* ഓൺലൈൻ വ്യാപാരം ഏപ്രിൽ ഒന്നിന് ആരംഭിക്കും

* വിതരണം മാർച്ച് 31ന് പൂർത്തിയാക്കും
സംസ്ഥാനത്ത് ക്ഷേമ പെൻഷൻ വിതരണം ആരംഭിച്ചതായി സഹകരണ വകുപ്പ് മന്ത്രി കടകംപള്ളി സുരേന്ദ്രൻ. സംസ്ഥാനത്തെ 55 ലക്ഷം ഗുണഭോക്താക്കൾക്കാണ് 2400 രൂപ വീതം ക്ഷേമ പെൻഷൻ വിതരണം ചെയ്യുന്നത്. ഇതിൽ പകുതിയോളം പേർക്ക് അവരുടെ ബാങ്ക് അക്കൗണ്ടുകൾ വഴിയും ബാക്കിയുള്ളവർക്ക് നേരിട്ട് വീടുകളിൽ എത്തിക്കുകയുമാണ് ചെയ്യുന്നത്.

*റേഷൻ കാർഡ് ഇല്ലാത്തവർക്കും സൗജന്യ ഭക്ഷ്യധാന്യം

സംസ്ഥാനത്ത് 19 പേർക്കു കൂടി കോവിഡ് 19 സ്ഥിരീകരിച്ചു. ഇതോടെ ആകെ രോഗം ബാധിച്ചവരുടെ എണ്ണം 138 ആയി. ഇതിൽ 126 പേർ നിലവിൽ ആശുപത്രിയിൽ ചികിത്സയിലുണ്ട്.
കണ്ണൂരിൽ ഒമ്പതു പേർക്ക് ഇന്നു രോഗം സ്ഥിരീകരിച്ചു. കാസർകോഡ് - 3, മലപ്പുറം - 3, തൃശൂർ - 2, ഇടുക്കി - 1, വയനാട് - 1 എന്നിങ്ങനെയാണു മറ്റു ജില്ലകളിൽ രോഗം സ്ഥിരീകരിച്ചവരുടെ എണ്ണമെന്നു മുഖ്യമന്ത്രി പിണറായി വിജയൻ വാർത്താ സമ്മേളനത്തിൽ അറിയിച്ചു.
നിലവിൽ 1,20,003 പേർ സംസ്ഥാനത്ത് കോവിഡ് സംശയത്തെത്തുടർന്നു നിരീക്ഷണത്തിലുണ്ട്. ഇതിൽ 1,01,402 പേർ വീടുകളിലും 601 പേർ ആശുപത്രിയിലും ഐസൊലേഷനിലാണ്.  136 പേരെ പുതിയതായി ആശുപത്രിയിൽ പ്രവേശിപ്പിച്ചു.

അതിഥി തൊഴിലാളികള്‍ക്ക് ശുചിത്വ ശീലം പകര്‍ന്ന് അഴിയൂര്‍ ഗ്രാമ പഞ്ചായത്തും ആരോഗ്യ വകുപ്പും. മാഹിയിലെ വിവിധ ബാറുകളില്‍ ജോലി ചെയ്യുന്ന അസം, ത്രിപുര സ്വദേശികളായ 32 അതിഥി തൊഴിലാളികളെയാണ് ശുചിത്വ ശീലം പരിശീലിപ്പിച്ചത്.   
കൈ കഴുകല്‍, വ്യക്തി ശുചിത്വം, പരിസര ശുചിത്വം  എന്നിവ നേരില്‍ വിശദീകരിച്ചു. തൊഴിലാളികള്‍ താമസിക്കുന്ന സ്ഥലത്തിന്റെ പരിസരം അവരെക്കൊണ്ടുതന്നെ ശുചിയാക്കി.

കോഴിക്കോട് താലൂക്കിലെ കാക്കൂര്‍, നന്മണ്ട, ചേളന്നൂര്‍,  കക്കോടി  പ്രദേശങ്ങളിലെ  പച്ചക്കറി ചില്ലറ വില്പന ശാലകളില്‍ കോഴിക്കോട് താലൂക്ക് സപ്ലൈ ഓഫീസറും റേഷനിങ് ഇന്‍സ്‌പെക്ടര്‍മാരും പരിശോധന നടത്തി. വില്പന വില പ്രദര്‍ശിപ്പിക്കാത്ത വ്യാപാരികള്‍ക്ക് നോട്ടീസ് നല്‍കി. അവശ്യ സാധനങ്ങള്‍ക്ക് ഏകീകൃത വില ഈടാക്കുന്നതിന് നടപടികള്‍ എടുത്തു.  

കൊയിലാണ്ടി താലൂക്കില്‍ അവശ്യസാധനങ്ങള്‍ക്ക് അമിതവില ഈടാക്കുന്നതായി പരാതി ലഭിച്ചതിന്റെ അടിസ്ഥാനത്തില്‍  താലൂക്ക് സപ്ലൈ ഓഫീസറുടെ നേതൃത്വത്തില്‍ പ്രദേശത്തെ വിവിധ വിപണന കേന്ദ്രങ്ങളില്‍  പരിശോധന നടത്തി. കൊയിലാണ്ടി, ചെങ്ങോട്ടുകാവ്, പൂക്കാട്, തിരുവങ്ങൂര്‍, അത്തോളി  പ്രദേശങ്ങളിലെ ഏഴു പലചരക്ക് കടകളിലും 12 പഴം പച്ചക്കറിക്കടകളിലും നാല് മത്സ്യ മാംസ വിപണനകേന്ദ്രങ്ങളിലുമാണ് പരിശോധന നടത്തിയത്.  ക്രമക്കേടുകള്‍ കണ്ടെത്തിയ കടകള്‍ക്ക് നോട്ടീസ് നല്‍കി.  

കോവിഡ് 19 നിയന്ത്രണത്തിന്റെ  ഭാഗമായി സപ്ലൈകോ വില്‍പ്പന ശാലകളുടെ പ്രവര്‍ത്തനസമയം  പുനഃക്രമീകരിച്ചതായി   മേഖല മാനേജര്‍ അറിയിച്ചു.  മാവേലി സ്‌റ്റോര്‍, മാവേലി സൂപ്പര്‍ സ്‌റ്റോര്‍, പീപ്പിള്‍സ് ബസാര്‍, ഹൈപ്പര്‍ മാര്‍ക്കറ്റ്, അപ്നാ ബസാര്‍ എന്നിവ             രാവിലെ 11 മണി  മുതല്‍  വൈകിട്ട് അഞ്ച് മണി വരെ  ഇടവേളയില്ലാതെ പ്രവര്‍ത്തിക്കും. സപ്ലൈകോ മെഡിക്കല്‍ സ്‌റ്റോറുകള്‍ രാവിലെ ഒന്‍പത് മണി  മുതല്‍ വൈകിട്ട്  6 മണി  വരെയും  പ്രവര്‍ത്തിക്കും.