ആലപ്പുഴ : കായംകുളം നിയോജക മണ്ഡലത്തിലെ നിർമ്മാണം പൂർത്തീകരിച്ച വിവിധ റോഡുകളുടെ ഉദ്ഘാടനം ഓഗസ്റ്റ് 20 ന് രാവിലെ 11 ന് ഫിഷറീസ് -തുറമുഖ വകുപ്പ് മന്ത്രി ജെ മേഴ്സികുട്ടിയമ്മ നിർവ്വഹിക്കും.

ആലപ്പുഴ : ധനകാര്യസ്ഥാപനങ്ങൾ വീടുകൾ തോറും കയറിയിറങ്ങി പണപ്പിരിവ് നടത്തുന്നതിനുള്ള നിരോധനം മാനദണ്ഡങ്ങൾക്ക് വിധേയമായി ഭേദഗതി ചെയ്ത് ജില്ലാ കലക്ടർ ഉത്തരവായി.
   കണ്ടെയ്ൻമെന്റ് സോണുകളിൽ       ധനകാര്യ സ്ഥാപനങ്ങൾ, ചിട്ടി കമ്പനികൾ, മൈക്രോ ഫിനാൻസ്, തുടങ്ങിയ സ്ഥാപനങ്ങൾക്ക് വീടുകൾ കേറിയുള്ള പണപ്പിരിവ് നടത്താൻ പാടില്ല.

കണ്ടെയ്ൻമെന്റ് സോൺ ഒഴികെയുള്ള പ്രദേശങ്ങളിൽ കോവിഡ് മാനദണ്ഡങ്ങൾ പ്രകാരം മാസ്ക്ക്, ഷീൽഡ്, ഗ്ലൗസ് തുടങ്ങിയവ ധരിച്ച് പണപ്പിരിവ് നടത്താവുന്നതാണ്. കോവിഡ് മാനദണ്ഡങ്ങൾ പ്രകാരമുള്ള ആവശ്യമായ സാധന സാമഗ്രികൾ ജീവനക്കാർക്ക് ഉണ്ടെന്ന് സ്ഥാപന മേധാവികൾ ഉറപ്പ് വരുത്തണം.

ആലപ്പുഴ : ഫിഷറീസ് വകുപ്പിൽ  നിന്നും 1.98 കോടി രൂപ വിനിയോഗിച്ച് നിർമാണം പൂർത്തീകരിച്ച  കണ്ടല്ലൂർ കുടുംബാരോഗ്യ കേന്ദ്രത്തിൻറെ പുതിയ ബ്ലോക്കിൻറെ ഉദ്ഘാടനം വീഡിയോ കോൺഫറൻസിലൂടെ ഓഗസ്റ്റ് 20ന് രാവിലെ 11 മണിക്ക് ഫിഷറീസ് തുറമുഖ വകുപ്പ് മന്ത്രി ജെ മേഴ്സിക്കുട്ടിയമ്മ നിർവഹിക്കും.  യു പ്രതിഭ എംഎൽഎ അധ്യക്ഷത വഹിക്കും. കായംകുളം നിയോജകമണ്ഡലത്തിൽ കുടുംബാരോഗ്യകേന്ദ്രമായി ഉയർത്തിയ ആദ്യ പ്രാഥമിക ആരോഗ്യ കേന്ദ്രമാണ് കണ്ടല്ലൂരില്ലേത്. സംസ്ഥാന തീരദേശ വികസന കോർപ്പറേഷൻ വഴി നിർമ്മിച്ചിട്ടുള്ള പുതിയ കെട്ടിട സമുച്ചയത്തിന് 6338 ചതുരശ്ര അടി വിസ്തീർണ്ണമുണ്ട്.

ആലപ്പുഴ ജില്ലാ പഞ്ചായത്ത് എഴ് പൊതുമരാമത്ത് പ്രവൃത്തികള്‍ക്കായി ഇ ടെന്‍ഡര്‍ മുഖേന ലഘുദര്‍ഘാസ് ക്ഷണിച്ചു. ക്വട്ടേഷന്‍ ഷെഡ്യൂള്‍ ആഗസ്റ്റ് 24 വരെ വിതരണം ചെയ്യും.  ക്വട്ടേഷനുകള്‍ തപാല്‍ മുഖേന ലഭ്യമാക്കേണ്ട അവസാന തീയതി ആഗസ്റ്റ് 26 ഉച്ചയ്ക്ക് ഒരു മണി. ദര്‍ഘാസ് പരസ്യം പ്രസിദ്ധപ്പെടുത്തിയ വെബ്‌സൈറ്റ്  www.etenders.kerala.gov.in http://tender.lsgkerala.gov.in/pages/displayTender.php ഫോണ്‍ 0477 2263746
 

ആലപ്പുഴ: ഓണക്കാലത്തെ വ്യാജമദ്യ- മയക്കുമരുന്ന് വില്പനയും വിതരണവും തടയുന്നതിനായി രൂപീകരിച്ച ജില്ലാ എക്സൈസ് കൺട്രോൾ റൂമിൽ ലഭിച്ച വിവരത്തിന്റെ അടിസ്ഥാനത്തിൽ ആലപ്പുഴ എക്സൈസ് റേഞ്ച് ഓഫീസിലെ പ്രിവന്റീവ് ഓഫീസർ റോയി ജേക്കബിന്റെ നേതൃത്വത്തിൽ  എക്സൈസ് ഉദ്യോഗസ്ഥർ  ചേർന്ന് അമ്പലപ്പുഴ താലൂക്കിൽ കോമളപുരം വില്ലേജിൽ ആര്യാട് പഞ്ചായത്ത് 14-)0 വാർഡിൽ പടിഞ്ഞാറേവെളി വീട്ടിൽ വിജയൻ മകൻ വിൻറുമോൺ (34 ) വില്പനയ്ക്കായി സൂക്ഷിച്ചിരുന്ന പതിനാറര ലിറ്റർ ഇന്ത്യൻ നിർമ്മിത വിദേശ മദ്യം കണ്ട് പിടിച്ച് കേസ്സാക്കി. സിവിൽ എക്സൈസ് ഓഫീസർമാരായ പി.റ്റി.ഷാജി, വിജയകുമാർ.പി., ജയദേവൻ ഉണ്ണി, അനിൽകുമാർ.റ്റി., ദിലീഷ് എസ്സ്.

കോവിഡ് 19 രോഗ വ്യാപനം നിയന്ത്രിക്കുന്നതിന്റെ  ഭാഗമായി ജില്ലയിൽ കണ്ടെയ്ൻമെന്റ് സോണായി  പ്രഖ്യാപിച്ചിരുന്ന, ചേർത്തല സൗത്ത് പഞ്ചായത്ത് വാർഡ് 16, കഞ്ഞിക്കുഴി പഞ്ചായത്ത് വാർഡ് 4, 10, 18, കടക്കരപ്പിള്ളി പഞ്ചായത്ത് 2, 6,9, 11, പട്ടണക്കാട് പഞ്ചായത്തിലെ 3, 7, 8, 9, 11, 16, 18 തുടങ്ങിയ വാർഡുകൾ കണ്ടെയ്ൻമെന്റ്  സോണിൽ നിന്നും ഒഴിവാക്കി.

ആലപ്പുഴ :കോവിഡ് 19 രോഗ വ്യാപനം ഫലപ്രദമായി നിയന്ത്രിക്കുന്നതിന്റെ ഭാഗമായി ആലപ്പുഴ  നഗരസഭയിലെ വാർഡ് 26, തൃക്കുന്നപ്പുഴ  പഞ്ചായത്ത് 3, 9, കണ്ടല്ലൂർ പഞ്ചായത്ത് 8, 9, 11 തുടങ്ങിയ  വാർഡുകൾ   കണ്ടെയ്ൻമെന്റ് സോണായി പ്രഖ്യാപിച്ചു.

 ഈ വാർഡുകളിൽ കോവിഡ്-19 പോസിറ്റീവ് രോഗിയും രോഗികളുമായി സമ്പർക്കത്തിൽ  ഏർപ്പെട്ട പ്രൈമറി സെക്കൻഡറി കോൺടാക്റ്റുകളും ഉള്ളതായുള്ള ജില്ല മെഡിക്കൽ ഓഫീസറുടെ റിപ്പോർട്ടിനെ തുടർന്നാണ് ഈ വാർഡുകൾ  കണ്ടെയ്ൻമെന്റ് സോണായി പ്രഖ്യാപിച്ചത്
 

മൂന്നുപേർ വിദേശത്തു നിന്നും ആറു പേർ മറ്റ് സംസ്ഥാനങ്ങളിൽ നിന്നും എത്തിയവരാണ്. 117 പേർക്ക് സമ്പർക്കത്തിലൂടെ ആണ് രോഗം സ്ഥിരീകരിച്ചത്.