രാജകുമാരിയില്‍ പ്രവര്‍ത്തിക്കുന്ന ബിവറേജസ് കോര്‍പ്പറേഷന്‍ ഔട്ട് ലെറ്റിലെ ജീവനക്കാര്‍ക്ക് കോവിഡ് നെഗറ്റീവ് ആയ സാഹചര്യത്തില്‍ തുടര്‍ന്നും കോവിഡ് ചട്ടങ്ങള്‍ പാലിച്ചുകൊണ്ട് തുറന്നു പ്രവര്‍ത്തിക്കാന്‍ ജില്ലാ കളക്ടര്‍ അനുമതി നല്‍കി ഉത്തരവായി. നേരത്തെ സെക്യൂരിറ്റി ജീവനക്കാരന് രോഗം ബാധിച്ച സാഹചര്യത്തില്‍ ഔട്ട് ലെറ്റ് അടച്ച് ജീവനക്കാര്‍ ക്വാറന്റൈനില്‍ ആയിരുന്നു.

 
 ഓണക്കാലത്ത് ചന്തകളിലും മറ്റ് വ്യാപാര വ്യവസായ വാണിജ്യ സ്ഥാപനങ്ങളിലും  ഉണ്ടാകാന്‍ സാധ്യതയുള്ള തിക്കും തിരക്കും ഒഴിവാക്കുന്നതിനും ജനങ്ങള്‍ക്ക് ഉണ്ടായേക്കാവുന്ന ബുദ്ധിമുട്ടുകള്‍ പരമാവധി ലഘൂകരിച്ച് നിയന്ത്രണങ്ങള്‍ ഏര്‍പ്പെടുത്തിയും ജില്ലാ കളക്ടര്‍ എച്ച്. ദിനേശന്‍ ഉത്തരവു പുറപ്പെടുവിച്ചു. 

 ജില്ലയിലെ വ്യാപാരി വ്യവസായി സംഘടനാ നേതാക്കളുമായി ജില്ലാകളക്ടര്‍ നടത്തിയ വീഡിയോ കോണ്‍ഫറന്‍സിലെ തീരുമാനം.

 നിയന്ത്രണങ്ങളും വ്യവസ്ഥകളും ചുവടെ.......

ഇരവിപേരൂര്‍ ഗ്രാമപഞ്ചായത്തിലെ വാര്‍ഡ് 4, 15, കലഞ്ഞൂര്‍ ഗ്രാമപഞ്ചായത്തിലെ വാര്‍ഡ് 15 ല്‍ ഉള്‍പ്പെട്ട കലഞ്ഞൂര്‍ ജംഗ്ഷന്‍, കലഞ്ഞൂര്‍ ഗ്രാമപഞ്ചായത്തിലെ വാര്‍ഡ് 16, കലഞ്ഞൂര്‍ ഗ്രാമപഞ്ചായത്തിലെ വാര്‍ഡ് 17 ല്‍ ഉള്‍പ്പെട്ട മണലുവിള പോസ്റ്റ് ഓഫീസ് ജംഗ്ഷന്‍ എന്നീ പ്രദേശങ്ങളെ 2020 ആഗസ്റ്റ് 20 മുതല്‍ കണ്ടെയ്ന്‍മെന്റ് സോണ്‍ നിയന്ത്രണത്തില്‍ നിന്നും ഒഴിവാക്കി ജില്ലാ കളക്ടര്‍ പി.ബി നൂഹ് ഉത്തരവ് പുറപ്പെടുവിച്ചു.

കടമ്പനാട് ഗ്രാമപഞ്ചായത്തിലെ വാര്‍ഡ് 12ല്‍ ഉള്‍പ്പെട്ട പ്രദേശത്ത് 2020 ആഗസ്റ്റ് 19 മുതല്‍ 7 ദിവസത്തേക്കും പന്തളം നഗരസഭയിലെ വാര്‍ഡ് 20 ല്‍ ഉള്‍പ്പെട്ട പ്ലാവിളയില്‍ ജംഗ്ഷന്‍ മുതല്‍ താവളത്തില്‍ഭാഗം വരെയുള്ള പ്രദേശത്തും, പന്തളം നഗരസഭയിലെ വാര്‍ഡ് 21 ല്‍ ഉള്‍പ്പെട്ട തവളംകുളം മുതല്‍ പൂഴിക്കാട് ഗുരുദേവ ജംഗ്ഷന്‍വരെയുള്ള പ്രദേശത്തും 2020 ആഗസറ്റ് 20 മുതല്‍ 7 ദിവസത്തേക്കും കണ്ടെയ്ന്‍മെന്റ് സോണ്‍ നിയന്ത്രണം ദീര്‍ഘിപ്പിച്ച് ജില്ലാ കളക്ടര്‍ പി.ബി നൂഹ് ഉത്തരവ് പുറപ്പെടുവിച്ചു.

കുറ്റൂര്‍ ഗ്രാമപഞ്ചായത്തിലെ വാര്‍ഡ് 5, 6, 7,  കലഞ്ഞൂര്‍ ഗ്രാമപഞ്ചായത്തിലെ വാര്‍ഡ് 5, കോന്നി ഗ്രാമപഞ്ചായത്തിലെ വാര്‍ഡ് 5 എന്നീ സ്ഥലങ്ങളില്‍ 2020 ആഗസ്റ്റ് 19 മുതല്‍ 7 ദിവസത്തേക്ക് കണ്ടെയ്ന്‍മെന്റ് സോണ്‍ നിയന്ത്രണം.

രോഗം സ്ഥിരീകരിച്ചവരുടെ സമ്പര്‍ക്കപട്ടികകള്‍ ഉയരുന്നതുകണക്കിലെടുത്ത് പത്തനംതിട്ട ജില്ലാ മെഡിക്കല്‍ ഓഫീസറുടെ (ആരോഗ്യം) ശുപാര്‍ശ പ്രകാരമാണ് ജില്ലാ കളക്ടര്‍ പി.ബി.നൂഹ് പ്രഖ്യാപിച്ച് ഉത്തരവായത്.