ഭിന്നശേഷിക്കാര്‍ക്കുള്ള സംസ്ഥാന കമ്മീഷണര്‍ നിയമനത്തിന് അപേക്ഷ സ്വീകരിക്കുന്ന തിയതി സെപ്റ്റംബര്‍ നാലു വരെ നീട്ടി. അപേക്ഷകള്‍ സാമൂഹ്യനീതി വകുപ്പ് സെക്രട്ടറിയുടെ ഓഫീസില്‍ നല്‍കുകയോ secy.sjd@kerala.gov.in എന്ന ഇ മെയിലില്‍ അയയ്ക്കുകയോ ചെയ്യാം. കൂടുതല്‍ വിവരങ്ങള്‍ www.kerala.gov.in, www.sjd.kerala.gov.in എന്നിവയില്‍ ലഭിക്കും. 2014ലെ ശമ്പള പരിഷ്‌കരണ ഉത്തരവ് പ്രകാരം ഗ്രൂപ്പ് എ വിഭാഗത്തില്‍ സൂചിപ്പിച്ചിട്ടുള്ള ശമ്പള സ്‌കെയിലില്‍ സേവനം അനുഷ്ഠിച്ചവരും ഇതിന് മുമ്പ് സമാന തസ്തികയില്‍ പ്രവര്‍ത്തിച്ചവരും വിജ്ഞാപനത്തിലെ ക്‌ളാസ് വണ്‍ തസ്തികയില്‍ ഉള്‍പ്പെടും.
 

കോവിഡ് രോഗവ്യാപനം കണക്കിലെടുത്ത് ഓണക്കാലത്ത് ജില്ലയില്‍ നിലവില്‍ ഏര്‍പ്പെടുത്തിയിട്ടുള്ള നിയന്ത്രണങ്ങള്‍ക്ക് പുറമെ താഴെപ്പറയുന്ന നിയന്ത്രണങ്ങള്‍ കൂടി ഉള്‍പ്പെടുത്തി ഭേദഗതി വരുത്തി ഉത്തരവായി.

1. 65 വയസ്സിനു മുകളില്‍ പ്രായമുള്ളവര്‍, 10 വയസ്സിനു താഴെ പ്രായമുള്ള കുട്ടികള്‍, ഗര്‍ഭിണികള്‍ എന്നിവര്‍ വ്യാപാരസ്ഥാപനങ്ങളില്‍ സാധനങ്ങള്‍ വാങ്ങുന്നതിനായി പ്രവേശിക്കുന്നില്ല എന്ന് സ്ഥാപന മേധാവികള്‍ ഉറപ്പുവരുത്തേണ്ടതാണ്.

ജില്ലാ കലക്ടറുടെ  മൂന്നാം ഘട്ട തൊടുപുഴ താലൂക്ക് ഓണ്‍ലൈന്‍ പരാതി പരിഹാര അദാലത്ത് സെപ്റ്റംബര്‍ 18, രാവിലെ 10 മുതല്‍ ഓണ്‍ലൈനായി നടത്തും. മുഖ്യമന്ത്രിയുടെ ദുരിതാശ്വാസ നിധി, പ്രകൃതി ക്ഷോഭം, റേഷന്‍ കാര്‍ഡ് ബി പി എല്‍ ആക്കുന്നത് എന്നിവയൊഴികെയുള്ള വിഷയങ്ങളില്‍ പരാതി ഓണ്‍ലൈനായും അക്ഷയ കേന്ദ്രങ്ങള്‍ മുഖേനയും ഇന്ന് (ആഗസ്റ്റ് 22 ) മുതല്‍ സെപ്തംബര്‍ 11 വരെ നല്‍കാം. അദാലത്ത് ദിവസം താലൂക്ക്/ വില്ലേജ് ഓഫീസ് എന്നിവിടങ്ങളിലെ വീഡിയോ കോണ്‍ഫറന്‍സ് സംവിധാനത്തില്‍ കോവിഡ് 19 മാനദണ്ഡം പാലിച്ച് പങ്കെടുക്കാം. വെബ്സൈറ്റ് വിലാസം https:// edistrict.kerala.gov.in
 

ജില്ലയില്‍ കാലവര്‍ഷം ശക്തി പ്രാപിച്ചതുമായി ബന്ധപ്പെട്ട് പ്രതിരോധ പ്രവര്‍ത്തനങ്ങളുടെ ഭാഗമായി ജില്ലയിലെ ക്വാറി, ക്രഷര്‍, മണ്ണ്, മണ്ണെടുപ്പ് എന്നിവയുമായി ബന്ധപ്പെട്ട് നിര്‍ത്തിവച്ച ഉത്തരവ് പിന്‍വലിച്ചതായി ജില്ലാകലക്ടര്‍ എച്ച്. ദിനേശന്‍ അറിയിച്ചു.
 

ജില്ലാ കളക്ടറുടെ ഓണ്‍ലൈന്‍ അദാലത്ത്

ഏറ്റുമാനൂര്‍ മുനിസിപ്പാലിറ്റിയിലെ കുഴിക്കോട്ടാപറമ്പ് ലക്ഷം വീട് കോളനിയിലെ 46  കുടുംബങ്ങള്‍ക്ക് പട്ടയം ലഭ്യമാക്കുന്നതിനുള്ള സാധ്യത പരിശോധിക്കും. കോട്ടയം താലൂക്ക്തല പരാതി പരിഹാര അദാലത്തില്‍ ജില്ലാ കളക്ടര്‍ എം. അഞ്ജനയാണ് ഇക്കാര്യം അറിയിച്ചത്.

കോവിഡ് ജാഗ്രത പോര്‍ട്ടലിലെ സേവനം സൗജന്യം

കോവിഡ് സ്ഥിരീകരിക്കപ്പെടുന്നവരുമായി സമ്പര്‍ക്കം പുലര്‍ത്തിയവരെ അതിവേഗം കണ്ടെത്തുന്നതിന് സഹായകമാകുന്ന സൗജന്യ ഡിജിറ്റല്‍ രജിസ്ട്രേഷന്‍ സംവിധാനം  സജ്ജമായി. കോവിഡ് 19 ജാഗ്രത പോര്‍ട്ടല്‍ മുഖേന നാഷണല്‍ ഇന്‍ഫര്‍മാറ്റിക്സ് സെന്‍ററാണ് ഇതിനു വേണ്ട ക്രമീകരണങ്ങള്‍ ഏര്‍പ്പെടുത്തിയിട്ടുള്ളത്.

 ഓഫീസുകളിലും വ്യാപാര സ്ഥാപനങ്ങളിലും പൊതുജനങ്ങള്‍ എത്തുന്ന മറ്റു കേന്ദ്രങ്ങളിലും സന്ദര്‍ശകരുടെ വിവരങ്ങളും സന്ദര്‍ശന സമയവും തത്സമയം രേഖപ്പെടുത്തുന്നതിനും അവശ്യ ഘട്ടത്തില്‍ ലഭ്യമാക്കുന്നതിനും ഇത് ഉപകരിക്കും.

ജില്ലയില്‍ കോവിഡ്‌ കേസുകള്‍ കൂടിവരുന്ന സാഹചര്യത്തില്‍ ഓണത്തോടനുബന്ധിച്ചുളള എല്ലാ പ്രവൃത്തികളിലും കോവിഡിനെതിരെ ജാഗ്രത പാലിക്കണമെന്ന് ജില്ലാ മെഡിക്കല്‍ ഓഫീസര്‍ ഡോ. ജയശ്രീ.വി അറിയിച്ചു.