കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ഓഗസ്റ്റ് 18)  വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 41 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി  101 പേരെ അറസ്റ്റ് ചെയ്തു. 

 മാസ്ക് ധരിക്കാത്ത 242 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 242 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 
 

കോവിഡ് 19 ബാധിതരായി  ജില്ലയില്‍ നിലവില്‍ 889 പേരാണ് ചികിത്സയിലുള്ളത്.  ഇന്ന് (ഓഗസ്റ്റ് 18) ജില്ലയില്‍ 51 പേര്‍ക്കാണ് രോഗം സ്ഥിരീകരിച്ചത്. ഇന്ന് 112 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 37518 സാമ്പിളുകള്‍ പരിശോധനയ്ക്കായി അയച്ചതില്‍ 34957 പരിശോധനാ ഫലങ്ങളാണ് ലഭ്യമായത്. ഇന്ന് 396 പരിശോധനാ ഫലങ്ങളാണ് ലഭിച്ചത്. പുതുതായി 515 സാമ്പിളുകൾ അയച്ചു. 3338 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 2432 പേർ രോഗമുക്തി നേടി. ഇനി 2120 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

പാലക്കാട് ജില്ലയിൽ ഇന്ന്(ഓഗസ്റ്റ് 18)  51
പേർക്ക് കൊവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. കഴിഞ്ഞ ദിവസം വാളയാറിൽ മരണപ്പെട്ട 95 വയസ്സായ പുരുഷൻ ഉൾപ്പടെ സമ്പർക്കത്തിലൂടെ രോഗബാധ ഉണ്ടായ 41 പേർ, ഇതര സംസ്ഥാനങ്ങളിൽ നിന്ന് വന്ന രണ്ട് പേർ,വിവിധ രാജ്യങ്ങളിൽ നിന്ന് വന്ന രണ്ട് പേർ, ഉറവിടം അറിയാത്ത രോഗബാധ ഉണ്ടായ അഞ്ച് പേർ എന്നിവർ ഉൾപ്പെടും.  82 പേർക്ക് രോഗമുക്തി ഉള്ളതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

കര്‍ഷക ദിനമായ ചിങ്ങം ഒന്നിന് മലമ്പുഴ നിയോജകമണ്ഡലത്തിലെ എട്ട് പഞ്ചായത്തുകളിലെ കൃഷിഭവനുകളിലെ കര്‍ഷകദിനാചരണം ഭരണപരിഷ്‌ക്കാര കമ്മീഷന്‍ ചെയര്‍മാനും എം.എല്‍.എ യുമായ വി.എസ് അച്യുതാനന്ദന്‍ ഓണ്‍ലൈനായി ഉദ്ഘാടനം ചെയ്തു. ചുരുങ്ങിയ സമയത്തില്‍ കൂടുതല്‍ ലാഭം എന്ന ഉല്‍പാദനരംഗത്തെ വീക്ഷണം കര്‍ഷകവിരുദ്ധമാണ്. കൃഷി കര്‍ഷകന് ലാഭകരമാകണം. വികസനത്തിന്റെ പേരില്‍ കൃഷിഭൂമിയെ ഇല്ലാതാക്കരുതെന്നും ഇതൊരു അനിഷേധ്യ നയമായി എല്ലാക്കാലത്തും നിലനില്‍ക്കണമെന്നും ഉദ്ഘാടനസന്ദേശത്തില്‍ അദ്ദേഹം അറിയിച്ചു. ഉദ്ഘാടന സന്ദേശം മലമ്പുഴ ബ്ലോക്ക് പഞ്ചായത്ത് പ്രസിഡന്റ് കെ.പി.ഷൈജ വായിച്ചു. 

കോവിഡ് പ്രതിരോധത്തിനായി ആയുര്‍വേദ വകുപ്പ് നടപ്പാക്കുന്ന അമൃതം പദ്ധതി പ്രകാരം സംസ്ഥാനത്തെ 1206 ആയുര്‍രക്ഷാ ക്ലിനിക്കുകള്‍ വഴി ആയുര്‍വേദ പ്രതിരോധ മരുന്നുകള്‍ നല്‍കിയത് രണ്ടു ലക്ഷം പേര്‍ക്ക് . സംസ്ഥാനത്ത് പാലക്കാട് ജില്ലയിലാണ് പ്രതിരോധ മരുന്നുകള്‍ ഏറ്റവും കൂടുതല്‍ വിതരണം ചെയ്തിരിക്കുന്നത്. ജില്ലയിലെ 104 ക്ലിനിക്കുകള്‍ മുഖേന മുപ്പതിനായിരത്തിലധികം പേര്‍ക്കാണ് പ്രതിരോധ മരുന്നുകള്‍ വിതരണം ചെയ്തിരിക്കുന്നത്.