ഗുരുവായൂർ ഫയർ ആന്റ് റെസ്‌ക്യൂവിന് കീഴിൽ സജ്ജമാക്കിയ സിവിൽ ഡിഫെൻസ് ദുരന്തനിവാരണ സേന ഗുരുവായൂർ റയിൽവേ സ്റ്റേഷൻ അണുവിമുക്തമാക്കി.
കോവിഡ് 19 വൈറസ് വ്യാപനം തടയുന്നതിന്റെ ഭാഗമായാണ് നഗരമൊട്ടാകെ അണുവിമുക്തമാക്കുന്നത്. കൊറോണ എന്ന മഹാമാരിയെ തടയുന്നതിനായി ഫയർ ആൻഡ് റസ്‌ക്യു നടത്തുന്ന അണുനശീകരണ പ്രവർത്തനത്തിന് സേനയും മുന്നിട്ടിറങ്ങി. ആദ്യ ചുവടായി ഇന്നലെ (മാർച്ച് 26) ഗുരുവായൂർ റെയിൽവെ സ്റ്റേഷനും പരിസരവും വൃത്തിയാക്കി.

തൃപ്രയാർ ക്ഷേത്രനടയിൽ കടതിണ്ണകളിൽ അന്തിയുറങ്ങിയിരുന്ന പതിനഞ്ചോളം അഗതികളെ നാട്ടിക ഗ്രാമ പഞ്ചായത്ത് പ്രസിഡന്റ് പി.വിനുവിന്റെ നേതൃത്വത്തിൽ തൃപ്രയാർ ദേവസ്വം ഡോർമെറ്ററിയിലേക്ക് മാറ്റിതാമസിപ്പിച്ചു. അവർക്കുള്ള ഭക്ഷണവും വെള്ളവും പഞ്ചായത്ത് നൽകും. വൈസ് പ്രസിഡന്റ് കെ.എ.ഷൗക്കത്തലി, മെമ്പർ എൻ.കെ.ഉദയകുമാർ, സെക്രട്ടറി സാബു ജോർജ്, ദേവസ്വം മാനേജർ കൃഷ്ണൻ നമ്പൂതിരി, വലപ്പാട് പോലീസ് സബ് ഇൻസ്പെക്ടർ അരിസ്റ്റോട്ടിൽ, സന്നദ്ധ പ്രവർത്തകരായ സി.എസ് മണികണ്ഠൻ, രോഹിത് ഉണ്ണികൃഷ്ണൻ, റോബിൻ ചാലക്കൽ, അഭയ് തൃപ്രയാർ എന്നിവർ നേതൃത്വം നൽകി.

കോവിഡ് 19 സമൂഹ വ്യാപനം തടയുന്നതിന്റെ ഭാഗമായി പൊതു ജനങ്ങളെ ബോധവൽക്കരിക്കാൻ കോർപ്പറേഷൻ പരിധിയിൽ ഉച്ചഭാഷിണി അനൗൺസ്മെന്റ് നടത്തുന്ന വാഹനങ്ങളുടെ ഫ്ളാഗ് ഓഫ് കോർപ്പറേഷൻ ഓഫീസ് പരിസരത്ത് കോർപ്പറേഷൻ മേയർ അജിത ജയരാജൻ നിർവഹിച്ചു.

കോവിഡ് 19 വൈറസ് വ്യാപനം തടയുന്നതിന്റ ഭാഗമായി തൃശൂർ കോർപ്പറേഷൻ പൊതുജന താൽപര്യാർത്ഥം തയാറാക്കിയ വീഡിയോയുടെ പ്രചാരണ ഉദ്ഘാടനം കോർപ്പറേഷൻ മേയർ അജിത വിജയൻ നിർവഹിച്ചു. കോറോണയും നേരിടും പുഞ്ചിരിച്ചു കൊണ്ട്.... അത് പക്ഷെ കൂട്ടം കൂടി നിന്നല്ല, ഒറ്റക്ക് ഒറ്റക്ക്... എന്റെ കൂട്ടിന് എന്റെ സർക്കാറുണ്ട് എന്ന ക്യാപ്ഷനോടെയാണ് വീഡിയോ പുറത്തിറക്കിയിരിക്കുന്നത്. ആവശ്യമായ നിർദ്ദേശങ്ങളുമായി മേയറും ഹെൽത്ത് ഇൻസ്‌പെക്ടർ മാധവനും വീഡിയോയുടെ ഭാഗമാകുന്നു.

കോവിഡ് 19 പ്രതിരോധ പ്രവർത്തനങ്ങളിൽ സജീവ സാന്നിധ്യമായി കുടുംബശ്രീ പ്രവർത്തകർ. ജില്ലയിൽ വൈറസ് വ്യാപനം സ്ഥിരീകരിക്കപ്പെട്ടത് മുതൽ വളരെ ക്രിയാത്മമായ പ്രവർത്തനങ്ങളുമായി മുൻ നിരയിൽ നിലയുറപ്പിക്കാൻ കുടുംബ ശ്രീ പ്രവർത്തകകർക്ക് സാധിക്കുന്നുണ്ട്. ആരോഗ്യ വകുപ്പുമായി ചേർന്ന് 1285 സ്‌ക്വാഡുകളിലായി 7284 അംഗങ്ങളെ ഉൾപ്പെടുത്തി

വൈറസിനെ തുരത്താൻ ഹൈപ്പോ ക്ലോറൈറ്റ് മിശ്രിതം തളിച്ച് ഫയർ ആൻഡ് റെസ്‌ക്യൂ ടീം. കോവിഡ് 19 വൈറസ് വ്യാപനം തടയുന്നതിന്റെ ഭാഗമായി ഗുരുവായൂർ ഫയർ ആൻഡ് റെസ്‌ക്യൂ ടീം ചാവക്കാട് സബ് ജയിൽ അണുവിമുക്തമാക്കി. കൊറോണ വൈറസ് ഭീഷണിയുടെ പശ്ചാത്തലത്തിലാണ് നഗരം അണുവിമുക്തമാക്കാനുള്ള ഫയർ ആൻഡ് റെസ്‌ക്യൂ വിഭാഗത്തിന്റെ തീരുമാനം.

ഫെബ്രുവരി 20ന് കോയമ്പത്തൂർ അവിനാശിയിലുണ്ടായ കെ.എസ്.ആർ.ടി.സി ബസ് അപകടത്തിൽ മരിച്ചവരുടെ ആശ്രിതർക്കും അപകടത്തിൽ പരിക്കേറ്റവർക്കും മുഖ്യമന്ത്രിയുടെ ദുരിതാശ്വാസനിധിയിൽ നിന്ന് ധനസഹായം അനുവദിച്ച് ഉത്തരവായി.
മരണമടഞ്ഞ 19 പേരുടെ ആശ്രിതർക്ക് രണ്ട് ലക്ഷം രൂപ വീതവും പരിക്കേറ്റ് ചികിത്സയിലുള്ള 25 പേർക്ക് ചികിത്സാ ബില്ലുകൾ ഹാജരാക്കുന്ന മുറയ്ക്ക് പരമാവധി രണ്ട് ലക്ഷം രൂപ വീതവും അനുവദിച്ചാണ് ഉത്തരവായത്.
പി.എൻ.എക്സ്.1215/2020