കോവിഡ് 19 പശ്ചാലത്തില്‍ ആഘോഷങ്ങള്‍ വെട്ടി കുറച്ചു ഓണഘോഷം നടത്താനുള്ള ഗവണ്മെന്റ് നിര്‍ദേശ പ്രകാരം ജില്ലാ ഐ.ടി മിഷന്‍ ഡിജിറ്റല്‍ പൂക്കളമൊരുക്കി. ഐ.ടി മിഷന്‍ പ്രൊജക്റ്റ് മാനേജര്‍ പി.ജി ഗോകുലിന്റെ നേത്രത്തില്‍ ഐ ടി മിഷന്‍ എഞ്ചിനിയര്‍മാരായ ജസീം, മഷ്ഹൂര്‍ , ഷാഫി, സ്വരൂപ്, സലാഹുദ്ധീന്‍ എന്നിവരാണ് ഡിജിറ്റല്‍ പൂക്കളം ഒരുക്കിയത്.
 

കര്‍മ്മ റോഡിന്റെ രണ്ടാം ഘട്ട പ്രവൃത്തിയുടെ ഭാഗമായുള്ള കനോലി കനാലിന്റെ കുറുകെയുള്ള പാലത്തിന്റെ പ്രവൃത്തിയുടെയും കുണ്ടുകടവ് ജംഗ്ഷന്‍ മുതല്‍ പുളിക്കക്കടവ് വള്ളംകളി പവലിയന്‍ വരെ റോഡിന്റെ അഭിവൃദ്ധിപ്പെടുത്തല്‍ പ്രവൃത്തിയുടെയും ഉദ്ഘാടനം പൊതുമരാമത്ത് വകുപ്പ് മന്ത്രി ജി. സുധാകരന്‍ വീഡിയോ കോണ്‍ഫറന്‍സിലൂടെ നിര്‍വഹിച്ചു. ബൃഹത്തായ വിവിധ പദ്ധതികളാണ് പൊന്നാനിയില്‍ നടപ്പിലാക്കുന്നതെന്നും നിരവധി പേര്‍ക്ക് പ്രയോജനപ്പെടുന്ന പദ്ധതിയാണ് കര്‍മ്മ പുഴയോര പദ്ധതിയെന്നും മന്ത്രി പറഞ്ഞു.

ആലപ്പുഴ: കോവിഡ് രോഗികളില്‍ ഗുരുതരലക്ഷണമുള്ളവരെ മാത്രമെ ഇനി മുതല്‍ വണ്ടാനം മെഡിക്കല്‍ കോളേജില്‍ പ്രവേശിപ്പിക്കൂ. ജില്ലാ കളക്ടര്‍ എ അലക്സാണ്ടര്‍ വണ്ടാനം മെഡിക്കല്‍ കോളേജ് അധികൃതരുമായി നടത്തിയ വീഡിയോ കോണ്‍ഫറന്‍സിലാണ് തീരുമാനം.

മെഡിക്കല്‍ കോളേജിലെ കോവിഡ് - കോവിഡിതര രോഗചികിത്സാ അവലോകനത്തിലായിരുന്നു തീരുമാനം. ആരോഗ്യപ്രവര്‍ത്തകര്‍ക്ക് രോഗം ബാധിക്കല്‍,  മെഡിക്കല്‍ കോളേജിലെ അടിസ്ഥാനസൗകര്യം വര്‍ദ്ധിപ്പിക്കല്‍ തുടങ്ങിയവയും യോഗം ചര്‍ച്ച ചെയ്തു. 

സമ്പര്‍ക്കത്തിലൂടെ 339 പേര്‍ക്ക് വൈറസ്ബാധ
ഉറവിടമറിയാതെ രോഗബാധിതരായവര്‍ 22 പേര്‍
രോഗബാധിതരായി ചികിത്സയില്‍ 2,432 പേര്‍
ആകെ നിരീക്ഷണത്തിലുള്ളത് 44,577 പേര്‍