പന്തളം എന്‍.എസ്.എസ് പോളിടെക്‌നിക്  കോളജില്‍ ഇലക്‌ട്രോണിക്‌സ് ആന്‍ഡ് കമ്മ്യൂണിക്കേഷന്‍ എഞ്ചിനീയറിംഗ്  വിഭാഗത്തിലേക്ക് ഒരു ഗസ്റ്റ് ലക്ചറുടെ  ഒഴിവുണ്ട്.  യോഗ്യത- ബി.ടെക് ഫസ്റ്റ് ക്ലാസ്/തത്തുല്യം. താല്‍പര്യമുളളവര്‍ ഒറിജിനല്‍ സര്‍ട്ടിഫിക്കറ്റുകളും  ബയോഡേറ്റയും  ബന്ധപ്പെട്ട  രേഖകളുമായി  2020 സെപ്റ്റംബര്‍ എട്ടിന്  രാവിലെ 10.30 ന് കോളജ് ഓഫീസില്‍  നേരിട്ട് ഹാജരാകണം.  കൂടികാഴ്ച കോവിഡ് 19 മാനദണ്ഡങ്ങള്‍ പാലിച്ചായിരിക്കും.

പത്തനംതിട്ട ജില്ലയില്‍  സാങ്കേതിക വിദ്യാഭ്യാസ വകുപ്പില്‍  9190-15780 രൂപ ശമ്പള നിരക്കില്‍ ട്രെയിഡ്‌സ്മാന്‍  (ഷീറ്റ് മെറ്റല്‍) (കാറ്റഗറി നമ്പര്‍ - 542/2013) തസ്തികയിലേക്ക് 16.03.2017 തീയതിയില്‍  നിലവില്‍ വന്ന റാങ്ക് പട്ടിക(റാങ്ക് ലിസ്റ്റ് നമ്പര്‍   325/17/ഡി.ഒ.എച്ച്) 16.03.2020 അര്‍ദ്ധരാത്രിയോടെ മൂന്നു വര്‍ഷ കാലാവധി  കഴിഞ്ഞതിനെ തുടര്‍ന്ന് 17.03.2020 തീയതി പൂര്‍വാഹ്നം  മുതല്‍ റദ്ദായിരിക്കുന്നതായി  പത്തനംതിട്ട ജില്ലാ പബ്ലിക് സര്‍വീസ് കമ്മീഷന്‍  ഓഫീസര്‍ അറിയിച്ചു.

കോയിപ്രം ശിശുവികസന പദ്ധതി ഓഫീസ് പരിധിയിലെ പുറമറ്റം ഗ്രാമപഞ്ചായത്തിലെ അങ്കണവാടികളിലെ ഹെല്‍പ്പര്‍ തസ്തികകളിലേക്കു നിലവിലുള്ളതും ഭാവിയില്‍ ഉണ്ടാകാന്‍ സാധ്യതയുള്ളതുമായ ഒഴിവുകളിലേക്കു പരിഗണിക്കുന്നതിനായി അതത് ഗ്രാമപഞ്ചായത്ത് പരിധിയില്‍ സ്ഥിരതാമസക്കാരായ വനിതകളില്‍ നിന്നും അപേക്ഷ ക്ഷണിച്ചു. പ്രായപരിധി: 18-46 വയസ്. (2020 ജനുവരി 1 ന് 18 വയസ് പൂര്‍ത്തിയായിരിക്കണം, 46 വയസ് കവിയാന്‍ പാടില്ല. പട്ടികജാതി, പട്ടികവര്‍ഗ വിഭാഗത്തില്‍പ്പെട്ടവര്‍ക്ക് ഉയര്‍ന്നപ്രായപരിധിയില്‍ മൂന്നു വര്‍ഷം നിയമാനുസൃതമായ ഇളവ് ഉണ്ടായിരിക്കും)

സാമൂഹ്യ നീതി വകുപ്പ്  പത്തനംതിട്ട ജില്ലാ പ്രൊബേഷന്‍ ഓഫീസ് മുഖേന  നടപ്പിലാക്കുന്ന  വിവിധങ്ങളായ  സാമൂഹ്യ പ്രതിരോധ  സേവനങ്ങളില്‍  പങ്കാളികളാകാന്‍  താല്‍പര്യമുളള  പ്രൊഫഷണല്‍ സോഷ്യല്‍ വര്‍ക്കര്‍മാരുടെ പാനല്‍ തയാറാക്കുന്നതിലേക്കായി  അപേക്ഷ ക്ഷണിച്ചു.   

പൊതു അവധി ദിവസങ്ങളില്‍(ഓഗസ്റ്റ് 28 മുതല്‍ സെപ്റ്റംബര്‍ രണ്ടു  വരെ)  അനധികൃതമായി വയല്‍ നികത്തല്‍, മണല്‍ ഖനനം, പാറഖനനം, കുന്നിടിക്കല്‍, സര്‍ക്കാര്‍ ഭൂമി കൈയേറ്റം, അനധികൃത നിര്‍മാണം, അനധികൃത മരംമുറി തുടങ്ങിയ നിയമവിരുദ്ധ പ്രവര്‍ത്തനങ്ങള്‍ നടത്തുന്നതു തടയുന്നതിന് ജില്ലയിലെ ആറു താലൂക്ക് ഓഫീസുകളിലും സ്പെഷല്‍ സ്‌ക്വാഡ് രൂപീകരിച്ചു. ഇതിന്റെ ഭാഗമായി 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമുകള്‍ പ്രവര്‍ത്തനം ആരംഭിച്ചു.

ഓണക്കാലത്തോട് അനുബന്ധിച്ച് അവധി ദിവസങ്ങളില്‍ ഉള്‍പ്പെടെ അളവുതൂക്ക സംബന്ധമായ ക്രമക്കേടുകള്‍ തടയുന്നതിന് ജില്ലയില്‍ കണ്‍ട്രോള്‍റൂം ആരംഭിച്ചു. സാധനങ്ങള്‍ അളവില്‍ക്കുറവ് വില്‍പന നടത്തുക, നിയമാനുസൃതമുള്ള രേഖപ്പെടുത്തലുകള്‍ ഇല്ലാത്ത പായ്ക്കറ്റുകള്‍ വില്‍പനക്കായി സൂക്ഷിക്കുക, മുദ്രപതിക്കാത്തതും കൃത്യമല്ലാത്തതുമായ അളവുതൂക്ക ഉപകരണങ്ങള്‍ വ്യാപാര ആവശ്യത്തിന് ഉപയോഗിക്കുക എന്നിവ ശ്രദ്ധയില്‍പ്പെട്ടാല്‍ 0468 2322853, 8281698033  എന്നീ ഫോണ്‍ നമ്പരുകളില്‍ അറിയിക്കാമെന്ന് ലീഗല്‍ മെട്രോളജി ഡെപ്യൂട്ടി കണ്‍ട്രോളര്‍ ബി.എസ്. ജയകുമാര്‍ അറിയിച്ചു.

വാഹന സംബന്ധമായ എല്ലാ സേവനങ്ങൾക്കും പൂർണമായും പരിവാഹൻ സോഫ്റ്റ്‌വെയർ മുഖേന അപേക്ഷ സമർപ്പിക്കണം എന്ന് സർക്കാർ ഉത്തരവായിട്ടുണ്ട്. വാഹനങ്ങളുടെ മേൽവിലാസം മാറ്റൽ, ഫിനാൻസ് സംബന്ധമായ വിഷയങ്ങൾ, പെർമിറ്റ്, മറ്റ് അപേക്ഷകൾ തുടങ്ങിയവ സമർപ്പിക്കുമ്പോൾ അപേക്ഷയോടൊപ്പം ഉള്ള എല്ലാ രേഖകളും സ്കാൻ ചെയ്ത് അപ് ലോഡ് ചെയ്യണം എന്ന് ആലപ്പുഴ റീജണൽ ട്രാൻസ്പോർട്ട് ഓഫീസർ അറിയിച്ചു.സ്കാൻ ചെയ്യാതെ സമർപ്പിക്കുന്ന അപേക്ഷകൾ നിരസിക്കപ്പെടും. ഇത്തരം അപേക്ഷകളിൽ മേലുള്ള സേവനങ്ങൾ ലഭിക്കാൻ കാലതാമസം നേരിടുമെന്നും ആർടിഒ അറിയിച്ചു. ഈ വ്യവസ്ഥ സെപ്റ്റംബർ ഒന്നു മുതൽ പൂർണമായും പ്രാബല്യത്തിൽ വരുമെന്നും ആർടിഒ പറഞ്ഞു.

ലൈഫ് 2020 യുടെ ഭാഗമായി വീട് ഇല്ലാത്തതും വീട് വയ്ക്കാൻ ശേഷിയുമില്ലാത്തവരുമായവർക്ക്  ഓൺലൈൻ അപേക്ഷകൾ ലൈഫ് മിഷനിലേക്ക് സമർപ്പിക്കുന്നതിനുള്ള അവസാന തീയതി സെപ്തംബർ 9 വരെ നീട്ടി.
സംസ്ഥാനത്ത് ഇതിനോടകം ആറു ലക്ഷത്തിലധികം അപേക്ഷകളാണ് സമർപ്പിക്കപ്പെട്ടിട്ടുള്ളത്.
ജില്ലയിൽ 43000 അപേക്ഷകൾ സമർപ്പിച്ചിട്ടുണ്ട്.
മാനദണ്ഡങ്ങൾ പ്രകാരം അർഹതയുള്ള കുടുംബങ്ങൾ മാത്രമാണ് അപേക്ഷ സമർപ്പിക്കേണ്ടത്. റേഷൻ കാർഡ് പ്രകാരമുള്ള കുടുംബനാഥരുടെ പേരിലാണ് അപേക്ഷ സമർപ്പിക്കേണ്ടത്.

അരൂര്‍ പഞ്ചായത്ത് 19,20 വാര്‍ഡുകള്‍, കഞ്ഞിക്കുഴി പ‍ഞ്ചായത്ത് വാര്‍ഡ് 7, ആലപ്പുുഴ നഗരസഭ വഴിച്ചേരി (24) വാര്‍ഡില്‍ സെന്റ് ജോസഫ് സ്ട്രീറ്റ് ഒഴികെ ബാക്കി ഭാഗം, ആശ്രമം വാര്‍ഡ് (21) എന്നിവ കണ്ടൈൻമെൻറ് സോണിൽ നിന്ന് ഒഴിവാക്കിയിട്ടുണ്ട്.