പ്രളയം: അവശേഷിക്കുന്ന അർഹർക്കുള്ള ആനുകൂല്യങ്ങൾ ജൂലൈ 20-ന് മുമ്പ് വിതരണം ചെയ്യണം
നിർമാണാനുമതിക്കും നിർമാണം പൂർത്തിയായിട്ടും തദ്ദേശസ്ഥാപനങ്ങളുടെ ക്ലിയറൻസിനും കാത്തുകിടക്കുന്നതുമായ അപേക്ഷകൾ സമയബന്ധിതമായി പൂർത്തിയാക്കാൻ പഞ്ചായത്ത്/നഗരസഭാ സെക്രട്ടറിമാരുടെ യോഗം ജൂലൈ ആറിന് മുമ്പ് വിളിക്കണമെന്ന് മുഖ്യമന്ത്രി പിണറായി വിജയൻ ജില്ലാ കളക്ടർമാർക്ക് നിർദേശം നൽകി. ജില്ലാ കളക്ടർമാരുമായി നടത്തിയ വീഡിയോ കോൺഫറൻസിൽ സംസാരിക്കുകയായിരുന്നു മുഖ്യമന്ത്രി.

കേരള സംസ്ഥാന തണ്ണീർത്തട അതോറിറ്റി റാംസാർ തണ്ണീർത്തടമായ വേമ്പനാട് കായലിന്റെ സംരക്ഷണത്തിനും പരിപാലനത്തിനുമായി തയാറാക്കിയ സമഗ്രകർമ പരിപ്രേക്ഷ്യത്തിന്റെ ഭാഗമായി 'വേമ്പനാട് കായലിലെ സുസ്ഥിര കക്കക്കൃഷി' എന്ന വിഷയത്തിൽ പ്രൊപ്പോസലുകൾ ക്ഷണിച്ചു. സംസ്ഥാനത്തൊട്ടാകെയുളള അംഗീകൃത ഗവേഷണസ്ഥാപനങ്ങൾ, കോളേജുകൾ, അംഗീകൃത സന്നദ്ധസംഘടനകൾ എന്നിവയിൽ പ്രവർത്തിക്കുന്ന ശാസ്ത്രജ്ഞർക്കും അധ്യാപകർക്കും അപേക്ഷിക്കാം. അപേക്ഷകൾ (മൂന്ന് കോപ്പികൾ വീതം) ആഗസ്റ്റ് ഒൻപതിന് മെമ്പർ സെക്രട്ടറി, കേരള സംസ്ഥാന തണ്ണീർത്തട അതോറിറ്റി, നാലാം നില, കെ.എസ്.ആർ.റ്റി.സി ബസ് ടെർമിനൽ കോംപ്ലക്‌സ്, തമ്പാനൂർ-01 എന്ന വിലാസത്തിൽ ലഭിക്കണം.

പൊതുവിദ്യാഭ്യാസ വകുപ്പിന് കീഴിൽ പ്രവർത്തിക്കുന്ന സ്‌കോൾ-കേരള മുഖേന ഹയർ സെക്കൻഡറി കോഴ്‌സിന് രജിസ്റ്റർ ചെയ്ത്, 2019 മാർച്ചിലെ പരീക്ഷയിൽ എല്ലാ വിഷയങ്ങൾക്കും, എ പ്ലസ് ഗ്രേഡ് നേടിയതും എൻട്രൻസ് പരീക്ഷയിൽ റാങ്ക് നേടിയതുമായ വിദ്യാർഥികളെ സ്‌കോൾ-കേരള അനുമോദിക്കുന്നു. ജൂൺ 29ന് പകൽ രണ്ടിന് മലപ്പുറം, വളാഞ്ചേരി, എം.ഇ.എസ്. കെവിയം കോളേജിൽ ഉന്നത വിദ്യാഭ്യാസ മന്ത്രി ഡോ.കെ.ടി.ജലീൽ ഉദ്ഘാടനം ചെയ്യും. കോട്ടയ്ക്കൽ എം.എൽ.എ പ്രൊഫ. ആബിദ് ഹുസൈൻ തങ്ങൾ അധ്യക്ഷനാകും.
പി.എൻ.എക്സ്.2028/19

തിരുവനന്തപുരം സർക്കാർ സംസ്‌കൃത കോളേജിൽ സാഹിത്യ വിഭാഗത്തിൽ (സംസ്‌കൃതം സ്‌പെഷ്യൽ) ഗസ്റ്റ് ലക്ചററിന്റെ ഒഴിവിൽ ജൂലൈ മൂന്നിന് രാവിലെ 11ന് പ്രിൻസിപ്പലിന്റെ ഓഫീസിൽ ഇന്റർവ്യു നടത്തും. കോളേജ് വിദ്യാഭ്യാസ വകുപ്പിന്റെ കൊല്ലം മേഖലാ ഓഫിസിൽ ഗസ്റ്റ് അധ്യാപകരുടെ പാനലിൽ പേര് രജിസ്റ്റർ ചെയ്തിട്ടുളള ഉദ്യോഗാർത്ഥികൾ യോഗ്യത, ജനനത്തീയതി, മുൻപരിചയം എന്നിവ തെളിയിക്കുന്നതിനുളള അസ്സൽ സർട്ടിഫിക്കറ്റുകൾ സഹിതം അഭിമുഖത്തിന് ഹാജരാകണം.
പി.എൻ.എക്സ്.2027/19

കാക്കനാട്: ജില്ലയിലെ മുൻകുറ്റവാളികൾക്കും, തടവുകാരുടെ ആശ്രിതർക്കും സ്വയം തൊഴിൽ ധനസഹായം, തടവുകാരുടെ മക്കളിൽ പ്രൊഫഷണൽ വിദ്യാഭ്യാസം ചെയ്യുന്നവർക്ക്  ധനസഹായം എന്നിവ നൽകുന്നു. അർഹതയുള്ളവരെ സാമൂഹ്യനീതി വകുപ്പിന്റെ കീഴിലുള്ള ജില്ലാ പ്രൊബേഷൻ ഓഫീസ് വഴി കണ്ടെത്തും. കാക്കനാട് സിവിൽ സ്റ്റേഷനിൽ പ്രവർത്തിക്കുന്ന ജില്ലാ പ്രൊബേഷൻ ഓഫീസിൽ ഈ മാസം 30 വരെ അപേക്ഷകൾ സ്വീകരിക്കുമെന്ന് ജില്ലാ പ്രൊബേഷൻ ഓഫീസർ അറിയിച്ചു. കൂടുതൽ വിവരങ്ങൾക്ക് ഫോൺ - 0484 2425249

2019 ഫെബ്രുവരിയിൽ നടന്ന കെ-ടെറ്റ് കാറ്റഗറി ഒന്ന്, രണ്ട്, മൂന്ന,് നാല് പരീക്ഷയുടെ സർട്ടിഫിക്കറ്റുകൾ ജില്ലാ വിദ്യാഭ്യാസ ഓഫീസുകളിൽ നിന്നും പരീക്ഷാർത്ഥികൾ കൈപ്പറ്റണം.
പി.എൻ.എക്സ്.2026/19

2019 മാർച്ചിൽ നടന്ന എസ്.എസ്.എൽ.സി പരീക്ഷയുടെ സർട്ടിഫിക്കറ്റുകൾ ജില്ലാ വിദ്യാഭ്യാസ ഓഫീസുകളിൽ നിന്നും പ്രഥമാധ്യാപകർ കൈപ്പറ്റി ജൂൺ  29ന് മുമ്പ് വിദ്യാർത്ഥികൾക്ക് നൽകണമെന്ന് പരീക്ഷാഭവൻ അറിയിച്ചു.
പി.എൻ.എക്സ്.2025/19

സംസ്ഥാന ട്രാൻസ്‌പോർട്ട് അതോറിറ്റി യോഗം ജൂലൈ അഞ്ചിന് രാവിലെ 11.30ന് വഴുതക്കാട് ട്രാൻസ്‌പോർട്ട് ടവേഴ്‌സിലെ ട്രാൻസ്‌പോർട്ട് കമ്മിഷണറേറ്റ് കോൺഫറൻസ് ഹാളിൽ നടക്കും.
പി.എൻ.എക്സ്.2024/19

തിരുവനന്തപുരം ഗവ. സംസ്‌കൃത കോളേജിലെ കണ്ടിന്യൂയിംഗ് എഡ്യൂക്കേഷൻ സബ് സെന്റർ നടത്തുന്ന യോഗ (അഡ്വാൻസ്) വരാടിഗണിതം (കവിടിക്രിയ) ബേസിക് കോഴ്‌സുകളിലേക്ക് അപേക്ഷ ക്ഷണിച്ചു.  അപേക്ഷാഫോമിനും വിശദവിവരങ്ങൾക്കും കോളേജിലെ കണ്ടിന്യൂയിംഗ് എഡ്യൂക്കേഷൻ സെന്ററുമായി ബന്ധപ്പെട്ടണം.  ഫോൺ: 7012916709, 8547979706, 7561053549.
പി.എൻ.എക്സ്.2023/19

2019 ഏപ്രിലിൽ നടന്ന ഡി.എഡ് ഒന്ന്, രണ്ട്, മൂന്ന്, നാല് സെമസ്റ്റർ പരീക്ഷകളുടെ മാർക്ക് ലിസ്റ്റുകളും സർട്ടിഫിക്കറ്റുകളും പരീക്ഷാഭവനിൽ നിന്നും ജില്ലാ വിദ്യാഭ്യാസ ഓഫീസുകളിലേക്ക് നൽകിയതായി പരീക്ഷാഭവൻ സെക്രട്ടറി അറിയിച്ചു. ഐ.ടി.ഐ. പ്രിൻസിപ്പൽമാർ ഈ സർട്ടിഫിക്കറ്റുകൾ ഏറ്റുവാങ്ങി ജൂൺ 28 ന് അഞ്ചിന് മുൻപ് വിദ്യാർത്ഥികൾക്ക് നൽകണം.
പി.എൻ.എക്സ്.2022/19