ട്രാവൻകൂർ കൊച്ചിൻ മെഡിക്കൽ കൗൺസിലിന്റെ രജിസ്‌ട്രേഷൻ നേടാതെ കേരളത്തിൽ മെഡിക്കൽ പ്രാക്ടീസ് നടത്തുന്നവർക്കെതിരെ ശക്തമായ നിയമനടപടി സ്വീകരിക്കുമെന്ന് മോഡേൺ മെഡിസിൻ ഡോക്ടർമാരെ അറിയിക്കാൻ മോഡേൺ മെഡിസിൻ എത്തിക്‌സ് കമ്മിറ്റി തീരുമാനിച്ചു. 1953 ലെ ട്രാവൻകൂർ കൊച്ചിൻ മെഡിക്കൽ പ്രാക്ടീഷണേഴ്‌സ് ആക്ട് പ്രകാരം കേരളത്തിൽ മെഡിക്കൽ പ്രാക്ടീസ് നടത്താൻ ടി.സി.എം.സി രജിസ്‌ട്രേഷൻ നിർബന്ധമാണ്.
പി.എൻ.എക്‌സ്. 2867/2020

സംസ്ഥാന യുവജനക്ഷേമ ബോര്‍ഡ് കാര്‍ഷിക സ്വയംപര്യാപ്തത മുന്‍നിര്‍ത്തി സംഘടിപ്പിച്ച തരിശുഭൂമിയില്‍ കൃഷി മത്സരത്തില്‍ പാലക്കാട് ജില്ലയില്‍ യൂത്ത് കോ- ഓര്‍ഡിനേറ്റര്‍ വിഭാഗത്തില്‍ തച്ചനാട്ടുകര പഞ്ചായത്ത് യൂത്ത് കോ- ഓര്‍ഡിനേറ്റര്‍ ഇല്യാസ് ഒന്നാംസ്ഥാനം നേടി. പുതൂര്‍ പഞ്ചായത്തില്‍ മദന്‍ ഗോപാല്‍ രണ്ടാംസ്ഥാനവും ആലത്തൂര്‍ പഞ്ചായത്തില്‍ അല്‍ത്താഫ് മൂന്നാംസ്ഥാനവും കരസ്ഥമാക്കി. യൂത്ത് ക്ലബ് വിഭാഗത്തില്‍ കാരാക്കുറിശ്ശി എയിംസ് കലാകായികവേദി ആന്റ് ഗ്രന്ഥശാല വിജയിച്ചതായും ജില്ലാ യൂത്ത് പ്രോഗ്രാം ഓഫീസര്‍ അറിയിച്ചു.  

പട്ടികവര്‍ഗ കുടുംബങ്ങള്‍ക്ക്  ഓണക്കിറ്റും 60  വയസ് കഴിഞ്ഞ പട്ടികവര്‍ഗക്കാര്‍ക്ക് ഓണക്കോടിയും വിതരണം തുടങ്ങി.  സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയന്‍   നിര്‍വഹിച്ചു.  പട്ടികജാതി പട്ടികവര്‍ഗ പിന്നോക്കവിഭാഗ വികസനകാര്യ മന്ത്രി എ. കെ. ബാലന്‍ അധ്യക്ഷത വഹിച്ചു.

ജില്ലയിൽ 3949 പട്ടിക വർഗ്ഗ കുടുംബങ്ങൾക്ക് ഓണകിറ്റും 60 വയസ്സിനു മുകളിൽ പ്രായമുള്ള 1590 പട്ടികവര്‍ഗക്കാര്‍ക്ക് ഓണക്കോടിയും വിതരണം ചെയ്യും.

വെളിച്ചെണ്ണ( 500 ഗ്രാം), മുളക് പൊടി(I00 ഗ്രാം), സാമ്പാർപൊടി (100 ഗ്രാം), മഞ്ഞൾ പൊടി(100 ഗ്രാം), ശർക്കര (1 കിലോ), മല്ലിപ്പൊടി (100 ഗ്രാം) 

 വിലക്കയറ്റം നിയന്ത്രിച്ച് അവശ്യ സാധനങ്ങള്‍  ന്യായവിലക്ക് ലഭ്യമാക്കുന്നതിനായി  സപ്ലൈകോ സംഘടിപ്പിക്കുന്ന ഓണം ജില്ലാ ഫെയര്‍  മുഖ്യമന്ത്രി  പിണറായി വിജയന്‍ ഇന്ന് (ആഗസ്റ്റ് 21) വൈകീട്ട് നാലിന്‌ വീഡിയോ കോണ്‍ഫറന്‍സിലൂടെ നിർവഹിക്കും.  ഓഗസ്റ്റ് 30  വരെ കോഴിക്കോട് ഗവ: മോഡല്‍ ഹയര്‍ സെക്കണ്ടറി സ്‌കൂളിലാണ് ഓണം ഫെയര്‍. ഭക്ഷ്യ- പൊതുവിതരണ ഉപഭോക്തൃകാര്യ വകുപ്പ് മന്ത്രി പി തിലോത്തമന്‍ ചടങ്ങിൽ പങ്കെടുക്കും. 

ഓണക്കാലത്തെ വര്‍ദ്ധിച്ച പാല്‍ ഉപഭോഗവും, ആവശ്യകതയും കണക്കിലെടുത്ത് ഗുണമേന്മ യുള്ള പാല്‍ ഉപയോഗം ഉറപ്പാക്കുന്നതിനായി പാലിലെ മായം കണ്ടെത്തുന്നതിനുള്ള പരിശോധനാ ലാബ് ആഗസ്റ്റ് 24 മുതല്‍ 30  വരെ സിവില്‍ സ്റ്റേഷനിലെ ക്ഷീര വികസന വകുപ്പ് ഗുണനിയന്ത്രണ ഓഫീസില്‍ പ്രവര്‍ത്തിക്കും.  

വടകര താലൂക്കിലെ റേഷന്‍ കാര്‍ഡ് സംബന്ധമായ അന്വേഷണങ്ങള്‍ റേഷനിങ്‌  ഇന്‍സ്‌പെക്ടര്‍മാരുടെ നമ്പറുകളിലേക്ക്  മാത്രം വിളിച്ചറിയിക്കേണ്ടതാണെന്ന് വടകര തലൂക്ക് സപ്ലൈ ഓഫീസര്‍ അറിയിച്ചു.

 എരഞ്ഞിക്കൽ ജില്ലാ ഹോമിയോ ആശുപത്രിയിൽ സ്ഥാപിക്കുന്ന ജനനി കേന്ദ്രത്തിന്റെ ശിലാസ്ഥാപനം,   സീതാലയത്തിന്റെ ഒന്നാം നിലയുടെ   ഉദ്ഘാടനം എന്നിവ ജില്ലാ പഞ്ചായത്ത് പ്രസിഡണ്ട് ബാബു പറശ്ശേരി നിർവഹിച്ചു. ഇതിനായി ജില്ലാ പഞ്ചായത്ത് ഫണ്ടായ ഒരു കോടി 10 ലക്ഷം രൂപയാണ് ഉപയോഗപ്പെടുത്തിയിരിക്കുന്നത്.   ജില്ലാ പഞ്ചായത്ത് വൈസ് പ്രസിഡണ്ട് റീനാ മുണ്ടേങ്ങാട്ട് അധ്യക്ഷത വഹിച്ചു. കോവിഡ് മാനദണ്ഡങ്ങൾ പൂർണ്ണമായും പാലിച്ചാണ് ചടങ്ങ് നടത്തിയത്.

മുൻ പ്രധാനമന്ത്രി രാജീവ് ഗാന്ധിയുടെ ജന്മദിനത്തിന്റെ ഭാഗമായി കോഴിക്കോട് കലക്ടറേറ്റിൽ സദ്ഭാവന ദിനം ആചരിച്ചു

കോവിഡ് മാനദണ്ഡങ്ങൾ പാലിച്ചുകൊണ്ട് കോണ്‍ഫറന്‍സ് ഹാളില്‍ നടന്ന ചടങ്ങില്‍  അഡീഷണൽ ജില്ലാ മജിസ്‌ട്രേറ്റ് റോഷ്നി നാരായണന്‍ പ്രതിജ്ഞ വാചകം ചൊല്ലികൊടുത്തു.  ചടങ്ങില്‍ കലക്ടറേറ്റ് ജീവനക്കാര്‍ പങ്കെടുത്തു. ആഗസ്ത് 20 ന് സംസ്ഥാന വ്യാപകമായി സദ്ഭാവനദിനമായി ആചരിക്കാൻ സർക്കാർ തീരുമാനിച്ചിരുന്നു. ഇതിന്റെ ഭാഗമായാണ് സത്യപ്രതിജ്ഞ ചടങ്ങ് നടത്തിയത്.