ജില്ലയിൽ മുൻഗണനാ വിഭാഗക്കാർക്കുള്ള (പിങ്ക് കാർഡ്) സൗജന്യ ഓണക്കിറ്റ് വിതരണം ആരംഭിച്ചു. ആദ്യദിനമായ ഇന്നലെ (ഓഗസ്റ്റ് 20) 11,235 പേർ കിറ്റ്  കൈപ്പറ്റിയതായി ജില്ലാ സിവിൽ സപ്ലൈ ഓഫീസർ കെ.അജിത് കുമാർ അറിയിച്ചു. ഏറ്റവും കൂടുതൽ കിറ്റുകൾ വിതരണം ചെയ്തത് ആലത്തൂർ താലൂക്കിലാണ്. 2854 കാർഡുടമകളാണ് കിറ്റ് കൈപ്പറ്റിയത്. ചിറ്റൂർ 1468, മണ്ണാർക്കാട് 1377, ഒറ്റപ്പാലം 1216, പാലക്കാട് 2515, പട്ടാമ്പി 1805 എന്നിങ്ങനെയാണ് മറ്റു താലൂക്കുകളിലെ കണക്കുകൾ. ആകെ 3,09315 പിങ്ക് കാർഡുടമകളാണ് ജില്ലയിലുള്ളത്.

പാലക്കാട് ജില്ലയിൽ ഇന്ന്(ഓഗസ്റ്റ് 20) 65
പേർക്ക് കൊവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു.  സമ്പർക്കത്തിലൂടെ രോഗബാധ ഉണ്ടായ 28 പേർ, ഇതര സംസ്ഥാനങ്ങളിൽ നിന്ന് വന്ന 11 പേർ,വിവിധ രാജ്യങ്ങളിൽ നിന്ന് വന്ന 20 പേർ, ഉറവിടം അറിയാത്ത രോഗബാധ ഉണ്ടായ 5  പേർഎന്നിവർ ഉൾപ്പെടും.  കൂടാതെ ഒരു ആരോഗ്യ പ്രവർത്തകയ്കും ഇന്ന് രോഗം സ്ഥിരീകരിച്ചിട്ടുണ്ട്.  91പേർക്ക് രോഗമുക്തി ഉള്ളതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

കോവിഡ് കാലത്ത് കാസര്‍കോട് ജില്ലാ ഭരണ സംവിധാനം അവതരിപ്പിച്ച മാതൃകയ്ക്ക് വീണ്ടും സംസ്ഥാനതലത്തില്‍ വന്‍ സ്വീകാര്യത ലഭിച്ചു. കോവിഡ് നിര്‍വ്യാപനത്തിനായി കാസര്‍കോട് ജില്ലയില്‍ ആവിഷ്‌കരിച്ച നമ്മുടെ ഓണത്തിന് നമ്മുടെ നാട്ടിലെ പൂക്കള്‍ എന്ന ആശയമാണ് ഒടുവില്‍ സംസ്ഥാനതലത്തില്‍ നടപ്പിലാക്കുന്നത് . നമ്മുടെ ഓണത്തിന് നമ്മുടെ നാട്ടിലെ  പൂക്കള്‍ എന്ന ആശയം ജില്ലാതല കൊറോണ കോര്‍ കമ്മിറ്റി യോഗത്തില്‍ അവതരിപ്പിച്ചത് ജില്ലാ കളക്ടര്‍ ഡോ.ഡി.സജിത് ബാബുവാണ്.

കാസര്‍കോട്  നഗരത്തില്‍ പ്രവര്‍ത്തിക്കുന്ന റബ്ബര്‍ ബോര്‍ഡ് ഓഫീസ് കണ്ടെയിന്‍മെന്റ് സോണ്‍ എന്ന പേരില്‍ അടച്ചിട്ട നടപടി തെറ്റാണെന്ന് ജില്ലാ കളക്ടര്‍ അറിയിച്ചു.  കണ്ടെയ്ന്‍മെന്റ് സോണുകളില്‍ ഓഫീസുകളുടെയോ ബാങ്കുകളുടെയോ പ്രവര്‍ത്തനം നിരോധിച്ചിട്ടില്ല.  ഏതെങ്കിലും ഓഫീസില്‍ ഒരു പോസിറ്റീവ് കേസ് റിപ്പോര്‍ട്ട് ചെയ്താല്‍ ആരോഗ്യ വകുപ്പിന്റെ നിര്‍ദേശത്തിന്റെ അടിസ്ഥാനത്തില്‍ മാത്രം ആ വ്യക്തിയുമായി നേരിട്ട് സമ്പര്‍ക്കമുള്ളവര്‍ ക്വാറന്റൈനില്‍ പോകേണ്ടതും, അണുനശീകരണം നടത്തിയ ശേഷം ഓഫീസ് പ്രവര്‍ത്തിക്കേണ്ടതുമാണ്.

കോവിഡ് 19 പശ്ചാത്തലത്തില്‍ ഗണേശോല്‍സവത്തിന്റെ ഭാഗമായി   ആഘോഷങ്ങള്‍ പാടില്ല. ജില്ലയിലെ ജിമ്മുകള്‍ക്ക് പ്രവര്‍ത്തനാനുമതി നല്‍കണമെന്ന അപേക്ഷകള്‍ ലഭിക്കുന്നുണ്ടെങ്കിലും സര്‍ക്കാര്‍ തലത്തില്‍ വ്യക്തമായ  തീരുമാനം വന്നിട്ടില്ലാത്തതിനാല്‍ നിലവില്‍ അനുമതി നല്‍കില്ല.

അണ്‍ എയ്ഡഡ് സ്‌കൂളുകളിലെ അധ്യാപകര്‍ക്ക് ശമ്പളം നല്‍കാത്തത് സംബന്ധിച്ച പരാതിയിന്മേല്‍ ഡി.ഡി.ഇ സമര്‍പ്പിച്ച റിപ്പോര്‍ട്ട് പരിഗണിച്ച് ഈ വിഷയത്തില്‍ സുപ്രീം കോടതിയില്‍ നിലവിലുള്ള കേസിന്റെ അന്തിമവിധി വന്നതിനു ശേഷം തീരുമാനമെടുക്കുമെന്ന് എന്ന് ജില്ലാ കളക്ടര്‍ അറിയിച്ചു.  

ജില്ലയില്‍ കോവിഡ് മരണങ്ങള്‍ കൂടുതലായി റിപ്പോര്‍ട്ട് ചെയ്യപ്പെടുകയാണ്.  കഴിഞ്ഞദിവസം ചികില്‍സയ്ക്കിടെ മരണപ്പെട്ട 40 വയസ്സുകാരന് കാര്യമായ രോഗങ്ങളൊന്നും റിപ്പോര്‍ട്ട് ചെയ്തിരുന്നില്ലാ എന്നതും യുവജനങ്ങള്‍ക്ക് രോഗം ബാധിക്കുന്നുവെന്നതുമെല്ലാം ഗൗരവപരമായി കാണേണ്ട കാര്യങ്ങളാണെന്നും അതിനാല്‍ ജാഗ്രത കൈവിടാതെ ജനങ്ങള്‍ ആരോഗ്യവകുപ്പിന്റെയും ജില്ലാ ഭരണകൂടത്തിന്റെയും നിര്‍ദ്ദേശങ്ങള്‍ പാലിക്കണമെന്നും ജില്ലാ കളക്ടര്‍ ഡോ ഡി സജിത് ബാബു പറഞ്ഞു. ജില്ലാതല കോറോണ കോര്‍കമ്മിറ്റി യോഗത്തില്‍ സംസാരിക്കുകയായിരുന്നു കളക്ടര്‍.

വെള്ളകെട്ടുകളില്‍ ഗപ്പി മീനുകളെ നിക്ഷേപിച്ച് കുമ്പള സിഎച്ച്സിയുടെ ആഭിമുഖ്യത്തില്‍ സംഘടിപ്പിച്ച ലോക കൊതുക് ദിനാചരണം വ്യത്യസ്തമായി. ഇതോടനുബന്ധിച്ച് ആരോഗ്യ ബോധവത്ക്കരണം, കൊതുക് ഉറവിട നശീകരണം, ഓണ്‍ലൈന്‍ മീറ്റിങ് തുടങ്ങിയ പരിപാടികളും വരും ദിവസങ്ങളില്‍ നടത്തും. കൊതുക് ജന്യരോഗങ്ങളായ ഡെങ്കിപ്പനി, മലമ്പനി, മന്ത് തുടങ്ങിയ രോഗങ്ങളെ കുറിച്ച് ജനങ്ങളില്‍ അവബോധം സൃഷ്ടിക്കുകയാണ് കൊതുകുദിനത്തിന്റെ ഉദ്ദേശിക്കുന്നത്.

കോവിഡ് രണ്ടാം ഘട്ടത്തില്‍ ഏറ്റവും അധികം രോഗികളെ ചികിത്സിച്ച് ഭേദമാക്കിയ കാസര്‍കോട് ജനറല്‍ ആശുപത്രിക്ക് എന്‍.എച്ച്.എം മുഖേന 20 ലക്ഷം രൂപ ലഭിച്ചു. മുനിസിപ്പല്‍ ചെയര്‍പേഴ്സണ്‍ ചെയര്‍മാനും ആശുപത്രി സൂപ്രണ്ട് കണ്‍വീണറുമായിട്ടുള്ള ആശുപത്രി മാനേജ്മെന്റ് കമ്മറ്റിയാണ് തുക കൈകാര്യം ചെയ്യുക.

ജില്ലയില്‍ മത്സ്യവില്‍പ്പന നടത്തുന്ന സ്ത്രീകള്‍ക്കു മാത്രമല്ല പുരുഷന്മാര്‍ക്കും കോവിഡ് ആന്റിജന്‍ പരിശോധന നിര്‍ബന്ധമാക്കുമെന്ന്ജില്ലാ കളക്ടര്‍ ഡോ.ഡി സജിത് ബാബു അറിയിച്ചു.ജില്ലാ കളക്ടര്‍ ഡോ.ഡി സജിത് ബാബു ജില്ലാ പോലീസ് മേധാവി ഡി ശില്‍പ എന്നിവര്‍ കീഴൂര്‍ നെല്ലിക്കുന്ന് മേഖലയിലെ തീരദേശത്തെ ക്ഷേത്ര സ്ഥാനികര്‍ മത്സ്യത്തൊഴിലാളി പ്രതിനിധികള്‍ എന്നിവരുമായി നടത്തിയ ചര്‍ച്ചയിലാണ് തീരുമാനം.

തൈക്കാട്ടുശ്ശേരി വാർഡ് 11, പുന്നപ്ര നോർത്ത് 2, 12 എന്നീ വാർഡുകൾ കണ്ടൈൻമെൻറ് സോണിൽ നിന്നും ഒഴിവാക്കി ജില്ലാ കലക്ടർ ഉത്തരവായി.