പ്രളയം തകർത്തെറിഞ്ഞ ചാലക്കുടി ഇന്ന് തിരിച്ചറിയാനാവാത്തവിധം മാറിയിരിക്കുന്നു. ഈ മാറ്റം വളരെ പ്രകടമായി അറിയുക ചാലക്കുടി താലൂക്ക് ആശുപത്രിയിൽ എത്തുമ്പോളാണ്. ഇന്ത്യയിൽതന്നെ മികച്ച സേവനങ്ങൾ നൽകുന്ന സർക്കാർ ആശുപത്രികളിൽ ഒന്നാം സ്ഥാനം എൻ.ക്യൂ .എ.എസ് അക്രഡിറ്റഷൻ ലഭിച്ച ആശുപത്രി എന്ന ബഹുമതി ഇവിടേക്ക് ലഭിച്ചിട്ട് അധികകാലമായില്ല. കേന്ദ്ര - സംസ്ഥാന സർക്കാരുകൾ, സഹകരണസ്ഥാപനങ്ങൾ, സന്നദ്ധസംഘടനകൾ, ഡോക്ടർമാർ, ആരോഗ്യമേഖലയിലെ വിവിധ സംഘടനകൾ എന്നിവരുടെ അകമഴിഞ്ഞ സഹായമാണ് ഈ ആശുപത്രിയുടെ ഇന്നുനാം കാണുന്ന പുരോഗതിക്കുപിന്നിൽ.

ജില്ലാ ശിശുക്ഷേമ സമിതി യോഗം ജൂലൈ 16 വൈകീട്ട് മൂന്നിന് തൃശൂർ അസിസ്റ്റന്റ്ഡവലപ്പ്‌മെന്റ് കമ്മീഷണർ (ജനറൽ) ന്റെ ചേമ്പറിൽ ചേരും. 
 

അന്നമനട പഞ്ചായത്ത് തൊഴിലുറപ്പ് പദ്ധതിയിൽ ഉൾപ്പെടുത്തി തൊഴുത്ത്, ആട്ടിൻ കൂട്, കോഴിക്കൂട്, മത്സ്യക്കുളം, കംപോസ്റ്റ് പിറ്റ്, സോക്പിറ്റ് എന്നിവ വിതരണം ചെയ്യുന്നതിന് അപേക്ഷ ക്ഷണിച്ചു. അപേക്ഷ സ്വീകരിക്കുന്ന അവസാന തീയതി ജൂലൈ 15. കൂടുതൽ വിവരങ്ങൾക്ക് പഞ്ചായത്ത് ഓഫീസുമായി ബന്ധപ്പെടുക. ഫോൺ: 0480- 2770024.

ഭിന്നശേഷിക്കാരായ ഉദ്യോഗാർത്ഥികൾക്കായി തൃശൂർ ജില്ലാ എംപ്ലോയ്‌മെന്റ് എക്‌സ്‌ചേഞ്ച് വൊക്കേഷണൽ ഗൈഡൻസ് വിഭാഗം നടത്തുന്ന 30 ദിവസത്തെ സൗജന്യപരിശീലനം ജില്ലാ എംപ്ലോയ്‌മെന്റ് എക്‌സ്‌ചേഞ്ച് ഹാളിൽ എൻ കെ ഉദയപ്രകാശൻ ഉദ്ഘാടനം ചെയ്തു. എറണാകുളം ഡിവിഷണൽ എംപ്ലോയ്‌മെന്റ് ഓഫീസർ പി കെ മോഹനദാസ് അദ്ധ്യക്ഷത വഹിച്ചു. ജില്ലാ എംപ്ലോയ്‌മെന്റ് ഓഫീസർ (ഇൻചാർജ്ജ്) എൻ ബി ശശികുമാർ, ജില്ലാ പഞ്ചായത്തംഗം അഡ്വ. കെ ആർ സുമേഷ്, എംപ്ലോയ്‌മെന്റ് ഓഫീസർ എം ജയശ്രീബീന, എംപ്ലോയ്‌മെന്റ് ഓഫീസർ (വൊക്കേഷണൽ ഗൈഡൻസ്) വി എം ഹംസ, ജൂനിയർ എംപ്ലോയ്‌മെന്റ് ഓഫീസർ ഷാജു ലോനപ്പൻ തുടങ്ങിയവർ പങ്കെടുത്തു. പരിശീലനത്തിൽ 40 ഉദ്യോഗാർത്ഥികൾ പങ്കെടുത്തു.

തൃശൂർ സ്റ്റേറ്റ് എക്‌സൈസ് അക്കാദമി ആൻഡ് റിസർച്ച് സെന്ററിൽ നിന്ന് പരിശീലനം പൂർത്തിയാക്കിയ 51 സിവിൽ എക്‌സൈസ് ഓഫീസർമാരുടെ പാസ്സിങ് ഔട്ട് പരേഡ് ജൂലൈ ഒൻപതിന് രാവിലെ 7.30 ന് നടക്കും. എക്‌സൈസ് വകുപ്പ് മന്ത്രി ടി പി രാമകൃഷ്ണൻ മുഖ്യാതിഥിയാകും. എക്‌സൈസ് കമ്മീഷണർ, അഡീഷണൽ എക്‌സൈസ് കമ്മീഷണർ, അക്കാദമി പ്രിൻസിപ്പൽ തുടങ്ങിയവർ പങ്കെടുക്കും.
 

ളിയാര്‍ ഗ്രാമപഞ്ചായത്തില്‍ മഴവെള്ളം ഇനി ഒരു തുള്ളി പോലും പാഴാകില്ല. പഞ്ചായത്തില്‍ മഴവെള്ള  സംഭരണത്തിനായി ഇത്തവണ 400 ഓളം മഴക്കുഴികളാണ്  ഒരുക്കിയത്. അവശേഷിക്കുന്ന  500 ഓളം മഴക്കുഴികളുടെ  പണി  ഈ മാസം അവസാനത്തോടുകൂടി പൂര്‍ത്തീകരിക്കും. മഴക്കുഴിയിലൂടെ ഒഴുകി പോവുന്ന ജലത്തെ തടഞ്ഞ് നിര്‍ത്തി മണ്ണില്‍ ഇറക്കി വിടുകയാണ് ചെയ്യുന്നത്.  വെള്ളം ഒരു തുള്ളി പോലും പാഴാക്കാതെ ഭൂമി കുടിക്കുന്നു. ഇതുമൂലം ഭൂഗര്‍ഭ ജല ലഭ്യത വര്‍ദ്ധിക്കുന്നു. കൂടാതെ കിണറുകളിലും  കുളങ്ങളിലും വേനല്‍ കാലത്ത് ജലനിരപ്പ്  ഉയരുന്നു.

ക്വട്ടേഷന്‍ ക്ഷണിച്ചു

കോഴിക്കോട് ഗവ. എഞ്ചിനീയറിംഗ് കോളേജിലെ മെക്കാനിക്കല്‍ എഞ്ചിനീയറിംഗ് വിഭാഗത്തില്‍ കണ്‍സ്യൂമബിള്‍സ് വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി  ജൂലൈ 15 ന് രണ്ട് മണി  വരെ. ഫോണ്‍ - 2383210. വെബ്‌സൈറ്റ് - www.geckkd.ac.in