ആലപ്പുഴ: തീരപ്രദേശത്തെ ജനങ്ങളെ പുനരധിവസിപ്പിക്കുക എന്ന ലഷ്യത്തോടെ ഫിഷറീസ് വകുപ്പ് നടപ്പാക്കുന്ന പുനര്‍ഗേഹം പദ്ധതി പ്രകാരമുള്ള സ്ഥലമേറ്റെടുക്കലല്‍, പുനരധിവാസം, മറ്റ് നടപടി ക്രമങ്ങള്‍ എന്നിവ വേഗത്തിലാക്കണമെന്ന് ജില്ല കളക്ടര്‍ എ. അലക്‌സാണ്ടര്‍. പദ്ധതിയുമായി ബദ്ധപ്പെട്ട് നടന്ന യോഗത്തിലാണ് നിര്‍ദ്ദേശം നല്‍കിയത്.

ജില്ലയില്‍ രണ്ടു ഡെങ്കിപ്പനി മരണങ്ങള്‍ സ്ഥിരീകരിക്കുകയും  പല പഞ്ചായത്തുകളിലും ഡെങ്കിപ്പനി സ്ഥിരീകരിക്കുകയും ചെയ്ത സാഹചര്യത്തില്‍ പൊതുജനങ്ങള്‍ ജാഗ്രത പാലിക്കണമെന്ന് ജില്ലാ മെഡിക്കല്‍ ഓഫീസര്‍  ഡോ.രാംദാസ് എ .വി അറിയിച്ചു.ഈഡിസ്‌കൊതുകുകള്‍ വഴി പകരുന്ന രോഗമാണ് ഡെങ്കിപ്പനി. ആര്‍ബോ വൈറസ ്‌വിഭാഗത്തില്‍പ്പെടുന്ന ഫ്‌ളാവി വൈറസുകളാണ ്‌രോഗത്തിന് കാരണമാവുന്നത്. ഡെങ്കിപ്പനി പ്രധാനമായും മൂന്ന് തരത്തിലുണ്ട്.

ലോക്്ഡൗണ്‍ നിലനില്‍ക്കുന്ന സാഹചര്യത്തില്‍  പൊതുജനങ്ങള്‍ക്ക്   സര്‍ക്കാര്‍   ഓഫീസുകളില്‍ എത്താന്‍ ബുദ്ധിമുട്ടുള്ളതിനാല്‍    പരാതികള്‍ സമര്‍പ്പിക്കുന്നതിനും പരിഹരിക്കുന്നതിനും മുഖ്യമന്ത്രി നിര്‍ദേശിച്ച ജില്ലാകളക്ടറുടെ താലൂക്ക്തല ഓണ്‍ലൈന്‍ പരാതി പരിഹാര അദാലത്ത് ജൂലായ് 18 ന്   നടത്തും.തിങ്കളാഴ്ച നടത്തിയ വെള്ളരിക്കുണ്ട് താലൂക്ക് ഓണ്‍ലൈന്‍ അദാലത്തില്‍ വളരെ കുറവ്  പരാതികളാണ് ലഭിച്ചിരുന്നത്.

ജില്ലാ കളക്ടര്‍ ഡോ ഡി സജിത് ബാബുവിന്റെ നേതൃത്വത്തില്‍ വെള്ളരിക്കുണ്ട് താലൂക്ക്തല ഓണ്‍ലൈന്‍ പരാതി പരിഹാര അദാലത്ത്  നടത്തി കളക്ടറേറ്റില്‍ നടത്തിയ  നാലാമത്തെ ഓണ്‍ലൈന്‍ പരാതി പരിഹാര അദാലത്തില്‍ എട്ട് പരാതികള്‍ പരിഗണിച്ചു.ആറ് പരാതികള്‍ വകുപ്പ്തലത്തില്‍  പരിഹരിച്ചു. രണ്ട് പരാതികളില്‍ കളക്ടര്‍ പരാതികാരുമായി  തത്സമയം സംസാരിച്ചു.

തളങ്കര ഗവണ്‍മെന്റ് എം.വി.എച്ച്. എസ്.എസ്.  വി.എച്ച്.എസ്.ഇ. വിഭാഗത്തില്‍ നിന്നും  2011-12   അധ്യയന വര്‍ഷം മുതല്‍ ഇ ഗ്രാന്റ്‌സ് സ്‌കോളര്‍ഷിപ്പ് ലഭിച്ചവര്‍ അടച്ച ഫീസ് തിരികെ ലഭിക്കുന്നതിന് ബാങ്ക് പാസ് ബുക്ക് പകര്‍പ്പും ഏതെങ്കിലും തിരിച്ചറിയല്‍ രേഖയുടെ പകര്‍പ്പും സഹിതം ജൂലൈ ഒന്നിനകം ഓഫീസില്‍ ഹാജരാകണം.കൂടുതല്‍ വിവരങ്ങള്‍ക്ക് 7736265671.

ജില്ലയിലെ സര്‍ക്കാര്‍,എയ്ഡഡ്,അംഗീകൃത അണ്‍ എയ്ഡഡ്, സി.ബി.എസ്.സി.-ഐ.സി.എസ്.ഇ.അഫിലിയേറ്റഡ് സ്‌കൂളുകളില്‍ ഒന്നു മുതല്‍ പത്തു വരെ ക്ലാസുകളില്‍ പഠിക്കുന്ന ഒ.ഇ.സി. വിദ്യാഭ്യാസ ആനുകൂല്യത്തിന് അര്‍ഹരായ വിദ്യാര്‍ഥികളുടെ വിവരങ്ങള്‍ സ്‌കൂള്‍ അധികൃതര്‍ www.egrantz.kerala.gov.in എന്ന ഇ-ഗ്രാന്റ്‌സ് പോര്‍ട്ടലിലൂടെ ഓണ്‍ലൈന്‍ ആയി ജൂലൈ 31 നകം  പിന്നാക്ക വിഭാഗ വികസന വകുപ്പിന് ലഭ്യമാക്കണം. അര്‍ഹരായ തുക വിദ്യാര്‍ഥികളുടെ ബാങ്ക് അക്കൗണ്ടിലേക്ക് തുക കൈമാറും.വിശദ വിവരങ്ങളടങ്ങിയ സര്‍ക്കുലര്‍ ഇ-ഗ്രാന്റ്‌സ് പോര്‍ട്ടലിലും, ംംം.യരററ.സലൃമഹമ.ഴീ്.ശി ലും ലഭിക്കും.

മരുന്ന്  വാങ്ങാന്‍ മുമ്പോക്കെ ആശുപത്രി വരെ പോണം. ഇപ്പോ ഇത്തിരി ദൂരം പോയാല്‍ നീലേശ്വരം ഹോമിയോ ആശുപത്രിക്കെതിരെയുള്ള വയോമിത്രം സെന്ററില്ലേ, അവിടെത്തിയാല്‍ അവര് പരിേശാധിച്ച് മരുന്ന് തരും. പിന്നെ മരുന്ന് വാങ്ങാന്‍ വരുന്ന പണ്ട് കൂടെ പഠിച്ച കൂട്ടുകാരെ കണ്ട് ഇത്തിരി വിശേഷോം പറയാം.  വയോജനങ്ങള്‍ക്കായുള്ള  വയോമിത്രം പദ്ധതിയെ ഏറ്റെടുത്ത 67 വയസുകാരന്‍  രാഘവേട്ടന്റെ വാക്കുകളാണിത്. കൊറോണക്കാലത്തും വയോമിത്രത്തിലൂടെ കൃത്യമായി മരുന്നുകള്‍ ലഭിക്കുന്ന സന്തോഷത്തിലാണ് നീലേശ്വരത്തെ എറുവാട്ട് രാഘവന്‍ നായര്‍.   ഇതേ അനുഭവമാണ് നീലേശ്വരം തെരുവിലെ ചെന്തമല വീട്ടില്‍ വസുമതി അമ്മയ്ക്കും പറയാനുള്ളത്.

ജൂണ്‍ 25 മുതല്‍ ജൂലൈ നാല് വരെ നടക്കുന്ന കര്‍ണ്ണാടക പത്താംതരം പരീക്ഷയെഴുതാന്‍ ജില്ലയില്‍ നിന്ന് 367 വിദ്യാര്‍ഥികള്‍. ജില്ലയില്‍ നിന്ന് പരീക്ഷയെഴുതുന്ന വിദ്യാര്‍ഥികള്‍ക്കാവശ്യമായ സജ്ജീകരണങ്ങള്‍ ദക്ഷിണ കന്നഡ ഭരണകൂടം ഒരുക്കിയിട്ടുണ്ട്. ജില്ലയുടെ വിവിധ അതിര്‍ത്തി കേന്ദ്രങ്ങളില്‍ നിന്ന് പരിക്ഷ എഴുതുന്ന വിദ്യാര്‍ഥികള്‍ക്ക് വാഹന സൗകര്യം ഒരുക്കിയിട്ടുണ്ട്. ഇതിനായി പ്രത്യേകം നോഡല്‍ ഓഫീസര്‍മാരെയും നിയോഗിച്ചു.

പരീക്ഷാ ദിവസങ്ങളില്‍ തലപ്പാടി വരെ കെ എസ് ആര്‍ടി 

സര്‍വ്വീസ്- ജില്ലാ കളക്ടര്‍

കേരള സൈഗാൾ എന്നറിയപ്പെടുന്ന  പാപ്പുക്കുട്ടി ഭാഗവതരുടെ നിര്യാണത്തിൽ അഗാധമായ ദുഃഖം രേഖപ്പെടുത്തുന്നതായി സാംസ്‌കാരികമന്ത്രി എ.കെ. ബാലൻ അനുശോചനസന്ദേശത്തിൽ അറിയിച്ചു. മലയാള നാടക, സിനിമ, സംഗീത മേഖലകളിലെ ഒരു നൂറ്റാണ്ടിന്റെ വികാസപരിണാമങ്ങൾക്ക് സാക്ഷിയായ അദ്ദേഹം 107-ാം വയസിലാണ് വിട പറഞ്ഞത്. പതിനയ്യായിരത്തോളം വേദികളിൽ അദ്ദേഹം നാടകം അവതരിപ്പിച്ചു. ഇരുപത്തഞ്ചോളം സിനിമകളിലും അഭിനയിച്ചു. മേരിക്കുണ്ടൊരു കുഞ്ഞാട്(2010) എന്ന സിനിമയിലാണ് അവസാനമായി അദ്ദേഹം പാടിയത്. മഹാനായ ഒരു കലാകാരനെയാണ് നമുക്ക് നഷ്ടമായതെന്നും കുടുംബാംഗങ്ങളുടെ ദുഃഖത്തിൽ പങ്കുചേരുന്നതായും മന്ത്രി പറഞ്ഞു.
പി.എൻ.എക്സ്. 2243/2020

പ്രശസ്ത നടനും ഗായകനുമായ പാപ്പുക്കുട്ടി ഭാഗവതരുടെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചിച്ചു. ബാലനടനായി ചലച്ചിത്രരംഗത്ത് വന്ന അദ്ദേഹം നടനായും ഗായകനായും ഏഴു പതിറ്റാണ്ടിലേറെ നാടക-സിനിമാ മേഖലകളിൽ സജീവമായിരുന്നു. അദ്ദേഹത്തിന്റെ സംഭാവനകൾ കലാകേരളം എന്നും സ്മരിക്കുമെന്ന് മുഖ്യമന്ത്രി പറഞ്ഞു.
പി.എൻ.എക്സ്. 2242/2020