന്ദി ടി.ടി.ഐ എന്നിവയിൽ നിലവിൽ ഒഴിവുളള ചീഫ് ഇൻസ്ട്രക്ടർ തസ്തികയിൽ സർക്കാർ ഹൈസ്‌കൂൾ പ്രഥമാദ്ധ്യാപകർ/ ഉപജില്ലാ വിദ്യാഭ്യാസ ഓഫീസർ/ സമാന തസ്തികയിൽ ജോലി ചെയ്യുന്ന യോഗ്യരായവരിൽ നിന്ന് അപേക്ഷ ക്ഷണിച്ചു. മേൽ യോഗ്യത ഇല്ലാത്തവരുടെ അഭാവത്തിൽ സർക്കാർ ഹൈസ്‌കൂൾ അദ്ധ്യാപകർ / ഹിന്ദി ട്രെയിനിംഗ് ഇൻസ്റ്റിറ്റ്യൂട്ടിലെ സീനിയർ ഇൻസ്ട്രക്ടർ തുടങ്ങി സമാന തസ്തികയിൽ ജോലി ചെയ്യുന്ന, കുറഞ്ഞത് 12 കൊല്ലത്തെ ഗ്രാജുവേറ്റ് സർവീസിലുളളവർക്കും നിശ്ചിത ഫോറത്തിൽ അപേക്ഷിക്കാം. അപേക്ഷ സെപ്റ്റംബർ 15ന് മുൻപ് പൊതുവിദ്യാഭ്യാസ ഡയറക്ടറുടെ കാര്യാലയത്തിൽ ലഭ്യമാക്കണം.

പുതിയ കണ്ടെയ്ൻമെന്റ് സോണുകൾ: എടവിലങ്ങ് ഗ്രാമപഞ്ചായത്ത് വാർഡ് 01, കടവല്ലൂർ വാർഡ് 19, കടങ്ങോട് വാർഡ് 06, മുരിയാട് വാർഡ് 13 (തുറവൻകാട്), വലപ്പാട് വാർഡ് 16, കാറളം വാർഡ് 13, വാടാനപ്പളളി ഗ്രാമപഞ്ചായത്ത് മുഴുവൻ വാർഡുകളും.

സംസ്ഥാന സ്‌കൂൾ ഉച്ചഭക്ഷണ പദ്ധതിയിലെ പാചകത്തൊഴിലാളികൾക്ക് ഓണം ഉത്സവബത്തയായി 1300 രൂപ വീതം സർക്കാർ അനുവദിച്ചു. ഈ തുക അടിയന്തിരമായി പാചകത്തൊഴിലാളികൾക്ക് നൽകാൻ എല്ലാ വിദ്യാഭ്യാസ ഉപഡയറക്ടർമാർക്കും നിർദ്ദേശം നൽകിയിട്ടുണ്ട്. 12325 സ്‌കൂളുകളിലെ 13760 പാചകത്തൊഴിലാളികൾക്ക് ഇതിന്റെ പ്രയോജനം ലഭിക്കും.
പി.എൻ.എക്‌സ്. 2879/2020
 

തിരുവനന്തപുരം ഗവ: ഹോമിയോപ്പതിക് മെഡിക്കൽ കോളേജിൽ 25,26 തീയതികളിൽ നടത്താനിരുന്ന സാനിട്ടേഷൻ വർക്കർ തസ്തികയിലെ ഇന്റർവ്യൂ കോവിഡിന്റെ സാഹചര്യത്തിൽ മാറ്റിവച്ചതായി പ്രിൻസിപ്പൽ അറിയിച്ചു.
പി.എൻ.എക്‌സ്. 2878/2020

ഐ.സി.ബാലകൃഷ്ണന്‍ എം.എല്‍.എയുടെ ആസ്തി വികസന ഫണ്ടില്‍ ഉള്‍പ്പെടുത്തി നിര്‍മ്മിക്കുന്ന നൂല്‍പ്പുഴ ഗ്രാമപഞ്ചായത്തിലെ തേര്‍വയല്‍ മാളപ്പുര റോഡ് ടാറിംഗ്, താന്നിക്കുണ്ട് - കല്ലൂര്‍ക്കുന്ന് നായ്ക്ക കോളനി റോഡ് ഫോര്‍മേഷന്‍ എന്നീ പ്രവര്‍ത്തികള്‍ക്ക് 10 ലക്ഷം രൂപ വീതം അനുവദിച്ചു ഉത്തരവായി.

ബീനാച്ചി - പനമരം റോഡിന്റെ പുനരുദ്ധാരണ പ്രവൃത്തികള്‍ക്ക് തടസമായി നില്‍ക്കുന്ന വിവിധ ഇനത്തില്‍പ്പെട്ട മരങ്ങള്‍ സെപ്തംബര്‍ 3 ന് രാവിലെ 11 ന് ലേലം ചെയ്യും. സുല്‍ത്താന്‍ ബത്തേരി പൊതുമരാമത്ത് വകുപ്പ് നിരത്തുകള്‍ ഉപവിഭാഗം ഓഫീസിലാണ് ലേല നടപടികള്‍ നടക്കുക. ഫോണ്‍. 04936 222750.