സംസ്ഥാന കൈത്തറി സഹകരണ സംഘത്തിന്റെ തെക്കീബസാറിലെ നവീകരിച്ച ഹാന്‍ടെക്‌സ് ഷോറൂം വ്യവസായ വകുപ്പ് മന്ത്രി ഇ പി ജയരാജന്‍ ഉദ്ഘാടനം ചെയ്തു. പ്രകൃതിക്കിണങ്ങുന്നതും ആരോഗ്യസംരക്ഷണത്തിന് ഉതകുന്നതുമായ കൈത്തറിയെ കൂടുതല്‍ പരിപോഷിപ്പിക്കുന്നതിനുള്ള നടപടികളാണ് സര്‍ക്കാര്‍ നടപ്പിലാക്കുന്നതെന്ന് മന്ത്രി പറഞ്ഞു. 

തവനൂര്‍ ഗവണ്‍മെന്റ് ആര്‍ട്‌സ് ആന്റ് സയന്‍സ് കോളജിന് സ്വന്തമായൊരു കെട്ടിടമെന്ന സ്വപ്നം യാഥാര്‍ത്ഥ്യമാകുന്നു. കോളജിന്റെ  കെട്ടിട നിര്‍മ്മാണ ഉദ്ഘാടനം ഇന്ന് (ജൂലൈ ആറ്) രാവിലെ ഒമ്പതരയ്ക്ക് സ്പീക്കര്‍ പി. ശ്രീരാമകൃഷ്ണന്‍ നിര്‍വഹിക്കും. അയങ്കലത്ത് നടക്കുന്ന ചടങ്ങില്‍ ഉന്നത വിദ്യഭ്യാസ വകുപ്പ് മന്ത്രി ഡോ.കെ.ടി ജലീല്‍ അധ്യക്ഷനാകും. ഇ.ടി മുഹമ്മദ് ബഷീര്‍ എം.പി മുഖ്യാതിഥിയാകും.

ജില്ലയിലെ മുഴുവന്‍ പൊതുവിദ്യാലയങ്ങളും ഡിജിറ്റലായി മാറുന്നു. എട്ടു മുതല്‍ 12 വരെയുള്ള  ക്ലാസ് മുറികള്‍ സ്മാര്‍ട്ട് ആക്കി മാറ്റിയതിന് ശേഷം പ്രൈമറി സ്‌കൂളകളില്‍ ഹൈടെക് ലാബ് ആരംഭിച്ചു. അടിസ്ഥാനസൗകര്യമുള്ള എല്ലാ സര്‍ക്കാര്‍ -എയ്ഡഡ് സ്‌കൂളുകള്‍ക്കും  പദ്ധതിയുടെ ഗുണം ലഭിക്കും.  ജില്ലയില്‍ 1253 സ്‌കൂളുകളിലാണ് പദ്ധതി നടപ്പാക്കുന്നത്. ഇതിനായി 8843 ലാപ്ടോപ്, 3072 പ്രൊജക്ടര്‍, 8843 സ്പീക്കര്‍ എന്നിവയാണ് വിതരണം ചെയ്യുന്നത്. സംസ്ഥാനത്താകെ 9941 സ്‌കൂളുകളിലാണ് പദ്ധതി നടപ്പാക്കുന്നത്.

അനർഹമായി മുൻഗണനാ കാർഡ് കൈവശം വച്ച് റേഷൻ സാധനങ്ങൾ കൈപ്പറ്റിയത് കണ്ടെത്തിയത് വഴി 8,01,382 രൂപ പിഴ ഈടാക്കി. സിവിൽ സപ്ലൈസ് വകുപ്പിലെ ജീവനക്കാർ നടത്തിയ പരിശോധനയിലാണ് മുൻഗണനാകാർഡുകൾ അനധികൃതമായി കൈവശം വച്ച കാലയളവിൽ വാങ്ങിയ സാധനങ്ങളുടെ കമ്പോളവിള ഇനത്തിൽ തുക ഈടാക്കിയത്.

ഏറ്റുമാനൂര്‍ അഡീഷണല്‍ ഐ.സി.ഡി.എസ് പ്രോജക്ട് ഓഫീസ് ആവശ്യത്തിന് ജീപ്പ്/കാര്‍ വാടകയ്ക്ക് ലഭ്യമാക്കുന്നതിന് ടെന്‍ഡര്‍ ക്ഷണിച്ചു. ജൂലൈ 23 ഉച്ചക്ക് രണ്ടിനകം സമര്‍പ്പിക്കണം. ഫോണ്‍: 0481 2380175, 8281999149

കൊച്ചിയിലെ സ്വകാര്യ കമ്പനിയില്‍ നിയമനത്തിന് ജൂലൈ ഒന്‍പതിന്  രാവിലെ 10ന് ജില്ലാ എംപ്ലോയബിലിറ്റി സെന്‍ററില്‍ അഭിമുഖം നടത്തും. ബിരുദധാരികള്‍ക്ക് പങ്കെടുക്കാം .പ്രായപരിധി 30. ഫോണ്‍: 0481 -2563451