പത്തനംതിട്ട ജില്ലയില്‍ ജലവുമായി ബന്ധപ്പെട്ട വിവിധ അപകടങ്ങളില്‍ ഈ വര്‍ഷം ഇതുവരെ 26 പേര്‍ മരിച്ചു. 2019 ല്‍ 52 മരണങ്ങളാണ് ജില്ലയില്‍ റിപ്പോര്‍ട്ട് ചെയ്തത്. ഈ വര്‍ഷം മരിച്ച 26 പേരില്‍ 25 പേര്‍ പുരുഷന്മാരും ഒരു സ്ത്രീയുമാണ്. 

ഈ വര്‍ഷം 60 വയസിനു മുകളില്‍ പ്രായമുള്ള ഒന്‍പതു പേരാണു മരിച്ചത്. 21 നും 30 നും ഇടയില്‍ പ്രായമുള്ള എട്ടുപേരും 41 നും 50 നും ഇടയില്‍ പ്രായമുള്ള നാലു പേരും 10 നും 20നും ഇടയിലുള്ള മൂന്നു പേരും 51 നും 60നും ഇടയിലുള്ള രണ്ടു പേരും മരിച്ചു. 

2019 ല്‍  41 നും 50 നും ഇടയില്‍ പ്രായമുള്ള 11 പേരും 60 വയസിനു മുകളില്‍ പ്രായമുള്ള ഏഴുപേരും മരിച്ചു. 

കോവിഡ് മാനദണ്ഡങ്ങള്‍ പാലിച്ച് ആറന്മുള തിരുവോണത്തോണി വരവേല്‍പ്പ്, ഉതൃട്ടാതി ജലോത്സവം, അഷ്ടമി രോഹിണി വള്ളസദ്യ എന്നിവ ആചാരപരമായ ചടങ്ങുകള്‍ പാലിച്ച് നടത്താന്‍ തീരുമാനമായി.  വീണാ ജോര്‍ജ് എംഎല്‍എ, ജില്ലാ കളക്ടര്‍ പി.ബി നൂഹ് എന്നിവരുടെ നേതൃത്വത്തില്‍ പള്ളിയോട സേവാ സംഘം പ്രതിനിധികളുടെ സാന്നിധ്യത്തില്‍ ചേര്‍ന്ന വീഡിയോ കോണ്‍ഫറന്‍സിലാണ് ഇതുസംബന്ധിച്ച് തീരുമാനമായത്. 

നിരണം, കുറ്റൂര്‍ എന്നീ പഞ്ചായത്തുകളിലെ കേന്ദ്രങ്ങള്‍ കൂടി ഉദ്ഘാടനം ചെയ്തതോടെ, തിരുവല്ല നിയോജകമണ്ഡലത്തിലെ 11 പഞ്ചായത്തുകളിലും മുനിസിപ്പാലിറ്റിയിലും കോവിഡ് ഫസ്റ്റ് ലൈന്‍  ട്രീറ്റ്‌മെന്റ് സെന്ററുകള്‍ സജ്ജമായതായി മാത്യു ടി. തോമസ് എം എല്‍എ പറഞ്ഞു. നിരണത്ത് മുകളടി സര്‍ക്കാര്‍ യുപി സ്‌കൂളും, കുറ്റൂരില്‍ ശിശുവിഹാറുമാണ് ഇന്ന്(ഓഗസ്റ്റ്20) ചികിത്സാ കേന്ദ്രങ്ങളായി രൂപാന്തരപ്പെട്ടത്.

പത്തനംതിട്ട ജില്ലയില്‍ ഇന്ന്(ആഗസ്റ്റ് 20) 119 പേര്‍ക്ക് 

കോവിഡ്-19 സ്ഥിരീകരിച്ചു, 37 പേര്‍ രോഗമുക്തരായി

ഇന്ന് രോഗം സ്ഥിരീകരിച്ചവരില്‍ 12 പേര്‍ വിദേശ രാജ്യങ്ങളില്‍ നിന്ന് വന്നവരും 18 പേര്‍ മറ്റ് സംസ്ഥാനങ്ങളില്‍ നിന്നും വന്നവരും 89 പേര്‍ സമ്പര്‍ക്കത്തിലൂടെ രോഗം ബാധിച്ചവരുമാണ്.

• വിദേശത്തുനിന്ന് വന്നവര്‍

1) അബുദാബിയില്‍ നിന്നും എത്തിയ ചെറുകോല്‍, അന്ത്യാളന്‍കാവ് സ്വദേശി (43). 

2) ഷാര്‍ജയില്‍ നിന്നും എത്തിയ വയല സ്വദേശി (62). 

കോവിഡ് മഹാമാരിയെ ചെറുക്കാന്‍ പത്തനംതിട്ട ജില്ലാഭരണകൂടവും ആരോഗ്യവകുപ്പും ജനപ്രതിനിധികളും തദ്ദേശസ്ഥാപനങ്ങളും പോലീസ് ഉള്‍പ്പെടെ വിവിധ സര്‍ക്കാര്‍ വകുപ്പുകളും നടത്തുന്ന പ്രതിരോധപ്രവര്‍ത്തനങ്ങള്‍ തുടരുന്നു. പ്രതിദിന കോവിഡ് പോസിറ്റീവ് കേസുകളും മരണ നിരക്കും ജില്ലയില്‍ കുറവാണ്. ഈ മാസം(ഓഗസ്റ്റ്) മരണനിരക്ക് ഉയര്‍ന്നിട്ടുണ്ട്. ജില്ലയില്‍ ഇതുവരെ എട്ട്  മരണങ്ങള്‍ റിപ്പോര്‍ട്ട് ചെയ്തിട്ടുണ്ടെന്ന് ജില്ലാ കളക്ടര്‍ പി.ബി.നൂഹ് പറഞ്ഞു. അതില്‍ ഏഴു മരണങ്ങളും ഉണ്ടായത് ഓഗസ്റ്റിലാണ്.  സംസ്ഥാനത്ത് ആകെ 191 കോവിഡ് മരണങ്ങളാണ് ഇതുവരെ റിപ്പോര്‍ട്ട് ചെയ്തിട്ടുള്ളത്.

അടൂര്‍ മുനിസിപ്പാലിറ്റിയിലെ വാര്‍ഡ് 23, ഇലന്തൂര്‍ ഗ്രാമപഞ്ചായത്തിലെ വാര്‍ഡ് 12 ലെ ചാക്കകോളനി ഭാഗം എന്നീ സ്ഥലങ്ങളെ ഓഗസ്റ്റ് 21 മുതല്‍ കണ്ടെയ്ന്‍മെന്റ് സോണ്‍ നിയന്ത്രണത്തില്‍ നിന്നും ഒഴിവാക്കി ഉത്തരവായി. നിലവില്‍ പ്രഖ്യാപിച്ചിട്ടുള്ള കണ്ടെയ്ന്‍മെന്റ് സോണ്‍ നിയന്ത്രണം ജൂലൈ 20ന് അവസാനിക്കുന്ന സാഹചര്യത്തില്‍ പത്തനംതിട്ട ജില്ലാ മെഡിക്കല്‍ ഓഫീസറുടെ (ആരോഗ്യം) ശുപാര്‍ശ പ്രകാരമാണ് ജില്ലാ ദുരന്തനിവാരണ അതോറിറ്റി ചെയര്‍മാന്‍ കൂടിയായ ജില്ലാ കളക്ടര്‍ പി.ബി. നൂഹ് ഉത്തരവ് പുറപ്പെടുവിച്ചത്.

ഇലന്തൂര്‍ ഗ്രാമപഞ്ചായത്തിലെ വാര്‍ഡ് രണ്ട്, അഞ്ച് എന്നീ സ്ഥലങ്ങളില്‍ ഓഗസ്റ്റ് 21 മുതല്‍ ഏഴു ദിവസത്തേക്ക് കൂടി കണ്ടെയ്ന്‍മെന്റ് സോണ്‍ നിയന്ത്രണം ദീര്‍ഘിപ്പിച്ചു. നിലവില്‍ പ്രഖ്യാപിച്ചിട്ടുള്ള കണ്ടെയ്ന്‍മെന്റ് സോണ്‍ നിയന്ത്രണം ഓഗസ്ത് 20 ന് അവസാനിക്കുന്ന സാഹചര്യത്തില്‍ പത്തനംതിട്ട ജില്ലാ മെഡിക്കല്‍ ഓഫീസറുടെ (ആരോഗ്യം) ശുപാര്‍ശ പ്രകാരമാണ് ജില്ലാ ദുരന്തനിവാരണ അതോറിറ്റി ചെയര്‍മാന്‍ കൂടിയായ ജില്ലാ കളക്ടര്‍ പി.ബി. നൂഹ് ഉത്തരവ് പുറപ്പെടുവിച്ചത്.

കലഞ്ഞൂര്‍ ഗ്രാമപഞ്ചായത്തിലെ വാര്‍ഡ് ആറ് (പോത്തുപ്പാറ ഭാഗം), കുളനട ഗ്രാമപഞ്ചായത്തിലെ വാര്‍ഡ് ഒന്ന് (ആലവട്ടക്കുറ്റി ആലുനില്‍ക്കുന്ന മണ്ണ് ഭാഗം), കുളനട ഗ്രാമപഞ്ചായത്തിലെ വാര്‍ഡ് 16 (ആലുനില്‍ക്കുന്ന മണ്ണ് വയറുംപുഴ കടവിന് പടിഞ്ഞാറ് കക്കട ഭാഗം വരെ, കോന്നി ഗ്രാമപഞ്ചായത്തിലെ വാര്‍ഡ് 13, നിരണം ഗ്രാമ പഞ്ചായത്തിലെ വാര്‍ഡ് 12 എന്നീ സ്ഥലങ്ങളില്‍ ഓഗസ്റ്റ് 20 മുതല്‍ ഏഴു ദിവസത്തേക്ക് കണ്ടെയ്ന്‍മെന്റ് സോണ്‍ നിയന്ത്രണം.

  രണ്ടു കുടുംബങ്ങള്‍ തമ്മില്‍ വഴക്കുണ്ടായപ്പോള്‍ മധ്യസ്ഥം വഹിക്കാനെത്തിയ വ്യക്തിയില്‍ നിന്നും അഞ്ചു പേര്‍ക്ക് കോവിഡ് പകര്‍ന്നു. കൂടാതെ നിബന്ധനകള്‍ മറികടന്ന് പ്രവര്‍ത്തിച്ച രണ്ട് ട്യൂഷന്‍ സെന്ററുകള്‍ മുഖേന 15 പേര്‍ക്കും കഴിഞ്ഞ ദിവസങ്ങളിലായി ജില്ലയില്‍ കോവിഡ് സ്ഥിരീകരിച്ചു.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ഓഗസ്റ്റ് 20) രാത്രി ഏഴ് വരെ ജില്ലയിൽ പോലീസ് നടത്തിയ പരിശോധനയിൽ 43 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 62 പേരെ അറസ്റ്റ് ചെയ്തു. 

 മാസ്ക് ധരിക്കാത്ത 247 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 247 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു.