സർക്കാർ മെഡിക്കൽ കോളേജ്, എറണാകുളം പുറപ്പെടുവിക്കുന്ന പത്രക്കുറിപ്പ്.

ഗവൺമെൻറ് മെഡിക്കൽ കോളേജ് എറണാകുളം
----------------------------------------
മെഡിക്കൽ ബുള്ളറ്റിൻ
----------------------------------------
കോവിഡ് പൊസിറ്റീവായി മെഡിക്കൽ കോളേജിൽ ചികിത്സയിലായിരുന്ന എറണാകുളം പച്ചാളം ലൂര്‍ദ് ആശുപത്രിക്ക് സമീപം താമസിക്കുന്ന മാലിയില്‍ ഗോപിനാഥന്‍ (63) മരിച്ചു

മരണം കോവിഡ് മൂലമാണെന്ന് സ്ഥിരീകരിക്കുന്നതിനായി സ്രവം ആലപ്പുഴ എൻ ഐ വി ലാബിലേക്കയച്ചു.
ഹൃദയസംബന്ധമായ ആരോഗ്യപ്രശ്നങ്ങളുണ്ടായിരുന്നു.

എറണാകുളം :കരകൗശല വികസന കോര്‍പ്പറേഷന്റെ  എറണാകുളം ശാഖയായ എം.ജി. റോഡിലുള്ള കൈരളിയില്‍ ഈ വര്‍ഷത്തെ ഓണം വിപണന മേള  ആരംഭിച്ചു. കേരള കൈത്തറി ഉല്പന്നങ്ങളായ കുത്താമ്പുള്ളി സാരികള്‍, സെറ്റു മുണ്ടുകള്‍, കസവുമുണ്ടുകള്‍, മറ്റു ഡ്രസ്സ് മെറ്റീരിയലുകള്‍, മധുര ചുങ്കിടി സാരികള്‍, ഒഡീഷയില്‍ നിന്നുള്ള പട്ടചിത്ര പെയിന്‍റിങ്ങുകള്‍, തിരുപ്പൂര്‍ കോട്ടണ്‍ ഉല്പന്നങ്ങള്‍, ഖാദി കുര്‍ത്തകള്‍, ഷര്‍ട്ടുകള്‍, കന്യാകുമാരിയില്‍ നിന്നുള്ള കട്ട്വര്‍ക്ക് ചെയ്ത സോഫാ കവറുകള്‍, ബെഡ്ഷീറ്റുകള്‍, ഭഗല്‍പൂരി ഡ്രെസ്സ് മെറ്റീരിയലുകള്‍, വിവിധ തരം ആഭരണങ്ങള്‍ എന്നിവയുടെ ശേഖരവുമായാണ് കൈരളി ഇത്തവണ  ഓണത്തെ വരവേല്‍ക്കുന്നത്.

തിരുവനന്തപുരം സി.ഇ.ടിയിൽ കമ്പ്യൂട്ടർ സയൻസ് ആൻഡ് എൻജിനിയറിംങ് വിഭാഗത്തിൽ അഡ്‌ഹോക് അസിസ്റ്റന്റ് പ്രൊഫസ്സറുടെ ഒഴിവുകളുണ്ട്. എഴുത്തു പരീക്ഷകളുടെയും അഭിമുഖത്തിന്റെയും അടിസ്ഥാനത്തിലാണ് നിയമനം. കമ്പ്യൂട്ടർ സയൻസ്/ഇൻഫർമേഷൻ ടെക്‌നോളജിയിൽ 60 ശതമാനം മാർക്കോടെ ബി. ടെക് & എം.ടെക് ബിരുദമാണ് യോഗ്യത. ഉദ്യോഗാർത്ഥികൾ 25ന് വൈകുന്നേരം നാലിനകം യോഗ്യത സർട്ടിഫിക്കറ്റുകളുടെ കോപ്പികൾ സഹിതം www.cet.ac.in  ൽ വിവരങ്ങൾ നൽകണം. കൂടുതൽ വിവരങ്ങൾക്ക് 0471-2515564.
പി.എൻ.എക്‌സ്. 2874/2020

2021 ലെ സർക്കാർ ഡയറി തയ്യാറാക്കുന്നതിന് ഡയറിയിൽ ഉൾപ്പെട്ടിട്ടുളള എല്ലാ സ്ഥാപനങ്ങളും  https://gaddiary.kerala.gov.in  എന്ന ലിങ്ക് ഉപയോഗിച്ച് നേരിട്ടോ, www.gad.kerala.gov.in  ലോ വിശദാംശങ്ങൾ ചേർക്കണം. വിവരങ്ങൾ ഉൾപ്പെടുത്തുന്നതിനുളള അവസാന തീയതി സെപ്റ്റംബർ ഒൻപത്. ഓൺലൈനായി വിവരങ്ങൾ ഉൾപ്പെടുത്താത്ത/പുതുക്കാത്ത സ്ഥാപനങ്ങളുടെ വിവരങ്ങൾ സർക്കാർ ഡയറിയിൽ നിന്ന് ഒഴിവാക്കും.
പി.എൻ.എക്‌സ്. 2873/2020

ഭിന്നശേഷിക്കാർക്ക് അടിയന്തിര ഘട്ടങ്ങളിൽ സഹായം നൽകുന്ന പരിരക്ഷ പദ്ധതിയ്ക്ക് സാമൂഹ്യനീതി വകുപ്പ് 56 ലക്ഷം രൂപയുടെ ഭരണാനുമതി നൽകിയതായി ആരോഗ്യ സാമൂഹ്യനീതി വകുപ്പ് മന്ത്രി കെ.കെ. ശൈലജ ടീച്ചർ അറിയിച്ചു. പുതുക്കിയ പ്രൊപ്പോസൽ അംഗീകരിച്ചാണ് ആവശ്യമായ തുകയനുവദിച്ചിരിക്കുന്നത്.

കേരള ഷോപ്‌സ് ആന്റ് കൊമേഴ്‌സ്യൽ എസ്റ്റാബ്‌ളിഷ്‌മെന്റ്‌സ് തൊഴിലാളി ക്ഷേമനിധി ബോർഡിലെ അംഗങ്ങളുടെ മക്കളിൽ 2018-19, 2019-20 അദ്ധ്യായന വർഷങ്ങളിൽ സ്‌പോർട്ട്‌സ് കൗൺസിൽ അംഗീകരിച്ച കായികയിനങ്ങളിൽ ദേശീയതലത്തിലും സംസ്ഥാനതലത്തിലും സർവകലാശാലതലത്തിലും ഒന്നാംസ്ഥാനം നേടിയ വിദ്യാർത്ഥികൾക്ക് ക്യാഷ് അവാർഡ് നൽകുന്നതിന് അപേക്ഷ ക്ഷണിച്ചു. അപേക്ഷകൾ സെപ്റ്റംബർ പത്തിനു മുമ്പ് ജില്ലാ എക്‌സിക്യൂട്ടീവ് ഓഫീസറുടെ കാര്യാലയത്തിൽ സമർപ്പിക്കണം.
പി.എൻ.എക്‌സ്. 2871/2020

കേന്ദ്ര നൈപുണ്യ വികസന മന്ത്രാലയം സംസ്ഥാന സർക്കാരിന് കീഴിൽ പ്രവർത്തിക്കുന്ന വ്യാവസായിക പരിശീലന വകുപ്പ് മുഖേന നടപ്പിലാക്കുന്ന STRIVE പദ്ധതിയുടെ ഭാഗമായി അപ്രന്റീസ് പരിശീലന പദ്ധതിയിൽ അർഹരായ ഇൻഡസ്ട്രി ക്ലസ്റ്ററുകളിൽ നിന്ന് അപേക്ഷ ക്ഷണിച്ചു. തിരഞ്ഞെടുക്കപ്പെടുന്ന ഇൻഡസ്ട്രി ക്ലസ്റ്ററുകൾക്ക് ഒരു കോടി രൂപ വരെ സാമ്പത്തിക സഹായം ലഭിക്കും. വിശദ വിവരങ്ങൾ  https:dgt.gov.in/download-guidelines-strive ൽ ലഭിക്കും. 31 വരെ അപേക്ഷിക്കാം.
പി.എൻ.എക്‌സ്. 2870/2020
 

കുട്ടികൾളുടെ ധീരതാ പ്രവർത്തനത്തിന് ദേശീയ ശിശുക്ഷേമ സമിതി (ഇൻഡ്യൻ കൗൺസിൽ ഫോർ ചൈൽഡ് വെൽഫെയർ) നൽകുന്ന ദേശീയ ധീരത  അവാർഡിനും സംസ്ഥാന ശിശുക്ഷേമ സമിതിയുടെ സംസ്ഥാന അവാർഡിനും അപേക്ഷകൾ ക്ഷണിച്ചു.

ജലസേചന വകുപ്പിലെ മെക്കാനിക്കൽ വിഭാഗം ഒന്നാംഗ്രേഡ് ഓവർസിയർമാരുടെ 2016 ജനുവരി ഒന്ന് മുതൽ 2017 ഡിസംബർ 31 വരെയുള്ള അന്തിമ മുൻഗണനാ പട്ടിക പ്രസിദ്ധീകരിച്ചു. വകുപ്പിന്റെ വെബ്‌സൈറ്റിലും കേരള ഗസറ്റിലും ലഭ്യമാണ്.
പി.എൻ.എക്‌സ്. 2868/2020