കോട്ടയം ജില്ലയിലെ കാലവര്‍ഷ ദുരന്തനിവാരണ മുന്നൊരുക്കങ്ങളുടെ ഭാഗമായി നാളെ(ജൂണ്‍ 24) തീക്കോയി ഗ്രാമപഞ്ചായത്തില്‍ നടക്കുന്ന മോക് ഡ്രിലിന്‍റെ ഒരുക്കങ്ങള്‍ പൂര്‍ത്തിയായി. ജില്ലാ കളക്ടര്‍ എം. അഞ്ജനയുടെ നേതൃത്വത്തില്‍  കളക്ടറേറ്റ് കോണ്‍ഫറന്‍സ് ഹാളില്‍ നടന്ന ടേബിള്‍ ടോപ് എക്സര്‍സൈസിൽ ക്രമീകരണങ്ങള്‍ വിലയിരുത്തി.

ഇളംദേശം ബ്ലോക്ക് പഞ്ചായത്ത് 2020-21 സാമ്പത്തിക വര്‍ഷം നടപ്പിലാക്കുന്ന വനിതാ ഗ്രൂപ്പ് സംരംഭങ്ങള്‍ക്കുള്ള ധന സഹായത്തിന്  ഇളംദേശം ബ്ലോക്ക് പരിധിയില്‍ സ്ഥിര താമസക്കാരായ 18 നും 60 നും ഇടയില്‍ പ്രായമുള്ള തൊഴില്‍ രഹിതരായ വനിതകളുടെ  രജിസ്‌ട്രേഷന്‍ ഉള്ള ഗ്രൂപ്പുകളില്‍ നിന്നും അപേക്ഷ ക്ഷണിച്ചു. പുതുതായി സംരംഭങ്ങള്‍ ആരംഭിക്കുവാന്‍ താല്പര്യമുള്ള വനിതാ ഗ്രൂപ്പുകള്‍
ജൂണ്‍ 30ന് മുമ്പായി ഇളംദേശം ബ്ലോക്ക് ഓഫീസില്‍ അപേക്ഷ സമര്‍പ്പിക്കണം.

ഉപ്പുതറ സാമൂഹികാരോഗ്യകേന്ദ്രത്തിലെ ഈവനിംഗ് ഒ.പിയിലേക്ക് താല്‍ക്കാലികാടിസ്ഥാനത്തില്‍ മെഡിക്കല്‍ ഓഫീസര്‍  തസ്തികയിലേക്ക് നിയമനം നടത്തുന്നു. യോഗ്യത എം.ബി.ബി.എസ്, ടി.സി.എം.സി രജിസ്‌ട്രേഷന്‍. തദ്ദേശവാസികള്‍ക്ക് മുന്‍ഗണന. താല്‍പര്യമുള്ള ഉദ്യോഗാര്‍ത്ഥികള്‍ ജൂണ്‍ 23ന് രാവിലെ 11 മണിക്ക് ബയോഡേറ്റയും യോഗ്യതയും പ്രവൃത്തി പരിചയവും തെളിയിക്കുന്ന സര്‍ട്ടിഫിക്കറ്റുകളുടെ അസ്സലും പകര്‍പ്പുമായി ആശുപത്രി കോണ്‍ഫറന്‍സ് ഹാളില്‍ നടത്തുന്ന ഇന്റര്‍വ്യൂവിന് ഹാജരാകണം. വിവരങ്ങള്‍ക്ക് ഫോണ്‍ 04869244019.
 

നാഷണല്‍ ആയുഷ്മിഷന്റെയും ഭാരതീയ ചികിത്സാ വകുപ്പിന്റെയും ആഭിമുഖ്യത്തില്‍ ജൂണ്‍ 21ന് ആറാം അന്താരാഷ്ട്ര യോഗാദിനമായി ആഘോഷിക്കുന്നു. കോവിഡ് സാഹചര്യത്തില്‍ പൊതുപരിപാടികള്‍ സംഘടിപ്പിക്കാന്‍ സാധിക്കാത്തതിനാല്‍ യോഗ കുടുംബത്തോടൊപ്പം എന്നതാണ് ആറാം അന്താരാഷ്ട്ര ദിനാചരണത്തിന്റെ അജണ്ട. വര്‍ദ്ധിച്ചുവരുന്ന ജീവിതശൈലീ രോഗത്തില്‍ നിന്നും ജനതയെ രക്ഷിക്കുവാനും ശാരീരിക മാനസിക വിഷമങ്ങളില്‍ നിന്നും രോഗങ്ങളില്‍ നിന്നും രക്ഷനേടാനും യോഗ ജനങ്ങള്‍ക്ക്  പ്രയോജനപ്പെടുത്തുക എന്നതാണ് ഉദ്ദേശം.

കുറവന്‍- കുറത്തി മലകളെ ബന്ധിപ്പിച്ച് ഇടുക്കി ആര്‍ച്ച് ഡാം നിര്‍മ്മിക്കാന്‍  സ്ഥലം കാണിച്ച ആദിവാസി ഗോത്രത്തലവന്‍ ചെമ്പന്‍ കൊലുമ്പന്റെ   സമാധി സ്മാരകത്തിന്റെ നവീകരണം പൂര്‍ത്തിയാക്കിയതിന്റെ  ഉദ്ഘാടനം ജൂലൈയില്‍ നടത്തും. സ്മാരകത്തിന്റെ  നിര്‍മ്മാണ പുരോഗതി വിലയിരുത്താന്‍  റോഷി അഗസ്റ്റിന്‍ എംഎല്‍എയുടെ സാന്നിധ്യത്തില്‍ ജില്ലാ കളക്ടര്‍ എച്ച്. ദിനേശന്റെ അധ്യക്ഷതയില്‍ കളക്ട്രേറ്റില്‍ ചേര്‍ന്ന യോഗത്തിലാണ് തീരുമാനം.

1.കുവൈറ്റിൽ നിന്നും 12/6ന് കൊച്ചിയിൽ എത്തി തുടർന്ന് വീട്ടിൽ നിരീക്ഷണത്തിൽ ആയിരുന്ന 46വയസുള്ള  മാരാരിക്കുളം സ്വദേശി          

 2.മുംബൈയിൽ നിന്നും5/6ന്  ട്രെയിനിൽ ആലപ്പുഴ എത്തിതുടർന്ന് കോവിഡ് കെയർ സെന്ററിൽ നിരീക്ഷണത്തിൽ ആയിരുന്ന മുതുകുളം സ്വദേശിയായ യുവാവ്       

3,4&5.ചെന്നൈയിൽ നിന്നും 4/6ന് സ്വകാര്യ വാഹനത്തിൽ എത്തി വീട്ടിൽ നിരീക്ഷണത്തിൽ ആയിരുന്നപട്ടണക്കാട് സ്വദേശികളായ  അച്ഛനും അമ്മയും പെൺകുട്ടിയും