സംസ്ഥാന ടൂറിസം വകുപ്പിന്റെ മാനേജ്‌മെന്റ് ഇൻസ്റ്റിറ്റ്യൂട്ടായ കിറ്റ്‌സിൽ കേരള സർവകലാശാല അനുവദിച്ച ബി.കോം (ട്രാവൽ ആന്റ് ടൂറിസം) കോഴ്‌സിലേക്ക് അപേക്ഷിക്കാം വിദ്യാർഥികൾ www.admissions.keralauniversity.ac.in ൽ അപേക്ഷ നൽകണം. മാനേജ്‌മെന്റ് ക്വാട്ടയിൽ പ്രവേശനത്തിന് താത്പര്യമുളള വിദ്യാർഥികൾwww.kittsedu.org ലോ ജൂലൈ ആറിന് മുമ്പ് നേരിട്ടോ അപേക്ഷിക്കണം. കൂടുതൽ വിവരങ്ങൾക്ക് ഫോൺ: 94446529467, 0471-2327707
പി.എൻ.എക്സ്.2136/19

സംസ്ഥാന ജൈവവൈവിധ്യ ബോർഡിൽ പോസ്റ്റ് ഡോക്ടറൽ ഫെല്ലോഷിപ്പുകൾക്ക് അപേക്ഷ ക്ഷണിച്ചു. ജൈവവൈവിധ്യ സംരക്ഷണവുമായി ബന്ധപ്പെട്ട ഗവേഷണങ്ങൾക്കാണ് പോസ്റ്റ് ഡോക്ടറൽ ഫെല്ലോഷിപ്പ് (രണ്ട് എണ്ണം, പ്രതിമാസം 35,200 രൂപ) നൽകുന്നത്. ജൈവവൈവിധ്യ സംരക്ഷണവുമായി ബന്ധപ്പെട്ട വിഷയത്തിൽ ഡോക്ടറൽ ബിരുദം നേടിയവർക്ക് അപേക്ഷിക്കാം. അപേക്ഷകൾ ജൂലൈ 31നകം ലഭിക്കണം. അപേക്ഷാഫോമിനും ഫെല്ലോഷിപ്പ് സംബന്ധിച്ച വിശദ വിവരങ്ങൾക്കും www.keralabiodiversity.org  
പി.എൻ.എക്സ്.2135/19

തിരുവനന്തപുരം വട്ടിയൂർക്കാവ് സെൻട്രൽ പോളിടെക്‌നിക് കോളേജിലെ ജനറൽ വിഭാഗം ലക്ചറർ തസ്തികകളിലെ (മാത്തമാറ്റിക്‌സ്-ഒന്ന്, ഇംഗ്ലീഷ്-ഒന്ന്) താത്ക്കാലിക ഒഴിവുകളിലേക്കുള്ള അഭിമുഖ പരീക്ഷ ജൂലായ് എട്ട് രാവിലെ  10 ന്് കോളേജിൽ നടക്കും. ബന്ധപ്പെട്ട വിഷയത്തിൽ ഫസ്റ്റ് ക്ലാസോടെ മാസ്റ്റർ ബിരുദമാണ് യോഗ്യത. നിശ്ചിത യോഗ്യതയുള്ളവർ അസ്സൽ സർട്ടിഫിക്കറ്റ് സഹിതം കോളേജിൽ നേരിട്ടെത്തണം. വിശദവിവരങ്ങൾക്ക്: www.cpt.ac.in.  ഫോൺ: 2360391. 
പി.എൻ.എക്സ്.2134/19

ആരോഗ്യ വകുപ്പിന്റെ കീഴിലുള്ള കെ.എച്ച്.ആർ.ഡബ്ല്യു.എസ്സിന്റെ വിവിധ യൂണിറ്റുകളിൽ അന്യത്രസേവന വ്യവസ്ഥയിൽ സേവനമനുഷ്ഠിക്കാൻ അപേക്ഷ ക്ഷണിച്ചു. 

സംസ്ഥാന സർക്കാരും കേന്ദ്രജലവിഭവ മന്ത്രാലയവും ഭൂജലവകുപ്പ് മുഖേന നടപ്പാക്കുന്ന കുഴൽക്കിണർ അധിഷ്ഠിത ജലസേചന പദ്ധതികൾക്കായി തിരുവനന്തപുരം ജില്ലയിലെ കർഷകർ, കർഷക ഗ്രൂപ്പുകളിൽ നിന്നും അപേക്ഷ ക്ഷണിച്ചു. അപേക്ഷാഫോമിനും വിശദാംശങ്ങൾക്കുമായി ഭൂജലവകുപ്പ്, തിരുവനന്തപുരം ജില്ലാ ഓഫീസ്, അമ്പലമുക്ക്, കവടിയാർ പി.ഒ.യിൽ ബന്ധപ്പെടണം. ഫോൺ: 0471-2430279, ഇ-മെയിൽ: gwdtvm@gmail.com.    
പി.എൻ.എക്സ്.2132/19  

സംസ്ഥാന ജൈവവൈവിധ്യ ബോർഡിൽ ഇന്റേൺഷിപ്പിന് അപേക്ഷ ക്ഷണിച്ചു. ബിരുദാനന്തര ബിരുദം/ബിരുദ പഠനം നടത്തിക്കൊണ്ടിരിക്കുന്ന വിദ്യാർത്ഥികൾക്ക് അപേക്ഷിക്കാം (25 എണ്ണം, പ്രതിമാസം 5000 രൂപ).
വിശദവിവരങ്ങൾക്ക്  www.keralabiodiversity.org. അപേക്ഷകൾ ലഭിക്കേണ്ട അവസാന തിയതി ജൂലൈ 31.
പി.എൻ.എക്സ്.2131/19

സംസ്ഥാനത്തെ സർക്കാർ, എയ്ഡഡ് മേഖലകളിലെ എട്ടു മുതൽ പന്ത്രുവരെ ക്ലാസുകളുള്ള 4752 സ്‌കൂളുകളിലായി 45000 ക്ലാസ് മുറികൾ ഹൈടെക്കാക്കിയതിന്റെ തുടർച്ചയായി പ്രൈമറി, അപ്പർ പ്രൈമറി സ്‌കൂളുകളിലും ഹൈടെക് ലാബുകൾ വരുന്നു.  കേരള ഇൻഫ്രാസ്ട്രക്ചർ ആന്റ് ടെക്‌നോളജി ഫോർ എഡ്യൂക്കേഷൻ (കൈറ്റ്) നടപ്പാക്കുന്ന ഹൈടെക് ലാബ് പദ്ധതിയുടെ സംസ്ഥാനതല ഉദ്ഘാടനം ജൂലൈ അഞ്ച് വൈകുന്നേരം 3 മണിക്ക് തിരുവനന്തപുരം ടാഗോർ തിയേറ്ററിൽ മുഖ്യമന്ത്രി പിണറായി വിജയൻ നിർവഹിക്കും.

കുട്ടികളുടെ അവകാശ സംരക്ഷണം;
പരാതി അറിയിക്കാം

ദേശീയ ബാലാവകാശ സംരക്ഷണ കമ്മീഷന്‍ കുട്ടികളുടെ അവകാശ സംരക്ഷണവുമായി ബന്ധപ്പെട്ട വിഷയങ്ങളില്‍ നേരിട്ട് ഇടപ്പെട്ട് പരിഹാരം കാണുന്നതിനായി ജൂലൈ 12 ന് വയനാട് കല്‍പ്പറ്റ സിവില്‍ സ്റ്റേഷനിലെ എ.പി.ജെ ഹാളില്‍ സിറ്റിംഗ് നടത്തും. കുട്ടികളുടെ സംരക്ഷണവുമായി ബന്ധപ്പെട്ട് ഏതെങ്കിലും മേഖലയില്‍ പരാതി സമര്‍പ്പിക്കാനുളളവര്‍ എഴുതി തയ്യാറാക്കിയ പരാതികള്‍ വനിതാശിശുവികസന വകുപ്പിന്റെ കീഴിലെ ഐ.സി.ഡി.എസ് ഓഫീസുകളിലും, കോഴിക്കോട് സിവില്‍സ്റ്റേഷനിലെ ജില്ലാ ശിശുസംരക്ഷണ ഓഫീസിലും നേരിട്ട് നാളെ (ജൂലൈ 5) വരെ സമര്‍പ്പിക്കാം.  

സംസ്ഥാന സർക്കാരിന്റെ കീഴിലുള്ള അതിഥിമന്ദിരങ്ങളിൽ മുറികൾ ബുക്ക് ചെയ്യുന്നതിനുള്ള  അപേക്ഷകൾ ഇനി മുതൽ ഓൺലൈനായി മാത്രമേ സ്വീകരിക്കുകയുള്ളൂ എന്ന് പൊതുഭരണ (പൊളിറ്റിക്കൽ) വകുപ്പ് അറിയിച്ചു.

അടിമാലി: അടിമാലി താലൂക്കാശുപത്രിയിലെ കുട്ടികളുടെയും പുരുഷന്‍മാരുടെയും വാര്‍ഡുകള്‍ ആശുപത്രിയുടെ പുതിയ ബ്ലോക്കിലേക്ക് മാറ്റി പ്രവര്‍ത്തനമാരംഭിച്ചു.താലൂക്കാശുപത്രിയില്‍ എത്തുന്ന രോഗികള്‍ക്ക് താല്‍ക്കാലിക ആശ്വാസമായാണ് പഴയ ബ്ലോക്കില്‍ പ്രവര്‍ത്തിച്ചു വന്നിരുന്ന കുട്ടികളുടെയും പുരുഷന്‍മാരുടെയും വാര്‍ഡുകള്‍ പുതിയ ബ്ലോക്കിലേക്ക് മാറ്റിയിട്ടുള്ളത്.പുതിയ ബ്ലോക്കിന്റെ രണ്ടാം നിലയിലായിലാണ് പുതിയ വാര്‍ഡുകള്‍ തുറന്നിട്ടുള്ളത്.അടിമാലി ബ്ലോക്ക് പഞ്ചായത്ത് പ്രസിഡന്റ് ആര്‍ മുരുകേശന്‍ പുതിയ വാര്‍ഡുകളുടെ ഉദ്ഘാടനം നിര്‍വ്വഹിച്ചു.