താല്‍ക്കാലിക നിയമനം

സാങ്കേതിക വിദ്യാഭ്യാസ വകുപ്പിന്റെ കീഴിലുള്ള നെരുവമ്പ്രം ഗവ.ടെക്നിക്കല്‍ ഹൈസ്‌കൂളിലേക്ക് എച്ച് എസ് എ തസ്തികയില്‍ (ഗണിതം, കെമിസ്ട്രി, ഫിസിക്സ്, പാര്‍ട്ട് ടൈം മലയാളം, സോഷ്യല്‍ സയന്‍സ്) ദിവസവേതനാടിസ്ഥാനത്തില്‍ നിയമനം നടത്തുന്നു.  ബന്ധപ്പെട്ട വിഷയത്തില്‍ ബിരുദവും ബി എഡുമാണ് യോഗ്യത.  താല്‍പര്യമുള്ളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം കൂടിക്കാഴ്ചക്ക് ഹാജരാകണം.
ജൂണ്‍ 29 ന് രാവിലെ 11 മണി - ഗണിതം, 11.30 - കെമിസ്ട്രി, ഫിസിക്സ്, 12 മണി - മലയാളം, 12.30 - സോഷ്യല്‍ സയന്‍സ് എന്നിങ്ങനെയാണ് കൂടിക്കാഴ്ച നടത്തുക.

കോട്ടയം ജില്ലാ ആശുപത്രിയുടെ പുതിയ മന്ദിരത്തിന്‍റെ ഔദ്യോഗിക ഉദ്ഘാടനം ഉദ്ഘാടനം നാളെ (ജൂണ്‍ 26) ഉച്ചകഴിഞ്ഞ് രണ്ടിന് ആരോഗ്യമന്ത്രി കെ.കെ ശൈലജ ടീച്ചര്‍ വീഡിയോ കോണ്‍ഫറന്‍സിലൂടെ നിര്‍വഹിക്കും. കോട്ടയം ജില്ലാ പഞ്ചായത്തിന്‍റെ കീഴിലുള്ള ആശുപത്രിക്കായി സംസ്ഥാന ആയുഷ് വകുപ്പ് രണ്ടു കോടി രൂപ ചിലവിട്ടാണ് പുതിയ കെട്ടിടത്തിന്‍റെ നിര്‍മാണം പൂര്‍ത്തിയാക്കിയത്. 

 ജില്ലാ ആയുര്‍വേദ ആശുപത്രിയില്‍  ഔഷധ സസ്യോദ്യാനം  പദ്ധതിക്ക് തുടക്കമായി. ഹരിതകേരളം മിഷന്‍റെ  സഹകരണത്തോടെ ആരംഭിച്ച  ഉദ്യാനം ജില്ലാ പഞ്ചായത്ത് പ്രസിഡന്‍റ് അഡ്വ.സെബാസ്റ്റ്യന്‍ കുളത്തുങ്കല്‍ തുളസി  തൈ  നട്ട്  ഉദ്ഘാടനം ചെയ്തു. 

 പനിക്കൂര്‍ക്ക, പൂവാംകുറുന്തല്‍, മുയല്‍ച്ചെവിയന്‍, ഓരില, മുത്തങ്ങ, ആടലോടകം, കറ്റാര്‍വാഴ,  നിത്യകല്യാണി, എരിക്ക്, ചെറുനാരകം, ഉഴിഞ്ഞ, വാതംകൊല്ലി, രാമച്ചം  തുടങ്ങി ഔഷധ സസ്യങ്ങളാണ്  ഉള്‍പ്പെടുത്തിയിരിക്കുന്നത്. ആശുപത്രി ചികിത്സ വിഭാഗത്തില്‍  ഉപയോഗിക്കാന്‍ കഴിയുന്ന സസ്യങ്ങളാണിവ.  

 സര്‍ക്കാര്‍/എയ്ഡഡ് ആര്‍ട്സ് ആന്‍റ് സയന്‍സ് കോളേജുകളിലെ ഗസ്റ്റ് അധ്യാപകരുടെ പാനലില്‍ രജിസ്റ്റര്‍ ചെയ്യുന്നതിന് ഓണ്‍ലൈന്‍ സംവിധാനം ഏര്‍പ്പെടുത്തി. കോളേജ് വിദ്യാഭ്യാസ വകുപ്പിന്‍റെ വെബ് സൈറ്റിലെ  Guest Lecturer Online Registration എന്ന ലിങ്ക് മുഖേനയാണ് രജിസ്റ്റര്‍ ചെയ്യേണ്ടത്. നേരിട്ടോ ഇ-മെയില്‍ മുഖേനയോ രജിസ്ട്രേഷന്‍ ഉണ്ടായിരിക്കുന്നതല്ല.

സംസ്ഥാന സര്‍ക്കാര്‍ നടപ്പാക്കുന്ന നികുതി കുടിശിക തീര്‍പ്പാക്കല്‍ പദ്ധതി ആനുകൂല്യത്തിന് ജൂലൈ 31 നകം അപേക്ഷ നല്‍കണം. മൂല്യവര്‍ധിത നികുതി, അനുമാന നികുതി, കേന്ദ്ര വില്പന നികുതി, ആഡംബര നികുതി എന്നിവയ്ക്കും സര്‍ചാര്‍ജ്ജ്, കേരള പൊതു വില്‍പന നികുതി, കാര്‍ഷിക ആദായ നികുതി എന്നിവയുടെ കുടിശികകള്‍ക്കും  പദ്ധതി ആനുകൂല്യം ലഭിക്കും. 

ഒറ്റത്തവണയായി  അടയ്ക്കുന്നവര്‍ക്ക് 60 ശതമാനവും തവണകളായി അടയ്ക്കുന്നവര്‍ക്ക് 50 ശതമാനം വരെയും  ഇളവ് ലഭിക്കും. റവന്യൂ റിക്കവറി നടപടികള്‍ ഉളളവര്‍ക്കും പദ്ധതിയുടെ പ്രയോജനം ലഭിക്കും. കൂടുതല്‍ വിവരങ്ങള്‍ ചരക്കു സേവന നികുതി വകുപ്പ് അസസ്സ്മെന്‍റ് ഓഫീസില്‍ ലഭിക്കും.

കോട്ടയം ജില്ലയില്‍ ഏഴു പേര്‍ക്കു  കൂടി കൊവിഡ് സ്ഥിരീകരിച്ചു.  മൂന്നു പേര്‍ രോഗമുക്തരായി ആശുപത്രി വിട്ടു. നിലവില്‍ 97 പേരാണ് ചികിത്സയിലുള്ളത്. ഇതില്‍ 33 പേര്‍ കോട്ടയം ജനറല്‍ ആശുപത്രിയിലും 30 പേര്‍ കോട്ടയം മെഡിക്കല്‍ കോളേജ് ആശുപത്രിയിലും 30 പേര്‍ പാലാ ജനറല്‍ ആശുപത്രിയിലും നാലു പേര്‍ എറണാകുളം മെഡിക്കല്‍ കോളേജ് ആശുപത്രിയിലുമാണ്. 

ഇതുവരെ രോഗമുക്തരായ 79 പേര്‍ ഉള്‍പ്പെടെ 176 പേര്‍ക്കാണ് ജില്ലയില്‍ രോഗം ബാധിച്ചത്. 

കേരള ഇൻസ്റ്റിറ്റ്യൂട്ട് ഓഫ് ലോക്കൽ അഡ്മിനിസ്ട്രേഷൻ(കില) കിഫ്ബി ധനസഹായത്തോടെ നടപ്പാക്കുന്ന പ്രോജക്ടിലേക്ക് താല്കാലിക നിയമനം നടത്തുന്നു.
പ്രോജക്ട് എൻജിനിയർ-സിവിൽ തസ്തികയിൽ മൂന്നും പ്രോജക്ട് എൻജിനിയർ-ഐ.ടി.തസ്തികയിൽ ഒരൊഴിവുമാണുള്ളത്. അപേക്ഷ ലഭിക്കേണ്ട അവസാന തിയതി ജൂലൈ പത്ത്. വിശദവിവരങ്ങൾക്ക് www.kila.ac.in/careers.    
പി.എൻ.എക്സ്. 2278/2020

പൊതുമേഖലയിലെ ഇന്ത്യയിലെ ആദ്യത്തെ ഡിഫൻസ് പാർക്ക് ഒറ്റപ്പാലത്ത് ഒരുങ്ങിയതായി വ്യവസായ മന്ത്രി ഇ. പി. ജയരാജൻ വാർത്താസമ്മേളനത്തിൽ പറഞ്ഞു. കേന്ദ്ര സഹായത്തോടെ 60 ഏക്കറിലാണ് കിൻഫ്രയുടെ നേതൃത്വത്തിൽ പാർക്ക് തയ്യാറാക്കിയത്. 130.94 കോടിയാണ് മുതൽമുടക്ക്. കോവിഡ് മൂലമാണ് ഉദ്ഘാടനം മാറ്റിയതെന്ന് മന്ത്രി പറഞ്ഞു.

കിഫ്ബി ധനസഹായത്തോടെ കില നടപ്പാക്കുന്ന പദ്ധതിയില്‍ പ്രൊജക്ട് എന്‍ജിനീയര്‍മാരെ (സിവില്‍- 3/ഐ.ടി-1)  നിയമിക്കുന്നതിന് അപേക്ഷ ക്ഷണിച്ചു. അവസാന തീയതി ജൂലൈ 10. കൂടുതല്‍ വിവരങ്ങള്‍www.kila.ac.in  എന്ന വെബ്സൈറ്റില്‍ ലഭിക്കും.

വടവാതൂര്‍ ജവഹര്‍ നവോദയ വിദ്യാലയത്തില്‍ ആറ്, ഒന്‍പത് ക്ലാസുകളിലെ പ്രവേശനത്തിന് നടത്തിയ പരീക്ഷയുടെ ഫലം പ്രസിദ്ധീകരിച്ചു.navodaya.gov.in/nvs/nvs-school/KOTTAYAM/en  എന്ന വെബ്സൈറ്റില്‍ ലഭിക്കും. ഫോണ്‍: 9207213047