എറണാകുളം :  ജില്ലയിലെ പുതിയ കൺടൈൻമെൻറ് സോണുകൾ പ്രാഥമിക സമ്പർക്ക പട്ടികക്ക് പുറത്തുള്ള പുതിയ രോഗികളുടെ എണ്ണത്തെ ആസ്പദമാക്കി നടപ്പാക്കാൻ ജില്ലാ കളക്ടർ എസ്. സുഹാസിന്റെ അധ്യക്ഷതയിൽ ചേർന്ന കോവിഡ് അവലോകന യോഗത്തിൽ തീരുമാനമായി. ഒരു പ്രദേശം കൺടൈൻമെൻറ്  സോൺ ആയി നിശ്ചയിച്ചാൽ ഏഴു ദിവസങ്ങൾക്കു ശേഷം പ്രദേശത്തെ സ്ഥിതി വിലയിരുത്തും. മുൻപ് രോഗം സ്ഥിരീകരിച്ച വ്യക്തിയുടെ സമ്പർക്ക പട്ടികക്ക് പുറത്തുള്ള ആർക്കെങ്കിലും ഈ കാലയളവിൽ രോഗം സ്ഥിരീകരിച്ചാൽ പ്രദേശം കൺടൈൻമെൻറ് സോൺ ആയി തുടരും. 

.സർക്കാർ മെഡിക്കൽ കോളേജ്, എറണാകുളം പുറപ്പെടുവിക്കുന്ന പത്രക്കുറിപ്പ്.
ഗുരുതരാവസ്ഥയിൽ ഐസിയുവിൽ കഴിയുന്ന രോഗികൾ
1)74 വയസുള്ള ചെല്ലാനം സ്വദേശിനി കോവിഡ് നുമോണിയ മൂലം ഗുരുതരമായി ഐസിയുവിലാണ്
2)53 വയസുള്ള വടുതല സ്വദേശിനി ഗുരുതരമായി ഐസിയുവിൽ ആണ് കോവിഡ് പരിശോധന ഫലം പോസിറ്റീവാണ്. 
3)35 വയസുള്ള നീണ്ടകര സ്വദേശിയെ ഗുരുതരമായി ഐസിയുവിൽ തുടരുന്നു. എറണാകുളത്തെ സ്വകാര്യ ആശുപത്രിയിൽ നിന്നും കോവിഡ് പരിശോധന ഫലo പോസിറ്റീവ് ആയതിനെ തുടർന്ന് മെഡിക്കൽ കോളേജിലേക്ക് മാറ്റുകയായിരുന്നു.

കൊച്ചി: അടുക്കള മാലിന്യങ്ങള്‍ ചുരുങ്ങിയ സമയത്തിനുള്ളില്‍ കമ്പോസ്റ്റാക്കി മാറ്റുന്നതിനുള്ള ഇരട്ട അറകളോട് കൂടിയ യാന്ത്രിക 'ഇന്‍ വെസല്‍ കമ്പോസ്റ്റിങ്' ഉപകരണത്തിന്റെ കണ്ടുപിടുത്തത്തിന് കൊച്ചി ശാസ്്ത്ര സാങ്കേതിക സര്‍വകലാശാല എന്‍വയോമെന്റല്‍ സ്റ്റഡീസിലെ അസി. പ്രൊഫ.ഡോ. എം. ആനന്ദിന് പേറ്റന്റ് ലഭിച്ചു. പൂര്‍ണ്ണമായും അടച്ച എയ്‌റോബിക് കമ്പോസ്റ്റിങ് സിസ്റ്റം ആയതുകൊണ്ടുതന്നെ അഴുകുന്ന മാലിന്യങ്ങള്‍ ശുചിത്വത്തോടെയും പരിസ്ഥിതി സൗഹാര്‍ദ്ദത്തോടെയും ജൈവവളമാക്കാം എന്നതാണ് നേട്ടം.

പരീക്ഷാഫലം പ്രസിദ്ധീകരിച്ചു

കാലടി : ശ്രീ ശങ്കരാചാര്യ സംസ്കൃത സര്‍വകലാശാല 2020 ജൂണിൽ നടത്തിയ പിജി ഡിപ്ലോമ ഇന്‍ ട്രാന്‍സ്ലേഷന്‍ ആന്റ് ഓഫീസ് പ്രൊസീഡിംഗ് സ് ഇന്‍ ഹിന്ദി
പരീക്ഷകളുടെ പ്രാവിഷണല്‍ പരീക്ഷാഫലം പ്രസിദ്ധപ്പെടുത്തി. ഫലം
സര്‍വ്വകലാശാല വെബ്സൈറ്റില്‍ (www.ssus.ac.in) ലഭ്യമാണ്

 അറിയിപ്പ്

കൊച്ചി: വിമുക്തി മിഷനും വനിതാ ശിശുവികസന വകുപ്പും രക്ഷകർത്താക്കൾക്കായി സംഘടിപ്പിക്കുന്ന സംസ്ഥാന തല വെബിനാർ നാളെ ( 26 / 08  / 2020) നടക്കും. വൈകിട്ട് 6.30 മുതൽ 8 മണിവരെ  " കുട്ടികളിലെ ലഹരി വിധേയത്വം എങ്ങനെ കണ്ടെത്താം, എങ്ങനെ പരിഹരിക്കാം " എന്ന വിഷയത്തിലാണ്   ബോധവൽക്കരണ വെബ്ബിനാർ സംഘടിപ്പിക്കുന്നത്. ചടങ്ങിൽ എക്‌സൈസ് കമ്മീഷണർ  എസ്. ആനന്ദകൃഷ്ണൻ ഐ. പി. എസ്.  ആമുഖ പ്രഭാഷണം നടത്തും. തിരുവനതപുരം ഗവണ്മെന്റ് മെഡിക്കൽ കോളേജിലെ കൺസൾറ്റൻറ് സൈക്യാട്രിസ്റ്റ്   ഡോ. മോഹൻ റോയ് വെബിനാറിൽ വിഷയാവതരണം നടത്തും.  വെബ്ബിനറിൽ സംവദിക്കുന്നതിനും രജിസ്റ്റർ ചെയ്യുന്നതിനുമായി 8943592833  എന്ന നമ്പറിൽ ബന്ധപ്പെടാം.

എറണാകുളം : കോവിഡ് 19 നിയന്ത്രണങ്ങൾ നിലനിൽക്കുന്ന സാഹചര്യത്തിൽ  പ്രവർത്തനങ്ങൾ വിലയിരുത്താൻ കളക്ടർ എസ്. സുഹാസ് കലൂർ മാർക്കറ്റിൽ സന്ദർശനം നടത്തി. ഓണക്കാലം ആയതോടെ മാർക്കറ്റിൽ മുമ്പത്തേക്കാൾ തിരക്ക് വർധിക്കുന്ന സാഹചര്യത്തിൽ ആണ് കളക്ടറുടെ സന്ദർശനം.  കോവിഡ് മാനദണ്ഡങ്ങൾ കൃത്യമായി പാലിക്കണമെന്നും സാമൂഹിക അകലം പാലിക്കണമെന്നും മാസ്ക് ഉൾപ്പടെയുള്ളവ ദിനചര്യയുടെ ഭാഗമാക്കണമെന്നും കളക്ടർ വ്യാപാരികളോട് നിർദേശിച്ചു. അമിതമായ തിരക്ക് നിയന്ത്രിക്കാൻ ആവശ്യമായ നിർദേശങ്ങൾ കൃത്യമായി നടപ്പാക്കണമെന്നും കളക്ടർ പറഞ്ഞു. കോർപറേഷൻ ആരോഗ്യ വിഭാഗവും പോലീസും വ്യാപാരി പ്രതിനിധികളും കളക്ടറെ അനുഗമിച്ചു

തൃശൂർ സിറ്റി പോലീസിന്റെ കരുതലിൽ പരിപാടിയായ 'മാസ്സാണ് തൃശൂർ മാസ്‌കാണ് നമ്മുടെ ജീവൻ' ക്യാമ്പയിൻ തുടക്കമായി. ഓണക്കാലത്തെ പ്രത്യേക സാഹചര്യം കണക്കിലെടുത്ത് കോവിഡ് മഹാമാരിയെ പ്രതിരോധിക്കുന്നതിനായാണ് വിപുലമായ ക്രമീകരണങ്ങളോടെ സിറ്റി പോലീസ് ക്യാമ്പയിൻ ആരംഭിച്ചിട്ടുള്ളത്. ഇതിന്റെ ഭാഗമായി ഓഗ്മെന്റഡ് റിയാലിറ്റി സംവിധാനം ഉപയോഗപ്പെടുത്തി 'മാസ്സാണ് തൃശൂർ മാസ്‌കാണ് നമ്മുടെ ജീവൻ' എന്ന ക്യാമ്പയിൻ തൃശൂർ സിറ്റി പൊലീസിന്റെ ഫേസ്ബുക്ക് പേജിലൂടെ ആഗസ്റ്റ് 24-ന് തത്സമയ സംപ്രേഷണം തുടങ്ങി.

ലഹരി വിമുക്തമാക്കുന്നതിനായി സ്‌ക്വാഡുകൾ രൂപീകരിച്ചു. വ്യാജമദ്യം, മയക്കുമരുന്ന് തുടങ്ങിയ ലഹരി പദാർത്ഥങ്ങളുടെ വിതരണവും നിർമ്മാണവും തടയുന്നതിനായാണ് സ്‌ക്വാഡ്. താലൂക്ക് അടിസ്ഥാനത്തിൽ വിവിധ വകുപ്പുകളെ സംയോജിപ്പിച്ച് റെയ്ഡുകൾ നടത്തുന്നതിനാണ് സംയുക്ത സ്‌ക്വാഡുകളെന്ന് ജില്ല കളക്ടർ അറിയിച്ചു. താലൂക്ക്, സ്‌ക്വാഡ് അംഗങ്ങൾ യഥാക്രമത്തിൽ.