കൃഷി വകുപ്പിന്റെ കീഴിലുള്ള  അഗ്രിക്കള്‍ച്ചറല്‍ ടെക്‌നോളജി മാനേജ്‌മെന്റ് ഏജന്‍സിയില്‍ ബ്ലോക്ക് ടെക്‌നോളജി മാനേജര്‍ തസ്തികയില്‍ കരാര്‍ അടിസ്ഥാനത്തില്‍ ഒരു വര്‍ഷത്തേക്ക് നിയമിക്കുന്നതിനായി ജൂലൈ 11ന് രാവിലെ 11ന് തൊടുപുഴ മിനി സിവില്‍ സ്റ്റേഷന്‍ കോണ്‍ഫറന്‍സ് ഹാളില്‍ വാക്ക് ഇന്‍ ഇന്റര്‍വ്യൂ നടത്തും. കൃഷി/ മൃഗസംരക്ഷണം/ഡയറി സയന്‍സ്/ ഫിഷറീസ്/ അഗ്രിക്കള്‍ച്ചറല്‍ എഞ്ചിനീയറിംഗ് മേഖലകളിലുള്ള ബിരുദമാണ് അടിസ്ഥാന യോഗ്യത. ശമ്പളം 25000 രൂപ. നിശ്ചിത  യോഗ്യതയുള്ള ഉദ്യോഗാര്‍ത്ഥികള്‍ വിശദമായ ബയോഡേറ്റയും അസ്സല്‍ സര്‍ട്ടിഫിക്കറ്റുകളും സഹിതം ഹാജരാകണം.

മൂന്നാര്‍ സ്‌പെഷ്യല്‍ ട്രൈബ്യൂണല്‍ പ്രവര്‍ത്തിച്ചുകൊണ്ടിരുന്ന പട്ടികവര്‍ഗ്ഗ വികസന വകുപ്പിന്റെ കെട്ടിടം ട്രൈബ്യൂണല്‍ പ്രവര്‍ത്തനം അവസാനിപ്പിച്ച് വകുപ്പിന് തിരികെ ലഭിച്ചതിനാല്‍ ആണ്‍കുട്ടികള്‍ക്കായി പ്രീമെട്രിക് ഹോസ്റ്റല്‍ ആയി പ്രവര്‍ത്തനം ആരംഭിച്ചു. 5 മുതല്‍ 10 വരെ ക്ലാസുകളില്‍ പഠിക്കുന് പട്ടികവര്‍ഗ്ഗ വിഭാഗത്തില്‍പ്പെട്ട ആണ്‍കുട്ടികള്‍ക്ക് അഡ്മിഷന്‍ നേടാം. വിശദ വിവരങ്ങള്‍ക്ക് മൂന്നാര്‍ ട്രൈബല്‍ എക്സ്റ്റന്‍ഷന്‍ ഓഫീസുമായോ  94960770355 എന്ന നമ്പരിലോ ബന്ധപ്പെടാം. 
 

മൃഗസംരക്ഷണ വകുപ്പ് കേന്ദ്രസഹായത്താല്‍ നടപ്പാക്കുന്ന ജന്തുരോഗ നിയന്ത്രണ പ്രതിരോധ കുത്തിവയ്പ് ജില്ലയില്‍ 10ന് തുടങ്ങും. ഇതോടനുബന്ധിച്ച് ബന്ധപ്പെട്ട വകുപ്പുകളുടെ ജില്ലാതല യോഗം നാളെ (5) രാവിലെ 11ന് കളക്ടറേറ്റില്‍ ചേരും. 

        (പിഎന്‍പി 1642/19)

റാന്നി  ട്രൈബല്‍ ഡവലപ്‌മെന്റ് ഓഫീസിന്റെ പരിധിയില്‍ പ്രവര്‍ത്തിക്കുന്ന റാന്നി ടെയിലറിംഗ് സെന്ററില്‍ നടത്തുന്ന തയ്യല്‍ പരിശീലന കോഴ്‌സിലേക്ക് ജില്ലയിലെ പട്ടികവര്‍ഗ വിഭാഗത്തില്‍പ്പെട്ട വനിതകള്‍ക്ക് അപേക്ഷിക്കാം. അപേക്ഷര്‍ ഏഴാം ക്ലാസ് പാസായിരിക്കണം. പ്രായം 16നും 40നും മധേ്യ. താത്പര്യമുള്ളവര്‍ പേര്, മേല്‍വിലാസം, സമുദായം,  ഫോണ്‍ നമ്പര്‍ എന്നിവ ഉള്‍പ്പെടുത്തിയ അപേക്ഷ സ്‌കൂള്‍ സര്‍ട്ടിഫിക്കറ്റ്, ജാതി സര്‍ട്ടിഫിക്കറ്റ് എന്നിവ സഹിതം റാന്നി മിനി സിവില്‍ സ്റ്റേഷനില്‍ പ്രവര്‍ത്തിക്കുന്ന ടെയിലറിംഗ് സെന്ററിലോ റാന്നി ട്രൈബല്‍ എക്സ്റ്റന്‍ഷന്‍ ഓഫീസിലോ ജൂലൈ 10ന് മുമ്പ് ലഭ്യമാക്കണം. 

പ്രവാസി ഭാരതീയരായ കേരളീയരുടെ താത്പര്യങ്ങള്‍ സംരക്ഷിക്കുന്നതിനും സുരക്ഷിതത്വത്തിനും അവരുടെ ക്ഷേമത്തിന് ആവശ്യമായ പരിഹാരമാര്‍ഗങ്ങള്‍ നിര്‍ദേശിക്കുന്നതിനുമായി രൂപീകരിച്ച പ്രവാസി കമ്മീഷന്‍ ഇന്ന് (4) കളക്ടറേറ്റ് കോണ്‍ഫറന്‍സ് ഹാളില്‍ സിറ്റിംഗ് നടത്തും. രാവിലെ 10 മുതല്‍ ഉച്ചയ്ക്ക് ഒന്ന് വരെയാണ് സിറ്റിംഗ് നടക്കുക. കമ്മീഷന്‍ ചെയര്‍പേഴ്‌സണ്‍ ജസ്റ്റിസ് പി.ഡി.രാജനും കമ്മീഷന്‍ അംഗങ്ങളും സിറ്റിംഗില്‍ പങ്കെടുക്കും. ചെയര്‍പേഴ്‌സണ്‍ രാവിലെ 9.30ന് അംഗീകൃത പ്രവാസി സംഘടനകളുമായി കൂടിക്കാഴ്ച നടത്തും.                    (പിഎന്‍പി 1640/19)