കോഴിക്കോട് പൊതുമരാമത്ത് വകുപ്പ് നിരത്ത് ഉപ വിഭാഗം കോഴിക്കോട് കാര്യാലയത്തിന് കീഴിലുളള നിരത്ത് സെക്ഷന്‍, കുന്ദമംഗലം കാര്യാലയത്തിലെ  കളളന്‍തോട് - കൂളിമാട് റോഡ് പുനരുദ്ധാരണത്തിന്റെ ഭാഗമായി മുറിച്ച് മാറ്റേണ്ട 218 മരങ്ങളുടെ ലേലം ജൂലൈ ഏഴിന് രാവിലെ 11.30 ന് നായര്‍കുഴി ഹയര്‍സെക്കണ്ടറി സ്‌കൂള്‍ പരിസരത്ത്് അസി. എക്സിക്യൂട്ടീവ് എഞ്ചിനീയര്‍ നടത്തും. ഫോണ്‍ 0495 2724727.
 

ബേപ്പൂര്‍ തുറമുഖത്തെ ടഗ്ഗുകളിലെ ഫയര്‍ എക്സ്റ്റിംഗുഷറുകള്‍ റീ ഫില്‍ ചെയ്യുന്നതിനും പുതിയവ വിതരണം ചെയ്യുന്നതിനും അംഗീകൃത വിതരണക്കാരില്‍ നിന്ന് ദര്‍ഘാസുകള്‍ ക്ഷണിച്ചു. ദര്‍ഘാസുകള്‍ മുദ്രവെച്ച കവറില്‍ പോര്‍ട്ട് ഓഫീസര്‍, കോഴിക്കോട് എന്ന വിലാസത്തില്‍ ജൂലൈ 15 ന് ഉച്ചക്ക് ഒരു മണിക്കകം ലഭിക്കണം. ഫോണ്‍ : 0495 2414863, 2418610.

കേരള മാരിടൈം ബോര്‍ഡിനുവേണ്ടി ബേപ്പൂര്‍ പോര്‍ട്ട് ജീവനക്കാര്‍ക്ക് സുരക്ഷാ ഉപകരണങ്ങള്‍ വിതരണം ചെയ്യുന്നതിന് ടെണ്ടര്‍ ക്ഷണിച്ചു. ദര്‍ഘാസുകള്‍ ജൂലൈ ഒന്‍പതിന് ഉച്ചക്ക് ഒരു മണിക്കകം ലഭിക്കണം. ഫോണ്‍ 0495 2418610.  

കൃഷി വകുപ്പ് വയനാട് ജില്ലയില്‍ നടപ്പിലാക്കി വരുന്ന സബ്മിഷന്‍ ഓണ്‍ അഗ്രികള്‍ച്ചറല്‍ മെക്കനൈസേഷന്‍ എന്ന കാര്‍ഷിക യന്ത്രവല്‍ക്കരണ പദ്ധതിയുടെ ഭാഗമായ കൃഷി കല്ല്യാണ്‍ അഭിയാനില്‍ കര്‍ഷക സംഘങ്ങള്‍ക്ക് വിവിധതരം കാര്‍ഷിക യന്ത്രങ്ങള്‍ വാങ്ങി ഫാം മെഷിനറി ബാങ്കുകള്‍ സ്ഥാപിക്കുന്നതിന് സാമ്പത്തിക സഹായം നല്‍കും. കര്‍ഷകര്‍ www.agrimachinery.nic.in എന്ന വെബ്സൈറ്റ് വഴി റജിസ്റ്റര്‍ ചെയ്ത് അപേക്ഷകള്‍ ഓണ്‍ലൈനായി സമര്‍പ്പിക്കണം. വിശദവിവരം കൃഷി അസിസ്റ്റന്റ് എക്സിക്യൂട്ടീവ് എഞ്ചനീയറുടെ കാര്യാലയത്തില്‍ ലഭിക്കും.  ഫോണ്‍ 9446307887, 0493 6202747

തമിഴ്നാട് പോലീസിന്റെ ബോംബ് ഡിറ്റക്ഷന്‍ ആന്‍ഡ് ഡിസ്പോസല്‍ സ്‌ക്വാഡിലേക്ക് കരസേനയിലെ സുബേദാര്‍, നായിബ്-സുബേദാര്‍, ഹവില്‍ദാര്‍/നായിക് തസ്തികകളില്‍ നിന്നും വിരമിച്ച വിമുക്തഭടന്മാര്‍ക്ക് അവസരം.  പരിചയ സമ്പന്നരായ ഉദ്യോഗാര്‍ത്ഥികള്‍ ജില്ലാ സൈനിക ക്ഷേമ ഓഫീസുമായി ബന്ധപ്പെടണമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു. ഫോണ്‍ : -0495 2771881.

 കേരള കര്‍ഷക തൊഴിലാളി ക്ഷേമനിധി ബോര്‍ഡിലെ അംഗങ്ങള്‍ക്ക്  സംസ്ഥാന സര്‍ക്കാര്‍ പ്രഖ്യാപിച്ച 1000 രൂപയുടെ കോവിഡ് ധനസഹായത്തിന് ജൂണ്‍ 26 വരെഅപേക്ഷിക്കാമെന്ന്  ജില്ലാ എക്സിക്യൂട്ടീവ് ഓഫീസര്‍ അറിയിച്ചു.   www.karshakathozhilali.org, boardswelfareassiatance.lc.kerala.gov.in   എന്ന വെബ്സൈറ്റുകള്‍  വഴിയും  karshakathozhilali   എന്ന മൊബൈല്‍ ആപ്പ് വഴിയും അക്ഷയ/ മൊബൈല്‍ഫോണ്‍ മുഖാന്തരം അപേക്ഷ സമര്‍പ്പിക്കാം. നിലവില്‍ കുടിശ്ശികയുള്ള അംഗങ്ങളും ആനുകൂല്യത്തിന് അര്‍ഹരാണ്.

വേള്‍ഡ് മലയാളി ഫെഡറേഷന്‍ കോഴിക്കോട്  ജില്ലാ കമ്മിറ്റിയുടെ നേതൃത്വത്തില്‍ കെഎസ്ആര്‍ടിസി ജീവനക്കാര്‍ക്ക് സാനിറ്റൈസര്‍, മാസ്‌ക്, ഗ്ലൗസ് എന്നിവ നല്‍കി. ജില്ലാ കലക്ടര്‍ സാംബശിവറാവുവിന് കൈമാറിയ സാധനങ്ങള്‍ കലക്ട്രേറ്റില്‍ നടന്ന ചടങ്ങില്‍ ജില്ലാ ട്രാന്‍സ്‌പോര്‍ട്ട് ഓഫീസര്‍  ജോഷി ജോണ്‍ ഏറ്റുവാങ്ങി. 700 മാസ്‌ക്, 125 ബോട്ടില്‍ സാനിറ്റൈസര്‍, 500 ഗ്ലൗസ് എന്നിവയാണ് നല്‍കിയത്.
ഫെഡറേഷന്‍ ജില്ലാ കണ്‍വീനര്‍ അനിലുബ, പ്രോഗ്രാം കണ്‍വീനര്‍ മധു പൂക്കാട്, ഭാരവാഹികളായ റഫീഖ് ഓര്‍മ, സി.മനോജ്, കുന്നോത്ത് സലാം, എ.കെ.ഖാദര്‍, വൈ.എം.ജിതേഷ്ബാബു തുടങ്ങിയവര്‍ പങ്കെടുത്തു.