കോവിഡ് 19 അടിയന്തിര സാഹചര്യം പരിഗണിച്ച് അഞ്ച് കൊറോണ കെയര്‍ സെന്ററുകള്‍ പൂര്‍ണ സജ്ജമായി. ഇപ്പോള്‍ നാല് സെന്ററുകളിലായി 81 പേര്‍ ഐസൊലേഷനില്‍ ഉണ്ട്. മറ്റു സംസ്ഥാനങ്ങളില്‍ നിന്നും എത്തുന്നവരെ കൊറോണ കെയര്‍ സെന്ററുകളില്‍ നേരിട്ട് പ്രവേശിപ്പിക്കും. ഇവരും മറ്റു ജില്ലകളില്‍ നിന്നും എത്തുന്നവരും 14 ദിവസം നിരീക്ഷണത്തില്‍  തുടരണം

ജില്ലയില്‍  ഇന്നലെ (മാര്‍ച്ച് 26) 15,740 പേരാണ് ഗൃഹനിരീക്ഷണത്തില്‍ ഉള്ളത്. ദുബായില്‍ നിന്നുള്ള 1,491 പേര്‍ ഉള്‍പ്പെടെ ഗള്‍ഫ് മേഖലയില്‍ നിന്ന് തിരികെ എത്തിയ 5,308 പേരും  ഗൃഹനിരീക്ഷണത്തില്‍ ഉള്‍പ്പെടുന്നു. പാരിപ്പള്ളി ഗവണ്‍മെന്റ് മെഡിക്കല്‍ കോളജ് ആശുപത്രി  എട്ടു പേര്‍ ഐ പി യില്‍ ഉണ്ട്.

ജില്ലാ കലക്ടര്‍ ബി അബ്ദുല്‍ നാസറിന്റെ നിര്‍ദേശ പ്രകാരം വളളിക്കാവ് മാതാ അമൃതാനന്ദമയീ മഠത്തില്‍ ആര്‍ ഡി ഒ സുമീതന്‍പിള്ളയുടെ നേതൃത്വത്തില്‍  പരിശോധന നടത്തി. മാതാ അമൃതാനന്ദമയിയുമായും അമൃതസ്വരൂപാനന്ദയുമായും ആര്‍ ഡി ഒ ചര്‍ച്ച നടത്തി.

 *സത്യവാങ്മൂലമോ പാസ്സോ ഇല്ലാതെ പുറത്തിറങ്ങുന്നവര്‍ക്കെതിരെ ശക്തമായ നടപടി- കലക്ടര്‍*

അവശ്യവസ്തുക്കള്‍ക്കും സേവനങ്ങള്‍ക്കുമായി വീട്ടില്‍ നിന്ന് പുറത്തുപോകേണ്ടവര്‍ക്ക്  ഓൺലൈൻ ആയി സത്യവാങ്മൂലം ('Self Declaration') സമര്‍പ്പിക്കാനുള്ള സൗകര്യം കോഴിക്കോട് ജില്ലാ ഭരണകൂടം തയാറാക്കിയ 'കോവിഡ് ജാഗ്രത' വെബ് ആപ്ലിക്കേഷന്‍ വഴി ഒരുക്കിയിട്ടുണ്ടെന്ന് ജില്ലാ കലക്ടര്‍ സാംബശിവ റാവു അറിയിച്ചു. ജനങ്ങൾ ഈ സൗകര്യം പരമാവധി ഉപയോഗപ്പെടുത്തണം.

രാജ്യമൊട്ടാകെ ലോക്ക്ഡൗൺ പ്രഖ്യാപിച്ചിട്ടുള്ള സാഹചര്യത്തിൽ ഇനിയൊരു അറിയിപ്പുണ്ടാകുന്നതുവരെ സംസ്ഥാനത്തെ എല്ലാ സർവകലാശാലകളിലെയും (സാങ്കേതിക സർവകലാശാല ഉൾപ്പെടെ) പരീക്ഷകളും ക്യാമ്പ് മുഖേനയുള്ള മൂല്യനിർണയ പ്രവർത്തനങ്ങളും മാറ്റിവെച്ച് ഉന്നത വിദ്യാഭ്യാസ വകുപ്പ് ഉത്തരവായി. മാർച്ച് 21 മുതലുള്ള 31 വരെ പരീക്ഷകൾ മാറ്റിവെച്ച് നേരത്തെ ഉത്തരവിറങ്ങിയിരുന്നു.
പി.എൻ.എക്സ്.1227/2020

നിരോധനം നടപ്പാക്കുന്നതിന് നിയോഗിച്ചിരിക്കുന്ന പോലീസ് ഉദ്യോഗസ്ഥരുടെ ക്ഷേമം ഉറപ്പാക്കുന്നതിന് സംസ്ഥാന പോലീസ് മേധാവി ലോക് നാഥ് ബെഹ്‌റ മാർഗ്ഗനിർദ്ദേശങ്ങൾ പുറപ്പെടുവിച്ചു. വെയിലും ചൂടുമേറ്റ് ജോലി ചെയ്യുന്ന പോലീസുകാരുടെ ക്ഷേമം ഉറപ്പാക്കുന്നതിനുള്ള ഉത്തരവാദിത്തം ജില്ലാ പോലീസ് മേധാവിമാർക്ക് ആയിരിക്കുമെന്ന് അദ്ദേഹം വ്യക്തമാക്കി.

പരിശോധനക്കിടെ പോലീസുകാർ പൊതുജനങ്ങളോട് അപമര്യാദയായി പെരുമാറിയാൽ മുതിർന്ന ഉദ്യോഗസ്ഥരെയും ഉത്തരവാദികളാക്കി കർശന നടപടിയെടുക്കുമെന്ന് സംസ്ഥാന പോലീസ് മേധാവി ലോക്‌നാഥ് ബെഹ്‌റ അറിയിച്ചു. അത്തരം സംഭവങ്ങൾ ഒരു സ്ഥലത്തും നടക്കുന്നില്ലെന്ന് ഉറപ്പ് വരുത്താനുള്ള ഉത്തരവാദിത്തം ഇൻസ്‌പെക്ടർമാർക്കും അതിനു മുകളിലുള്ള ഓഫീസർമാർക്കും ആണെന്ന് അദ്ദേഹം വ്യക്തമാക്കി.

ജോലിക്കു പോകുന്ന ഹോംനേഴ്‌സുമാരെ തടയരുതെന്ന് സംസ്ഥാന പോലീസ് മേധാവി ലോക്‌നാഥ് ബെഹ്‌റ എല്ലാ പോലീസ് ഉദ്യോഗസ്ഥർക്കും നിർദ്ദേശം നൽകി.
വിവിധ വീടുകളിൽ ജോലി ചെയ്യുന്ന ഹോം നേഴ്‌സുമാരുടെ സഞ്ചാരസ്വാതന്ത്ര്യം നിഷേധിക്കരുത്. തിരിച്ചറിയൽ കാർഡോ അവർ പരിചരിക്കുന്ന രോഗികളുടെ അപേക്ഷയോ കാണിച്ചാൽ ഹോം നേഴ്‌സുമാരെ യാത്ര തുടരാൻ അനുവദിക്കണമെന്നും നിർദ്ദേശിച്ചിട്ടുണ്ട്.
പി.എൻ.എക്സ്.1224/2020