കൊല്ലം ജില്ലയിലെ ഏരൂരിൽ 14 വയസ്സുളള ആൺകുട്ടി 2019 ഡിസംബർ 19ന് ദുരൂഹ സാഹചര്യത്തിൽ മരണമടഞ്ഞ മാധ്യമ റിപ്പോർട്ടുകളുടെ അടിസ്ഥാനത്തിൽ കേരള സംസ്ഥാന പട്ടികജാതി പട്ടികഗോത്രവർഗ്ഗ കമ്മീഷൻ സ്വമേധയാ കേസ്സെടുത്തു. വിശദമായ അന്വേഷണം നടത്തി വിദ്യാർത്ഥിയുടെ അസ്വാഭാവിക മരണം സംബന്ധിച്ച് ശാസ്ത്രീയമായി തെളിവുകൾ ശേഖരിച്ച് യഥാർത്ഥ വസ്തുതകൾ സംബന്ധിച്ച റിപ്പോർട്ട് കമ്മീഷൻ ഏഴ് ദിവസത്തിനുളളിൽ സമർപ്പിക്കാൻ കൊല്ലം റൂറൽ ജില്ലാ പോലീസ് മേധാവിക്ക് നിർദ്ദേശം നൽകി.
പി.എൻ.എക്സ്. 2280/2020

പാലക്കാട് ഗവ. മെഡിക്കല്‍ കോളേജില്‍ കോവിഡ് പരിശോധനയ്ക്കുള്ള ആര്‍.ടി.പി.സി.ആര്‍ ടെസ്റ്റിന് തുടക്കമായി. കഴിഞ്ഞ ദിവസമാണ് ആര്‍.ടി.പി.സി.ആര്‍ പരിശോധന സംവിധാനത്തിന് ഐ.സി.എം.ആറില്‍ നിന്നും അംഗീകാരം ലഭിച്ചത്. ആര്‍.ടി.പി.സി.ആര്‍ സംവിധാനത്തിന്റെ ഉദ്ഘാടനം പട്ടികജാതി -പട്ടികവര്‍ഗ- പിന്നാക്കക്ഷേമ- നിയമ -സാംസ്‌കാരിക- പാര്‍ലമെന്ററി കാര്യ  മന്ത്രി എ.കെ ബാലന്‍ സൂം മീറ്റിംഗിലൂടെ നിര്‍വഹിച്ചു. ഷാഫി പറമ്പില്‍ എം.എല്‍.എ അധ്യക്ഷനായി.

ജില്ലയില്‍ 17 പേര്‍ക്ക് ഇന്ന് കോവിഡ് ബാധ സ്ഥിരീകരിച്ചതായി ജില്ലാ കലക്ടര്‍ അറിയിച്ചു. മൂന്നു പേര്‍ വിദേശത്ത് നിന്നും 11 പേര്‍ ഇതര സംസ്ഥാനങ്ങളില്‍ നിന്നും എത്തിയവരാണ്. മൂന്ന് പേര്‍ക്ക് സമ്പര്‍ക്കത്തിലൂടെയാണ് രോഗം പകര്‍ന്നത്.

താല്‍ക്കാലിക നിയമനം

സാങ്കേതിക വിദ്യാഭ്യാസ വകുപ്പിന്റെ കീഴിലുള്ള നെരുവമ്പ്രം ഗവ.ടെക്നിക്കല്‍ ഹൈസ്‌കൂളിലേക്ക് എച്ച് എസ് എ തസ്തികയില്‍ (ഗണിതം, കെമിസ്ട്രി, ഫിസിക്സ്, പാര്‍ട്ട് ടൈം മലയാളം, സോഷ്യല്‍ സയന്‍സ്) ദിവസവേതനാടിസ്ഥാനത്തില്‍ നിയമനം നടത്തുന്നു.  ബന്ധപ്പെട്ട വിഷയത്തില്‍ ബിരുദവും ബി എഡുമാണ് യോഗ്യത.  താല്‍പര്യമുള്ളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം കൂടിക്കാഴ്ചക്ക് ഹാജരാകണം.
ജൂണ്‍ 29 ന് രാവിലെ 11 മണി - ഗണിതം, 11.30 - കെമിസ്ട്രി, ഫിസിക്സ്, 12 മണി - മലയാളം, 12.30 - സോഷ്യല്‍ സയന്‍സ് എന്നിങ്ങനെയാണ് കൂടിക്കാഴ്ച നടത്തുക.

കോട്ടയം ജില്ലാ ആശുപത്രിയുടെ പുതിയ മന്ദിരത്തിന്‍റെ ഔദ്യോഗിക ഉദ്ഘാടനം ഉദ്ഘാടനം നാളെ (ജൂണ്‍ 26) ഉച്ചകഴിഞ്ഞ് രണ്ടിന് ആരോഗ്യമന്ത്രി കെ.കെ ശൈലജ ടീച്ചര്‍ വീഡിയോ കോണ്‍ഫറന്‍സിലൂടെ നിര്‍വഹിക്കും. കോട്ടയം ജില്ലാ പഞ്ചായത്തിന്‍റെ കീഴിലുള്ള ആശുപത്രിക്കായി സംസ്ഥാന ആയുഷ് വകുപ്പ് രണ്ടു കോടി രൂപ ചിലവിട്ടാണ് പുതിയ കെട്ടിടത്തിന്‍റെ നിര്‍മാണം പൂര്‍ത്തിയാക്കിയത്. 

 ജില്ലാ ആയുര്‍വേദ ആശുപത്രിയില്‍  ഔഷധ സസ്യോദ്യാനം  പദ്ധതിക്ക് തുടക്കമായി. ഹരിതകേരളം മിഷന്‍റെ  സഹകരണത്തോടെ ആരംഭിച്ച  ഉദ്യാനം ജില്ലാ പഞ്ചായത്ത് പ്രസിഡന്‍റ് അഡ്വ.സെബാസ്റ്റ്യന്‍ കുളത്തുങ്കല്‍ തുളസി  തൈ  നട്ട്  ഉദ്ഘാടനം ചെയ്തു. 

 പനിക്കൂര്‍ക്ക, പൂവാംകുറുന്തല്‍, മുയല്‍ച്ചെവിയന്‍, ഓരില, മുത്തങ്ങ, ആടലോടകം, കറ്റാര്‍വാഴ,  നിത്യകല്യാണി, എരിക്ക്, ചെറുനാരകം, ഉഴിഞ്ഞ, വാതംകൊല്ലി, രാമച്ചം  തുടങ്ങി ഔഷധ സസ്യങ്ങളാണ്  ഉള്‍പ്പെടുത്തിയിരിക്കുന്നത്. ആശുപത്രി ചികിത്സ വിഭാഗത്തില്‍  ഉപയോഗിക്കാന്‍ കഴിയുന്ന സസ്യങ്ങളാണിവ.  

 സര്‍ക്കാര്‍/എയ്ഡഡ് ആര്‍ട്സ് ആന്‍റ് സയന്‍സ് കോളേജുകളിലെ ഗസ്റ്റ് അധ്യാപകരുടെ പാനലില്‍ രജിസ്റ്റര്‍ ചെയ്യുന്നതിന് ഓണ്‍ലൈന്‍ സംവിധാനം ഏര്‍പ്പെടുത്തി. കോളേജ് വിദ്യാഭ്യാസ വകുപ്പിന്‍റെ വെബ് സൈറ്റിലെ  Guest Lecturer Online Registration എന്ന ലിങ്ക് മുഖേനയാണ് രജിസ്റ്റര്‍ ചെയ്യേണ്ടത്. നേരിട്ടോ ഇ-മെയില്‍ മുഖേനയോ രജിസ്ട്രേഷന്‍ ഉണ്ടായിരിക്കുന്നതല്ല.

സംസ്ഥാന സര്‍ക്കാര്‍ നടപ്പാക്കുന്ന നികുതി കുടിശിക തീര്‍പ്പാക്കല്‍ പദ്ധതി ആനുകൂല്യത്തിന് ജൂലൈ 31 നകം അപേക്ഷ നല്‍കണം. മൂല്യവര്‍ധിത നികുതി, അനുമാന നികുതി, കേന്ദ്ര വില്പന നികുതി, ആഡംബര നികുതി എന്നിവയ്ക്കും സര്‍ചാര്‍ജ്ജ്, കേരള പൊതു വില്‍പന നികുതി, കാര്‍ഷിക ആദായ നികുതി എന്നിവയുടെ കുടിശികകള്‍ക്കും  പദ്ധതി ആനുകൂല്യം ലഭിക്കും. 

ഒറ്റത്തവണയായി  അടയ്ക്കുന്നവര്‍ക്ക് 60 ശതമാനവും തവണകളായി അടയ്ക്കുന്നവര്‍ക്ക് 50 ശതമാനം വരെയും  ഇളവ് ലഭിക്കും. റവന്യൂ റിക്കവറി നടപടികള്‍ ഉളളവര്‍ക്കും പദ്ധതിയുടെ പ്രയോജനം ലഭിക്കും. കൂടുതല്‍ വിവരങ്ങള്‍ ചരക്കു സേവന നികുതി വകുപ്പ് അസസ്സ്മെന്‍റ് ഓഫീസില്‍ ലഭിക്കും.