കൊടുവായൂര്‍ സാമൂഹികാരോഗ്യ കേന്ദ്രത്തില്‍ കോവിഡ്-19 പ്രതിരോധ പ്രവര്‍ത്തനങ്ങളുടെ ഭാഗമായി  സ്റ്റാഫ് നഴ്‌സിനെ കരാര്‍  അടിസ്ഥാനത്തില്‍ നിയമിക്കുന്നു. താല്പര്യമുള്ളവര്‍ യോഗ്യത സര്‍ട്ടിഫിക്കറ്റ് ( ഒറിജിനല്‍, പകര്‍പ്പ്) ആധാര്‍ കാര്‍ഡ് ( ഒറിജിനല്‍, പകര്‍പ്പ്)  മെഡിക്കല്‍ ഫിറ്റ്‌നസ് സര്‍ട്ടിഫിക്കറ്റ് , പ്രവര്‍ത്തി പരിജയ സര്‍ട്ടിഫിക്കറ്റ് സഹിതം ജൂലൈ 24ന് രാവിലെ പത്തിന് കൊല്ലങ്കോട് ബ്ലോക്ക് പഞ്ചായത്ത് ഓഫീസില്‍ നടക്കുന്ന കൂടിക്കാഴ്ചക്കെത്തണമെന്ന് സൂപ്രണ്ട് അറിയിച്ചു. കൊടുവായൂരും പരിസരപ്രദേശത്തുമുള്ളവര്‍ക്ക് മുന്‍ഗണന ലഭിക്കും.

കുമരംപുത്തൂര്‍ ഗ്രാമ പഞ്ചായത്തിലെ ഗാര്‍ഹിക കുടിവെള്ള പദ്ധതിയുടെ പമ്പ് / വാള്‍വ് ഓപ്പറേറ്റര്‍ തസ്തികയിലേക്ക് ഒരു വര്‍ഷത്തേക്ക് കരാര്‍ നിയമനം നടത്തുന്നതിന് അപേക്ഷിക്കാം. പമ്പ് ഓപ്പറേറ്റര്‍ തസ്തികയ്ക്ക് അംഗീകൃത ഐ.ടി.ഐ. അല്ലെങ്കില്‍ ഡിപ്ലോമയും വാല്‍വ് ഓപ്പറേറ്റര്‍ തസ്തികയ്ക്ക് എട്ടാം ക്ലാസുമാണ് യോഗ്യത. യോഗ്യരായവര്‍ ഉദ്യോഗാര്‍ഥികള്‍ ബയോഡാറ്റ, സര്‍ട്ടിഫിക്കറ്റുകളുടെ പകര്‍പ്പ് എന്നിവ സഹിതം ജൂലൈ 27 ന് വൈകീട്ട് 5 ന് മുന്‍പ് പഞ്ചായത്ത് സെക്രട്ടറിക്ക് അപേക്ഷ നല്‍കണം. ഫോണ്‍ 04924 230157

പാലക്കാട് ബ്ലോക്ക് പഞ്ചായത്തിനു കീഴിലെ ഏഴ് ഗ്രാമപഞ്ചായത്തുകള്‍ ഇനി പ്ലാസ്റ്റിക് മാലിന്യ വിമുക്തമാകും. ഏഴ് ഗ്രാമപഞ്ചായത്തുകളിലേയും പ്ലാസ്റ്റിക് മാലിന്യങ്ങള്‍ ശേഖരിച്ച് പൊടിക്കുന്ന മുണ്ടൂരിലെ പ്ലാസ്റ്റിക് ഷ്രെഡിംഗ് യൂണിറ്റ് ഉദ്ഘാടനം കെ.വി വിജയദാസ് എം.എല്‍.എ നിര്‍വഹിച്ചു. പകര്‍ച്ചവ്യാധികള്‍ തടയാനും ചുറ്റുപാടുകള്‍  മാലിന്യമുക്തമാക്കി  സംരക്ഷിക്കാനും ഇത്തരം സംരംഭങ്ങള്‍ ഏറെ ഉപകാരപ്രദമാകുമെന്ന് എം.എല്‍.എ പറഞ്ഞു. പാലക്കാട് ബ്ലോക്ക് പഞ്ചായത്ത് പ്രസിഡന്റ് എം.പി ബിന്ദു അധ്യക്ഷയായി.

കോവിഡ് 19 ബാധിതരായി  ജില്ലയില്‍ നിലവില്‍ 307 പേരാണ് ചികിത്സയിലുള്ളത്.  ഇന്ന് (ജൂലായ് 21) ജില്ലയില്‍ 46 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 87 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 30636 സാമ്പിളുകള്‍ പരിശോധനയ്ക്കായി അയച്ചതില്‍ 28227 പരിശോധനാ ഫലങ്ങളാണ് ലഭ്യമായത്. ഇന്ന് 465 പരിശോധനാ ഫലങ്ങളാണ് ലഭിച്ചത്. പുതുതായി 306 സാമ്പിളുകൾ അയച്ചു. 1204 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 890 പേർ രോഗമുക്തി നേടി. ഇനി 2409 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂലൈ  21) വൈകിട്ട് 7 വരെ ജില്ലയിൽ പോലീസ് നടത്തിയ പരിശോധനയിൽ 8 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 20 പേരെ അറസ്റ്റ് ചെയ്തു. ഒരു വാഹനം പിടിച്ചെടുത്തു.  

 *മാസ്ക് ധരിക്കാത്ത 189 പേർക്കെതിരെ കേസ്* 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 189 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തിയ ശേഷം കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 

പാലക്കാട് ജില്ലയിൽ പട്ടാമ്പിയിൽ നടത്തിയ ആൻറിജൻ ടെസ്റ്റിലൂടെ തിരിച്ചറിഞ്ഞ 36 പേരും ഇതര സംസ്ഥാനങ്ങളിൽ നിന്നും വിവിധ രാജ്യങ്ങളിൽ നിന്നും വന്ന 10 പേരും ഉൾപ്പെടെ ഇന്ന്(ജൂലൈ 21)  46 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു.  
തമിഴ്നാട്ടിൽ നിന്ന് വന്ന ഷൊർണൂർ സ്വദേശിയായ ഒരു വയസ്സുകാരന് ഉൾപ്പെടെയാണ്  രോഗം സ്ഥിരീകരിച്ചിട്ടുള്ളത്.  ജില്ലയിൽ 34 പേർക്ക് രോഗമുക്തി ഉള്ളതായും അധികൃതർ അറിയിച്ചിട്ടുണ്ട്.

*ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്.* 

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂലൈ  20) വൈകിട്ട് 7 വരെ ജില്ലയിൽ പോലീസ് നടത്തിയ പരിശോധനയിൽ 12 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 23 പേരെ അറസ്റ്റ് ചെയ്തു. രണ്ട് വാഹനങ്ങൾ പിടിച്ചെടുത്തു.  

 *മാസ്ക് ധരിക്കാത്ത 170 പേർക്കെതിരെ കേസ്* 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 170 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 

കോവിഡ് 19 ബാധിതരായി  ജില്ലയില്‍ നിലവില്‍ 295 പേരാണ് ചികിത്സയിലുള്ളത്.  ഇന്ന് (ജൂലായ് 20) ജില്ലയില്‍ 49 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 56 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 30330 സാമ്പിളുകള്‍ പരിശോധനയ്ക്കായി അയച്ചതില്‍ 27762 പരിശോധനാ ഫലങ്ങളാണ് ലഭ്യമായത്. ഇന്ന് 699 പരിശോധനാ ഫലങ്ങളാണ് ലഭിച്ചത്. പുതുതായി 278 സാമ്പിളുകൾ അയച്ചു. 1158 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 856 പേർ രോഗമുക്തി നേടി. ഇനി 2568 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.