സമ്പര്‍ക്കത്തിലൂടെ 179 പേര്‍ക്ക് വൈറസ്ബാധ
രോഗബാധിതരായി ചികിത്സയില്‍ 1,635 പേര്‍
ഇതുവരെ രോഗബാധ സ്ഥിരീകരിച്ചത് 4,409 പേര്‍ക്ക്
1,190 പേര്‍ക്ക് കൂടി പ്രത്യേക നിരീക്ഷണം
ആകെ നിരീക്ഷണത്തിലുള്ളത് 33,763 പേര്‍

റേഷന്‍ കടകള്‍ക്ക് ഞായറാഴ്ച പ്രവൃത്തി ദിവസമായതിനാല്‍ ജില്ലയിലെ എല്ലാ റേഷന്‍ കടകളും ഓഗസ്റ്റ് 16ന്  പ്രവര്‍ത്തിക്കുമെന്ന് ജില്ലാസപ്ലൈ ഓഫീസര്‍ അറിയിച്ചു

താനൂര്‍ ഗവ. ആര്‍ട്‌സ് ആന്‍ഡ് സയന്‍സ് കോളജില്‍ മൂന്നാം സെമസ്റ്റര്‍ ബി.ബി.എ. കോഴ്‌സിലേയ്ക്ക് എസ്.സി. വിഭാഗത്തില്‍ രണ്ട് സീറ്റുകള്‍ ഒഴിവുണ്ട്. താത്പര്യമുള്ളവര്‍  ഓഗസ്റ്റ് 18ന് ഉച്ചയ്ക്ക് ഒന്നിനകം  യോഗ്യതാ സര്‍ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്‍പ്പ് സഹിതം കോളജ് ഓഫീസില്‍ ഹാജരായി അപേക്ഷ സമര്‍പ്പിക്കണം.
 

കേരളത്തിലെ സ്വർണനീക്കത്തിന് ഇ-വേ ബിൽ നടപ്പാക്കുമെന്ന് ധനകാര്യമന്ത്രി ഡോ: ടി.എം തോമസ് ഐസക് അറിയിച്ചു. ജി.എസ്.ടി കൗൺസിലിന്റെ സ്വർണം സംബന്ധിച്ച മന്ത്രിതല സമിതിയോഗത്തിൽ ഇന്ത്യയിലെ സ്വർണനീക്കത്തിന് ഇ-വേ ബിൽ ഏർപ്പെടുത്തണമെന്ന് കേരളം ആവശ്യപ്പെട്ടിരുന്നു. എന്നാൽ, വിവിധ സംസ്ഥാനങ്ങൾ ഇ-വേ ബില്ലിനോട് യോജിപ്പില്ല എന്നാണ് അറിയിച്ചത്. ഈ പശ്ചാത്തലത്തിൽ ഒാരോ സംസ്ഥാനത്തിനും അവരുടെ സംസ്ഥാനത്തിനുള്ളിൽ സ്വർണനീക്കത്തിന് ഇ-വേ ബിൽ നടപ്പാക്കാൻ അനുമതി വേണമെന്ന കേരളത്തിന്റെ മന്ത്രിതല ഉപസമിതി അംഗീകരിക്കുകയായിരുന്നു.

ശക്തികുളങ്ങര, നീണ്ടകര ഹാര്‍ബറുകളില്‍ മത്സ്യം കൊണ്ടുപോകുന്നതുമായി നിലനിന്ന തര്‍ക്കം ഇന്നലെ(ആഗസ്റ്റ് 14) ഒത്തുതീര്‍പ്പാക്കി. എക്‌പോര്‍ട്ടേഴ്‌സ്, ചെറുകിട കച്ചവടക്കാര്‍ എന്നിവര്‍ ഹാര്‍ബറില്‍ പ്രവേശിച്ച് മത്സ്യം കൊണ്ടുപോകുന്നത് സംബന്ധിച്ച് നിലനിന്ന തര്‍ക്കമാണ് ഉദ്യോഗസ്ഥന്‍മാര്‍, എക്‌സ്‌പോര്‍ട്ടേഴ്‌സ്, തൊഴിലാളി പ്രതിനിധികള്‍ എന്നിവരുമായി നടത്തിയ ചര്‍ച്ചയില്‍ പരിഹരിച്ചത്. ഇതനുസരിച്ച് 300 വരെ എക്‌സ്‌പോര്‍ട്ടേഴ്‌സ് പ്രതിനിധികള്‍ക്ക് ഊഴമനുസരിച്ച് ഹാര്‍ബറില്‍ പ്രവേശനം നല്‍കും.

ജില്ലയില്‍ ആകെ നിരീക്ഷണത്തിലുള്ളത്  - 7536
ഇന്നലെ(ആഗസ്റ്റ് 14) ഗൃഹനിരീക്ഷണം  പൂര്‍ത്തിയാക്കിയവര്‍  - 402