ജില്ലയിലെ 43 ഗ്രൂപ്പുകളിലെ ഷാപ്പ് ലേലം 80,91,100 രൂപയ്ക്ക് കലക്ട്രേറ്റ് കോണ്‍ഫറന്‍സ് ഹാളില്‍ പൂര്‍ത്തിയാക്കി. 34 ഗ്രൂപ്പുകളിലെ ഷാപ്പുകളുടെ ലൈസല്‍സ് പുതുക്കി നല്‍കുകയും ഒന്‍പത് ഗ്രൂപ്പിലേത് വില്‍ക്കുകയും ചെയ്തു. 101 പേര്‍ ലേലത്തില്‍ പങ്കെടുത്തു. ഒരു ഗ്രൂപ്പില്‍ അഞ്ചു മുത്ല്‍ എട്ടു വരെ ഷാപ്പുകളാണുള്ളത്.

കോവിഡ് 19 പുറത്തു വന്ന 52  പരിശോധനാ ഫലങ്ങളും നെഗറ്റീവ്. ജില്ലയില്‍ ഇപ്പോള്‍ ആശുപത്രിയില്‍ 3 ഉം വീടുകളില്‍ 640 പേരുമാണ് നിരീക്ഷണത്തില്‍ കഴിയുന്നത്. ഇന്നലെ (23) അയച്ച 3 പരിശോധന ഫലമാണ് ഇനി ലഭിക്കാനുള്ളത്.

 വൈറസ് ബാധയുടെ പശ്ചാത്തലത്തില്‍  ജില്ലാ കളക്ടര്‍ എച്ച് ദിനേശന്റെ അധ്യക്ഷതയില്‍   കളക്ട്രേറ്റില്‍  ദുരന്ത പ്രതിരോധ അതോറിറ്റി യോഗം ചേര്‍ന്നു. കമ്പംമെട്ട്, ബോഡിമെട്ട്, കുമളി, മറയൂര്‍ എന്നിവിടങ്ങളിലെ ചെക്ക്‌പോസ്റ്റുകളിലെ പരിശോധന കര്‍ശനമാക്കും.

ഇടുക്കി ജില്ലയിലെ ഡോക്ടര്‍മാരുടെ  ഒഴിവുകളിലേക്ക് താല്‍ക്കാലിക  നിയമനം നടത്തുന്നതിന് മാര്‍ച്ച് 25 രാവിലെ 11ന് ജില്ലാ മെഡിക്കല്‍ ഓഫീസ് (ആരോഗ്യം) ല്‍ ഇന്റര്‍വ്യൂ നടത്തുന്നു. താല്‍പര്യമുള്ള ഉദ്യോഗാര്‍ത്ഥികള്‍ ബന്ധപ്പെട്ട സര്‍ട്ടിഫിക്കറ്റുകളുമായി ഇന്റര്‍വ്യൂവില്‍ നേരിട്ട് ഹാജരാകണം.

മൂലമറ്റം ഇടുക്കി ഭൂഗര്‍ഭ പവര്‍ഹൗസിന്റെ അതീവ സുരക്ഷാ പ്രാധാന്യമുള്ളതും അപകട സാധ്യത കൂടിയ സ്ഥലങ്ങളും വൃത്തിയാക്കുന്നതിനുള്ള ഇ- ടെണ്ടര്‍ തീയതി ഏപ്രില്‍ 23 വരെ നീട്ടി. ഏപ്രില്‍ 25  രാവിലെ 11ന് ടെണ്ടര്‍ തുറക്കും. കരാറുകാരന്‍ ജോലിക്കു നിയോഗിക്കുന്ന തൊഴിലാളികള്‍ക്ക് ഭൂഗര്‍ഭ ജലവൈജ്യുതി നിലയങ്ങളില്‍ ഏറ്റവും കുറഞ്ഞത് ഒരു വര്‍ഷത്തെ പ്രവൃത്തി പരിചയം നിര്‍ബന്ധമാണ്. തൊഴിലാളികളുടെ പ്രവൃത്തി പരിചയത്തിന്റെ കാലയളവ് കണക്കാക്കുന്നത് ജനുവരി 31 വരെയായിരിക്കും.

ആരോഗ്യ വകുപ്പിന്റെ ജഗ്രതാ നിര്‍ദ്ദേശപ്രകാരം മാര്‍ച്ച് 31 വരെ നോര്‍ക്ക റൂട്ട്‌സിന്റെ എറണാകുളം മേഖല ഓഫീസില്‍ സര്‍ട്ടിഫിക്കറ്റ് അറ്റസ്റ്റേഷന്‍       ഉണ്‍ണ്ടാകില്ല.

കൊവിഡ് 19 ന്റെ പശ്ചാത്തലത്തില്‍ റേഷന്‍ കടകളില്‍ അരിയുള്‍പ്പെടെയുള്ള ഭക്ഷ്യധാന്യങ്ങളുടെ ലഭ്യത ഉറപ്പു വരുത്തുന്നതിനും റേഷന്‍ കടകളുടെ ശുചിത്വം ബോധ്യപ്പെടുന്നതിനും ദേവികുളം താലൂക്കിലെ  റേഷന്‍ കടകളില്‍ ഫുഡ് കമ്മീഷന്‍ പരിശോധന നടത്തി.

ജില്ലയില്‍ കോട്ടണ്‍ മാസ്‌കുകള്‍ നിര്‍മിച്ചു കുടുംബശ്രീ യൂണിറ്റുകള്‍. ജില്ലാ മിഷന്റെ കീഴിലുള്ള കുടുംബശ്രീ  സംരഭക യൂണിറ്റുകളാണ് മാസ്‌ക് നിര്‍മ്മിക്കുന്നത്. വാഴത്തോപ്പ്, കട്ടപ്പന, ഇരട്ടയാര്‍,  നെടുങ്കണ്ടം, മാങ്കുളം, വെള്ളത്തൂവല്‍, അടിമാലി, മണക്കാട്, ഉടുമ്പന്നൂര്‍ തുടങ്ങി പതിനാറോളം  പഞ്ചായത്തുകളിലെ കുടുംബശ്രീ  യൂണിറ്റുകളിലും  പാമ്പാടുംപാറ പഞ്ചായത്തില്‍ പ്രവര്‍ത്തിക്കുന്ന അപ്പാരല്‍ പാര്‍ക്കിലുമാണ്   മാസ്‌ക് ഉണ്ടാക്കുന്നത്.

  കോവിഡ് 19 ന്റെ വ്യാപനം തടയാന്‍ ജില്ലയിലെ  മലയോരത്ത് ജാഗ്രത പ്രവര്‍ത്തനങ്ങള്‍ ഊര്‍ജ്ജിതമാക്കുകയാണ് ആരോഗ്യപ്രവര്‍ത്തകരും ജനപ്രതിനിധികളും ജനങ്ങളും.  കാഞ്ഞങ്ങാട് സ്വദേശികളായ ഒന്‍പത് പേരാണ് പൂടങ്കല്ല് താലൂക്ക് ആശുപത്രിയിലെ ഐസൊലേഷന്‍ വാര്‍ഡിലുള്ളത്.   ഇവരുടെ നില തൃപ്തികരമാണെന്ന് പൂടങ്കല്ല് താലൂക്ക് ആശുപത്രി മെഡിക്കല്‍ ഓഫീസര്‍ അറിയിച്ചു. പൂടംങ്കല്ല് ആശുപത്രിക്കായി നിര്‍മ്മിച്ച പുതിയ കെട്ടിടമാണ് ഐസലേഷന്‍ വാര്‍ഡായി മാറ്റിയത്.