ടൂറിസം വകുപ്പിന്റെ കീഴില്‍ പെരിന്തല്‍മണ്ണയില്‍ പ്രവര്‍ത്തിക്കുന്ന ഗവ. ഫുഡ്ക്രാഫ്റ്റ് ഇന്‍സ്റ്റിറ്റ്യൂട്ടില്‍ ഹോട്ടല്‍ മാനേജ്‌മെന്റ് മേഖലയിലെ ഒരു വര്‍ഷം ദൈര്‍ഘ്യമുള്ള ഫുഡ് ആന്‍ഡ് ബിവറേജ് സര്‍വ്വീസ്, ഫ്രണ്ട് ഓഫീസ് ഓപ്പറേഷന്‍, ഹോട്ടല്‍ അക്കോമഡേഷന്‍ ഓപ്പറേഷന്‍ എന്നീ കോഴ്‌സുകളിലേക്ക് എസ്.സി, എസ്.ടി വിഭാഗങ്ങള്‍ക്ക് സീറ്റുകള്‍ ഒഴിവുണ്ട്.  ഫോണ്‍ 04933 224025, 9895510650.

മഞ്ചേരി ജില്ലാ ടി.ബി സെന്ററില്‍ രണ്ടാം ഗ്രേഡ് ആശുപത്രി അറ്റന്‍ഡന്റ് തസ്തികയിലേക്ക് 600 രൂപ നിരക്കില്‍ ദിവസക്കൂലി അടിസ്ഥാനത്തില്‍ താല്‍ക്കാലിക നിയമനം നടത്തുന്നു. താല്‍പര്യമുള്ളവര്‍ അസ്സല്‍ രേഖകള്‍ സഹിതം കൂടിക്കാഴ്ചക്കായി ജൂലൈ 18ന് രാവിലെ 10ന് മഞ്ചേരി ചെരണിയിലെ ജില്ലാ ടി.ബി ഓഫീസറുടെ കാര്യാലയത്തില്‍ എത്തണം.  ഫോണ്‍ 0483 2761064.

ജല അതോറിറ്റിയുടെ പെരിന്തല്‍മണ്ണ പി.എഫ് സബ് ഡിവിഷന് കീഴില്‍ മീറ്റര്‍ റീഡര്‍/ റവന്യൂ അസിസ്റ്റന്റ് തസ്തികകളിലേക്ക് പെരിന്തല്‍മണ്ണ പ്രദേശ നിവാസികളായ വിമുക്ത ഭട•ാര്‍ക്ക് അപേക്ഷിക്കാം.  അപേക്ഷ ജില്ലാ സൈനിക ക്ഷേമ ഓഫീസില്‍ ജൂലൈ 10നകം ലഭിക്കണം.  ഫോണ്‍ 0483 2734932.

റേഷന്‍ കാര്‍ഡില്‍ ഉള്‍പ്പെട്ട എല്ലാ അംഗങ്ങളും റേഷന്‍ കാര്‍ഡ് ആധാറുമായി ബന്ധിപ്പിക്കണം. ആധാറുമായി ബന്ധിപ്പിക്കാത്തവര്‍ക്ക് റേഷന്‍ സാധനങ്ങള്‍ വാങ്ങാന്‍ കഴിയാത്ത സാഹചര്യം ഉണ്ടാകുമെന്ന്  ജില്ലാ സപ്ലൈ ഓഫീസര്‍ അറിയിച്ചു.   ജില്ലയില്‍ നിരവധി പേര്‍ റേഷന്‍ കാര്‍ഡ് ആധാറുമായി ബന്ധിപ്പിക്കാനുള്ളതായി ശ്രദ്ധയില്‍പ്പെട്ടിട്ടുണ്ട്.  അംഗങ്ങള്‍ക്ക് നേരിട്ട് റേഷന്‍ കടയില്‍ എത്തി കാര്‍ഡ് ആധാറുമായി ബന്ധിപ്പിക്കാം.  അക്ഷയ കേന്ദ്രങ്ങള്‍ വഴി ഓണ്‍ലൈനായും ഈ സൗകര്യം ലഭിക്കും.  

മലപ്പുറം അഡീഷണല്‍ ജില്ലാ മജിസ്‌ട്രേറ്റായി മെഹറലി എന്‍.എം ചുതലയേറ്റു. പെരിന്തല്‍മണ്ണ കക്കൂത്ത് സ്വദേശിയാണ്. 1988 മലപ്പുറം കലകടറേറ്റില്‍ ക്ലാര്‍ക്കായി ജോലിയില്‍ പ്രവേശിച്ച മെഹറലി പെരിന്തല്‍മണ്ണ തഹസില്‍ദാര്‍, കലക്ടറേറ്റില്‍ ഹുസൂര്‍ ശിരസ്താര്‍, തിരൂര്‍ ആര്‍.ഡി.ഒ, പാലക്കാട് എ.ഡി.എം. തുടങ്ങിയ തസ്തികകളില്‍ ജോലി ചെയ്തിട്ടുണ്ട്. മന്ത്രിസഭയുടെ ആയിരം ദിനാഘോഷം തിരൂരില്‍ നടന്നപ്പോള്‍ അത് വിജയകരമായി നടത്തുന്നതിന് നേത്യത്വം നല്‍കിയത് മെഹ്‌റലിയായിരുന്നു. ഭാര്യ ഹാജറ കെ.എം.എം.യുപി.സ്‌കൂള്‍ അധ്യാപികയാണ്. മക്കള്‍: റമീന, ഫാത്തിമ റിഷ, റസ്‌ലിയ, മുഹമ്മദ് ഷഫിന്‍.