ജില്ലയില്‍ ഇന്നലെ(ജൂണ്‍ 23) റിമാന്‍ഡ് പ്രതി ഉള്‍പ്പടെ നാലു പേര്‍ക്ക് കോവിഡ് സ്ഥിരീകരിച്ചു. പെരിനാട് കുരീപ്പുഴ സ്വദേശി(53 വയസ്), ഇളമാട് ചെറിവയ്ക്കല്‍ സ്വദേശിനി(52 വയസ്), ഇളമാട് അമ്പലമുക്ക് സ്വദേശി(43 വയസ്), പുനലൂര്‍ സ്വദേശി(65 വയസ്) എന്നിവര്‍ക്കാണ് ഇന്നലെ(ജൂണ്‍ 23) കോവിഡ് സ്ഥിരീകരിച്ചത്.

കേരള പട്ടികജാതി പട്ടികവർഗ വികസന സഹകരണ ഫെഡറേഷന്റെ ആയൂർധാര പഞ്ചകർമ്മ ചികിത്സാ കേന്ദ്രത്തിന്റെ വികസന പ്രവർത്തനങ്ങളുടെ പ്രാരംഭ സിവിൽ നിർമ്മാണ ജോലികൾക്കായി താത്പര്യപത്രം ക്ഷണിച്ചു.  26 വരെ 10 മണി മുതൽ നാല് മണി വരെ ഫെഡറേഷന്റെ ആസ്ഥാന ഓഫീസിൽ നിന്ന് വിശദവിവരങ്ങൾ ലഭിക്കും.  വിശദമായ എസ്റ്റിമേറ്റ്, സീൽ ചെയ്ത കവറിൽ പൂർണ്ണ മേൽവിലാസം/ മൊബൈൽ നമ്പർ എന്നിവ രേഖപ്പെടുത്തി 30ന് വൈകിട്ട് 5 മണിക്കകം ഫെഡറേഷനിൽ ലഭിക്കുന്ന വിധം നേരിട്ടോ തപാലിലോ സമർപ്പിക്കണം.
പി.എൻ.എക്സ്. 2255/2020

കോവിഡ് കാലത്ത് ഓൺലൈൻ വിദ്യാഭ്യാസത്തിന് പിന്തുണയുമായി രണ്ടു പദ്ധതികളുമായി കെ.എസ്.എഫ്.ഇ. ഓൺലൈൻ പഠനകേന്ദ്രങ്ങൾ സ്ഥാപിക്കാൻ തദ്ദേശസ്ഥാപനങ്ങൾക്ക് സഹായം നൽകുന്ന പദ്ധതിയും, കുടുംബശ്രീ മിഷനുമായി സഹകരിച്ച് ലാപ്ടോപ് വാങ്ങാൻ പണം ലഭ്യമാക്കുന്ന മൈക്രോ ഫിനാൻസ് പദ്ധതിയുമാണ് ആരംഭിക്കുന്നതെന്ന് ധനകാര്യമന്ത്രി ഡോ: ടി.എം. തോമസ് ഐസക് വാർത്താസമ്മേളനത്തിൽ അറിയിച്ചു.

കഴിഞ്ഞവർഷത്തെ അതിവർഷത്തിൽ ഉരുൾപൊട്ടലുണ്ടായി വയനാട് പുത്തുമലയിൽ വീടും ഭൂമിയും നഷ്ടപ്പെട്ട കുടുംബങ്ങളെ പുനരധിവസിപ്പിക്കുന്നതിനുള്ള 'ഹർഷം' പദ്ധതിയുടെ പ്രവർത്തനങ്ങൾ മുഖ്യമന്ത്രി പിണറായി വിജയൻ ഓൺലൈൻ വഴി ഉദ്ഘാടനം ചെയ്തു.

ചേലക്കര നിയോജകമണ്ഡലത്തിലെ ചെറുതുരുത്തി-പൊന്നാനി പി.ഡബ്ലു.ഡി റോഡ് നവീകരണം ആരംഭിച്ചു. നിർമാണ പ്രവൃത്തികൾ യു.ആർ. പ്രദീപ് എം.എൽ.എ ഉദ്ഘാടനം ചെയ്തു. 5.3 കിലോ മീറ്റർ വരുന്ന ഭാഗം റോഡ് ബി എം - ബി.സി നിലവാരത്തിൽ വീതി കൂട്ടിയാണ് പുനരുദ്ധാരണം ചെയ്യുന്നത്. ആവശ്യമുള്ളിടത്ത് പുതിയ പാലങ്ങൾ നിർമ്മിക്കും. നിലവിലുള്ള പാലങ്ങൾ വീതി കൂട്ടി സംരക്ഷണ ഭിത്തി നിർമ്മാണം, കാന നിർമ്മാണം എന്നീ പ്രവൃത്തികൾ ഉൾപ്പെടെയാണ് പുനരുദ്ധാരണം നടക്കുക. ഇതിനായി നബാർഡ് മുഖേന 12.67 കോടി രൂപയും പി.ഡബ്ലു.ഡി അനുവദിച്ചിട്ടുണ്ട്.

ഗുരുവായൂർ നഗരസഭയിലെ പൂക്കോട്, തൈക്കാട്, ഗുരുവായൂർ കൃഷിഭവനുകൾ സംയുക്തമായി ഞാറ്റുവേല ചന്ത സംഘടിപ്പിച്ചു. സംസ്ഥാന തല ഞാറ്റുവേല ചന്ത മുഖ്യമന്ത്രി പിണറായി വിജയൻ ഉദ്ഘാടനം നിർവ്വഹിക്കുന്നതിന്റെ ഓൺലൈൻ സംപ്രേഷണം ചാവക്കാട് കൃഷി അസിറ്റന്റ് ഡയറക്ടറുടെ നേതൃത്വത്തിൽ ഗുരുവായൂർ നഗരസഭ ടൗൺ ഹാളിൽ നടത്തി.