പൊതുവിപണിയിലെ വിലവര്‍ധനവ്, കരിഞ്ചന്ത, പൂഴ്ത്തിവയ്പ്പ് എന്നിവ തടയുന്നതിന്റെ ഭാഗമായി കോഴിക്കോട് (സൗത്ത്), നോര്‍ത്ത്, സിറ്റി റേഷനിങ് ഓഫീസര്‍മാരും റേഷനിങ് ഇന്‍സ്പെക്ടര്‍മാരും അടങ്ങുന്ന സംഘം 
മലാപ്പറമ്പ്, വെള്ളിമാട്ക്കുന്ന്, മാങ്കാവ്, കുതിരവട്ടം എന്നിവിടങ്ങളിലെ 14 വ്യാപാര സ്ഥാപനങ്ങളില്‍ പരിശോധന നടത്തി.

നെല്ല് സംഭരണം അവശ്യ സേവനം ആയതിനാല്‍ ബന്ധപ്പെട്ടവര്‍ സംഭരണത്തില്‍ സഹകരിക്കണമെന്ന് സപ്ലൈകോ സി എംഡി പി.എം അലി അസ്ഗര്‍ പാഷ അറിയിച്ചു. അത്യാവശ്യ നിയന്ത്രണ നിയമപ്രകാരമാണ് നെല്ല് സംഭരണം നടത്തി വരുന്നത്. കൊറോണ വ്യാപനത്തിന്റെ പശ്ചാത്തലത്തില്‍ അവശ്യവസ്തുവായ നെല്ല് സംഭരിച്ച് മില്ലുകളില്‍ എത്തിക്കേണ്ടതുണ്ട്. ഇതുകണക്കിലെടുത്ത് സര്‍ക്കാര്‍ നിര്‍ദ്ദേശിച്ച നിബന്ധനകള്‍ പാലിച്ച് എല്ലാവരും സഹകരിക്കണമെന്നും അദ്ദേഹം പറഞ്ഞു.

കോവിഡ് 19 പ്രതിരോധ പ്രവർത്തനങ്ങളുടെ ഭാഗമായി നഗരപരിധിയിൽ കിടക്കാൻ സ്ഥലം ഇല്ലാതെ അലഞ്ഞുതിരിയുന്ന അഗതികൾക്കും ഭക്ഷണത്തിന് ബുദ്ധിമുട്ടുന്നവർക്കും സുരക്ഷിത സ്ഥാനം ഒരുക്കി തൃശൂർ കോർപ്പറേഷന്റെ മാതൃക പ്രവർത്തനം. തൃശൂർ ഗവൺമെന്റ് മോഡൽ ബോയ്സ് ഹയർസെക്കന്ററി സ്‌കൂളിലാണ് ഏതാണ്ട് ഇരുന്നൂറോളം വരുന്ന അഗതികളെ പാർപ്പിച്ചിരിക്കുന്നത്. ജില്ലാ കളക്ടർ എസ് ഷാനവാസിന്റെ നിർദ്ദേശപ്രകാരമാണിത്. കോർപ്പറേഷൻ മേയർ അജിത ജയരാജൻ, ഡെപ്യൂട്ടി മേയർ റാഫി ജോസ്, ഡെപ്യൂട്ടി കളക്ടർ എം ബി ഗിരീഷ് കുമാർ, ഡിപിഎം ഡോ. സതീശൻ ടി വി എന്നിവരുടെ നേതൃത്വത്തിലാണ് സ്‌കൂൾ പരിസരം വൃത്തിയാക്കി ക്ലാസ്മുറികൾ ശുചീകരിച്ചു അഗതികളെ പ്രവേശിപ്പിച്ചത്.

നെല്ല് സംഭരണം അവശ്യ സേവനം ആയതിനാല്‍ ബന്ധപ്പെട്ടവര്‍ സംഭരണത്തില്‍ സഹകരിക്കണമെന്ന് സപ്ലൈകോ സി എംഡി പി.എം അലി അസ്ഗര്‍ പാഷ അറിയിച്ചു. അത്യാവശ്യ നിയന്ത്രണ നിയമപ്രകാരമാണ് നെല്ല് സംഭരണം നടത്തി വരുന്നത്. കൊറോണ വ്യാപനത്തിന്റെ പശ്ചാത്തലത്തില്‍ അവശ്യവസ്തുവായ നെല്ല് സംഭരിച്ച് മില്ലുകളില്‍ എത്തിക്കേണ്ടതുണ്ട്. ഇതുകണക്കിലെടുത്ത് സര്‍ക്കാര്‍ നിര്‍ദ്ദേശിച്ച നിബന്ധനകള്‍ പാലിച്ച് എല്ലാവരും സഹകരിക്കണമെന്നും അദ്ദേഹം പറഞ്ഞു.

കോവിഡ് 19 പ്രതിരോധ പ്രവർത്തനങ്ങളുടെ ഭാഗമായി വെറ്ററിനറി സർവകലാശാലയുടെ മണ്ണുത്തിയിലെയും കൊക്കാലയിലെയും മൃഗാശുപത്രികളിൽ അത്യാഹിത വിഭാഗം മാത്രമേ പ്രവർത്തിക്കു. ഓ പി വിഭാഗം പ്രവർത്തിക്കില്ല.

അവശ്യവസ്തുക്കൾ വിൽപ്പന നടത്തുന്നതിന് കച്ചവടക്കാർക്ക് പാസ്സ് നിർബന്ധമാക്കി പൊലീസ്. അനാവശ്യമായി ജനങ്ങൾ പുറത്ത് ഇറങ്ങി നടക്കുന്നത് തടയുന്നതിനും അവശ്യസാധനങ്ങൾ വിൽക്കുന്നു എന്നതിന്റെ മറവിൽ അനാവശ്യമായി കടകൾ തുറന്നിരിക്കുന്നത് തടയുന്നതിനുമാണ് പാസ്സ് നിർബന്ധമാക്കിയത്.