പി.എം. കിസാന്‍ സമ്മാന്‍ പദ്ധതിയില്‍ വേങ്ങരയില്‍ നിന്ന് 8252 കര്‍ഷകര്‍ അര്‍ഹരായി. വേങ്ങര ബ്ലോക്കിലെ ഏഴു ഗ്രാമപഞ്ചായത്തുകളിലെ ചെറുകിട കര്‍ഷകരാണ് 2020-2021 വര്‍ഷത്തെ പി.എം കിസാന്‍ സമ്മാന്‍ പദ്ധതിയില്‍ അര്‍ഹത നേടിയത്.  കിസാന്‍ സമ്മാന്‍ പദ്ധതി പോര്‍ട്ടലില്‍ രജിസ്റ്റര്‍ ചെയ്ത കര്‍ഷകര്‍ക്ക് ആദ്യ ഗഡുവായ 2,000 രൂപയാണ് ഇപ്പോള്‍ ലഭിക്കുന്നത്. മൂന്ന്  ഗഡുക്കളായി 6,000 രൂപയാണ് പി.എം കിസാന്‍ സമ്മാന്‍ പദ്ധതിയിലൂടെ കര്‍ഷകര്‍ക്ക് ലഭിക്കുക. കോവിഡ് 19ന്റ പശ്ചാത്തലത്തില്‍ അടുത്ത ഗഡുവായ 2,000 രൂപ  പോസ്റ്റ് ഓഫീസ് വഴി കര്‍ഷകരില്‍ നേരിട്ടെത്തിക്കും. 
 

    കാര്‍ഷിക വികസന കര്‍ഷക ക്ഷേമ വകുപ്പില്‍ അഗ്രിക്കള്‍ച്ചറല്‍ അസിസ്റ്റന്റ് ഗ്രേഡ് 2 (കാറ്റഗറി നമ്പര്‍ 444/2016) തസ്തികയുടെ 2020 ഫെബ്രുവരി 24ന് നിലവില്‍ വന്ന സാധ്യതാ പട്ടികയില്‍ ഉള്‍പ്പെട്ട ജില്ലയിലെ ഉദ്യോഗാര്‍ഥികളുടെ സര്‍ട്ടിഫിക്കറ്റ് പരിശോധന ഓഗസ്റ്റ് 17 മുതല്‍  ജില്ലാ പി.എസ്.സി ഓഫീസില്‍ നടത്തും. ഉദ്യോഗാര്‍ഥികള്‍ക്ക് എസ്.എം.എസ്/പ്രൊഫൈല്‍ മെസ്സേജ് മുഖനേ അറിയിപ്പ് നല്‍കിയിട്ടുണ്ട്. ഉദ്യോഗാര്‍ഥികള്‍ നിര്‍ദേശിക്കപ്പെട്ട ദിവസങ്ങളിലും സമയത്തും അസ്സല്‍ രേഖകളുമായി നേരിട്ട് ഹാജരാക്കണമെന്ന് പി.എസ്.സി ജില്ലാ ഓഫീസര്‍ അറിയിച്ചു. 
 

മിനി സിവില്‍ സ്റ്റേഷന്‍ മാതൃകയില്‍ കാളികാവ് ബ്ലോക്ക് പഞ്ചായത്ത് ഓഫീസ് പുതിയ കെട്ടിടത്തില്‍ പ്രവര്‍ത്തനം തുടങ്ങി

    നിലമ്പൂര്‍ താലൂക്കിലെ പോത്തുകല്ലില്‍ നിര്‍മാണം പൂര്‍ത്തിയാക്കിയ 33 കെവി സബ്‌സ്റ്റേഷന്റെ ഉദ്ഘാടനം ഓഗസ്റ്റ് 17ന് വൈകീട്ട് മൂന്നിന് മുഖ്യമന്ത്രി പിണറായി വിജയന്‍  വീഡിയോ കോണ്‍ഫറന്‍സിങിലൂടെ നിര്‍വഹിക്കും. വൈദ്യുതി വകുപ്പ് മന്ത്രി എം.എം മണി അധ്യക്ഷനാവും. പി.വി അന്‍വര്‍ എം.എല്‍.എ മുഖ്യാതിഥിയാവും.

പ്ലസ് വൺ ഏകജാലക പ്രവേശന നടപടികൾ ആഗസ്റ്റ് 20 വരെ നീട്ടി. അപേക്ഷ സമർപ്പിക്കുന്നതിനുള്ള അവസാന തീയതി ആഗസ്റ്റ് 14 ആയിരുന്നു.

തൃശൂർ കോർപ്പറേഷൻ സമ്പൂർണ കുടിവെള്ള പദ്ധതിയുടെ ഭാഗമായി നിലവിൽ വാട്ടർ കണക്ഷൻ ഇല്ലാത്ത എല്ലാ വീടുകളിലും വാട്ടർ കണക്ഷൻ നൽകുന്നതിന് അപേക്ഷ നൽകേണ്ട അവസാന തീയതി ആഗസ്റ്റ് 20ലേക്ക് നീട്ടി.
 

മത്സ്യത്തൊഴിലാളികളുടെ മക്കൾക്ക് ഒരു വർഷത്തെ മെഡിക്കൽ പ്രവേശനപരീക്ഷ പരിശീലനത്തിന് ഫിഷറീസ് വകുപ്പ് ധനസഹായം നൽകുന്നു. അപേക്ഷാഫോറവും വിശദവിവരങ്ങളും ജില്ലാ ഫിഷറീസ് ഓഫീസുകളിൽ ലഭ്യമാണ്. പൂരിപ്പിച്ച അപേക്ഷ ആഗസ്റ്റ് 17 നകം ജില്ലാ ഫിഷറീസ് ഓഫീസിൽ നൽകണം. ഫോൺ: 0487-2441132, 9496007030.

കോവിഡ് വ്യാപനം പ്രതിരോധിക്കുന്നതിനായി സ്ഥാപിക്കുന്ന ഫസ്റ്റ് ലൈൻ ട്രീറ്റ്‌മെന്റ് സെന്ററുകളുടെ നടത്തിപ്പിന് പൊതുജനങ്ങൾക്കും സംഭാവന നൽകാം. നിലവിലുളള സർക്കാർ ആശുപത്രികളുടെ പ്രവർത്തനത്തെ ബാധിക്കാത്ത തരത്തിൽ കോവിഡ് ചികിത്സ ഉറപ്പുവരുത്തുന്ന കേന്ദ്രങ്ങളാണ് ഫസ്റ്റ് ലൈൻ ട്രീറ്റ്‌മെന്റ് സെന്ററുകൾ. പൊതുജനങ്ങളുടെ സ്ഥാപനങ്ങളുടെയും സംഭാവന ജില്ലാ കളക്ടറുടെ പ്രത്യേക അക്കൗണ്ടിലേക്ക് അയ്ക്കാവുന്നതാണ്. അക്കൗണ്ട്: ദ ഡിസ്ട്രിക്റ്റ് കളക്ടർ തൃശൂർ സിഎഫ്എൽടിസി, അക്കൗണ്ട് നമ്പർ 6757101001639. ഐഎഫ്എസ്‌സി കോഡ്: CNRB0006757. എംഐസിആർ കോഡ്: 680015039, ബ്രാഞ്ച് കോഡ്: 6757, കാനറാ ബാങ്ക്, അയ്യന്തോൾ ബ്രാഞ്ച്, തൃശൂർ.