* ചികിത്സയിലുള്ളത് 22,344 പേർ; 10 പുതിയ ഹോട്ട് സ്‌പോട്ടുകൾ
* 24 മണിക്കൂറിനിടെ 40,352 സാമ്പിളുകൾ പരിശോധിച്ചു

* ഓൺലൈൻ ഉദ്ഘാടനം മുഖ്യമന്ത്രി പിണറായി വിജയൻ  നിർവഹിച്ചു

കടലിന്റെ മക്കളുടെ കൈക്കരുത്തിന് താങ്ങായും അവരുടെ രക്ഷാദൗത്യങ്ങൾക്ക് കരുതലായും മത്സ്യബന്ധന വകുപ്പിന്റെ പൂർണ്ണ സജ്ജമായ ആദ്യത്തെ മറൈൻ ആംബുലൻസ് ബോട്ട് 'പ്രതീക്ഷ' ആഗസ്റ്റ് 27-ന്  (ഇന്ന്) പ്രവർത്തനം ആരംഭിക്കും.
കൊച്ചിൻ ഷിപ്പ്‌യാർഡിൽ നിന്നും വിഴിഞ്ഞത്തേക്ക് വരുന്ന മറൈൻ ആംബുലൻസിന്റെ ഉദ്ഘാടനം ആഗസ്റ്റ് 27-ന് രാവിലെ 09.30-ന് മുഖ്യമന്ത്രി പിണറായി വിജയൻ വീഡിയോ കോൺഫറൻസിലൂടെ നിർവ്വഹിക്കും. ചടങ്ങിൽ ഫിഷറീസ്-ഹാർബർ എൻജിനീയറിങ്-കശുവണ്ടി വ്യവസായ വകുപ്പ് മന്ത്രി ജെ.മേഴ്‌സിക്കുട്ടി അമ്മ അദ്ധ്യക്ഷതവഹിക്കും.

കേരള ഇൻസ്റ്റിറ്റ്യൂട്ട് ഫോർ എന്റർപ്രണർഷിപ്പ് ഡവലപ്പ്‌മെന്റിലേക്ക് വിവിധ പദ്ധതികളുടെ നടത്തിപ്പിനായി ഓഫീസർ (ഫിനാൻസ് & അഡ്മിനിസ്‌ട്രേഷൻ), അസിസ്റ്റന്റ് മാനേജർ, സിസ്റ്റം അഡ്മിനിസ്‌ട്രേറ്റർ, മൾട്ടി പർപ്പസ് സ്റ്റാഫ് എന്നീ തസ്തികകളിൽ താത്കാലിക നിയമനം നടത്തുന്നതിന് അപേക്ഷ ക്ഷണിച്ചു. വിശദ വിവരങ്ങൾക്കും വിജ്ഞാപനത്തിനും: www.cmdkerala.net.    
പി.എൻ.എക്‌സ്. 2935/2020

പ്ലസ് വൺ പ്രവേശനത്തിനുളള അപേക്ഷ സമർപ്പണം ഒന്നാം ഘട്ടം അവസാനിച്ചപ്പോൾ ജില്ലയിൽ 41429 പേർ അപേക്ഷ നൽകി. രണ്ടാം ഘട്ടം അപേക്ഷാ സമർപ്പണം മുഖ്യ അലോട്ട്‌മെന്റിന് ശേഷം ഒക്ടോബർ മൂന്നിന് ആരംഭിച്ച് 6 വരെ തുടരും. എസ് എസ് എൽ സി-35669, സി ബി എസ് ഇ- 4313, ഐ സി എസ് ഇ- 389, മറ്റുള്ളവ-1058 എന്നിങ്ങനെയാണ് അപേക്ഷകരുടെ കണക്ക്. ഇതിൽ 19613 പേർ സ്വന്തം നിലയിലും 2468 പേർ സ്‌കൂൾ ഹെല്പ് ഡെസ്‌ക് വഴിയും, 19348 പേർ മറ്റ് ഹെൽപ്പ് ഡെസ്‌കുകൾ വഴിയുമാണ് അപേക്ഷ സമർപ്പിച്ചത്. 433 സ്‌പോർട്‌സ് ഓൺലൈൻ അപേക്ഷകൾ ലഭിച്ചതിൽ 422 എണ്ണമാണ് നടപടികൾ പൂർത്തിയാക്കിയത്.

ജില്ലാ കളക്ടറുടെ നേതൃത്വത്തിലുളള തലപ്പിളളി താലൂക്ക് ഇ-പരാതിപരിഹാര അദാലത്ത് സെപ്റ്റംബർ എഴിന് ഉച്ചയ്ക്ക് രണ്ട് മണിക്ക് വീഡിയോ കോൺഫറൻസ് മുഖേന നടത്തും. പരാതി സമർപ്പിക്കുന്നവർ അതത് അക്ഷയകേന്ദ്രങ്ങളിൽ നിന്നും, ബന്ധപ്പെട്ട ഓഫീസ് മേധാവികൾ അവരവരുടെ കാര്യാലയങ്ങളിൽ നിന്നും വീഡിയോ കോൺഫറൻസിൽ പങ്കെടുക്കണമെന്ന് ജില്ലാ കളക്ടർ അറിയിച്ചു.

ലൈഫ് മിഷൻ സമ്പൂർണ്ണ പാർപ്പിട പദ്ധതിയുടെ ഗുണഭോക്തൃപട്ടികയിൽ ഉൾപ്പെടാതെപോയ അർഹരായ ഗുണഭോക്താക്കൾക്ക് ഓൺലൈൻ വഴി അപേക്ഷ സമർപ്പിക്കുന്നതിനുള്ള അവസാന തിയ്യതി സെപ്തംബർ 9 വരെ നീട്ടി. ആഗസ്റ്റ് 26 വരെ തൃശൂർ ജില്ലയിൽ വിവിധ തദ്ദേശസ്വയംഭരണ സ്ഥാപനങ്ങളിലേക്ക് 50935 പേർ അപേക്ഷ സമർപ്പിച്ചിട്ടുണ്ട്. ഭൂമിയുള്ള ഭവനരഹിതർ എന്ന ഗണത്തിൽ 31330 പേരും ഭൂരഹിത ഭവന രഹിതർ എന്ന ഗണത്തിൽ 19605 പേരുമാണ് അപേക്ഷിച്ചിട്ടുള്ളത്. തദ്ദേശ സ്വയംഭരണ സ്ഥാപനങ്ങൾ തിരിച്ചുള്ള അപേക്ഷകളുടെ കണക്ക് ഇപ്രകാരമാണ്.
ഭൂമിയുള്ള ഭവനരഹിതർ: ഗ്രാമപഞ്ചായത്ത് - 28974, നഗരസഭകൾ - 1731, തൃശൂർ കോർപ്പറേഷൻ - 625.

സംസ്ഥാന സർക്കാർ കാലാവധി പൂർത്തിയാക്കുന്നതിന് മുൻപായി കേരളത്തിലെ മുഴുവൻ റോഡുകളുടെ പുനരുദ്ധാരണവും നിലവിൽ നിർമ്മാണം നടന്നുകൊണ്ടിരിക്കുന്ന റോഡുകളുടെ നിർമ്മാണവും പൂർത്തീകരിക്കുമെന്ന് പൊതുമരാമത്ത് വകുപ്പ് മന്ത്രി ജി സുധാകരൻ പറഞ്ഞു.
കുന്നംകുളം നിയോജകമണ്ഡലത്തിൽ അഞ്ച് കോടി രൂപ ചെലവഴിച്ച് നവീകരിച്ച ചാവക്കാട് - വടക്കാഞ്ചേരി സംസ്ഥാന പാതയുടെ കി.മീ. 15/000 മുതൽ 19/015 വരെയുള്ള ഭാഗത്തിന്റെ ഉദ്ഘാടനവും അതേ പാതയിൽ സർക്കാരിന്റെ ബജറ്റിൽ ഉൾപ്പെടുത്തി 13 കോടി രൂപ ചെലവഴിച്ച് നവീകരിക്കുന്ന വിവിധ പ്രവൃത്തികളുടെ നിർമാണോദ്ഘാടനവും ഓൺലൈനിലൂടെ നിർവ്വഹിച്ച് സംസാരിക്കുകയായിരുന്നു മന്ത്രി.