ജില്ലാ കലക്ടറുടെ അധ്യക്ഷതയില്‍ യോഗം ചേര്‍ന്നു

കോഴിക്കോട് കോര്‍പ്പറേഷനിലെ വെള്ളയിൽ വാര്‍ഡ് 66 അടിയന്തരമായി കൂടുതൽ കോവിഡ് ടെസ്റ്റ് നടത്താൻ ജില്ലാ കലക്ടർ എസ് സാംബശിവറാവുവിന്റെ അധ്യക്ഷതയിൽ ചേർന്ന യോഗത്തിൽ തീരുമാനം. കൂടുതൽ സമ്പർക്ക വ്യാപനമുണ്ടാകാതെ നിയന്ത്രിക്കുകയാണ് ലക്ഷ്യം.
ഈ പ്രദേശം ക്രിട്ടിക്കല്‍ കണ്ടെയ്ന്‍മെന്റ് സോണായി പ്രഖ്യാപിച്ച സാഹചര്യത്തിലാണ്  ജില്ലാ കലക്ടറുടെ നേതൃത്വത്തില്‍ യോഗം ചേര്‍ന്നത്.  വാര്‍ഡിലെ ഇന്‍സിഡന്റ് കമാന്‍ഡറായി ഡെപ്യൂട്ടി കലക്ടര്‍ ഇ. അനിത കുമാരിയെ നിയോഗിച്ചു.

കോട്ടയം ജില്ലാ എംപ്ലോയ്‌മെന്‍റ് എക്‌സ്‌ചേഞ്ചിന്‍റെ ആഭിമുഖ്യത്തില്‍   മെഡിക്കല്‍  - പാരാമെഡിക്കല്‍ രംഗത്തെ ഉപരിപഠന- തൊഴില്‍ സാധ്യതകളെപ്പറ്റി  ഓഗസറ്റ് 25ന് ഉച്ചകഴിഞ്ഞ് മൂന്നിന്  വെബിനാര്‍ സംഘടിപ്പിക്കും. പ്ലസ് ടു സയന്‍സ് വിജയിച്ച വിദ്യാര്‍ത്ഥികൾക്ക്  പങ്കെടുക്കാം.  ഫോണ്‍  0481-2560413.

ഓർഫനേജ് കൺട്രോൾ ബോർഡിൻ്റെ അംഗീകാരത്തോടെ  കുട്ടികളെ സംരക്ഷിക്കുന്ന ക്ഷേമ സ്ഥാപനങ്ങൾ, വയോജന സംരക്ഷണ  ക്ഷേമ സ്ഥാപനങ്ങൾ, യാചക മന്ദിരങ്ങൾ, പി.എച്ച് ഹോംസ് എന്നിവയിൽ  അർഹതയുള്ള സ്ഥാപനങ്ങൾക്ക് 2019-20 വർഷത്തെ ഗ്രാൻഡിന് അപേക്ഷിക്കാം.

അപേക്ഷകൾ ഓഗസ്റ്റ് 27നകം കോട്ടയം മിനി സിവിൽ സ്റ്റേഷനിലെ  ജില്ലാ സാമൂഹ്യനീതി ഓഫീസിൽ സമര്‍പ്പിക്കണം. ഫോൺ: 0481 2563980

പുതുതായി വന്ന 836 പേര്‍ ഉള്‍പ്പെടെ ജില്ലയില്‍ 14864 പേര്‍ നിരീക്ഷണത്തില്‍. ഇതുവരെ 86568 പേര്‍ നിരീക്ഷണം പൂര്‍ത്തിയാക്കി. പുതുതായി വന്ന 248 പേര്‍ ഉള്‍പ്പെടെ 1286 പേരാണ് ആശുപത്രികളില്‍ നിരീക്ഷണത്തിലുള്ളത്. 101 പേര്‍ ഇന്ന് ഡിസ്ചാര്‍ജ്ജ് ആയി .

4528 സ്രവ സാംപിള്‍ പരിശോധനയ്ക്ക് എടുത്ത് അയച്ചു. ആകെ 1,45,975 സ്രവ സാംപിളുകള്‍  പരിശോധനയ്ക്ക് അയച്ചതില്‍ 1,40,973 എണ്ണത്തിന്റെ പരിശോധനാ ഫലം ലഭിച്ചു. ഇതില്‍ 1,37,290 എണ്ണം നെഗറ്റീവ് ആണ്. പരിശോധനയ്ക്കയച്ച സാംപിളുകളില്‍ 5002 പേരുടെ പരിശോധനാ ഫലം കൂടി ലഭിക്കാനുണ്ട്.

തിരുവാര്‍പ്പ് മര്‍ത്തശ്മുനി പള്ളിയും അനുബന്ധ കെട്ടിടങ്ങളും പരിസരവും ഹൈക്കോടതിയുടെ ഉത്തരവനുസരിച്ച് കോട്ടയം ജില്ലാ കളക്ടര്‍ ഏറ്റെടുത്തു. ഉത്തരവ് നടപ്പാക്കുന്നതിന് ജില്ലാ കളക്ടര്‍ എം. അഞ്ജന ചുമതലപ്പെടുത്തിയ കോട്ടയം തഹസില്‍ദാര്‍ പി.ജി. രാജേന്ദ്ര ബാബുവിന്റെ നേതൃത്വത്തിലുള്ള റവന്യു സംഘം ഇന്നലെ(ഓഗസ്റ്റ് 20) പുലര്‍ച്ചെ അഞ്ചുമണിക്കാണ്  നടപടികള്‍ ആരംഭിച്ചത്.

കോവിഡ് വ്യാപനം രൂക്ഷമായ സാഹചര്യത്തില്‍ ഉഴവൂരിലെ കാര്‍ഡിനല്‍ സ്‌പെഷ്യാലിറ്റി മാനസികാരോഗ്യ കേന്ദ്രം കോവിഡ് ഇന്‍സ്റ്റിറ്റ്യൂഷണല്‍ ക്ലസ്റ്ററായി പ്രഖ്യാപിച്ച് കോട്ടയം ജില്ലാ കളക്ടര്‍ എം. അഞ്ജന ഉത്തരവായി.

ഇതോടൊപ്പം ആശുപത്രിയെ കോവിഡ് പ്രാഥമിക ചികിത്സാ കേന്ദ്രമായും(സി.എഫ്.എല്‍.ടി.സി) പ്രഖ്യാപിച്ചിട്ടുണ്ട്. ഇവിടെ കോവിഡ് ചികിത്സയ്ക്ക് ക്രമീകരണങ്ങള്‍ ഏര്‍പ്പെടുത്തുന്നതിന് ഉഴവൂർ ഗ്രാമപഞ്ചായത്ത് സെക്രട്ടറിയെ ചുമതലപ്പെടുത്തി.

കോട്ടയം ജില്ലയില്‍ 124  പേര്‍ കൂടി കോവിഡ് ബാധിതരായി. ഇതില്‍ 114 പേര്‍ക്കും സമ്പര്‍ക്കത്തിലൂടെയാണ് വൈറസ് ബാധിച്ചത്. സംസ്ഥാനത്തിനു പുറത്തുനിന്നു വന്ന പത്തു പേരും രോഗബാധിതരായി. സമ്പര്‍ക്കത്തിലൂടെ രോഗം വ്യാപിച്ചവരില്‍ ആറു പേര്‍ മറ്റു ജില്ലകളില്‍നിന്നുള്ളവരാണ്.

കോഴിക്കോട് എഫ്.എല്‍.ടി.സി, മെഡിക്കല്‍ കോളേജ്, എന്‍.ഐ.ടി. എഫ്.എല്‍.ടി.സികളില്‍ ചികിത്സയിലായിരുന്ന 20 പേര്‍ രോഗമുക്തിനേടി.

കോഴിക്കോട് കോര്‍പ്പറേഷന്‍ - 4
മാവൂര്‍ - 4
തിക്കോടി - 2

പയ്യോളി - 1

നടുവണ്ണൂര്‍ - 1
ഓമശ്ശേരി - 1
ആന്‍ഡമാന്‍ - 1
കാസര്‍ഗോഡ് - 2
കണ്ണൂര്‍ - 2
മലപ്പുറം - 1

പാലക്കാട് - 1

രോഗമുക്തി 20

കേരള മീഡിയ അക്കാദമി:  പ്രവേശന പരീക്ഷ സെപ്തംബര്‍ 19 ന്