• ഉദ്‌ഘാടനം മന്ത്രി ജി സുധാകരൻ നിർവഹിച്ചു

• ഉദ്ഘാടനം ജില്ല പഞ്ചായത്ത്‌ പ്രസിഡന്റ്‌ ജി.വേണുഗോപാല്‍ നിർവഹിച്ചു

ആലപ്പുഴ : കോവിഡ് 19 സ്രവ പരിശോധനയ്ക്കായുള്ള ജില്ലയിലെ ആദ്യ കിയോസ്ക് മെഷിനുകളുടെ വിതരണോദ്ഘാടനം ജില്ല പഞ്ചായത്ത്‌ പ്രസിഡന്റ്‌ ജി. വേണുഗോപാൽ നിർവഹിച്ചു. ജില്ല പഞ്ചായത്തിന്റെ നേതൃത്വത്തിൽ ചെട്ടികാട് സമൂഹ്യ ആരോഗ്യ കേന്ദ്രത്തിലാണ് ആദ്യ കിയോസ്‌ക് സ്ഥാപിച്ചത്.

ആലപ്പുഴ മുനിസിപ്പാലിറ്റിയിലെ സക്കറിയ ബസാറിലുള്ള ക്രസൻറ് ഓർഫനേജ് എന്ന സ്ഥാപനത്തിൻറെ ഉടമസ്ഥതയിലുള്ള കെട്ടിടവും അനുബന്ധ സൗകര്യങ്ങളും ജില്ലാ ഭരണകൂടം ഏറ്റെടുത്തു ഉത്തരവായി. അലഞ്ഞു തിരിയുന്നവർ, അഗതികൾ , മാനസിക ദൗർബല്യം ഉള്ളവർ എന്ന വിഭാഗങ്ങളിൽപ്പെട്ടവരെ കോവിഡ് പ്രതിരോധ പ്രവർത്തനങ്ങളുടെ ഭാഗമായി, സുരക്ഷിതമായി പാർപ്പിക്കുന്നതിനായാണിത്.  ഇതു സംബന്ധിച്ച് ജില്ലാ സാമൂഹ്യനീതി ഓഫീസർ സമർപ്പിച്ച ശുപാർശകളുടെ അടിസ്ഥാനത്തിലാണ് ജില്ലാ കലക്ടറുടെ ഈ ഉത്തരവ്.

ആലപ്പുഴ: ‍ ജില്ലയില്‍ നിലവില്‍ സഞ്ചരിക്കുന്നതും അല്ലാത്തതുമായ 26 സ്രവ പരിശോധന യൂണീറ്റുകള്‍ (വിസ്ക്) പ്രവര്‍ത്തന സജ്ജമാണെന്ന് ജില്ല മെഡ‍ിക്കല്‍ ഓഫീസര്‍ എല്‍.അനിതകുമാരി പറഞ്ഞു. 8 മൊബൈല്‍ വിസ്കുകള്‍, ബ്ലോക്കടിസ്ഥാനത്തിലുള്ള 10 എണ്ണം, ആശുപത്രികളിലായി 8 വിസ്കുകളും നിലവിലുണ്ട്. ജില്ലാ പഞ്ചായത്തിന്‍റെ നേതൃത്വത്തില്‍ 23 കിയോസ്കുകളും കെ.എം.എസ്.സി.എല്‍ ന്‍റെ 18 വിസ്കുകളും സജ്ജീകരിച്ചു വരുകയാണ്.

ആലപ്പുഴ :കോവിഡ് 19 രോഗ വ്യാപനം ഫലപ്രദമായി നിയന്ത്രിക്കുന്നതിന്റെ ഭാഗമായി തൃക്കുന്നപ്പുഴ പഞ്ചായത്തിലെ വാർഡ് 11, പള്ളിപ്പുറം വാര്‍ഡ് 10, 16, അമ്പലപ്പുുഴ സൗത്ത് വാര്‍ഡ് 2, അരൂര്‍ വാര്‍‍ഡ് 20 എന്നിവ കന്റൈൻമെന്റ് സോണാക്കി നിയന്ത്രണങ്ങള്‍ ഏര്‍പ്പെടുത്തി ഉത്തരവായി. ഈ വാർഡുകളിൽ കോവിഡ്-19 പോസിറ്റീവ് രോഗിയും രോഗികളുമായി സമ്പർക്കത്തിൽ ഏർപ്പെട്ട പ്രൈമറി സെക്കൻഡറി കോൺടാക്റ്റുകളും ഉള്ളതായുള്ള ജില്ല മെഡിക്കൽ ഓഫീസറുടെ റിപ്പോർട്ടിനെ തുടർന്നാണ് ഈ വാർഡുകൾ കന്റൈൻമെന്റ് സോണായി പ്രഖ്യാപിച്ചത്.

കണ്ടെയ്ന്‍മെന്‍റ് സോണില്‍ നിന്ന് ഒഴിവാക്കിയവ

ആലപ്പുഴ: അമ്പലപ്പുഴ താലൂക്കിലെ ജില്ല കളക്ടറുടെ പൊതുജന പരാതി പരിഹാര അദാലത്ത് സെപ്റ്റംബർ ഏഴിന് ഓൺലൈനായി (ഇ-തപാൽ) വീഡിയോ കോൺഫ്രൻസ് വഴി നടക്കും. എൽ.ആർ.എം കേസുകൾ, ഭൂമിയുടെ തരംമാറ്റം/പരിവർത്തനം, റേഷൻ കാർഡ് ബി.പി.എൽ ആക്കുന്നതിനുള്ള അപേക്ഷ, ലൈഫ്, പ്രളയം സംബന്ധമായ പരാതി എന്നിവയൊഴികെയുള്ള എല്ലാ അപേക്ഷകളും പരാതികളും ഓഗസ്റ്റ് 18 വരെ അമ്പലപ്പുഴ താലൂക്കിലെ അക്ഷയ സെന്ററുകള്‍ വഴി സമർപ്പിക്കാം. അക്ഷയ സെന്റർ വഴി ലഭിക്കുന്ന അപേക്ഷകൾ മാത്രമേ അദാലത്തിൽ പരിഗണിക്കുകയുള്ളു.

സമ്പര്‍ക്കത്തിലൂടെ 212 പേര്‍ക്ക് വൈറസ്ബാധ
രോഗബാധിതരായി ചികിത്സയില്‍ 2,129 പേര്‍
ഇതുവരെ രോഗബാധ സ്ഥിരീകരിച്ചത് 4,903 പേര്‍ക്ക്
1,239 പേര്‍ക്ക് കൂടി പ്രത്യേക നിരീക്ഷണം
ആകെ നിരീക്ഷണത്തിലുള്ളത് 34,690 പേര്‍