കൊല്ലം കമ്പോളത്തിലും ചന്ദനത്തോപ്പ്, കുണ്ടറ, ചാത്തന്നൂര്‍ എന്നിവിടങ്ങളിലും വിവിധ വ്യാപാര സ്ഥാപനങ്ങളില്‍ സാധനങ്ങള്‍ക്ക് അമിതവില ഈടാക്കുന്നു എന്ന പരാതിയെത്തുടര്‍ന്ന് സിവില്‍ സപ്ലൈസ് വകുപ്പ്, ലീഗല്‍ മെട്രോളജി, ഫുഡ് സേഫ്റ്റി ഉദ്യോഗസ്ഥര്‍ സംയുക്ത പരിശോധന നടത്തി. 55 വ്യാപാര സ്ഥാപനങ്ങളിലും കടകളിലുമാണ് പരിശോധന നടത്തിയത്.

ജില്ലയില്‍  ഇന്നലെ (മാര്‍ച്ച് 25) പുതിയതായി പ്രവേശിച്ച 1,979 പേരുള്‍പ്പെടെ 14,114 പേരാണ് ഗൃഹനിരീക്ഷണത്തിലുള്ളത്. ആശുപത്രി ഐ പി യില്‍ ആറ് പേരുണ്ട്. അഡ്മിഷനും ഡിസ്ചാര്‍ജും ഇല്ല. 496 സാമ്പിളുകള്‍ ദേശീയ വൈറോളജി ഇന്‍സ്റ്റിറ്റ്യൂട്ടിലേക്ക് അയച്ചതില്‍ 101 എണ്ണത്തിന്റെ ഫലം കൂടി വരാനുണ്ട്. 395 പേരുടെ റിസല്‍ട്ട് വന്നതില്‍ ജില്ലയില്‍ എല്ലാം നെഗറ്റീവ് ആണ്. അതീവജാഗ്രത പുലര്‍ത്തേണ്ട സാഹചര്യമാണെങ്കിലും സ്ഥിതിഗതികള്‍ നിലവില്‍ നിയന്ത്രണ വിധേയമാണെന്നും വ്യാപനം തടയുന്നതിന്  വിവിധ വകുപ്പുകളുടെ സഹകരണത്തോടെ എല്ലാ നടപടികളും സ്വീകരിച്ചു വരുകയാണെന്നും ജില്ലാ മെഡിക്കല്‍ ഓഫീസര്‍ ഡോ വി വി ഷേര്‍ലി വ്യക്തമാക്കി.

കോവിഡ് 19 അടിയന്തിര സാഹചര്യം പരിഗണിച്ച് 62 കൊറോണ കെയര്‍ സെന്ററുകള്‍ സജ്ജമാക്കിയിട്ടുണ്ട്. ഇപ്പോള്‍ മൂന്നെണ്ണം പ്രവര്‍ത്തിച്ചുവരുന്നു.  ഇതില്‍ 28 പേര്‍ ഐസൊലേഷനില്‍ ഉണ്ട്. മറ്റു സംസ്ഥാനങ്ങളില്‍ നിന്നും എത്തുന്നവരെ കൊറോണ കെയര്‍ സെന്ററുകളില്‍ നേരിട്ട് പ്രവേശിപ്പിക്കും. ഇവര്‍ 28 ദിവസവും മറ്റു ജില്ലകളില്‍ നിന്നും എത്തുന്നവര്‍ 14 ദിവസവും നിരീക്ഷണത്തില്‍ തുടരണം.

ആരോഗ്യ തദ്ദേശ സ്വയംഭരണ പൊലീസ് വകുപ്പുകളുടെ സംയുക്തമായ   കോവിഡ്-19 നിയന്ത്രണ പ്രവര്‍ത്തനങ്ങളില്‍ ഇന്നലെ മാത്രം 1,313 സ്‌കോഡുകളിലായി 4,445 വോളന്റിയര്‍മാര്‍ ഏര്‍പ്പെട്ടിരിക്കുന്നു. കൂടാതെ 91 ദ്രുത കര്‍മ്മ സേനാംഗങ്ങളും പ്രവര്‍ത്തിച്ചുവരുന്നു.
കോവിഡ് 19 ജാഗ്രതാ പ്രവര്‍ത്തനങ്ങളുടെ ഭാഗമായി ഫീല്‍ഡ് വിസിറ്റ് ശക്തമാക്കുന്നതിനും പരിശോധനകള്‍ കര്‍ശനമാക്കുന്നതിനുമായി മറ്റു വകുപ്പുകളില്‍ നിന്നും കൂടുതല്‍ വാഹനങ്ങള്‍ അനുവദിക്കുമെന്നും ജീവനക്കാര്‍ക്ക് താമസിക്കുന്നതിന് ക്വാര്‍ട്ടേഴ്‌സുകള്‍ സജ്ജമാണെന്നും ജില്ലാ കലക്ടര്‍ ബി അബ്ദുല്‍ നാസര്‍ അറിയിച്ചു.

ക്ഷീര വികസന വകുപ്പ് കോഴിക്കോട് ജില്ലാ ഡെപ്യൂട്ടി ഡയറക്ടറുടെ കാര്യാലയത്തില്‍ ഒഴിവുളള പാര്‍ട്ട് ടൈം സ്വീപ്പര്‍  നിയമനത്തിന് മാര്‍ച്ച് 30 ന് നടത്താനിരുന്ന  കൂടിക്കാഴ്ച  മാറ്റിയതായി ഡെപ്യൂട്ടി ഡയറക്ടര്‍ അറിയിച്ചു.  കോവിഡ് - 19  പ്രതിരോധ പ്രവര്‍ത്തനങ്ങളുടെ ഭാഗമായുളള നിയന്ത്രണങ്ങള്‍ നിലനില്‍ക്കുന്ന സാഹചര്യത്തിലാണ് നടപടി.  പുതുക്കിയ തീയതി ഉദ്യോഗാര്‍ത്ഥികളെ രേഖാമൂലം  അറിയിക്കും.

ReplyForward

കോവിഡ് - 19  മുൻകരുതലിൻ്റെ ഭാഗമായി അഴിയൂർ പഞ്ചായത്തിൽ 

 വീടുകളിൽ കഴിയുന്നവർക്ക് ഭക്ഷണ സാധനങ്ങൾ ഉൾപ്പെടെയു ളള അവശ്യ സാധനങ്ങൾ  സൗജന്യ നിരക്കിൽ എത്തിക്കാൻ  പഞ്ചായത്തിൽ  ചേർന്ന ഓട്ടോ തൊഴിലാളി പ്രതിനിധികളുടെ യോഗം തീരുമാനിച്ചു. 

വീടുകളിൽ കഴിയുന്നവരുടെ എണ്ണം 200 കവിഞ്ഞതിനെ തുടർന്നാണ് തീരുമാനം.  

പൊതുവിപണിയിലെ വിലവര്‍ധനവ്, കരിഞ്ചന്ത, പൂഴ്ത്തിവയ്പ്പ് എന്നിവ തടയുന്നതിന്റെ ഭാഗമായി കോഴിക്കോട് (സൗത്ത്), നോര്‍ത്ത്, സിറ്റി റേഷനിങ് ഓഫീസര്‍മാരും റേഷനിങ് ഇന്‍സ്പെക്ടര്‍മാരും അടങ്ങുന്ന സംഘം 
മലാപ്പറമ്പ്, വെള്ളിമാട്ക്കുന്ന്, മാങ്കാവ്, കുതിരവട്ടം എന്നിവിടങ്ങളിലെ 14 വ്യാപാര സ്ഥാപനങ്ങളില്‍ പരിശോധന നടത്തി.

നെല്ല് സംഭരണം അവശ്യ സേവനം ആയതിനാല്‍ ബന്ധപ്പെട്ടവര്‍ സംഭരണത്തില്‍ സഹകരിക്കണമെന്ന് സപ്ലൈകോ സി എംഡി പി.എം അലി അസ്ഗര്‍ പാഷ അറിയിച്ചു. അത്യാവശ്യ നിയന്ത്രണ നിയമപ്രകാരമാണ് നെല്ല് സംഭരണം നടത്തി വരുന്നത്. കൊറോണ വ്യാപനത്തിന്റെ പശ്ചാത്തലത്തില്‍ അവശ്യവസ്തുവായ നെല്ല് സംഭരിച്ച് മില്ലുകളില്‍ എത്തിക്കേണ്ടതുണ്ട്. ഇതുകണക്കിലെടുത്ത് സര്‍ക്കാര്‍ നിര്‍ദ്ദേശിച്ച നിബന്ധനകള്‍ പാലിച്ച് എല്ലാവരും സഹകരിക്കണമെന്നും അദ്ദേഹം പറഞ്ഞു.