ജില്ലയില്‍ നിര്‍ത്തിവച്ചിരുന്ന ലാന്‍ഡ് ട്രൈബ്യൂണല്‍ കേസുകളുടെ ഹിയറിങ് പുനരാരംഭിച്ചു. ജില്ലയിലെ എല്ലാ ലാന്‍ഡ് ട്രൈബ്യൂണുകളിലും കലക്ടറേറ്റിലെ ദേവസ്വം ലാന്‍ഡ് ട്രൈബ്യൂണലിലുമാണ്  പുനരാരംഭിച്ചത്. ലാന്‍ഡ് ട്രൈബ്യൂണല്‍ കേസുകളുടെ ഹിയറിങ് കോവിഡ് മാനദണ്ഡങ്ങള്‍ പാലിച്ച്  നടത്തുന്നതിന് ലാന്‍ഡ് റവന്യൂ കമ്മീഷണര്‍ നിര്‍ദ്ദേശിച്ചതിന്റെ അടിസ്ഥാനത്തിലാണ് ഹിയറിങ് പുനരാരംഭിച്ചത്. ഫയല്‍ നമ്പര്‍ സഹിതം ഓഫീസില്‍ വിളിച്ച് ഉറപ്പ് വരുത്തി നിയന്ത്രണങ്ങള്‍ പാലിച്ച് ഹിയറിങിന് ഹാജരാകണമെന്ന് ഡെപ്യൂട്ടി കലക്ടര്‍(എല്‍.ആര്‍) അറിയിച്ചു.
 

എടയൂര്‍, ഇരിമ്പിളിയം ഗ്രാമപഞ്ചായത്തുകളിലായുള്ള അത്തിപ്പറ്റ-പുറമണ്ണൂര്‍-കൊടുമുടി റോഡ് നവീകരണത്തിന് 2.46 കോടിയുടെ പദ്ധതിക്ക് ഭരണാനുമതി ലഭിച്ചതായി പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ അറിയിച്ചു. കേന്ദ്ര ഗ്രാമ വികസന മന്ത്രാലയത്തിന്റെ ഉത്തരവിലുള്ള 20 റോഡുകളുടെ പട്ടികയിലാണ് ഈ റോഡും ഉള്‍പ്പെട്ടിട്ടുള്ളത്. 3.75 മീറ്റര്‍ വീതിയില്‍ ആവശ്യമായ സ്ഥലങ്ങളില്‍ കലുങ്കുകള്‍ ഉള്‍പ്പെടെയുള്ള നവീകരണ പ്രവൃത്തികളാണ് നടത്തുക. ആകെ 3.45 കിലോമീറ്റര്‍ ദൂരമാണ് പദ്ധയിലുള്‍പ്പെടുത്തി നവീകരിക്കുന്നത്.
 

രോഗമുക്തി 150

ജില്ലയില്‍ ഇന്ന് 215 പേര്‍ക്ക് കൂടി കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ അറിയിച്ചു. വിദേശത്ത് നിന്ന് എത്തിയ 6 പേര്‍ക്കും ഇതരസംസ്ഥാനങ്ങളില്‍ നിന്ന് എത്തിയവരില്‍ 5 പേര്‍ക്കുമാണ് പോസിറ്റീവ് ആയത്. 12 പേരുടെ ഉറവിടം വ്യക്തമല്ല. സമ്പര്‍ക്കം വഴി 192 പേര്‍ക്ക് രോഗം ബാധിച്ചു. കോഴിക്കോട് കോര്‍പ്പറേഷന്‍ പരിധിയില്‍ സമ്പര്‍ക്കം വഴി 82 പേര്‍ക്കും ഉറവിടം അറിയാത്ത 5 പേര്‍ക്കും രോഗം ബാധിച്ചു.
മൂന്നു ആരോഗ്യപ്രവര്‍ത്തകര്‍ക്കും പോസിറ്റീവായി. ഇതോടെ ചികിത്സയിലുള്ള കോഴിക്കോട് സ്വദേശികളുടെ എണ്ണം 1600 ആയി. 150 പേര്‍ രോഗമുക്തി നേടി.

പന്തലായനി ബ്ലോക്ക് പഞ്ചായത്തിന് 2019-20 സാമ്പത്തിക വര്‍ഷത്തില്‍ അനുമതി ലഭിച്ച ഫ്ളഡ് പ്രവൃത്തികള്‍ ഏറ്റെടുത്ത് നടപ്പിലാക്കുന്നതിന് അംഗീകൃത കരാറുകാരില്‍ നിന്ന് പൊതുമരാമത്ത് വകുപ്പ് ക്വട്ടേഷന്‍ ക്ഷണിച്ചു.  അവസാന തീയതി സെപ്തംബര്‍ ഒന്‍പതിന് ഉച്ച രണ്ട് മണി. ഫോണ്‍ : 0496 2620305.

ജില്ലാ വികസന സമിതി യോഗം സെപ്തംബര്‍ എട്ടിന് രാവിലെ 10.30 ന് വീഡിയോ കോണ്‍ഫറന്‍സ് മുഖേന ചേരുമെന്ന് ജില്ലാ കലക്ടര്‍ അറിയിച്ചു.

കോഴിക്കോട് ഡിടിപിസി യില്‍   അക്കൗണ്ടന്റ്, ഓഫീസ് അറ്റന്‍ഡര്‍  തസ്തികകളിലേക്ക് അപേക്ഷ ക്ഷണിച്ചു. പ്രായപരിധി 40 വയസ്സ്.

അക്കൗണ്ടന്റ് യോഗ്യത-  ബികോം, ടാലി, സമാനമേഖലയില്‍ മൂന്ന്  വര്‍ഷത്തെ പ്രവര്‍ത്തി പരിചയം നിര്‍ബന്ധം (മലയാളം ടൈപ്പിംഗ് അഭികാമ്യം ).ഓഫീസ് അറ്റന്‍ഡര്‍ യോഗ്യത-  എസ് എസ് എല്‍ സി. അപേക്ഷകള്‍  സെപ്റ്റംബര്‍ 15 നകം സെക്രട്ടറി, ഡിടിപിസി, മാനാഞ്ചിറ, കോഴിക്കോട്  673001 എന്ന വിലാസത്തില്‍ ലഭിക്കണം. 

കോഴിക്കോട് ഗവ.വനിത ഐടിഐയില്‍ തൊഴിഷ്ഠിത പ്ലെയ്സ്മെന്റ് സപ്പോര്‍ട്ടോടുകൂടിയ എയര്‍കാര്‍ഗോ ഷിപ്പിംഗ് ആന്റ് ലോജിസ്റ്റിക്സ് മാനേജ്മെന്റ്, പ്രോഫഷണല്‍ ഡിപ്ലോമ ഇന്‍ ഫിനാന്‍ഷ്യല്‍ അക്കൗണ്ടിംഗ് ആന്റ് ടാക്സേഷന്‍ എന്നീ സ്വാശ്രയ കോഴ്സുകളില്‍ സീറ്റുകള്‍ ഒഴിവുണ്ട്. ഇന്‍ഡസ്ട്രിയല്‍ വിസിറ്റ്, ഇംഗ്ലീഷ് ഭാഷാപരിജ്ഞാനം, വ്യക്തിത്വവികസനം, ഇന്റര്‍വ്യൂ, കരിയര്‍ ഡവലപ്മെന്റ് എന്നിവയില്‍ പ്രത്യേക പരിശീലനം ലഭിക്കും. റഗുലര്‍ ബാച്ചുകള്‍ക്കു പുറമെ ഞായറാഴ്ച്ച ബാച്ചുകളും ഉണ്ടായിരിക്കുമെന്ന് പ്രിന്‍സിപ്പാള്‍ അറിയിച്ചു. ആണ്‍കുട്ടികള്‍ക്കും പ്രവേശനം ഉണ്ടായിരിക്കും.  വിശദ വിവരങ്ങള്‍ക്ക്  :8590893066.