കോവിഡ് സ്ഥിരീകരിച്ച് പാരിപ്പള്ളി മെഡിക്കല്‍ കോളേജില്‍ ചികിത്സയിലിരുന്നയാള്‍ ഫലം നെഗറ്റീവായ ശേഷം മരിച്ചു. പെരിനാട് ഞാറയ്ക്കല്‍ സ്വദേശി ശശിധരന്‍പിള്ള(68) ഹൃദയാഘാതത്തെ തുടര്‍ന്നു മരിച്ചതായി മെഡിക്കല്‍ ബുള്ളറ്റിന്‍. ദുബായില്‍ നിന്നും ജൂണ്‍ 16 ന് തിരുവനന്തപുരത്ത് എത്തിയപ്പോള്‍ വിമാനത്താവളത്തില്‍ നടത്തിയ സ്രവ പരിശോധനയില്‍ 18ന് പോസിറ്റീവായതിനെ തുടര്‍ന്ന് പാരിപ്പള്ളി മെഡിക്കല്‍ കോളേജില്‍ പ്രവേശിപ്പിച്ചിരുന്നു. നേരത്തെ ദുബായില്‍ ഏപ്രില്‍ 12 ന് കോവിഡ് സ്ഥിരീകരിച്ച് ചികിത്സയിലായിരുന്നു.

ഫിഷറീസ് വകുപ്പ് ജില്ലയിലെ എല്ലാ മത്സ്യ വിത്തുൽപാദന പരിപാലന വിപണന കേന്ദ്രങ്ങളും സീഡ് ഫാമുകളും സംസ്ഥാന മത്സ്യ കേന്ദ്രത്തിൽ രജിസ്റ്റർ ചെയ്ത് ലൈസൻസ് എടുക്കുന്നതിന് വേണ്ടി അപേക്ഷകൾ ക്ഷണിച്ചു. അപേക്ഷകർ ഭൂമി ഉടമസ്ഥ അവകാശ രേഖ, ലൊക്കേഷൻ പ്ലാൻ, ഉടമസ്ഥന്റെ തിരിച്ചറിയൽ കാർഡ് പകർപ്പ്, ഫാമുകളുടെ പദ്ധതി രേഖ, നിശ്ചിത ഫീസ് ഒടുക്കിയ രേഖ, എന്നിവ അപേക്ഷയോടൊപ്പം സമർപ്പിക്കേണ്ടതാണ്. കൂടുതൽ വിവരങ്ങൾക്കായി തൃശൂർ ഫിഷറീസ് അസിസ്റ്റന്റ് ഡയറക്ടറെ സമീപിക്കുക. ഫോൺ - 0487 2421090

ജില്ലയിൽ വർദ്ധിച്ചു വരുന്ന അനധികൃത ഗ്യാസ് വിൽപ്പനക്കെതിരെ കർശന നടപടിയെടുക്കുമെന്ന് ജില്ലാ കളക്ടർ എസ് ഷാനവാസ്. വടക്കേക്കാട് വൈലേരി പീടികയിലെ ഒഴിഞ്ഞ പറമ്പിൽ നിന്നും പാചകവാതക വിതരണ കേന്ദ്രം അനധികൃതമായി സൂക്ഷിച്ചിരുന്ന സിലിണ്ടറുകൾ പിടിച്ചെടുത്ത കേസിൽ ഗ്യാസ് ഏജൻസികളോട് കളക്ടർക്ക് വിശദീകരണം തേടി. അനധികൃത വിൽപന അമർച്ച ചെയ്യുന്നതിനൊപ്പം ഇവർക്ക് കൂട്ട് നിൽക്കുന്ന ഗ്യാസ് ഏജൻസികളുടെ ലൈസൻസ് പിൻവലിക്കുമെവന്നും കളക്ടർ അറിയിച്ചു.

മുളങ്കുന്നത്തുകാവ് കിലയിൽ പ്രോജക്ട് എഞ്ചിനീയർ (സിവിൽ), പ്രോജക്ട് എഞ്ചിനീയർ (ഐടി) എന്നീ തസ്തികളിലേക്ക് അപേക്ഷ ക്ഷണിച്ചു. അപേക്ഷ സ്വീകരിക്കുന്ന അവസാന തീയതി ജൂലൈ 10. കൂടുതൽ വിവരങ്ങൾ www.kila.ac.in എന്ന വെബ് സൈറ്റിൽ ലഭിക്കും. ഫോൺ: 0487-2207000.

        ജില്ലയില്‍ രണ്ട് പേര്‍ക്ക് കൂടി കോവിഡ് സ്ഥിരീകരിച്ചു. ഹൈദരാബാദില്‍ നിന്നും ജില്ലയിലെത്തി വീട്ടില്‍ നിരീക്ഷണത്തിലായിരുന്ന നൂല്‍പ്പുഴ സ്വദേശി 41 കാരനും  12 ന് ദുബൈയില്‍ നിന്ന് ജില്ലയിലെത്തിയ മേപ്പാടി സ്വദേശി 36 കാരനുമാണ് രോഗം സ്ഥിരീകരിച്ചത്. ഇരുവരും മാനന്തവാടി ജില്ലാ അസ്പത്രിയില്‍ ചികില്‍സയിലാണ്്. നിലവില്‍ രോഗം സ്ഥിരീകരിച്ച് 29 പേര്‍ ജില്ലാ ആശുപത്രിയിലും  ഒരാള്‍ കോഴിക്കോട് മെഡിക്കല്‍ കോളേജിലും ചികിത്സയിലുണ്ട്.

തൃശൂർ ഗവ. മെഡിക്കൽ കോളേജ് ആശുപത്രിയിൽ പുതിയ ഒ പി ബ്ലോക്ക് തുടങ്ങി. ഒ പി അനക്‌സിലെ ആദ്യത്തെ ഒ പി ടിക്കറ്റ് പ്രിൻസിപ്പൽ ഡോ. എം എ ആൻഡ്രൂസ് രോഗിക്ക് കൈമാറി ബ്ലോക്കിന്റെ ഉദ്ഘാടനം നിർവ്വഹിച്ചു. ഇനിമുതൽ നെഞ്ചുരോഗാശുപത്രിക്ക് പുറകുവശമുള്ള ചൈൽഡ് ഹെൽത്ത് ഇൻസ്റ്റിറ്റ്യൂട്ടിന്റെ താഴത്തെ നിലയിൽ ജനറൽ മെഡിസിൻ, പൾമണോളജി, പീഡിയാട്രിക്‌സ് വിഭാഗങ്ങളുടെ ഒ പി യും ഒന്നാം നിലയിൽ കുട്ടികളുടെ ചികിത്സക്കായുള്ള ഒ പി യും പ്രവർത്തിക്കും.

*ചികിത്സയിലുള്ളത് 1691 പേർ; 14 പുതിയ ഹോട്ട് സ്‌പോട്ടുകൾ

  സാമൂഹ്യ സുരക്ഷ/ ക്ഷേമനിധി ബോർഡു പെൻഷൻ ഗുണഭോക്താക്കളിൽ ഇനിയും മസ്റ്ററിങ് പൂർത്തിയാക്കാത്തവർക്ക് 29 മുതൽ ജൂലൈ 15 വരെ സംസ്ഥാനത്തെ വിവിധ അക്ഷയ കേന്ദ്രങ്ങൾ മുഖേന പൂർത്തിയാക്കാം. അക്ഷയ കേന്ദ്രങ്ങൾ മുഖേനയുള്ള ബയോമെട്രിക് മസ്റ്ററിങ് പരാജയപ്പെടുന്നവർക്ക് ബന്ധപ്പെട്ട പ്രാദേശിക സർക്കാരുകൾ/ ഗുണഭോക്താക്കൾ അംഗങ്ങളായിട്ടുള്ള ക്ഷേമനിധി ബോർഡുകൾ മുഖേന ജൂലൈ 16 മുതൽ 22 വരെ ലൈഫ് സർട്ടിഫിക്കറ്റ് സമർപ്പിച്ച് മസ്റ്ററിങ് പൂർത്തികരിക്കാം. ഹോട്ട് സ്‌പോട്ടുകളിലും  കണ്ടൈയ്‌മെന്റ് സോണുകളിലും ഉള്ളവർക്ക് യാത്ര നിയന്ത്രണങ്ങളിൽ അയവു ലഭിക്കുന്ന തിയതി മുതൽ ഒരാഴ്ച കാലയളവിൽ മസ്റ്ററിങ് പൂർത്തിയാക്കാം.