അവശ്യസാധനങ്ങള്‍ക്ക് ക്ഷാമം ഉണ്ടാകില്ല: മന്ത്രി വി. എസ് സുനില്‍കുമാര്‍

    ജില്ലയിലെ രണ്ടാമത് മെന്റല്‍ ഹെല്‍ത്ത് ഹെല്‍പ്പ് ലൈന്‍ ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റില്‍ പ്രവര്‍ത്തനം ആരംഭിച്ചു. കൊറോണ രോഗവുമായി ബന്ധപ്പെട്ട് വ്യക്തികള്‍ക്കോ കുടുംബങ്ങള്‍ക്കോ മാനസിക പിരിമുറുക്കം അനുഭവപ്പെട്ടാല്‍ ഞായര്‍ ഒഴികെയുള്ള  ദിവസങ്ങളില്‍ രാവിലെ 10 മുതല്‍ അഞ്ച് മണി വരെ 8075849940, 9188742014 0495-2378920 എന്നീ ഫോണ്‍ നമ്പറുകളില്‍ ബന്ധപ്പെടാം.  

ഹാന്‍ഡ് സാനിറ്റൈസറിനേക്കാള്‍ മികച്ച ശുചീകരണ മാര്‍ഗ്ഗം കൈ സോപ്പിട്ടു കഴുകുന്നതാണെന്ന് അവലോകന യോഗത്തില്‍ വിദഗ്ധ ഡോക്ടര്‍മാര്‍ അറിയിച്ചു. പരിശോധനക്കിടെ അടിക്കടി കൈ കഴുകാനുള്ള പ്രായോഗിക ബുദ്ധിമുട്ട് കാരണം ഡോക്ടര്‍മാരും ആശുപത്രി സ്റ്റാഫും ആശ്രയിക്കുന്ന മാര്‍ഗ്ഗമാണ് ഹാന്‍ഡ് സാനിറ്റൈസര്‍.  സോപ്പും വെള്ളവുമുപയോഗിച്ച് 40 സെക്കന്റ് കൈ കഴുകുന്നതാണ് ഏറ്റവും ഫലപ്രദം. വ്യാപകമായ രീതിയില്‍ സാനിറ്റൈസറുകള്‍ ഉത്പാദിപ്പിക്കുന്ന സാഹചര്യത്തില്‍ ഡ്രഗ് കണ്‍ട്രോള്‍ വിഭാഗം ഇത് പരിശോധിച്ച് ഗുണനിലവാരം ഉറപ്പാക്കണമെന്നു മന്ത്രി ടി.പി രാമകൃഷ്ണന്‍ യോഗത്തില്‍ നിര്‍ദ്ദേശിച്ചു.

ജില്ലയിലെ പ്രാഥമികാരോഗ്യകേന്ദ്രങ്ങളുടെ പ്രവൃത്തി സമയം വൈകീട്ട് ആറു മണിവരെ ദീര്‍ഘിപ്പിക്കുന്നതിന് നടപടി സ്വീകരിക്കാന്‍ അവലോകന യോഗത്തില്‍ മന്ത്രി ടി.പി രാമകൃഷ്ണന്‍ നിര്‍ദ്ദേശം നല്‍കി.  ഒരു ഡോക്ടര്‍ മാത്രമുള്ള പ്രാഥമികാരോഗ്യകേന്ദ്രങ്ങളില്‍ ഡോക്ടര്‍മാരുടെ എണ്ണം കൂട്ടും.  ആരോഗ്യവകുപ്പും ബന്ധപ്പെട്ട തദ്ദേശ സ്വയംഭരണസ്ഥാപനവും ഇതിന് മുന്‍കൈയെടുക്കണം. ഇഎസ്ഐ ഡിസ്പെന്‍സറികളുടെ പ്രവര്‍ത്തനസമയവും ദീര്‍ഘിപ്പിക്കും. താലൂക്ക് ആശുപത്രികളില്‍ കൂടുതല്‍ രോഗികള്‍ക്ക് കിടത്തിച്ചികിത്സ ലഭ്യമാക്കാനുള്ള സംവിധാനമൊരുക്കും.

അടിയന്തരഘട്ടം നേരിടുന്നതിന് നടപടികള്‍ പുരോഗമിക്കുന്നു

കോവിഡ്- 19 പ്രതിരോധത്തിന്റെ ഭാഗമായി ഏര്‍പ്പെടുത്തിയ കര്‍ശന നിയന്ത്രണങ്ങള്‍ തുടരണമെന്ന് തൊഴില്‍ വകുപ്പു മന്ത്രി ടി.പി. രാമകൃഷ്ണന്‍ അറിയിച്ചു.  ജില്ലയിലെ കോവിഡ്- 19 പ്രതിരോധ പ്രവര്‍ത്തനങ്ങള്‍ വിലയിരുത്തുന്നതിന് മന്ത്രിമാരായ ടി.പി. രാമകൃഷ്ണന്‍, എ.കെ.ശശീന്ദ്രന്‍ എന്നിവരുടെ സാന്നിധ്യത്തില്‍ കലക്ടറേറ്റില്‍ വിളിച്ചുചേര്‍ത്ത  അവലോകന യോഗത്തിനു ശേഷം സംസാരിക്കുകയായിരുന്നു മന്ത്രി. 

പ്രവാസി കേരളീയ ക്ഷേമ ബോർഡിൽ നിന്നും പെൻഷൻ കൈപ്പറ്റുന്നവർ ലൈഫ് സർട്ടിഫിക്കറ്റ് സമർപ്പിക്കേണ്ട അവസാന തിയതി ഏപ്രിൽ 30 വരെ ദീർഘിപ്പിച്ചു.  കോവിഡ് 19 ന്റെ പശ്ചാത്തലത്തിലാണ് തീരുമാനം.
പി.എൻ.എക്‌സ്.1192/2020

മെഡിക്കൽ, എൻജിനീയറിങ് എൻട്രൻസിന് തയ്യാറെടുക്കുന്ന വിദ്യാർത്ഥികൾക്കായി വിക്ടേഴ്സ് ചാനൽ ഹയർ സെക്കൻഡറി വകുപ്പുമായി ചേർന്ന് തയ്യാറാക്കിയ പരിപാടി 'പീക്സ'് ഇന്ന് (മാർച്ച് 25) മുതൽ  സംപ്രേഷണം ആരംഭിക്കും. ഫിസിക്സ്, കെമിസ്ട്രി, ബോട്ടണി, സുവോളജി, മാത്സ് എന്നീ വിഷയങ്ങളിലായി ദിവസവും വൈകുന്നേരം ആറര മുതൽ ഒരു മണിക്കൂറാണ്  സംപ്രേഷണം.
പി.എൻ.എക്‌സ്.1191/2020

കോവിഡ് 19ന്റെ പശ്ചാത്തലത്തിൽ സംസ്ഥാന സഹകരണ ട്രൈബ്യൂണൽ 26ന് കോട്ടയം ജില്ലാ സഹകരണ ബാങ്ക് ഹാളിലും 30നും 31നും തിരുവനന്തപുരത്തെ ട്രൈബ്യൂണൽ ആസ്ഥാനത്തും നടത്താനിരുന്ന സിറ്റിംഗ് മാറ്റിവച്ചു.
പി.എൻ.എക്‌സ്.1190/2020