'

     പൊന്നാനി നഗരസഭയിലെ കൊല്ലന്‍പടിയിലെ എവറസ്റ്റ് ഓഡിറ്റോറിയത്തില്‍ സജ്ജമാക്കുന്ന കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററിന്റെ ശുചീകരണ പ്രവൃത്തികള്‍ പുരോഗമിക്കുന്നു.  കെട്ടിടത്തിന്റെ പരിസരമാണ് ഇപ്പോള്‍ വൃത്തിയാക്കുന്നത്.  നഗരസഭയില്‍  ആദ്യഘട്ടത്തില്‍ 100 ബെഡുകളുള്ള കേന്ദ്രമാണ് ആരംഭിക്കുന്നത്. 

    പൊന്നാനി നഗരസഭയില്‍ താത്ക്കാലികമായി കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററാക്കി മാറ്റുന്ന കൊല്ലന്‍പടി എവറസ്റ്റ് ഓഡിറ്റോറിയം സ്പീക്കര്‍ പി. ശ്രീരാമകൃഷ്ണന്‍ സന്ദര്‍ശിച്ചു. ഫസ്റ്റ് ലൈന്‍ ട്രീറ്റ്‌മെന്റ് സെന്ററാക്കുന്നതിനായി എം.ഐ.എച്ച്.എസ്.എസ് അറബിക് കോളജിലെ സൗകര്യങ്ങളും സ്പീക്കര്‍ സന്ദര്‍ശിച്ചു വിലയിരുത്തി.

  മങ്കടയില്‍ പ്രവര്‍ത്തിക്കുന്ന ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടില്‍ പി.എസ്.സി അംഗീകൃത കോഴ്സുകളിലേക്ക് അപേക്ഷ ക്ഷണിച്ചു. ഫുഡ് പ്രൊഡക്ഷന്‍, ഫുഡ് ആന്‍ഡ് ബിവറേജ് സര്‍വീസ്, ഫ്രണ്ട് ഓഫീസ് ഓപ്പറേഷന്‍ , ഹോട്ടല്‍ അക്കൊമഡേഷന്‍ ഓപ്പറേഷന്‍ കോഴ്സുകളിലേക്കാണ്  പ്രവേശനം. യോഗ്യത: എസ്.എസ്.എല്‍.സി/ പ്ലസ്ടു/ ഡിഗ്രി. താത്പര്യമുള്ളവര്‍ www.fcikerala.org സന്ദര്‍ശിച്ച് അപേക്ഷ നല്‍കണം.  ഓണ്‍ലൈനായി അപേക്ഷ സ്വീകരിക്കുന്ന അവസാന തീയതി; ജൂലൈ 30. കൂടുതല്‍ വിവരങ്ങള്‍ക്ക് ഫോണ്‍: 0493329573, 9645078880, 9895510650.
 

   ചീക്കോട് കുടിവെള്ള പദ്ധതിയുടെ പൈപ്പ് ലൈന്‍ വാലില്ലാപ്പുഴ ചോലയില്‍ കളിക്കുളങ്ങര ഭാഗത്തേക്ക് നീട്ടുന്ന പ്രവൃത്തിയുടെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് മണ്ണറോട്ട് ഫാത്തിമ നിര്‍വഹിച്ചു. കൊണ്ടോട്ടി ബ്ലോക്ക് പഞ്ചായത്തിന്റെ 2019-20 വാര്‍ഷിക പദ്ധതിയില്‍ ഉള്‍പ്പെടുത്തി ആറ് ലക്ഷം രൂപ ചെലവിലാണ് പ്രവൃത്തി  നടക്കുന്നത്. ചടങ്ങില്‍ ഗ്രാമപഞ്ചായത്ത് പ്രസിഡന്റ്  കെ.എം ജമീല, ബ്ലോക്ക് പഞ്ചായത്ത് സ്ഥിരം സമിതി ചെയര്‍പേഴ്‌സണ്‍ കെ.ഷറഫുന്നീസ, ഗ്രാമപഞ്ചായത്ത് സ്ഥിരം സമിതി ചെയര്‍പേഴ്‌സണ്‍ സുഹ്‌റ ആക്കോട്, വാര്‍ഡ് അംഗം സലിം തുടങ്ങിയവര്‍ പങ്കെടുത്തു.
 

   കൂട്ടിലങ്ങാടി ഗ്രാമപഞ്ചായത്തില്‍ സുഭിക്ഷ കേരളം പദ്ധതിയുടെ ഭാഗമായി 10,000 പാളേങ്കോടന്‍ വാഴക്കന്നുകള്‍ വിതരണം ചെയ്തു. ഒരു വീട്ടിലേക്ക് അഞ്ചു വാഴക്കന്നുകള്‍ വീതം രണ്ടായിരം വീടുകളിലാണ് വിതരണം നടത്തിയത്. 1,50,000 രൂപ ചെലവിലാണ് വാഴക്കന്ന് വിതരണം ചെയ്തത്. കോവിഡ് പശ്ചാത്തലത്തില്‍ ഗ്രാമസഭ ചേരാന്‍ കഴിയാത്തതിനാല്‍ വാര്‍ഡ് മെമ്പര്‍മാര്‍ അതത് വാര്‍ഡുകളിലെ ആവശ്യമുള്ളവരില്‍ നിന്നും അപേക്ഷകള്‍ സ്വീകരിച്ചാണ് നടപടികള്‍ പൂര്‍ത്തിയാക്കിയത്. സര്‍ക്കാര്‍ സഹകരണ സംഘങ്ങള്‍ വഴിയാണ് വിതരണം ചെയ്യാനുള്ള വാഴകള്‍ എത്തിച്ചത്.
 

1.  ജൂണ്‍ 22ന് കോവിഡ് സ്ഥിരീകരിച്ച കട്ടപ്പന സ്വദേശിയായ ആറുവയസ്സുകാരന്‍

2. ജൂണ്‍ 15ന് ബാംഗ്ലൂരില്‍ നിന്നെത്തിയ കോടിക്കുളം സ്വദേശിയായ പൈനാപ്പിള്‍ ലോറി ഡ്രൈവര്‍ (46).  ജൂലൈ രണ്ടിനാണ് കോവിഡ് സ്ഥിരീകരിച്ചത്.

   തിരൂര്‍ ബ്ലോക്ക് പഞ്ചായത്തിന് കീഴില്‍ തൃപ്രങ്ങോട് ഗ്രാമപഞ്ചായത്തിലെ പതിനെട്ടാം വാര്‍ഡില്‍ നിര്‍മിക്കുന്ന പൊറ്റോടി അങ്കണവാടി കെട്ടിടത്തിന്റെ ശിലാസ്ഥാപനം തിരൂര്‍ ബ്ലോക്ക് പഞ്ചായത്ത് പ്രസിഡന്റ്  സി.പി റംല നിര്‍വഹിച്ചു. 14 ലക്ഷം രൂപ ചെലവിലാണ് പുതിയ ഹൈടെക്ക് അങ്കണവാടി കെട്ടിടത്തിന്റെ നിര്‍മാണം. തൃപ്രങ്ങോട് ഗ്രാമപഞ്ചായത്ത് പ്രസിഡന്റ്  പി. കുമാരന്‍, തിരൂര്‍ ബ്ലോക്ക് പഞ്ചായത്ത് വൈസ്  പ്രസിഡന്റ്  സി.പി.അബ്ദുല്‍ ഷുക്കൂര്‍, വാര്‍ഡ് അംഗം വി.കെ കമറുദ്ധീന്‍ എന്നിവര്‍ സന്നിഹിതരായിരുന്നു.
 

   എടയൂര്‍ ഗ്രാമപഞ്ചായത്തിലെ നാലാം വാര്‍ഡിലെ പി.പി. പടി അങ്കണവാടി സ്വന്തം കെട്ടിടത്തിലേക്ക് മാറും. പുതിയ കെട്ടിടത്തിന്റെ ശിലാസ്ഥാപനം ഗ്രാമ പഞ്ചായത്ത് പ്രസിഡന്റ് കെ.കെ രാജീവ് മാസ്റ്റര്‍ നിര്‍വഹിച്ചു. 2004 മുതല്‍  അങ്കണവാടി വാടക കെട്ടിടത്തിലാണ് പ്രവര്‍ത്തിക്കുന്നത്. നാട്ടുകാര്‍ പിരിച്ചെടുത്ത മൂന്ന് ലക്ഷം ഉപയോഗിച്ച് വാങ്ങിയ ഭൂമിയില്‍ ഗ്രാമ പഞ്ചായത്തിന്റെ അഞ്ച് ലക്ഷവും എം.ജി.എന്‍.ആര്‍.ഇ.ജി.എസ് വിഹിതമായ അഞ്ച് ലക്ഷവും ചേര്‍ത്താണ് കെട്ടിടം നിര്‍മിക്കുന്നത്. വാര്‍ഡംഗം കെ.പി.വിശ്വനാഥന്‍ അധ്യക്ഷനായിരുന്നു.