കോവിഡ് 19 ന് എതിരായ പ്രതിരോധ പ്രവര്‍ത്തനങ്ങളുടെ ഭാഗമായി  സംസ്ഥാന യുവജന കമ്മീഷന്‍ കേരളത്തിലെ സന്നദ്ധരായ മുഴുവന്‍ യുവജനങ്ങളെയും യൂത്ത് ഡിഫന്‍സ് ഫോഴ്‌സിന്റെ ഭാഗമാകാന്‍ ക്ഷണിക്കുന്നു. ആരോഗ്യ പ്രവര്‍ത്തനങ്ങള്‍ക്കും ബോധവല്‍ക്കരണ പ്രവര്‍ത്തനങ്ങള്‍ക്കും സംസ്ഥാന സര്‍ക്കാരിന് ആവശ്യമായ പിന്തുണ നല്‍കാനാണ് സന്നദ്ധപ്രവര്‍ത്തകരെ ക്ഷണിക്കുന്നത്. സംസ്ഥാനത്തെ 14 ജില്ലകളിലും കേരള സംസ്ഥാന യുവജന കമ്മീഷന് നിലവിലുള്ള യൂത്ത് ഡിഫന്‍സ് ഫോഴ്‌സ് വിപുലീകരിച്ചുകൊണ്ടാണ് സമഗ്രമായപ്രതിരോധപ്രവര്‍ത്തനം നടപ്പിലാക്കുന്നത്. സന്നദ്ധരായ ജനങ്ങള്‍ക്ക് കമ്മീഷന്‍ തയ്യാറാക്കിയ ഓണ്‍ലൈന്‍ ലിങ്ക് വഴി രജിസ്റ്റര്‍ ചെയ്യാവുന്നതാണ്.

ഇടമുറിയാതെ എത്തുന്ന ഫോണ്‍കോളുകള്‍, ജില്ലാ കളക്ടര്‍ വിളിച്ചു ചേര്‍ക്കുന്ന അടിയന്തിര യോഗങ്ങള്‍, നിരീക്ഷണത്തില്‍ കഴിയേണ്ടവര്‍ അത് ലംഘിക്കുമ്പോള്‍ ബന്ധപ്പെട്ടവരെ അറിയിക്കല്‍ എന്നിങ്ങനെ  വിവിധ പ്രവര്‍ത്തനങ്ങളുമായി കളക്ടറേറ്റിലെ  കൊറോണ സ്‌പെഷ്യല്‍ കണ്‍ട്രോള്‍ റൂമിലെ  ജീവനക്കാര്‍  രാപകല്‍ വ്യത്യസമില്ലാതെ സക്രിയമാണ്.

 കോവിഡ് 19 വ്യാപനം നിയന്ത്രിക്കുന്നതിന്റെ ഭാഗമായി ജില്ലയില്‍ 17 പോലീസ് സ്റ്റേഷന്‍ പരിധികളില്‍ പ്രഖ്യാപിച്ച സി ആര്‍ പി സി 144 പ്രകാരമുള്ള നിരോധനാജ്ഞ ശക്തമായി നടപ്പിലാക്കാന്‍ ജില്ലാ കളക്ടര്‍ ഡോ.സി.സജിത് ബാബു  നേരിട്ടിറങ്ങി.  ജില്ലയിലേര്‍പ്പെടുത്തി നിരോധനാജ്ഞ ലംഘിക്കുന്നവരെ പിടികൂടാന്‍ ജില്ലാ കളക്ടറും പോലീസും രാവിലെ മുതല്‍ സജീവമായിരുന്നു. ആവശ്യമില്ലാതെ പൊതുനിരത്തിലിറങ്ങിയവരെയും നിയന്ത്രണം ലംഘിച്ച് തുറന്ന കടകള്‍ക്കെതിരെയും ജില്ലാ കളക്ടര്‍ ഡോ.സി.സജിത് ബാബു  നടപടിയെടുത്തു.

ഇന്ന് പുതൂതായി ജില്ലയില്‍ 19 പേര്‍ക്ക് കൂടി കൊറോണ സ്ഥിരീകരിച്ചു.

വളയം ഐ.ടി.ഐയില്‍ മാര്‍ച്ച് 31 ന്  നടത്താനിരുന്ന  ഫുള്‍ ടൈം സ്വീപ്പര്‍ തസ്തികയിലേക്കുള്ള ഇന്‍റര്‍വ്യൂ മാറ്റിയതായി പ്രിന്‍സിപ്പൽ അറിയിച്ചു.  പുതിയ തീയ്യതി പിന്നീട് അറിയിക്കും

കോവിഡ് - 19 മുന്‍കരുതലിന്‍റെ ഭാഗമായി മാര്‍ച്ച് 28ന് നടത്താനിരുന്ന 12 ഡിപ്പാര്‍ട്ട്മെന്‍റ് വാഹനങ്ങളുടെ ലേലം മാറ്റിയതായി  ഡെപ്യൂട്ടി ഇന്‍സ്പെക്ടര്‍ ജനറല്‍ ഓഫ് പോലീസ് എ.വി  ജോര്‍ജ് അറിയിച്ചു. പുതുക്കിയ തീയതി  പിന്നീട് അറിയിക്കും. 

കേന്ദ്ര യുവജന കായിക മന്ത്രാലയത്തിന്‍റെ കീഴിലുള്ള നെഹ്റു യുവകേന്ദ്രയുടെ സംസ്ഥാന-ജില്ലാ ഓഫീസുകള്‍ക്ക് മാര്‍ച്ച് 31 വരെ അവധി പ്രഖ്യാപിച്ചതായി സ്റ്റേറ്റ് ഡയറക്ടര്‍ കെ.കുഞ്ഞഹമ്മദ് അറിയിച്ചു. കോവിഡ്-19 ന്‍റെ വ്യാപനം തടയുന്നതിന്‍റെ ഭാഗമായാണ് നടപടി. മാഹി-ലക്ഷദ്വീപ് ഓഫീസുകള്‍ക്കും നിയന്ത്രണം ബാധകമാണ്. അത്യാവശ്യകാര്യങ്ങള്‍ക്ക് ജില്ലാഓഫീസര്‍മാരെ ബന്ധപ്പെടാവുന്നതാണ്.

പൊതുമരാമത്ത് വകുപ്പ് സൗജന്യമായി കിറ്റ് വിതരണം നടത്തുന്നു എന്ന തരത്തില്‍ പ്രചരിക്കുന്ന വാര്‍ത്ത തെറ്റാണെന്ന് ജില്ലാ സപ്ലൈ ഓഫീസര്‍ അറിയിച്ചു. കിറ്റ് വിതരണം നടടത്തുന്നതിന് നിര്‍ദ്ദേശം ലഭിച്ചിട്ടില്ല. കോവിഡ്-19 ബാധിതര്‍ക്ക് ആയിരം രൂപക്കുള്ള സൗജന്യ കിറ്റ് ആരോഗ്യ വകുപ്പ് നല്‍കുന്ന ലിസ്റ്റ് പ്രകാരം വിതരണം ചെയ്യും. തെറ്റായ വാര്‍ത്ത പ്രചരിപ്പിക്കുന്നവര്‍ക്കെതിരെ സൈബര്‍ സെല്‍ അധികൃതരോട് നടപടിയെടുക്കാന്‍ അഭ്യര്‍ത്ഥിക്കുമെന്നും ജില്ലാ സപ്ലൈ ഓഫീസര്‍ അറിയിച്ചു.

     കൊറോണ രോഗ പ്രതിരോധത്തിന്റെ ഭാഗമായി  ജില്ലയില്‍ 326 പേര്‍ കൂടി നിരീക്ഷണത്തില്‍. ഇതോടെ നിലവില്‍ ജില്ലയില്‍ നിരീക്ഷണത്തില്‍ കഴിയുന്നവരുടെ എണ്ണം 1456 ആണ്. നാല് പേര്‍ ആശുപത്രിയില്‍ നിരീക്ഷണത്തിലാണ്. 33 സാമ്പിളുകള്‍ പരിശോധനയ്ക്ക് അയച്ചതില്‍ 28 എണ്ണത്തിന്റെ ഫലം നെഗറ്റീവ് ആണ്. 5 എണ്ണത്തിന്റെ പരിശോധനാ ഫലം ലഭ്യമാവാനുണ്ട്.

 പൊതുജനങ്ങൾക്ക് പരാതി നല്‍കാനും സംവിധാനം 

കൊറോണയുടെ വ്യാപനം തടയുന്നതിനായി കൃത്യമായ ദൈനംദിന നിരീക്ഷണത്തിനും ഡാറ്റ ശേഖരണത്തിനും സമഗ്രവും ലളിതവുമായ സംവിധാനവുമായി കോഴിക്കോട് ജില്ലാ ഭരണകൂടം. കൊറോണ വൈറസ് സംശയിക്കുന്ന ആളുകളുടെ ദൈനദിന നിരീക്ഷണത്തിനായുള്ള സമഗ്ര വികേന്ദ്രീകൃത ഓൺലൈൻ മാനേജ്മെന്റ് സംവിധാനമാണ് വികസിപ്പിച്ചിട്ടുള്ളത്. 

കേവിഡ് 19 ജാഗ്രത എന്നാണ് പ്രോഗ്രസീവ് വെബ് അപ്ലിക്കേഷന്റെ പേര്‌. https://kozhikode.nic.in/covid19jagratha ലിങ്കിൽ അപ്ലിക്കേഷന്‍ ലഭിക്കും.