പട്ടികജാതി വിഭാഗത്തില്‍പ്പെട്ട വിദ്യാര്‍ഥികള്‍ക്ക് മെഡിക്കല്‍/ എഞ്ചിനീയറിംഗ് പ്രവേശന പരീക്ഷാ പരിശീലനത്തിന് ധനസഹായം നല്‍കുന്ന പദ്ധതിയിലേക്ക് അപേക്ഷ ക്ഷണിച്ചു. കഴിഞ്ഞ എസ്.എസ്.എല്‍.സി പരീക്ഷയില്‍ എല്ലാ വിഷയങ്ങള്‍ക്കും  ബി പ്ലസില്‍ കുറയാത്ത ഗ്രേഡു നേടി  സയന്‍സ് ഗ്രൂപ്പെടുത്ത് പ്ലസ് വണ്ണിന് പ്രവേശനം നേടിയവരായിരിക്കണം അപേക്ഷകര്‍. കുടുംബവാര്‍ഷിക വരുമാനം നാലര ലക്ഷം രൂപയില്‍ കവിയരുത്.  നിശ്ചിത മാതൃകയിലുളള അപേക്ഷ ജൂലൈ 31നകം  ജില്ലാ പട്ടികജാതി വികസന ഓഫീസര്‍ക്ക് നല്‍കണം.  കൂടുതല്‍ വിവരങ്ങള്‍ക്ക് ജില്ലാ/ ബ്ലോക്ക് പട്ടികജാതി വികസന ഓഫീസുകളുമായി ബന്ധപ്പെടണം.  

വാഴൂര്‍ ഐ.സി.ഡി.എസ് പ്രോജക്ട് ഓഫീസിന്‍റെ ആവശ്യത്തിലേക്ക് ഏഴ് വര്‍ഷത്തിലധികം പഴക്കമില്ലാത്ത കാര്‍ വാടകയ്ക്ക് എടുക്കുന്നതിന് ക്വട്ടേഷന്‍ ക്ഷണിച്ചു.  ജൂലൈ 22ന് ഉച്ചകഴിഞ്ഞ് രണ്ടു വരെ  സ്വീകരിക്കും. ഫോണ്‍: 0481 2458400

        നെടുങ്കാവുവയല്‍ ഗവണ്‍മെന്‍റ്  ഐടിഐയില്‍  എന്‍.സി.വി.റ്റി  ഡ്രാഫ്റ്റ്സ്മാന്‍ സിവില്‍  ട്രേഡില്‍ പ്രവേശനത്തിന് അപേക്ഷിക്കുന്നതിനുളള തീയതി  ജൂലൈ ആറു വരെ നീട്ടി. അപേക്ഷാഫോറം ഐ ടി ഐ  ഓഫീസില്‍ ലഭിക്കും. 80 ശതമാനം സീറ്റ് പട്ടികജാതി വിഭാഗത്തില്‍പ്പെട്ടവര്‍ക്കും  10 ശതമാനം വീതം പട്ടികവര്‍ഗ വിഭാഗക്കാര്‍ക്കും മറ്റു വിഭാഗത്തില്‍പ്പെട്ടവര്‍ക്കും  സംവരണം ചെയ്തിട്ടുണ്ട്.  

വിദ്യാര്‍ഥികള്‍ക്ക്  പ്രതിമാസ സ്റ്റൈപന്‍റ്, യൂണിഫോം- സ്റ്റഡി ടൂര്‍ അലവന്‍സ്, എന്നിവയ്ക്കു  പുറമെ ഉച്ചഭക്ഷണവും, പോഷകാഹാരവും നല്‍കും.  ഫോണ്‍: 04828212844, 9744630465  

  ഐ.എച്ച്.ആര്‍.ഡിയുടെ കീഴില്‍ പ്രവര്‍ത്തിക്കുന്ന വടകര (കോഴിക്കോട് 04962524920, 8547005079), മാള (04802233240, 8547005080), മറ്റക്കര (04812542022, 8547005081), കല്ല്യാശ്ശേരി (04972780287, 8547005082), പൈനാവ് (04862232246, 8547005084), കരുനാഗപ്പള്ളി (04762623597, 8547005083) പൂഞ്ഞാര്‍ (04822209265, 8547005085) കുഴല്‍മന്ദം (04922272900, 8547005086) മോഡല്‍ പോളിടെക്നിക്ക് കോളേജുകളില്‍ ലാറ്ററല്‍ എന്‍ട്രി               

 
പൊതുവിദ്യാഭ്യാസ വകുപ്പ് സാക്ഷരതാമിഷന്‍ മുഖേന നടത്തുന്ന പത്താം തരം,  ഹയര്‍ സെക്കന്‍ഡറി തുല്യതാ കോഴ്സുകളില്‍ പ്രവേശനത്തിന് അപേക്ഷ ക്ഷണിച്ചു. ഏഴാം ക്ലാസ് ജയിച്ചവര്‍ക്കും 17 വയസ് പൂര്‍ത്തിയായവര്‍ക്കും പത്താം തരത്തിലും 22 വയസ് കഴിഞ്ഞവര്‍ക്ക് ഹയര്‍ സെക്കന്‍ഡറിയിലും  ചേരാം.

പത്താം ക്ലാസില്‍ 1850 രൂപയും ഹയര്‍ സെക്കന്‍ഡറിക്ക് 2500 രൂപയുമാണ് ഫീസ്.
എസ്.സി, എസ.്ടി വിഭാഗങ്ങളില്‍പെട്ടവര്‍ക്കും ഭിന്നശേഷിക്കാര്‍ക്കും ഫീസ് ഇളവ് ലഭിക്കും. ഗ്രാമപഞ്ചായത്ത് നഗരസഭ തലത്തില്‍ സാക്ഷരതാ പ്രേരക്മാര്‍ മുഖേനയാണ് പ്രവേശനം. അപേക്ഷ ആഗസ്റ്റ് 15 വരെ സ്വീകരിക്കും. 

കോട്ടയം താലൂക്ക് ലീഗല്‍ സര്‍വീസ് കമ്മിറ്റി ജൂലൈ 13ന് അണ്ടര്‍ വാല്യുവേഷന്‍ മെഗാ അദാലത്ത് നടത്തും. ജില്ലാ കോടതിയില്‍ രാവിലെ 10ന് ആരംഭിക്കുന്ന അദാലത്തില്‍ 2017 മാര്‍ച്ച് 31 വരെയുളള അണ്ടര്‍ വാല്യുവേഷന്‍ കേസുകളുടെ കുറവ് ഫീസ് പൂര്‍ണ്ണമായി ഒഴിവാക്കിയും കുറവ് മുദ്രവിലയുടെ  30 ശതമാനം മാത്രം ഈടാക്കിയും തീര്‍പ്പു കല്പിക്കും. 

വായനാ പക്ഷാചരണത്തിന്‍റെ ഭാഗമായി പി.എന്‍. പണിക്കര്‍ ഫൗണ്ടേഷന്‍റെ ആഭിമുഖ്യത്തില്‍  ഹൈസ്കൂള്‍ വിദ്യാര്‍ഥികള്‍ക്കായി സംഘടിപ്പിക്കുന്ന ക്വിസ് മത്സരം നാളെ (ജൂലൈ 6) രാവിലെ പത്തിന് കോട്ടയം ജില്ലാ വിദ്യാഭ്യാസ ഡെപ്യൂട്ടി ഡയറക്ടര്‍ ഓഫീസ് കോണ്‍ഫറന്‍സ് ഹാളില്‍ നടക്കും. 
 

 എലിക്കുളം ഗ്രാമപഞ്ചായത്തില്‍ നാട്ടുചന്തയ്ക്ക് തുടക്കമായി. പഞ്ചായത്തും കൃഷിഭവനും തളിര്‍ പച്ചക്കറി ഉത്പാദക സംഘവും സംയുക്തമായാണ് ചന്ത സംഘടിപ്പിക്കുന്നത്. നാടന്‍ കാര്‍ഷികോത്പ്പന്നങ്ങളുടെ വിപണനം കര്‍ഷകരുടെ മേല്‍നോട്ടത്തില്‍ തന്നെ നടത്തുകയാണ് ലക്ഷ്യം.
 

വായൂജന്യ രോഗങ്ങള്‍ക്കെതിരായ പ്രതിരോധ പ്രവര്‍ത്തനങ്ങളുടെ ഭാഗമായി തൂവാലയുടെ ഉപയോഗം വ്യാപകമാക്കുന്നതിനുള്ള പ്രചാരണ പരിപാടിക്ക് തുടക്കം കുറിക്കുന്നു. ആരോഗ്യ വകുപ്പും ജില്ലാ ടിബി സെന്‍ററും ചേര്‍ന്ന്  തൂവാല വെറുമൊരു തുണിയല്ല എന്ന പേരില്‍ നടപ്പാക്കുന്ന പദ്ധതിയുടെ ഉദ്ഘാടനം ഇന്ന്            (ജൂലൈ അഞ്ച്) രാവിലെ പത്തിന് കാരാപ്പുഴ സര്‍ക്കാര്‍ ഹയര്‍ സെക്കന്‍ഡറി സ്കൂളില്‍ തിരുവഞ്ചൂര്‍ രാധാകൃഷ്ണന്‍ എം.എല്‍.എ നിര്‍വഹിക്കും. ചടങ്ങില്‍ വിദ്യാര്‍ഥികള്‍ക്ക് ആയിരം തൂവാലകള്‍ വിതരണം ചെയ്യും.

ആലപ്പുഴ: കെ.എസ്.ഇ.ബി.ലിമിറ്റഡ്, കോളേജ് ഓഫ് എഞ്ചിനീയറിംഗ് തിരുവനന്തപുരം, സെന്‍ട്രല്‍ വാട്ടര്‍ കമ്മീഷന്‍ എന്നിവര്‍ സംയുക്തമായി വികസിപ്പിച്ച പമ്പ-കക്കി-ആനത്തോട് ഡാമുകള്‍ക്ക് വേണ്ടിയുള്ള എമര്‍ജന്‍സി ആക്ഷന്‍ പ്ലാന്‍ ഡോക്കുമെന്റിന്റെ അവലോകന യോഗം കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്നു.