ആലപ്പുഴ: കോവിഡ് പ്രതിസന്ധിമൂലം ഇടക്കാലത്ത് മന്ദഗതിയിലായ ജില്ലയിലെ തൊഴിലുറപ്പ് ജോലികൾ പുനരാരംഭിച്ചു. കോവിഡ് മാനദണ്ഡങ്ങൾ പൂർണമായും പാലിച്ചുകൊണ്ടാണ് തൊഴിലുറപ്പ് പ്രവൃത്തികൾ പുരോഗമിക്കുന്നത്. നേരത്തെ ഒരു തൊഴിലിടത്തിൽ 60 മുതൽ 80 വരെ തൊഴിലാളികൾ ജോലി ചെയ്തിരുന്നത് ഇപ്പോൾ 20 പേരായി ചുരുക്കിയിട്ടുണ്ട്. മാസ്കുകൾ, കയ്യുറ, കൈകൾ ഇടയ്ക്കിടെ അണുവിമുക്തമാക്കാൻ സോപ്പ്, വെള്ളം, സാനിറ്റൈസർ എന്നിവയും ഓരോ തൊഴിലിടങ്ങളിലും ഉറപ്പാക്കി. കൂടാതെ തൊഴിലാളികൾ തമ്മിൽ ഒരു മീറ്റർ അകലം തൊഴിലിടത്തിൽ പാലിക്കണം. സമ്പർക്കം ഒഴിവാക്കാൻ കുടിവെള്ളം വീടുകളിൽ നിന്നുകൊണ്ടുവരണമെന്നും നിഷ്കർഷിച്ചിട്ടുണ്ട്.

ആലപ്പുഴ: സംയോജിത കൃഷിരീതിയില്‍ മികച്ച നേട്ടം കൊയ്തതിനു പിന്നാലെ കുറ്റിമുല്ല കൃഷിയുമായി ആര്യാട് ഗ്രാമപഞ്ചായത്ത്. കൃഷിയില്‍ സ്വയം പര്യാപ്തതയെന്ന ലക്ഷ്യത്തോടെ ആര്യാട് ഗ്രാമപഞ്ചായത്തിന്റെ നേതൃത്വത്തില്‍ പ്രവര്‍ത്തിക്കുന്ന 'സമന്വയ' വനിത കാര്‍ഷിക സംഘങ്ങളാണ് കുറ്റിമുല്ല കൃഷി ചെയ്യുന്നത്.

ചേർത്തല താലൂക്കിലെ പട്ടണക്കാട് പഞ്ചായത്തിലെ പതിനാറാം വാർഡും കാർത്തികപ്പള്ളി താലൂക്കിലെ കാർത്തികപ്പള്ളി പഞ്ചായത്തിലെ ഏഴാം വാർഡുമാണ് കണ്ടൈൻമെൻറ് സോൺ ആയി പ്രഖ്യാപിച്ചത്. പട്ടണക്കാട് പഞ്ചായത്തിലെ പതിനാറാം വാർഡിൽ ഒരേ വീട്ടിലെ മൂന്നു പേർക്കും  കാർത്തികപ്പള്ളി പഞ്ചായത്തിലെ ഏഴാം വാർഡിൽ ഒരു വീട്ടിലെ രണ്ടുപേർക്കും കോവിഡ് സ്ഥിരീകരിച്ചതിനെ തുടർന്ന് ഇവ കണ്ടൈൻമെൻറ് സോൺ ആക്കണമെന്ന് ജില്ലാ കലക്ടർ നേരത്തെ റിപ്പോർട്ട് നൽകിയിരുന്നു.

കരിപ്പൂര്‍ വിമാനത്താവളം ജീവനക്കാരന്‍ ഉള്‍പ്പെടെ  ആറ് പേര്‍ക്ക് കൂടി കോഴിക്കോട് ജില്ലയില്‍ ഇന്ന് (23.06.20) കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ജയശ്രീ വി. അറിയിച്ചു. മൂന്ന് പേര്‍ വിദേശത്ത് നിന്നും (മസ്‌ക്കത്ത്- 2, ഷാര്‍ജ- 1) രണ്ട് പേര്‍ ഇതര സംസ്ഥാനങ്ങളില്‍ നിന്നും (ബാംഗ്ലൂര്‍-1, ചെന്നൈ-1) വന്നവരാണ്.

പോസിറ്റീവായവര്‍:

ജില്ലാ കലക്ടര്‍ സാംബശിവ റാവുവിന്റെ നേതൃത്വത്തില്‍ കോഴിക്കോട് താലൂക്ക് പരാതി പരിഹാര അദാലത്ത് നടത്തി.  വീഡിയോ കോണ്‍ഫറന്‍സിലൂടെയാണ് അദാലത്ത് നടത്തിയത്.  കോഴിക്കോട് താലൂക്കിലെ വിവിധ പഞ്ചായത്തുകളില്‍ നിന്ന് ലഭിച്ച 56 അപേക്ഷകള്‍  അദാലത്തില്‍ പരിഗണിച്ചു. അക്ഷയ ഈ-കേന്ദ്രങ്ങളിലെത്തിയാണ് പരാതിക്കാര്‍ അദാലത്തില്‍ പങ്കെടുത്തത്.

        
കോഴിക്കോട് ജില്ലയില്‍ ഇന്ന് (23.06.20) പുതുതായി വന്ന 894 പേര്‍ ഉള്‍പ്പെടെ 15032 പേര്‍ നിരീക്ഷണത്തില്‍. 43038 പേര്‍ നിരീക്ഷണം പൂര്‍ത്തിയാക്കി. ഇന്ന് പുതുതായി വന്ന 19 പേര്‍ ഉള്‍പ്പെടെ 201 പേരാണ് ആശുപത്രികളില്‍ നിരീക്ഷണത്തിലുള്ളത്. ഇതില്‍ 125 പേര്‍ മെഡിക്കല്‍ കോളേജിലും 76 പേര്‍ കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററായ ലക്ഷദ്വീപ് ഗസ്റ്റ്ഹൗസിലുമാണ്. 23 പേര്‍ ഡിസ്ചാര്‍ജ്ജ് ആയി.

കോടഞ്ചേരിയിലെ ചെമ്പുകടവ് -വെണ്ടേക്കുംപൊയില്‍ ട്രൈബല്‍ കോളനിയിലെ കുടുംബങ്ങളെ പുനരധിവസിപ്പിക്കുന്നതിന് ഭൂമി കണ്ടെത്തുന്നതിന്റെ ഭാഗമായി കോടഞ്ചേരി ഗ്രാമപഞ്ചായത്ത് പരിധിയില്‍ കുറഞ്ഞത് ഒന്നര ഏക്കര്‍ വരെയുളള വാസയോഗ്യമായ ഭൂമി വില്‍ക്കുന്നതിന് തയ്യാറുളള ഭൂവുടമകളില്‍ നിന്ന് നേരിട്ട് അപേക്ഷ ക്ഷണിച്ചു. ഭൂമി വില്‍ക്കുന്നതിന് താത്പര്യമുളള ഭൂവുടമകള്‍ താമരശ്ശേരി താലൂക്ക് ഓഫീസില്‍ താത്പര്യപത്രം ലഭ്യമാക്കണമെന്ന് താമരശ്ശേരി തഹസില്‍ദാര്‍ അറിയിച്ചു.  അവസാന തീയതി ജൂണ്‍ 30 വൈകീട്ട് അഞ്ച് മണി.

കോഴിക്കോട് ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് മാനേജ്‌മെന്റില്‍ ലെയ്സണ്‍  ഓഫീസര്‍, ലൈബ്രറി & ഇന്‍ഫര്‍മേഷന്‍ അസോസിയേറ്റ് തസ്തികകളിലെ നിയമനത്തിന് ഓണ്‍ലൈന്‍ അപേക്ഷ ക്ഷണിച്ചു.  വിശദ വിവരങ്ങള്‍ക്ക്  https://www.iimk.ac.in/announcements/jobopen.php. സന്ദര്‍ശിക്കുക.  ഫോണ്‍  : 0495 2809160/125.

കുന്ദമംഗലം ഗ്രാമപഞ്ചായത്തിലെ നമ്പിടിപറമ്പത്ത് കൊല്ലരുകണ്ടി റോഡ് പി.ടി.എ റഹീം എം.എല്‍.എ ഉദ്ഘാടനം ചെയ്തു. ഗ്രാമപഞ്ചായത്തിലെ വാര്‍ഡ് 13ല്‍ ഉള്‍പ്പെട്ട ജനവാസ കേന്ദ്രത്തിലൂടെ കടന്നുപോവുന്ന ഈ റോഡ് എം.എല്‍.എയുടെ പ്രാദേശിക വികസന നിധിയില്‍നിന്ന് അനുവദിച്ച മൂന്ന് ലക്ഷം രൂപ ഉപയോഗിച്ചാണ് കോണ്‍ക്രീറ്റ് ചെയ്ത് ഗതാഗത യോഗ്യമാക്കിയത്.

ഗ്രാമപഞ്ചായത്ത് പ്രസിഡന്റ് ലീന വാസുദേവന്‍ അധ്യക്ഷത വഹിച്ചു.  വാര്‍ഡ് മെമ്പര്‍ സുനിത കുറുമണ്ണില്‍, കെ.ഗംഗാധരന്‍, എന്‍.പി ബിജു എന്നിവര്‍ സംസാരിച്ചു.