വനിതാ ശിശു വികസന വകുപ്പ് ഏര്‍പ്പെടുത്തിയ ഉജ്ജ്വല ബാല്യം അവാര്‍ഡിന് അപേക്ഷ/നോമിനേഷനുകള്‍ ക്ഷണിച്ചു.  കല, കായികം, സാഹിത്യം, ശാസ്ത്രം, സാമൂഹികം എന്നീ മേഖലകളില്‍ അസാധാരണ കഴിവ് പ്രകടിപ്പിക്കുന്ന കുട്ടികള്‍ക്ക് അപേക്ഷിക്കാം.  അഞ്ച് വയസ് കഴിഞ്ഞവരും 18 വയസ് പൂര്‍ത്തിയാക്കാത്തവരുമായ കുട്ടികള്‍ക്കാണ് അപേക്ഷിക്കാന്‍ അര്‍ഹത.  കുട്ടികള്‍ നേരിട്ട് അപേക്ഷിക്കുകയോ അര്‍ഹരായ കുട്ടികളെ കണ്ടെത്തുന്ന സംഘടനകള്‍/വ്യക്തികള്‍ എന്നിവര്‍ക്ക് നോമിനേഷന്‍ സമര്‍പ്പിക്കുകയോ ചെയ്യാം.  നിശ്ചിതഫാറം പൂരിപ്പിച്ച് അതത് ജില്ലാ ശിശു സംരക്ഷണ ഓഫീസുകളില്‍ സമര്‍പ്പിക്കണം.  വിശദവിവരങ്ങള്‍, അപേക്ഷാ ഫോറത്തിന്റെ മാതൃക എന്നിവ അതത് ജില്ലാ

  കേരള സംഗീത നാടക അക്കാദമിയുടെ ആഭിമുഖ്യത്തില്‍ കുണ്ടംകുഴി ജിഎച്ച്എസ്എസില്‍(വയലാര്‍ നഗറില്‍) ഇന്ന്(22) വൈകിട്ട് ആറുമുതല്‍ പടഹധ്വനി ബേഡകം സ്‌റ്റേജ് ഷോ നടക്കും. പാട്ടബാക്കി, നിങ്ങളെന്നെ കമ്മ്യൂണിസ്റ്റാക്കി, ഇതു ഭൂമിയാണ്, അടുക്കളയില്‍ നിന്ന് അരങ്ങത്തേക്ക് എന്നീ നാടകങ്ങളുടെ പ്രസക്ത ഭാഗങ്ങള്‍ കോര്‍ത്തിണക്കിയാണ് സ്‌റ്റേജ് ഷോ നടത്തുന്നത്. ബലികുടീരങ്ങളെ എന്ന ഗാനത്തിന്  60 വയസ് തികയുന്ന  സാഹചര്യത്തില്‍  നാടകഗാനങ്ങള്‍ കോര്‍ത്തിണക്കിയ സംഗീതനിശയും നടക്കും. കേരള സംഗീത നാടക അക്കാദമി സെക്രട്ടറി  രാധാകൃഷ്ണന്‍ നായര്‍  മുഖ്യപ്രഭാഷണം നടത്തും.

കേരള നിയമസഭയുടെ പിന്നാക്ക സമുദായ ക്ഷേമം സംബന്ധിച്ച സമിതി ഡിസംബര്‍ 27 രാവിലെ 11ന് വയനാട് കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേര്‍ന്ന് വയനാട് ജില്ലയില്‍ നിന്നു ലഭിച്ചതും സമിതിയുടെ പരിഗണനയിലിരിക്കുന്നതുമായ ഹര്‍ജികളില്‍ ബന്ധപ്പെട്ട വകുപ്പുകളുടെ ജില്ലാതല ഉദ്യോഗസ്ഥരില്‍ നിന്നും തെളിവെടുപ്പ് നടത്തും.  സര്‍ക്കാര്‍ സര്‍വീസ്, പൊതുമേഖലാ സ്ഥാപനങ്ങള്‍, സര്‍വകലാശാലകള്‍, തദ്ദേശസ്വയംഭരണ സ്ഥാപനങ്ങള്‍, സര്‍ക്കാര്‍ നിയന്ത്രണത്തിലുള്ള മറ്റ് സ്ഥാപനങ്ങള്‍ എന്നിവയിലെ നിയമനങ്ങളില്‍ പിന്നാക്ക സമുദാത്തില്‍പ്പെട്ടവര്‍ക്ക് ലഭിക്കേണ്ട സാമുദായിക പ്രാതിനിധ്യം സംബന്ധിച്ചും വിദ്യാഭ്യാസപരവും സാമൂഹ്യവുമായ വിവിധ പ്രശ്‌നങ്

എല്‍.ബി.എസ് സെന്ററിന്റെ ആഭിമുഖ്യത്തില്‍ പ്രവര്‍ത്തിക്കുന്ന പൂജപ്പുരയിലെ സെന്റര്‍ ഓഫ് എക്‌സലന്‍സ് ഫോര്‍ ഡിസബിലിറ്റി സ്റ്റഡീസ് ഭിന്നശേഷിയുള്ള കുട്ടികളുടെ വിഷയത്തില്‍ ഗവേഷണം നടത്താന്‍ ധനസഹായത്തിന് അപേക്ഷ ക്ഷണിച്ചു.  ഗവേഷണതല്പരരായ കേരളത്തിലെ സര്‍ക്കാര്‍, എയ്ഡഡ്, സര്‍ക്കാര്‍ നിയന്ത്രിത സ്വാശ്രയ എഞ്ചിനീയറിംഗ്, മെഡിക്കല്‍ കോളേജ്, പോളിടെക്‌നിക്ക്, എന്നിവിടങ്ങളിലെ കോളേജ് അധ്യാപകര്‍ക്ക് അപേക്ഷിക്കാം.

ഓഖി ദുരന്തവുമായി ബന്ധപ്പെട്ട് മുഖ്യമന്ത്രിയുടെ ദുരിതാശ്വാസ നിധിയിലേയ്ക്ക് ട്രാവന്‍കൂര്‍-കൊച്ചിന്‍ മെഡിക്കല്‍ കൗണ്‍സിലിന്റെ സംഭാവനയായി 5,00,000 (അഞ്ച് ലക്ഷം) രൂപ മോഡേണ്‍ മെഡിസിന്‍ പ്രസിഡന്റ് ഡോ. റാണി ഭാസ്‌കരന്‍, ഹോമിയോ കൗണ്‍സില്‍ പ്രസിഡന്റ് ഡോ. രവി എം. നായര്‍, ഭാരതീയ ചികിത്സാ സമ്പ്രദായം വൈസ് പ്രസിഡന്റ് ഡോ. സ്റ്റാന്‍ലി ജോണ്‍സ്, കൗണ്‍സില്‍ രജിസ്ട്രാര്‍ ഭദ്രന്‍ എസ്. എന്നിവര്‍ ചേര്‍ന്ന് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചറുടെ സാനിദ്ധ്യത്തില്‍ മുഖ്യമന്ത്രി പിണറായി വിജയന്  കൈമാറി.

പി.എന്‍.എക്‌സ്.5459/17

പൊതുമരാമത്ത് വകുപ്പിന് കീഴിലുള്ള പ്രവൃത്തികള്‍ ആധുനിക രീതിയില്‍ സമയബന്ധിതമായി പൂര്‍ത്തിയാക്കുന്നതിന് ഡിസൈന്‍ വിഭാഗം ശക്തിപ്പെടുത്താന്‍ എറണാകുളത്ത് ആരംഭിക്കുന്ന മേഖലാ ഡിസൈന്‍ ഓഫീസ് നാളെ (ഡിസംബര്‍ 22) രാവിലെ 10.30 ന് പൊതുമരാമത്ത്, രജിസ്‌ട്രേഷന്‍ വകുപ്പ് മന്ത്രി ജി. സുധാകരന്‍ ഉദ്ഘാടനം ചെയ്യും. വി.കെ. ഇബ്രാഹിംകുഞ്ഞ് എം.എല്‍.എ അധ്യക്ഷത വഹിക്കും. പ്രൊഫ. കെ.വി. തോമസ് എം.പി മുഖ്യാതിഥി ആയിരിക്കും. കളമശ്ശേരി മുനിസിപ്പല്‍ ചെയര്‍ പേഴ്‌സണ്‍ ജെസി പീറ്റര്‍, പ്രിന്‍സിപ്പല്‍ സെക്രട്ടറി കമലവര്‍ദ്ധന റാവു, ഡിസൈന്‍ വിഭാഗം ചീഫ് എഞ്ചിനീയര്‍ മധുമതി കെ.ആര്‍, മുനിസിപ്പല്‍ കൗണ്‍സിലര്‍ സബീന ജബ്ബാര്‍, ഐ&ക്യൂ.സി.

2018 -19 അധ്യയന വര്‍ഷത്തേക്കുളള പ്ലസ്‌വണ്‍, പ്ലസ്ടു പാഠപുസ്തകങ്ങള്‍ക്കുളള ഓണ്‍ലൈന്‍ ഇന്‍ന്റിംഗ് ആരംഭിച്ചു.  പുസ്തകത്തിനുളള ഓര്‍ഡര്‍ www.dhseonline.in എന്ന പോര്‍ട്ടലിലൂടെ ഡിസംബര്‍ 23ന് വൈകിട്ട് മൂന്നിനകം സമര്‍പ്പിക്കണമെന്ന് ഹയര്‍സെക്കന്ററി ഡയറക്ടര്‍ അറിയിച്ചു.

പി.എന്‍.എക്‌സ്.5457/17

തിരുവനന്തപുരം സര്‍ക്കാര്‍ വനിത പോളിടെക്‌നിക് കോളേജില്‍ ഇന്‍സ്ട്രമെന്റേഷന്‍ എന്‍ജിനീയറിംഗ് വിഭാഗത്തില്‍ ഗസ്റ്റ് ലക്ചററുടെ ഒഴിവിലേക്ക് അധ്യാപകരെ നിയമിക്കുന്നു.  എ.ഐ.സി.ടി.ഇ നിഷ്‌ക്കര്‍ഷിച്ച യോഗ്യതയുളളവര്‍ ബയോഡേറ്റ, യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ അസല്‍ എന്നിവ സഹിതം ജനുവരി മൂന്നിന് രാവിലെ 10 ന് കൂടിക്കാഴ്ചയ്ക്ക് എത്തണം.

പി.എന്‍.എക്‌സ്.5456/17

ഇന്‍സ്റ്റിറ്റ്യൂട്ട് ഓഫ് മാനേജ്‌മെന്റ് ഇന്‍ ഗവണ്‍മെന്റിന്റെ (IMG)ആഭിമുഖ്യത്തില്‍ വിവരാവകാശ നിയമം 2005, സംബന്ധിച്ച സൗജന്യ ഓണ്‍ലൈന്‍ കോഴ്‌സിലേക്ക്  ഡിസംബര്‍ 27 വരെ രജിസ്റ്റര്‍ ചെയ്യാം.  തിരഞ്ഞെടുക്കപ്പെടുന്ന വ്യക്തികളെ ഇ-മെയില്‍ മുഖാന്തിരം അറിയിക്കും.  കൂടുതല്‍ വിവരങ്ങള്‍ക്ക് http://rti.img.kerala.gov.inഎന്ന വെബ്‌സൈറ്റ് സന്ദര്‍ശിക്കുകയോ 8281064199 എന്ന നമ്പറില്‍ ബന്ധപ്പെടുകയോ ചെയ്യണം.

പി.എന്‍.എക്‌സ്.5455/17

കേരള നിയമസഭയുടെ ആരോഗ്യവും കുടുംബക്ഷേമവും സംബന്ധിച്ച സബ്ജക്ട് കമ്മിറ്റി ഡിസംബര്‍ 26ന് രാവിലെ 10 മുതല്‍ 11 വരെ നിയമസഭാ സമുച്ചയത്തിലെ 5 ഡി കോണ്‍ഫറന്‍സ് ഹാളില്‍ സമിതിയുടെ പരിഗണനയിലുളള കേരള ക്ലിനിക്കല്‍ സ്ഥാപനങ്ങള്‍ (രജിസ്‌ട്രേഷനും നിയന്ത്രണവും) ബില്‍, 2017 സംബന്ധിച്ച് വ്യക്തികളില്‍ നിന്നും സംഘടനകളില്‍ നിന്നും ഹര്‍ജികളും നിവേദനങ്ങളും സ്വീകരിക്കും. ഹര്‍ജികളും നിവേദനങ്ങളും നല്‍കാനാഗ്രഹിക്കുന്ന വ്യക്തികളും സംഘടനകളും അവ സമിതി ചെയര്‍പേഴ്‌സനെ അഭിസംബോധന ചെയ്ത് നല്‍കണം.

പി.എന്‍.എക്‌സ്.5454/17